2013 жылдың 1 қыркүйегіне Жаңақорған ауданы бойынша кәсіпкерлік және өнеркәсіп саласында атқарылған жұмыстар туралы мәлімет

Аудан ауылшаруашылық ауданымен қатар өнеркәсіпті ауданға айналып келеді. Өнеркәсіп өндірісінің өсімін айтар болсақ 2009 жылы 5 млрд 68 млн теңге болса 2012 жылы 20 млрд 955 млн теңге болып 3 жылда 4 есе артты. Биылғы жылы өнеркәсіп өнімдерінің көлемі 24-25 млрд теңгеге жетіп облыстың аудандары арасында Жаңақорған ауданы алдыңғы орындарда болады деп күтудеміз.

Алдағы жылдары, индустриялы-инновациялық дамудың екінші бесжылдығында ауданда бірнеше инвестициялық жоба іске асырылуы жоспарлануда. Жоба бастамашыларымен жобаларды нақтылау жұмыстары жүргізілуде. Олар: «Шалқия ЦИНК ЛТД» ЖШС-кен байыту фабрикасы, «Сырцемент» ЖШС-нің қуаты жылына 700 мың тонна цемент өнімін шығаратын зауытының құрылысы, қуаты 50Мвт күн электр станциясы, полиэтилен трубалары зауыты, минералды тыңайтқыш зауыты және басқа жобаларды іске асыру жоспарлануда.

Ауданда өнеркәсіп өнімдерін өндіру 2012 жылдың 8 айында 11334 млн теңгені құраса, 2013 жылдың 8 айында 19218 млн. теңге болып өсім 169 пайызға жетті.

2012жылдың 8 айын 2013 жылдың 8 айымен салыстыру

Көрсеткіштер	өлшем бірлігі	2012 жыл	2013 жыл	пайыз	Нақты көлемінің индексі, %
Барлық өндіріл. өнім	млн теңге	7122	19218	169	148,2
Оның ішінде заттай көлемде:
Сүт өнімдері	тонна	102	103	100,9
Қиыршық тас	мың куб	1183,6	1009,1	85,2
Күріш	тонна	5097	5112	100,3
Нан	тонна	2144	2144	100
Ауыз су	мың куб	555,2	643,2	115,8
Газет, бланка	мың дана	680	683	100,4
Күкірт қышқылы	мың тонна	12	222	10 есе

«Бизнестің жол картасы 2020» бағдарламасы аясында «Тату Агро» шаруа қожалығының томат өндеу зауытын электр энергиясымен қамтамасыз ету үшін құны 331 млн теңге болатын жоба жасалып аймақтық үйлестіру кеңесінде мақұлданды. Бұл жоба тек қана зауыт мәселесін шешіп қоймайды, бұл жоба Бесарық, Кеңес және Манап ауылдарын электр қуатымен қамтамасыз етуді жақсартады. Сондықтан бұл әлеуметтік маңызы бар жобаны іске асыру аса қажет деп есептейміз.

Жалпы 2014-2016 жылдары ауданға 60 млрд жуық теңгенің инвестициясы тартылады деп күтілуде.

Аталып өткен ірі жобалардан басқа бірнеше орта және шағын өндіріс және қызмет көрсету орындары ашылып жұмыс жасауда. Көп жылдардан бері аудан орталығындағы базар мәселесі шешілмей келетін. Жүргізілген жұмыстар нәтижесінде жаңадан құны 170 млн теңге, сауда алаңы 1200 шаршы метр болатын «Нұрасыл» сауда үйі салынып пайдалануға берілді. «Тасболат и К» жшс-гі құны 30,0 млн теңге, тәулікті қуаты 60,0 тонна күріш ақтайтын зауытты іске қосты. Жаңадан 2 кондитер цехтары ашылды. Қабырғалық құрылыс блоктарын (шлакоблок) шығару қарқын алуда. Бірнеше цехтар жұмыс істеуде. Ауданда өнеркәсіп өнімдерінің өсу қарқыны өткен жылдардағыдан жоғары болады деп есептеп отырмыз.

Аудан орталығынан кіші кәсіпкерлікке арналған шағын индустриялдық аймақ құру бағытында жұмыстар қызу жүргізілуде. Бұл өз кезегінде шағын кәсіпкерліктің өндірістік саласын дамытуға ықпал етеді. Мұнда наубайханалар, кондитер цехтары, темір және ағаш өңдеу цехтарын, түрлі шеберханалар және басқа шағын өндіріс орындарын ашуға болады.

Еліміздегідей Жаңақорған ауданында да кәсіпкерлік күнделікті өмірімізден нық орын алып, көптеген азаматтардың тіршілік көзіне айналды. Әлеуметтік маңызы бар бұл салаға аудан әкімдігі тарапынан тұрақты қолдау көрсетіліп үздіксіз жұмыс атқарылуда.

Атап айтар болсақ, кәсіпкерлікті дамыту бағытындағы аймақтық бағдарламалардың орындалуын, кәсіпкерлердің құқықтарын қорғауды қамтамасыз ету, кәсіпкерлікті қолдау туралы заңнама бойынша сұрақтар жөнінде ақпараттық-түсіндіру жұмыстарын жүргізу, қысқа мерзімдік оқыту жүргізу, басым жобаларға іріктеу жасап, олардың мониторингін жүргізу, кәсіпкерлік нысандармен шарт жасау барысында аймақ тұрғындарының әлеуметтік-экономикалық мүдделерін сақтауға байланысты сұрақтарды шешу.

Аудан халқын азық-түлікпен және тұрмыстық заттармен қамтамасыз ету және басқа түрлі қызметтер көрсетуді шағын кәсіпкерлік нысандары атқарып келеді.