Закон за изменување и дополнување на Закон за акцизите, по скратена постапка второ и трето читање

Има збор госпоѓа Казанџиска Билјана, повелете.

Госпоѓа Мазгалоска Вучетиќ Светлана има збор, повелете.

Почитувани граѓани, заменик министер, колеги пратеници,

И овој дополнет предлог закон исто така е од сетот на оние 120 закони кои што се донесуваат по скратена постапка во собранискиот дом. Јас би сакала на кратко да го изнесам моето мислење по овие предлог промени за кои што дебатиравме на долго и на широко на седницата на Комисијата за здравство. Главно законот се однесува на усогласување на Законот за здравствено осигурување со Законот за административни службеници и Законот за вработените во јавниот сектор. Меѓутоа тука има и одредени измени кои што би требало да се дискутираат за да биде јасно дека имаме и уште една новина дека се воведува дваца директори на Фондот за здравствено осигурување нешто што веќе еднаш беше а сега се враќа повторно и токму на таа новина на членот 57 од Законот на ставот 1 се однесуваше и нашиот амандман со кој што баравме членот 57 се промени и да имаме еден директор на Фондот за здравствено осигурување што е многу попрактично и ќе се покаже како поекономично. Зошто баравме да биде само еден директор а не двајца директори како што имаше претходно тоа ќе го поткрепам со неколку примери кои што се покажаа како штетни. Имавме двајца менаџери од кој едниот од тука а другиот од странство со кој што сакаше Владата да покаже ако се донесе човек од надвор и ако се претстави како експерт дека тоа ќе биде многу поуспешно и ќе може да се реализираат реформите поефикасно или пак ако сакаме да бидеме искрени ќе можеме на тој начин зад странскиот експерт да затскриеме одредени цели кои што ги планираме со реформите во здравството. Се покажа како непрактично бидејќи странецот кој што го донесе Владата даде повеќе изјави направи повеќе работи кои што беа се, само не корисни за здравството во Република Македонија. Тој најпрво истакна дека ќе треба да се направат големи политички резови, или да се направат дополнителни пари, за да може да се подобри состојбата во Фондот за здравствено осигурување. Меѓутоа тоа е најмалата штета што овој странски експерт ја направи во Фондот за здравство. Има еден пример кој што би требало и вреди да се слушне од страна на граѓаните. Од штетата на двајца дирктори или двајца менаџери, кои што работеа со Фондот за здравствено осигурување.

Во делот на тоа кој го направи циркусот во Фондот за здравствено осигурување, со одлуката за намалување на референтните цени над 300 лекови. Оваа одлука или листа на лекови кои што треба да бидат над 300 намалени референтните цени се донсе и се објави во службен весник, со потпис на овие двајца директори, едниот домашен, едниот странски експерт, меѓутоа објавена беше во петок, за веднаш после празниците да биде повлечена оваа одлука, исто така поништена е и од Управниот одбор, и од страна на тогашниот министер Бујар Османи.

Штетата која што се прави со вакви решенија треба да ни биде пример дека немаме потреба од двајца менаџери, од двајца директори, одврзани потписи, кои што можат да бидат штетни со носењето на вакви одлуки. Бидејќи и покрај одбивањето да се признае дека овие двајца директори ја потпишале оваа одлука и едниот и другиот одбијаа да го признаат, меѓутоа како што и сами знаеме, медиумите се секогаш тие кои што, тоа им е всушност и работа да пронајдат што е вистината. Вечер објави дека документот каде што е потпишана листата за намалување на референтните цени над 300 лекови, се потпишани и двајцата менаџери. Тоа е една од штетите која што го претрпува зравството со врзаните потписи или со двајцата директори. Би сакала да го поткрепам својот исказ со уште еден податок зошто не треба да имаме двајца директори, ова е изјава на господинот Владимир Лазаревиќ, кој што е поранешен заменик министер за здравство и автор на двете изборни платформи на владеачката ВМРО ДПМНЕ кој што објаснува дека ова сега што се прави во Фондот за здравствено осигурување е спротивно на неговите идеи. Тој вели дека денеска навистина нема потреба да имаме директор на Фондот за здравствено осигурување, многу би било подобро кога би имале координатор или техничко лице кое што всушност беа спроведувано, реализацијата на идеите на владините иницијативи. Оваа изјава е само потврда колкава е зависноста на Фондот за здравствено осигурување од Владата, од актуелното Министерството за здравство.

