№3902 2005 жылғы 19 қазандағы Қазақстан Республикасының Әділет

2. Қазақстан Республикасы Ұлттық Банкінің аумақтық филиалы (бұдан әрі – аумақтық филиал):

1) өзінің қызметін бажсыз сауда дүкенінің кедендік режимінде жүзеге асыратын;

2) өзінің қызметін ішкі су, теңіз, әуе, теміржол және халықаралық тасымалдаулар жасайтын автомобиль көлігінде жүзеге асыратын тұлғаларға қолма-қол шетел валютасымен бөлшек сауданы жүзеге асыруға және қызмет көрсетуге лицензия береді.

3. Қазақстан Республикасы Ұлттық Банкінің (бұдан әрі – Ұлттық Банк) қолма-қол шетел валютасымен бөлшек сауданы жүзеге асыруға және қызмет көрсетуге лицензиясы басты болып табылады және оларды иеленушілерге олар бөлшек сауданы жүзеге асыру және қызмет көрсету кезінде қолма-қол шетел валютасымен есеп айырысуға құқық береді.

4. Қолма-қол шетел валютасымен бөлшек сауданы жүзеге асыруға және қызмет көрсетуге байланысты қызметке қойылатын біліктілік талаптарына:

1) басшысының Қазақстан Республикасының аумағында валюталық операциялар жүргізу тәртібін реттейтін заңнаманы меңгеруі;

2) өтініш берушінің қызметкерлерінде қолма-қол шетел валютасымен жұмыс істеу жөніндегі кәсіби даярлықтың болуы;

3) бажсыз сауда дүкенін құруға кеден ісі мәселелері бойынша уәкілетті органның лицензиясының болуы (бажсыз сауда дүкендерінде сауданы жүзеге асыруға өтініш берген тұлғалар үшін)

4) ультракүлгін сәулемен бақылауды қоса алғанда ақша белгілерінің түпнұсқалығын анықтаудың кемінде үш тәсілін үйлестіретін, ақша белгілерінің түпнұсқалығын анықтауға арналған техникалық құралдардың болуы;

5) бажсыз сауда дүкенінің кедендік режимінде өз қызметін жүзеге асыратын сауда нүктесі үшін (бұдан әрі – сауда нүктесі)– күзет қызметін жүзеге асыратын субъектінің орталықтандырылған бақылау пультіне қосылған дабыл және күзет сигнализациясының (мүмкін болмаған жағдайда кассалық үй-жай орналастырылған үйдің күзет постына қосуға рұқсат етіледі), сондай-ақ өрт сигнализациясының болуы кіреді).

5. Осы Ережеде белгіленген біліктілік талаптарына сәйкес келмейтін лицензиаттың Қазақстан Республикасында қолма-қол шетел валютасымен бөлшек сауданы жүзеге асыруға және қызмет көрсетуге құқығы жоқ.

6. Резидент қолма-қол шетел валютасымен бөлшек сауданы жүзеге асыруға және қызмет көрсетуге лицензия алу үшін “Лицензиялау туралы” Қазақстан Республикасының Заңының 16-тармағында, “Валюталық реттеу және валюталық бақылау туралы” Қазақстан Республикасы Заңының 10-бабының 1), 3-9) тармақшаларында көзделген құжаттарды ұсынады.

Өтініш осы ереженің 1-қосымшасында белгіленген нысан бойынша ұсынылады.

Өтініш берушінің біліктілік талаптарына сәйкес келуін растайтын құжаттар ретінде мынадай құжаттар ұсынылады:

1) уәкілетті банктің өтініш берушінің қолма-қол шетел валютасымен бөлшек сауданы жүзеге асырумен және қызмет көрсетумен тікелей айналысатын қызметкерінде қолма-қол шетел валютасымен жұмыс бойынша кәсіби даярлығын растайтын анықтамасы;

2) уәкілетті органның бажсыз сауда дүкенін құруға кеден ісінің мәселелері жөніндегі лицензиясының көшірмесі (бажсыз сауда дүкенінде сауданы жүзеге асыруға өтініш берген тұлғалар үшін).

7. Осы Ереженің 2-қосымшасында белгіленген нысан бойынша қолма-қол шетел валютасымен бөлшек сауданы жүзеге асыруға және қызмет көрсетуге лицензия немесе лицензия беруден бас тарту резидент құжаттардың толық пакетін ұсынған күннен бастап отыз күнтізбелік күн ішінде беріледі.

Шағын кәсіпкерлік субъектісі болып табылатын резидентке қолма-қол шетел валютасымен бөлшек сауданы жүзеге асыруға және қызмет көрсетуге лицензия немесе лицензия беруден бас тарту резидент барлық қажетті құжаттарды ұсынған күннен бастап он күнтізбелік күн ішінде беріледі. Бұл ретте өтініште заңды тұлғаның шағын кәсіпкерлік субъектісі болып растайтын жазба жасалуы тиіс.

Лицензия беруден бас тарту Қазақстан Республикасының заң актілерінде көзделген жағдайларда жүргізіледі.

