2015 жылғы 1 шілдедегі облыс бюджетінің атқарылуы туралы

2015 жылдың 1 шілде айында облыс бюджетіне 117 723,1 млн.теңге болжаммен 118259,9 млн.теңге кірістер түсті, соның ішінде 76206,2 млн.теңге сомасы республикалық бюджеттен берілген субвенция мен нысаналы трансферттерді құрады.

Меншік кірістері

қарыздардың түсімі

Субвенция

Нысаналы трансферттер

Қаржылық активтерден сатудан түскен түсімдер

Алты айдың қорытындысы бойынша жеке тұлғалардан көлік құралдарына арналған салықтан (99,5%), ішкі істер департаменттер салатын айыппұлдар, өсімпұлдар, санкциялар, өндіріп алулар (69,7%) және азаматтардың пәтер сатудан түскен түсімдерден (80,4%) басқа, болжам барлық кіріс көздері бойынша орындалды.

Облыстық бюджетке 2015 жылғы 1 шілдедегі жағдай бойынша 16876,5 млн.теңге болжаммен 17256,3 млн.теңге меншік кірістері түсті, асыра орындау 379,8 млн.теңгені құрады.

2015 жылғы 1 шілдедегі облыс бюджетінің меншік кірістер бойынша атқарылуы

(млн.теңге)

жеке табыс

әлеуметтік салық

бекітілген кірістер

субвенция

трансферттер
Республикалық бюджеттен алынған нысаналы трансферттер, субвенция ескере отырып, барлық деңгейлер бюджеттерде бекітілген бағдарламаларды іске асыруға 116872,4 млн.теңге жұмсалды.

Облыстың мемлекеттік мекемелерді ағымдағы ұстауға 98565,3 млн.теңге, даму бюджеттік бағдарламаларына 18307,1 млн.теңге бағытталды.

Облыстың білімі беруіне 42781,1 млн.теңге жұмсалды немесе 99,6% орындалды, оның ішінде:

- мектепке дейінгі тәрбиелеу және оқыту ұйымдарының қызметін қамтамасыз ету және қолдау көрсетуге – 4386,3 млн.теңге;

- облыстың қалалары мен аудандарындағы жалпы білім беруге – 26876,4 млн.теңге, соның ішінде облыстың мектеп, гимназиялар, лицейлер, бастауыш, негізгі орта және жалпы орта білім беру профильді мектептер, мектептер-балабақшаларға – 24956,8 млн.теңге, арнайы білім беру оқу бағдарламалары бойынша жалпы білім беруге – 960,3 млн.теңге, мамандандырылған білім ұйымдарында дарынды балаларға жалпы білім беруге – 959,3 млн.теңге;

- техникалық және кәсіптік білім беру мен оқытуға – 3867,5 млн.теңге.

Сонымен қатар, облыстық бюджеттен ағымдағы кезенге жетімдерді, ата-анасының қамқорынсыз қалған балаларды  әлеуметтiк қамсыздандыруға (балалар үйлер, баспаналар, отбасы үлгісіндегі  балалар ауылдары, патронат тәрбиешілерге берілген баланы (балаларды) ұстауға 640,8 млн.теңге бағытталды, яғни 99,4% құрайды.

Денсаулық сақтау бойынша екі айдың қорытындысы бойынша атқарылу 21762,5 млн.теңге немесе 100%-ды құрады. Диабет, онкологиялық, гемофилиямен ауыратындарды, ЖИТС инфекциясын жұқтырған, гематология, сондай-ақ, халыққа иммунды алдын алу жүргiзу үшiн вакциналарды және басқа иммундық-биологиялық препараттарды сатып алуға 4333,2 млн.теңге қаражат жұмсалды. Жергілікті бюджет қаражаты есебінен тегін медициналық көмектің кепілдік берілген көлемін қайтаруға шығындарды ағымдағы қаржыландыруға 4606,7 млн.теңге жұмсалды. Республикалық бюджеттен берілген трансферттер есебінен аудандық және ауылдық маңызы бар денсаулық сақтау субъектілерінің тегін медициналық көмектің кепілдік берілген көлемі шеңберінде халыққа медициналық көмек көрсетуге және ТМККК шеңберінде бекітілген халыққа амбулаториялық-емханалық көмек көрсетуге 10346,5 млн.теңге жұмсалды. Онкологиялық ауруларға тегін медициналық көмектің кепілдік берілген көлемі шеңберінде көмек көрсетуге республикалық бюджеттен берілетін трансферттер есебінен 1520,7 млн.теңге жұмсалды.