Меѓутоа оваа реформа која што сега се прави, не е ништо ново. Ваква реформа за двајца директори, за врзаниот потпис беше уште 2007 година, кога на чело со некои сега отсутни пратеници тука од првиот ред на владеачкото мнозинство ја убедуваше опозицијата дека многу подобро ќе биде кога скопските клиники, клиниките се распарчат на многу помали клиники, кога наместо еден директор ќе имаме двајца директори освен медицински ќе имаме и организационен директор. Дека врзаниот потпис ќе биде многу подобар, а во правец на тоа дека ќе се заштита клиниките од злоупотреба. Меѓутоа од сето тоа, од сите тие реформи во 2007 година, немаме никаков резултат, освен оној дека во здравството после 2009 година, кога со опростување едни на други на долговите клиниките по меѓу себе се израмнија на некој начин и оттогаш наваму пораст на долгот на јавните здравствени установи изнесува така ни повеќе ни помалку околу 2 милијарди 404 милиони и 580 илјади денари, или над 45 милиони евра. Тоа е резултатот од работењето на директорите на клиниките. Од работењето на многубројните директори, на бројните директори на врзаниот потпис, даде резултати меѓутоа во негативна конотација и по работењето на клиниките и по квалитетот. Така да овие реформи кои што сега ги донесуваме и го враќаме значи двојството или работењето на двајца директори нема да донесе некоја позитива, од она што до сега имавме можност да го видиме, воведувањето на нов начин на полагањето на испитите на директорите, не е ништо друго, почитувани граѓани, само начин како да се заташка на некој начин или да се покрие неуспешното работење и неуспешното менаџирање на досегашните директори на клиниките, кои што продуцираа огромни долгови. Тие долгови може самите граѓани па и вие да се отвори страната на Фондот за здравствено осигурување, да се види како растат долговите, тоа многу убаво се гледа и тие долгови секојдневно се се поголеми, податокот кој што јас сега го изнесувам е подток до ноември 2013 година.

Понатаму не се труделе оние кои што се одговорни да го изнесуваат долгот, бидејќи можеби и сметале дека нема потреба или како што тоа го рече моменталноит директор на Фондот за здравствено осигурување. Долговите се релативизираат, а ако тоа се релативизираат само она изгледа знае. Во претходната дискусија што ја имав за Законот за здравствена заштита која што е исто така како и овој и од неколкуте наредни кои што доаѓаат од областа на здравството и се од сетот на 120-те закони по скратена постапка и значат усогласување со Законот за административни работници, го запрашав заменик министерот дали од тн., соработка на Македонија, на министерот за здравство од Македонија со Италија, со Универзитетот Свето Срце, има некој резултат до сега, се надевам дека во меѓувреме заменик министерот успеал да набави податоци и да каже колку тоа лекари од Македонија ќе имаат можност да се доедуцираат бидејќи сите овие нови закони, бараат доедукација на лекарите и имаат можност да се доедуцираат во Италија или дали воопшто ќе стане збор за размена на нивни лекари кај нас, па да видиме која ќе биде користа, освен тоа што министерот на Италија вели дека имаме заеднички култури. Мислам дека во здравството не ни требаат заеднички култури, туку ни требаат искуства кои што ќе бидат потребни за грижата на здравјето на граѓаните. Благодарам.

Трајко Вељаноски: Благодарам.

Бидејќи е исцрпена листата на пријавени за збор, констатирам дека општиот претрес и претресот по членот 3 на дополнетиот предлогот на законот е завршен.

Врз основа на член 156 став 2 од Деловникот на Собранието, за седницата на Собранието не се поднесени амандмани на дополнетиот предлог на закон.

Поради тоа што Собранието не усвои ни еден амандман на дополнетиот предлог врз основа на член 162 од Деловникот на Собранието преминуваме на гласање по предлогот на закон во целина.

Согласно член 165 од Деловникот на Собранието, гласањето по оваа точка ќе се изврши утре во 11,00 часот.

Минуваме на точка 123 - Дополнет Предлог на закон за изменување и дополнување на Законот за санитарната и здравствената инспекција, по скратена постапка - второ и трето читање.

Дополнетиот предлог на Комисијата за здравство како матично работно тело и Законодавно правната комисија ви е доставен.

Отворам општ претрес и претрес по членот 1 на дополнетиот предлог.

Ги повикувам предлагачот и пратениците кои сакаат да говорат по општиот претрес и по претресот по членот 1 на Дополнетиот предлог на законот да се пријават за збор.

Благодарам.

Има збор господинот Диневски Менде, повелете.

Овој закон, Законот за санитарна и здравствена инспекција вклучително и законите за заштита од јунизирачко зрачење и Законот за лекови, медицинските помагала се однесуваат на една измена, а тоа е измената во делот на изборот на директори, кои критериуми треба да ги исполнува директорот за да биде избран на оваа позиција. И тоа е добро ако сакате да го регулирате ова прашање, но, ниту на комисиската расправа, ниту вие, ниту министерот за здравство не даде образложение зошто ни се предлагаат овие измени сега, токму во овој период во еден пакет од 120 закони, а истите ќе почнат да се применуваат една година, од кога ќе влезе Законот во сила, а одредбата за познавање на странски јазик ќе отпочне да се применува две години од денот на влегување на овој закон.

Ако за претходните два закони, Законот за здравствена заштита и Законот за здравствено осигурување, каде што предлагавте да изборот на директор да се направи со тоа што ќе има по двајца директори и во едниот закон и во другиот закон, особено оној за здравствена заштита на терцијално ниво, до некаде, се обидувавме да ве убедиме дека таквите законски решенија се погрешни. И ако во исто време, сега само што го разгледавме Законот за здравствено осигурување, а веќе на наредната седница која денес почна е во постапка за изменување и дополнување повторно на Законот за здравствено осигурување, пак по скратена постапка, но на некои други членови.