8. Қолма-қол шетел валютасымен бөлшек сауданы жүзеге асыруға және қызмет көрсетуге лицензия алған резидент сатылатын тауарлар мен қызмет көрсетулер үшін ақыны шетел валютасымен қатар Қазақстан Республикасының ұлттық валютасымен қабылдайды.

9. Лицензия берудің алдында өтініш берушінің осы Ереженің 4-тармағының 1), 4), 5) тармақшаларында көзделген біліктілік талаптарына сәйкестігін аумақтық филиал құратын комиссия тексереді.

Тексеру қорытындылары бойынша комиссия өтініш берушінің (оның қызметкерінің) біліктілік талаптарына сәйкес келетіні не келмейтіні туралы қорытынды жасайды.

Лицензиат басшысы ауысқан жағдайда басшы ауысқан күннен бастап он жұмыс күні ішінде бұл туралы лицензия берген аумақтық филиалға хабарлайды (қосымша сауда нүктелері үшін – қосымша сауда нүктесі орналасқан жер бойынша аумақтық филиал). Аумақтық филиал хабарлама алған күннен бастап он жұмыс күні ішінде басшының Қазақстан Республикасының аумағында валюта операцияларын жүргізу тәртібін реттейтін заңнаманы білуін тексереді.

10. Осы Ереженің 2-тармағының 1) тармақшасына сәйкес лицензия алған лицензиат қосымша сауда нүктесін ашу туралы шешім қабылданған күннен бастап бес жұмыс күні ішінде бұл туралы лицензия берген аумақтық филиалға сауда нүктесінің орналасқан деректемелерін көрсете отырып жазбаша хабарлауға міндетті.

11. Резидентке лицензия берген аумақтық филиал лицензиаттың сауда нүктелері бойынша жалпы есеп жүргізеді.

Лицензия берген аумақтық филиал он жұмыс күні ішінде берілген лицензияның көшірмесін және сауда нүктесін ашу туралы хабарламаны қоса бере отырып аумағында сауда нүктесі орналасқан жер бойынша аумақтық филиалына лицензиаттың сауда нүктесін ашатыны туралы хабарлайды.

12. Аумағында сауда нүктесі орналасқан жер бойынша аумақтық филиалы лицензиаттың сауда нүктесін ашқандығы туралы хабарламаны алған күннен бастап он күн ішінде сауда нүктесі үй-жайының, сондай-ақ оның қызметкерлерінің осы Ереженің 4-тармағында белгіленген біліктілік талаптарына сәйкес келуін тексереді және екі данамен тексеру жөніндегі тиісті қорытынды жасайды, оның бір данасы қосымша сауда нүктесінде, ал екінші данасы қосымша сауда нүктесі орналасқан жер бойынша аумақтық филиалда қалады.

13. Біліктілік талаптарына сәйкес келмеушілік анықталған жағдайда қосымша сауда нүктесі орналасқан жер бойынша аумақтық филиал қорытындыда анықталған сәйкес келмеушіліктерді жою мерзімін белгілейді. Көрсетілген мерзім отыз күнтізбелік күннен аспауы тиіс.

Қорытындыда көрсетілген, анықталған жөнсіздіктерді жою үшін белгіленген мерзім аяқталғаннан кейін қосымша сауда нүктесі орналасқан жер бойынша аумақтық филиал сауда нүктесін қайтадан тексеруді жүзеге асырады, оның нәтижесі бойынша да тиісті қорытынды жасалады.

14. Анықталған жөнсіздіктер жойылмаған жағдайда, сондай-ақ валюталық заңнаманы бұзушылықтар анықталған кезде қосымша сауда нүктесі орналасқан жер бойынша аумақтық филиал тиісті қорытындыға қол қойылған күннен бастап бес жұмыс күні ішінде лицензияны берген аумақтық филиалға анықталған фактіні хабарлайды. Лицензия берген аумақтық филиал лицензияны тоқтата тұруға құқылы.

15. Лицензиат сауда нүктесін жапқан кезде лицензия берген аумақтық филиалға қосымша сауда нүктесін жабу туралы шешім қабылдаған күннен бастап бес жұмыс күні ішінде көрсетілген шешімнің қабылданғанын растайтын құжаттың көшірмесін қоса бере отырып хабарлайды.

Лицензия берген аумақтық филиал он жұмыс күні ішінде қосымша сауда нүктесін жабу туралы хабарламаны қоса бере отырып қосымша сауда нүктесі орналасқан жер бойынша аумақтық филиалға лицензиаттың сауда нүктесін жабатыны туралы хабарлайды.

16. Қолма-қол шетел валютасымен бөлшек сауданы жүзеге асыруға және қызмет көрсетуге лицензия алған лицензиат лицензия берген аумақтық филиалға тоқсан сайын, есепті тоқсаннан кейінгі айдың жиырмасына дейін осы Ереженің 3-қосымшасына сәйкес тұтастай алғанда өзінің барлық сауда нүктелерінің қызметі жөнінде шоғырландырылған негізде есеп береді.

