Коллоидты – дисперстік жүйелер, олардың алынуы және тазартылу

Коллоидтық ерітінділерді басқаша зольдер деп те атайды. Олар еріткішке байланысты гидрозоль, алкозоль, бензозоль, этерозоль болып бөлінеді. Коллоидтық ерітінділердің дисперстік фазаларының дисперсиялық ортамен әрекеттесуі олардың маңызды сипаттамасы болып есептеледі және осыған байланысты зольдер 2 топқа бөлінеді:

1. Зольдердің бөлшектері еріткішпен нашар әрекеттесетін коллоидтар лиофобты, егер еріткіш су болса, гидрофобты деп аталады. Оларға металдардың, кейбір гидрооксидтердің (Fe(OH)₃) тұздардың (AgJ, As₂, S₃) канифольдің зольдері жатады.

2. Диспестелген бөлшектер еріткішпен әрекеттесетін коллоидтар лиофильді деп аталады, егер еріткіш су болса, гидрофильді болады. Оларға белоктың, крахмалдың, желатиннің ерітінділері жатады. Оларды басқаша ЖМҚ-тардың нақты ерітінділері деп те атайды.