Учебная программа курса по развитию функциональной грамотности 15-летних школьников, потенциальных участников pisa-2015
жүктеу/скачать 448.35 Kb.
|
| 3-қосымша
15 жастағы білім алушылардың функционалдық сауаттылығын дамыту үшін сабақ кезеңдерін ұйымдастырудың әдістемелік нұсқаулары (А.Қ. Қисымова мен Е.Б. Нұрланованың сабақтың технологиялық картасын қолдану мысалында) Педагогика теориясы бойынша кез келген педагогикалық технология оқу мақсаттарын егжей-тегжей қоюымен, яғни тарау, бөлім және жеке тақырыптар бойынша саралауымен ерекшеленеді. Б. Блумның психологиялық зерттеулері таным үдерісінің 5 сатыдан (білім, түсінік, қолданыс, анализ, синтез және бағадан) тұратынын көрсетсе, педагогикалық технологияны қолданудың отандық тәжірибесі дәстүрлі педагогикалық практикада білім алушылар таным үдерісінің алғашқы екі, әрі кеткенде, үш сатысына сәйкес келетін мақсаттарға ғана жететінін көрсетеді. Осылайша дәстүрлі оқыту білім алушыларда аналитикалық, синтездік және бағалау дағдыларын қалыптастыруға бағытталмаған десе болады. Бұл дерек қазақстандық 15 жасар білім алушылардың PISA-2009 және PISA-2012 зерттеулеріндегі нәтижелері растайды. Өткен ғасырдың орта шенінде Б. Блум таксономиясы түсініктілігімен әрі заманауи білім беру парадигмасы жағдайында да кеңінен қолдануға жарамдылығымен көзге түседі. Ондағы білім алу қызметінің үш саласы (танымдық, эмоциялық және психомоторлы сала) білім (knowledge), бағдар (attitude) және дағдыларға (skills) сәйкес келеді. Олай болса, бұл таксономия оқытудың арнайы бір түрінен гөрі біртұтас оқыту процесінің мақсаттары болып табылады. Оқытушылар БДБ, яғни «білім, дағды және бағдар» (KSA – Knowledge, Skills, and Attitude) деп атап кеткен бұл жүйе дәстіүрлі «білім-білік, дағды» (ББД) үштағанының аналогы болып көрінетін секілді. Алайда Блум таксономиясы орыс тілді көздерде нашар зерттелген. Зерттеушілер таксономияны мән-мағынасын жоғалтатындай қарапайым күйде береді, әдебиетте таксономияға мардымсыз түсініктеме берілген. Ал ұдайы түпнұсқа ағылшын дереккөзіне сілтеме жасалуы, бұл еңбектің қазақ я орыс тіліне тұтас аударылмағанын көрсетеді. 1-қосыммаша берілген Б. Блумның танымдық сала таксономиясы бойынша оқу мақсаттарын тұжырымдау мен оқу тапсырмаларын құрастыру картасы ағылшын дереккөзінен алынып аударылған [10]. Блумның танымдық немесе когнитивтік сала таксономиясы А.Қ. Қисымова мен Е.Б. Нұрлановтың технологиялық сабақ картасында мақсатты ұстаным ретінде қолданылған. Картаның жалпы көрінісін 4-қосымшадан көрсе болады. Білімділік, дамытушылық және тәрбиелік мақсаттары болып бөлінетін оқыту мақсаттарына орала отырып, Блум таксономиясында сабақ мақсаттарын дәстүрлі сабақпен салыстыруға болады (7-кесте). 7-кесте – Таксономия туралы. Блумның сабағының дәстүрлі, сабақпен салыстырмалы мақсаты
жүктеу/скачать 448.35 Kb. Достарыңызбен бөлісу:
| ||