17. Лицензия берген аумақтық филиал Ұлттық Банкке автоматтандырылған режимде:

қолма-қол шетел валютасымен бөлшек сауданы жүзеге асыруға және қызмет көрсетуге берілген лицензиялар туралы мәліметтерді;

осы Ереженің 3-қосымшасының нысаны бойынша лицензиаттардан алатын шетел валютасының қозғалысы туралы есептерін ұсынады.

18. “Лицензиялау туралы” Қазақстан Республикасы Заңында белгіленген жағдайларда, сондай-ақ осы Ереженің 6-тармағының 2) тармақшасында көрсетілген кеден ісі мәселелері жөніндегі уәкілетті органның лицензиясы қайтарып алынған жағдайларда Ұлттық Банктің қолма-қол шетел валютасымен бөлшек сауданы жүзеге асыруға және қызмет көрсетуге берген лицензиясы өзінің іс-әрекетін тоқтатады.

Лицензия берген аумақтық филиал электрондық почта құралдары арқылы барлық уәкілетті банктерге лицензияларды қайтарып алғаны және іс-әрекетін тоқтатқаны туралы хабарлайды.

Қазақстан Республикасында қолма-қол шетел валютасымен бөлшек сауданы жүзеге асыруды және қызмет көрсетуді лицензиялау ережесіне 1-қосымша __________________________________'>__________________________________ (Қазақстан Республикасының Ұлттық Банкі аумақтық филиалының атауы) ___________________________________ (басшының аты-жөні) басшысына

Қолма-қол шетел валютасымен бөлшек сауданы жүзеге асыруға

өтініш
___________________________________

(өтініш иесінің атауы)

Өтініш иесінің кәсіпорындар мен ұйымдардың жалпы жіктеушісі бойынша коды____

Өтініш иесінің салық төлеушісінің тіркеу нөмірі_____________________

_____бажсыз сауда дүкенінің кедендік режимінде;

_____ теңіз, ішкі су, әуе, теміржол және халықаралық тасымалдаулар жасайтын автомобиль көлігінде (қажеттісін белгілеу керек)

қолма-қол шетел валютасымен бөлшек сауданы жүзеге асыруға және қызмет көрсетуге лицензия алу туралы.

(өтініш иесінің атауы)

табылатынын растаймыз (шағын кәсіпкерлік субъектілері үшін).
Өтініш иесінің уәкілетті тұлғасы:
_______________________ ________________ ______________

(қызметі) (аты-жөні) (қолы)

200___ж. «___»____________ Мөрдің орны

Қазақстан Республикасында қолма-қол шетел валютасымен бөлшек сауданы жүзеге асыруды және қызмет көрсетуді лицензиялау ережесіне 2-қосымша

Қолма-қол шетел валютасымен бөлшек сауданы жүзеге асыруға

лицензия
№ ______________ 200___ж. «_____»_____________

«Лицензиялау туралы», «Валюталық реттеу және валюталық бақылау туралы» Қазақстан Республикасының Заңдарына және Қазақстан Республикасының Ұлттық Банкі Басқармасының 2005 жылғы 15 қыркүйектегі № 115 қаулысымен бекітілген Қазақстан Республикасында қолма-қол шетел валютасымен бөлшек сауданы жүзеге асыруды және қызмет көрсетуді лицензиялау ережесіне сәйкес _______________________

(резиденттің атауы)

_______бажсыз сауда дүкенінің кедендік режимінде;

_______ ішкі су, теңіз, әуе, теміржол және халықаралық тасымалдаулар жасайтын автомобиль көлігінде (қажеттісін белгілеу керек)

қолма-қол шетел валютасымен бөлшек сауданы жүзеге асыруға және қызмет көрсетуге лицензия береді.

Лицензиат:

тауарлардың және көрсетілетін қызметтердің ақысына сондай-ақ Қазақстан Республикасының ұлттық валютасын қабылдауға;

Қазақстан Республикасының Ұлттық Банкі Басқармасының 2005 жылғы 15 қыркүйектегі № 115 қаулысымен бекітілген Қазақстан Республикасында қолма-қол шетел валютасымен бөлшек сауданы жүзеге асыруды және қызмет көрсетуді лицензиялау ережесінің 3-қосымшасына сәйкес мәліметтерді беруге міндетті.

Осы лицензияның талаптарынан туындайтын құқықтар үшінші тұлғаларға берілмейді.

______________________ ___________________ __________

(қызметінің атауы) (қол қоюға арналған орын) (аты-жөні)

200___ж. ________ тоқсандағы

шетел валютасының қозғалысы туралы есеп

лицензиаттың атауы Лицензиаттың кәсіпорындар мен ұйымдардың жалпы жіктеушісі бойынша коды лицензиаттың салық төлеушісінің тіркеу нөмірі пошта мекен-жайы, телефоны, факсы Ұлттық Банк лицензиясының нөмірі және берілген күні

_______________ _______________ _______________ _______________ _______________

(валюта бірлігімен)

Лицензиаттың уәкілетті тұлғасы:

(қызметінің атауы) (қол қоюға арналған орын) (аты-жөні)

бас бухгалтер ______________________ _______________

(қол қоюға арналған орын) (аты-жөні)