1. Умĕн ăнлантарни

Вĕрентÿ ăс-тăн пару никĕсĕ, унăн тĕп инструменчĕ – тăван чĕлхе. Тăван чĕлхене вĕрентесси виçĕ пайран тăрать:

1) вулама -çырма вĕрентесси;

2) вулавпа çыхăнуллăн пуплеве аталантарасси;

3) пуплеве пур енлĕн аталантарнă май чĕлхе пулăмĕсемпе паллаштарасси, пуплеве тишкерме вĕрентесси.

Çак виçĕ пая пуплеве аталантарас тĕллев пĕрлештерсе тăрать. Çапла вара, тăван сăмахлăха вĕрентни кирлĕрен те кирлĕ ăслайсемпе хăнăхусене аталантарса çирĕплетессипе тÿрремĕнех çыхăнмалла. Çав ăслайсемпе хăнăхусем шутĕнче – ăнланса вуласси тата тăнласси, çыхăнуллă калаçасси, çырасси.

Ача пуплевĕнчи тĕп ĕç-хĕлсене (тăнлассине, калаçассине, вулассине, çырассине) аталантарса пынипе пĕрлех тăван чĕлхе вĕрентнĕ чух 3-мēш класра çакăн пек пысăк та пархатарлă тĕллевсене пурнăçламалла:

- вĕренекенсен çынлăх туйăмĕсене вăйлатмалла, пурнăçа юратма, ырра шанса тăма тата хăйсене те ырă кăмăллă, сăпайлă пулма хăнăхтармалла;

- ачасем таврари пурнăç, этемпе çут çанталăк çинчен мĕн пĕлнине анлăлатмалла;

- ачасен çыхăнуллă тата сăнарлă шухăшлавĕпе асне, асăмлас хевтине аталантармалла;

- вĕренÿ ĕç-хĕлне лайăхрах хăнăхтарса, унăн ăслайĕсене «алла илме» май памалла; вĕренÿ вăхăчĕпе перекетлĕ усă курма, харпăр хăй тĕллĕн ĕçлессин ансатрах мелĕсене чухлама вĕрентмелле;

- тăрăшуллă та тимлĕ вĕренме, пĕлÿпе пурнăç тĕслĕхĕсен çăл куçĕпе – кĕнекепе кăсăкланма хăнăхтармалла.

Программăри вĕренÿ материалĕпе вĕрентÿ меслечĕсем ачасене çирĕп пĕлÿсемпе ăслайсем, кирлĕ хăнăхусем паччăр тесен дидактикăн тĕп принципĕсене асра тытса вĕренÿ ăнланулăхĕпе кăсăклăхне, çыхăнулăхĕпе тĕллевлĕхне ялан пурнăçласа пымалла.

2.«Чăваш чēлхи»предметăнпẽтẽмẽшле характеристики
3-мĕш класра чǎваш чĕлхи урокĕсенче вĕренÿçулĕтǎршшĕпех ачасем хутла вĕренеççĕ. Çак предмет 3-мĕш класра тĕп предмет шутланать. Вǎл ачана ытти предметсене вĕренмелли, ǎслайсене алла илмелли никĕс хывать.

Ачасене хутла вĕрентнĕ май аталантару ыйтǎвĕсем те анлǎн пурнǎçланса пыраççĕ. Вулама-çырма вĕренсе пынǎ май ачасем чĕлхе ǎслǎлǎхĕпе литература пĕлĕвĕн ансат ǎнлавĕсемпе паллашаççĕ. Пĕрлех вĕсен харпǎр хǎйĕн тата тантǎшĕсен пуплевне сǎнас, чĕлхене туйса ǎна тарǎнрах пĕлес туртǎм та амаланать.

Вулама-çырма вĕрентнĕ май, ачан пуплевĕн тĕп ĕç-хлĕсем (тǎнлу, калав, вулав, çыру) йĕркеленсе пыраççĕ. Çавǎн пекех вǎл вĕренÿ тĕп ǎслайĕсене те алла илсе пырать.

Предмет шалашĕнче ачасен туйǎмĕсене вǎйлатассипе, вĕсенчен ырǎ кǎмǎллǎ, сǎпайлǎçын ÿстерессипе çыхǎннǎ ыйтусем те ǎнǎçлǎ пурнǎçланса пыраççĕ.