2015 жылы жекелеген санаттағы қажет ететін азаматтарға жәрдемақылар төлеу жүзеге асырылуда: тұрғын үй көмегі – 87,4 млн.теңге, мемлекеттік атаулы әлеуметтік көмегі – 85,9 млн.теңге, 18 жасқа дейінгі балаларға мемлекеттік жәрдемақылар – 233,0 млн.теңге қарастырылды.

Жұмыспен қамту бойынша игеру жоспардың 602,2 млн.теңгесінің 579,0 млн.теңге сомасында 96,2%-ды құрады.

2015 жылы білім объектілерін дамытуға республикалық және облыстық бюджеттер қаражаттары есебінен 9134,7 млн.теңге қарастырылды, соның есебінен Зырян ауданының Зырян қаласы, Риддер қаласы, Аягөз ауданының Аягөз қаласы, Абай ауданы Қарауыл ауылы, Үржар ауданы Үржар ауылының балабақшалар, Бесқарағай, Глубокое, Жарма, Зярын, Катонқарағай, Тарбағатай, Үржар аудандары және Өскемен қаласының орта мектептер құрылысы жалғастырылатын болады. Есеп беру кезеңінде 3557,1 млн.теңге игерілді.

Сондай-ақ, республикалық бюджеттен берілетін трансферттер есебінен Семей қаласында денсаулық сақтау обьектілері мен жедел медициналық көмек стансасы және Өскемен қаласындағы 200 төсекті балалар ауруханасының құрылысы бойынша құрылыс жұмыстары жалғастырылатын болады, оларға 298,2 млн.теңге жоспарланып, оның 169,5 млн. теңгесі немесе 73%-ға игерілді.

Облыстық бюджет қаражаты есебінен Өскемен қаласындағы облыстық қан орталығы, Семей қаласының жедел медициналық көмек стансасы құрылысы (қоса қаржыландыру), Семей қаласындағы облыстық онкологиялық диспансерінің радиологиялық орталығының құрылысы (1 және 3 кезек), Бородулиха, Бесқарағай, Глубокое, Зайсан, Ұлан, Күршім, Катонқарағай, Тарбағатай, Шемонаиха аудандарындағы және Семей қаласындағы 20 келушілерге арналған 15 дәрігерлік амбулаториясының құрылысы, Ново-Канайка ауылындағы облыстық психоневрологиялық аурухана құрылысына арналған ЖСҚ әзірлеу және Өскемен қаласындағы Халықтар достығы көшесі, 1 бойынша 212 келушілерге арналған емхана ретінде ғимаратты қайта жаңартуға 2151,6 млн.теңге сомасында шығыстар жоспарланған, есепті кезеңде 1407,5 млн.теңге немесе 99 %-ға игерілді.

Есеп беру жылы әлеуметтік қамсыздандыру объектілерін дамытуға Зырян ауданының Грехово кентіндегі мүмкіндіктері шектеулі тұлғалар үшін оңалту орталығы ретінде Грехов кенішінің әкімшілік-шарушылық корпусының ғимаратын қайта жаңартуға (қоса қаржыландыру), Глубокое ауданындағы Зимовьев үй-интернатының құрылысына (қоса қаржыландыру), Семей қаласындағы мүгедек балалар үшін оңалту орталығының құрылысына ЖСҚ әзірлеу және Шемонаиха ауданы Выдриха ауылындағы Уба шипажайының 100 орынды асханасы, акт залы, емдеу корпусының құрылысына 52,3 млн.теңге жоспарланды.

Облыстық бюджеттен мәдениет және спорт объектілерін дамытуға Өскемен қаласындағы қазақ драма театрының құрылысына, Семей қаласындағы Абай атындағы әмбебап кітапханасының ғимаратын қайта жаңарту, Катонқарағай ауданы Үлкен Нарын ауылының және Бесқарағай ауданы Бесқарағай ауылының 160 көрерменге арналған дене шынықтыру-сауықтыру кешенінің құрылысына, Өскемен қаласындағы Темирязев көшесі, 177 бойынша қалпына келтіру орталығымен және тренажер залы бар ойнау спорт залы, Зайсан ауданының Зайсан қаласының ипподромы құрылысына 455,9 млн.теңге сомасында қаражаттар қарастырылды. Есеп беру кезеңінде 90,4%-ға игерілді.

