Абай ауданының 2012 жылдың 2 тоқсандағы әлеуметтік-экономикалық даму қорытындысы Өнеркәсіп

Бүгінгі күні аудан бойынша 411899 бас қой-ешкі малы (104%), 49553 бас мүйізді ірі қара (101,5%), 23193 бас жылқы (106%) малдары қолда бар.

37 шаруа қожалықтары асыл тұқымды мал өсірумен айналысуда. Оның ішінде қой малының тұқымын асылдандыру жұмысымен -24 шаруашылық, жылқыдан -12 шаруашылық, ірі қара малынан -1 шаруашылық. 11 мал соятын орын, 1 малдәрігерлік дәріхана бар.

«Сыбаға» бағдарламасы негізінде 4 шаруа қожалығы 32 млн. теңге несие алды, «Жайлау» бағдарламасы бойынша 20 адам 50 млн. теңге несие алды. Ауыл шаруашылығын қаржылай қолдау қоры арқылы 13 адам 11 млн. теңгенің шағын несиесін алды.

Ресей Федерациясының Барнауыл қаласына – 1 рет, Астана қаласына – 1 рет, Өскемен қаласына – 2 рет, Семей қаласына – 3 рет, Риддер қаласына – 1 рет, Қарауылда - 5 рет жәрмеңке ұйымдастырылып, ауылдық округ шаруа қожалықтары белсенділікпен қатысты.

Қыстамаға қажетті жоспарлы – 115,0 мың тонна қатаң мал азығының 10,4 мың тоннасы дайындалды.

Ауылшаруашылық малдарының аса қауіпті жұқпалы ауруларының алдын алу, барлық нысандағы ауылшаруашылық малдарын егу-емдеу және диагностикалық тексерулерге 65 млн. 338 мың теңге бөлінді.

Жергілікті бюджеттен 9 ауылдық округке қаңғыбас ит пен иесіз мысықтарды жоюға 920 мың теңге қаражат бөлінді.

Құны 200,6 млн. теңгенің құрылыс монтаж жұмыстары атқарылды. Оның ішінде 122,8 млн. теңге Спорт модуль салу, 23,9 млн. теңгеге мәдениет үйін жөндеу, 25,2 млн. теңгеге әкімшілік ғимаратын жөндеу, 19,9 млн. теңгеге «Нива» дүкенін өлкетану мұражайы етіп қайта жөндеу жұмыстары, 8,8 млн. теңгеге орталық кітапхана ғимаратын ағымдағы жөндеу жүргізілуде.

6 айда меншікті кірістер 87 млн. 480 мың теңгеге жоспарланып, 107 млн. 766 мың теңгеге орындалды немесе 123,2 пайыз.

Бюджет шығысы 1 млрд. 104 млн. 545 мың теңгеге жоспарланып, ол 1 млрд. 103 млн. 063 мың теңгеге орындалды немесе 99,9 пайыз. Қаржы қалдығы 1 млн. 482 мың теңге, оның ішінде 197,8 мың теңге жетім балаларды асыраушылар контингентінің 18-ден 17-ге азайғандықтан қалды, бұл қаражат қайтарылуға жатады. 788,1 мың теңге мемлекеттік сатып алу үнемі есебінен. Бұның ішінде 482,0 мың теңгесі тұрғын үй сатып алу үнемі есебінен. Қалған 496,2 мың теңге 40 бюджеттік бағдарлама әкімшілерінің ұсақ қаржылары.
Сумен қамтамасыз ету
Аудан бойынша бүгінгі күні 7 елді мекенде су құбыры жұмыс жасап (Қарауыл, Кенгірбай би, Архат, Қасқабұлақ, Құндызды, Медеу және Саржал), халықты сапалы ауыз сумен қамтамасыз етуде.

Аудан тұрғындары мен мекемелерді ауыз сумен жергілікті «Риза» КМҚК қамтамасыз етеді. Су құбыры желілерінің жалпы ұзындығы аудан бойына 84,6 шақырым, 18 скважина бар. Ауыз сумен қамтамасыз ету жүйесіне жергілікті бюджеттен 9 млн. 145 мың теңге бөлінді.

2012 жылға аудан бюджетінен аудандық маңызды жолдарды қысқы-жазғы ұстау, күтіп ұстауға 10 млн. 264 мың теңге бөлінді. Қаңтар-маусым айында 4294,0 мың теңгесі игерілді. Паспортизациялауға 1 млн. 523 мың теңге болініп, жолдардың техникалық құжаттары дайындалуда.

18 маусым күні Кенгірбай би ауылдық округіндегі №24 кәсіптік лицейі «Абай колледжі» коммуналдық мемлекеттік мекемесі болып қайта құрылды. Биылғы жаңа оқу жылына кәсіби маман кадрларды даярлайтын мамандықтар ашылып отыр. Мысалы: сварщик, жануарларды ветеринарлық өңдеуші операторы, саяхат жүргізушісі, құрылыс шебері мамандықтарына студентер қабылдайды.

Жұмыссыздарды әлеуметтік жағынан қолдау көрсету және жұмыссыздықты азайтудың бір түрі ақылы қоғамдық жұмысқа 146 адам тартылды.

Жұмыссыз азаматтарға, кәсіптік білім беру және қайта даярлықтан өткізу мақсатында жиыны 14 адам оқуға жіберілді.

Жастар іс тәжірибесінен жоғарғы және арнаулы оқу орындарын бітіріп келген 8 жастар өтуде. Әлеуметтік жұмыс орындарына аз қамтамасыз етілген 7 адам, жиыны 80 адам жұмысқа орналасты.
Білім беру
Бүгінде аудан бойынша 10 орта білім беретін, 1 негізгі мектеп жиыны 11 білім мекемесі жұмыс істейді. Оның 7-і шағын құрамды, 1- орта мектеп, 1 гимназия және 1 мектеп-лицей ретінде жастарға білім мен тәрбие беруде. Сонымен қатар 2 қосымша білім беру мекемесі – саз және өнер мектептері, 3 балабақша, 9 шағын орталық жұмыс жасайды. Мектеп жасына дейінгі 1144 балардың 5,2 пайызы, яғни 746 бала оқумен қамтылуы қамтылып отыр, былтырғы жылмен салыстырғанда 116,2 пайыз. Олардың 3 балабақшада 382 бала, мектептер жанындағы 9 шағын орталықта 364 бала.

Алты айда білім бөліміне 544 млн. 026 мың теңге қаратылып, игерілді. Оның ішінде 10 млн. 058 мың теңге ыстық тамақпен қамтамасыз етуге, 1 млн. 200 мың теңге оқушыларды «Бақанас» туристік-сауықтыру демалыс орындарына жіберу үшін бөлінді. Бүгінде мектептердегі барлық 1-4 сынып оқушылары, мектепке дейінгі білім беру ұйымдары ыстық тамақпен қамтамасыз етілген. Өткен жылы ҰБТ қорытындысы бойынша орта көрсеткіші– 99,29 балл болса, биыл 60,6 балл.