Сакам да ве прашам, има ли концепт Владата и знае ли Владата каде се движи? Да ист закон, два пати го менувате, два пати предлагате да се донсе по скратена постапка, а тврдите, дека истиот не е обемен и дека за тоа нема потреба да оди по редовна постапка. А, притоа тврдите дека реформите што ги правите во делот на здравството, ви се осмислени, дека тоа е концепт за кој вие се залагате и дека вие од тој концепт не отстапувате. А ни се случува на пример Законот за здравствена заштита, да го менуваме на три седници на Собрание последователно и тоа да го менуваме во истиот дел, на исти членови. На членовите каде што се врши изборот за директор. И претпоставувам за ова ќе добијам одговор, или молчењето ќе каже дека тоа што го тврдиме ние е точно, а тоа е дека ВМРО ДПМНЕ и Владата немаат концепт каде се движат. Туку како ќе му дојде на дневна основа така предлагаат закони, така истите закони ги предлагаат по скратена постапка, ќе кажат само заради тоа што имало од два до три членови во Законот, не е обемен закон и законот треба да оди по скратена постапка. И сето тоа ќе беше добро, ама знаете зошто не е добро? Затоа што вие и тие членови и тие закони што ги предлагате кои се два до три на број, ги предлагате погрешно. Чист пример е овој законот за санитарна и здравствена инспекција кој го предлагате по скратена постапка. Во него вие велите дека изборот на директор, односно кандидатот, лицето кое ќе биде именувано за директор, треба да ги исполнува следните услови. И во точка 3, стои дека треба да има стекнато 300 кредити согласно кредит трансфер системот. А медицински факултет има 360 кредити. И сега, предлагате измена на Законот, а при тоа не знаете колку кредити теба да има лицето кое ќе го назначите за директор. А велите дека не е обемен. Не е обемен од три члена е законот. Ама клучната работа вие сте ја згрешиле. И сега ако не беа овие од опозицијата, да предложеа измена на законот, а вие да го прифатите, бидејќи очигледно е дека ги правите грешките и не знаете што предлагате и ги копирате закон, по закон, закон по закон, бидејќи за сите инспекции имате предвидено 300 кредити, а за медицински факултгет, обврската е нешто сосема друго, ќе кажете дека тенденциозно зборуваме и кога ќе ви ги уочиме грешките и кога ќе ви ги предложиме амандманите и кога ќе дискутираме во Комисија за здравство, тогаш сме го правеле тоа, заради тоа што сме сакале нешто пред граѓаните поинаку да покажеме. Чист пример е ова законско решение кое денес го предлагате.

И за тоа, ако веќе сакате на една седница да предложите 120 закони, и ако тие ги предлагате, тогаш направете ги така како што треба. Или пак, застанете во Министерството за здравство, бидејќи очигледно некој таму или не знае да пишува закони, или најдете некој што тоа може да го направи, тогаш нека предложи законско решение, кое навистина ќе биде по скратена постапка и кое навистина нема да биде ниту обемно и ќе ги исполнува условите согласно Деловник. Но при тоа кога ќе го правите тоа и задржете се само на измената за која велите дека е усогласување. Да речеме во делот на законите во јанвиот сектор и администрацијата. Не одете на дополнителни измени кои вие пропратно сакате да ги протнете во законите и на мала врата да кажете дека нема да ги видат. Но пратениците од опозицијата ќе ги видат и ќе ги читаат.

И за тоа почитуван заменик министер, овој закон сега и наредните два закони што се, како и вклучително сите 120 закони во изминатите денови за кои говориме, а кои сите вие по скратена постапка тука ги предлагате и тврдите дека не се обемни и сложени, ќе добиете негативна, односно нема да ја добиете поддршката од опозицијата. За тоа што ем не знаете да ги напишете законите, ем истите закони кои ги предлагате не ги браните, ем пратениците од ВМРО ДПМНЕ и таму каде што им кажуваме дека се сериозни грешки, грешки во концепт, како што кажав и во делот на Законот за здравствена заштита и во делот на здравственото осигурување, вие како власт не сакате ниту да ги прифатите, ниту да ги корегирате. Ама, сето тоа оди на штета на граѓаните на Република Македонија. И непотребно огромни финансиски средства, пари се одвојуваат за непродуктивни трошоци, наместо да се одвојат за подобрување на здравствените услуги на граѓаните на Република Македонија. Благодарам.

Госпоѓа Казанџиска Билјана има збор, повелете.

Овој закон по скратена постапка како да гори нешто во Собранието, ќе важи од наредната година. Член 4, овој закон влегува во сила 8-от ден од денот на објавувањето во Службен весник, а ќе отпочне да се применува по една година од денот на влегување на сила на овој закон.