Ішкі істер органдарының базаларын нығайту үшін 127,4 млн.теңге қарастырылды, оның есебінен УҰИ ретінде үй-жайы бар Затон полиция бөлімін қайта жаңартуға және Семей қаласында қазандық құрал-жабдығын орнатуға, конференц-залды жартылай қайта жаңартумен Семей қаласындағы ІІД ғимаратына жедел басқару орталығы ретінде жапсаржай құрылысы жүргізілді.

Қаражаттың басым бағыты облыстың елді мекендерінің сумен жабдықтау жүйесін дамыту болып табылады. Ағымдағы жылы сумен жабдықтау жүйесін дамытуға 1375,3 млн.теңге республикалық бюджеттен трансферттер жоспарланды, олардың есебінен Өскемен, Семей, Курчатов және Риддер қалаларында, Аягөз, Бесқарағай, Күршім, Үржар, Ұлан аудандарында сумен жабдықтау жүйелеріне қайта жаңарту жұмыстары жүргізілетін болады. Сонымен қатар, облыстық бюджеттен берілетін трансферттер есебінен сумен жабдықтау жүйесінің объектілерін дамытуды қоса қаржыландыруға жоғарыда аталған аудандарда 383,3 млн.теңге қарастырылды, 148,0 млн.теңгесі немесе жоспарланған қаражаттың 83%-ы игерілді.

Тұрғын үй құрылысын дамыту бағдарламасы бойынша республикалық бюджеттен трансферттер мен кредиттер және Қазақстан Республикасының Ұлттық қоры есебінен 6506,4 млн.теңге жоспарланды, оның есебінен коммуналдық және ипотекалық тұрғын үй құрылысы, сондай-ақ инженерлік-коммуникациялық инфрақұрылым құрылысы жоспарланды.

Ағымдағы жылы облыстық бюджеттен берілетін трансферттер есебінен мемлекеттік коммуналдық тұрғын үй қорын салу және сатып алуға 2737,6 млн.теңге қарастырылды, 1416,8 млн.теңге немесе 100%-ға игерілді.

Облыстың көлік инфрақұрылымын жақсарту мақсатында 2015 жылы республикалық бюджеттен берілетін трансферттер есебінен және облыстық бюджеттің қаражатынан Ұлан ауданындағы «Аюда» Манат-демалу базасы» автожолын салуға, Бородулиха ауданындағы «Жезкент» шекара өткізу пунктіне кіре берісін қайта жаңартуға, Күршім ауданындағы «Ақжайлау-Уранхайка» учаскесінде «Теректі-Уранхайка-Төсқайың» автожолын қайта жаңартуға ЖСҚ әзірлеуге және ШҚО Семей қаласының ұшу-қону жолағы, рулежді жолдары және әуежайдың әуебекетін қайта жаңартуға және облыс жолдарына орта мен күрделі жөндеуге және ішкі әуетасымалдауды субсидиялауға 6016,3 млн.теңге сомасында қаражат жоспарланды.

Семей қаласында қазіргі жылумен жабдықтау жүйесін қайта құру және жаңғырту бойынша жұмысты жалғастыруға республикалық бюджеттен 2100,0 млн.теңге сомасында трансферттер бөлу қарастырылды, есеп беру кезеңінде 1214,4 млн.теңгеге немесе 100%-ға игерілді.

Риддер, Зырян, Курчатов, Серебрянск сияқты моноқалаларды дамыту және абаттандыру мәселелерін шешу үшін 1879,8 млн.теңге қарастырылды.

2015 жылғы 1 шілдедегі жағдай бойынша Шығыс Қазақстан облысы үшін республикалық бюджеттен 33982,8 млн.теңге сомасында нысаналы трансферттер қарастырылды, нақты 33982,8 млн.теңге келіп түсті, оның ішінде есеп беру кезеңінде 33091,3 млн.теңге немесе 97,4%-ы игерілді.