Еттинчи босқич номзодларни танлашда якуний босқич
ҳисобланади. Тақдим этилган ҳужжатлар таҳлили (4,5,6-босқичлар)
асосида ва мос келувчи таркибий бўлинма раҳбарининг фикрини
ҳисобга олган ҳолда иш берувчи (ташкилот раҳбари ёки у ваколат
берган шахс номидан) танлов жараёнидан муваффақиятли ўтган
номзод билан меҳнат шартномаси тузиш ҳақида қарор қабул қилади.
Саккизинчи босқич танлаб олинган номзод билан меҳнат
шартномасини расмийлаштириш, иш берувчининг номзодни ишга
қабул қилиш ҳақида буйруқ тайёрлаши ва чиқаришидан иборат.
Бундай буйруқ чиқариш учун асос бўлиб асосий ва қўшимча
ҳужжатлар тақдим этилган ҳолда меҳнат шартномаси хизмат қилади.
97
Ташкилот эълон қилган бўш лавозимларга номзодлар танлашга
ёндашувнинг умумийлигини таъминлаш учун қатор корхона ва
фирмаларда танлов ўтказиш ҳақида Йўриқномалар ишлаб чиқилган
ва амал қилмоқда.
