І. Қазақ тілі синтаксисінің әдістемелік жағынан зерттелуі

Қазақ тілі синтаксисі – қазақтың ғасырлар бойы қалыптасқан, өрбіп өскен ойын танытатын тіл ғылымының бір саласы. Қазіргі қазақ тілі синтаксисі мәдениеті мен ғылымы әлемге танылған қазақ ұлты ойының зор табысы. Адамның басында қандай ой туса да, ол тек тілдік материал негізінде ғана туып, өмір сүре алатынын, тілдік материалдан аулақ, жалаң ой дегеннің болмайтынын еске алсақ, қазақ халқының ойы қазақ тілінде сөйлемдер арқылы танылып отыратыны белгілі.

1. 
   Оқушылардың ойлау қабілеті мен тілін, дүние танымын дамыту.
   
2. 
   Қазақ тілі ғылымы табысының негізінде оқушыларға синтаксистен тиянақты да терең, саналы білім беру.
   
3. 
   Қазақ тілі нормасына сай ойын, өз түсінігін дұрыс айта және дұрыс жаза алатындай оқушыларға дағдылар беру.
   
4. 
   Оқушыларды ана тілін сүюге, оның алтын қорын пайдалана білуге және оны құрметтеуге тәрбиелеу.
   
5. 
   Дене еңбегін де, ақыл-ой еңбегін де атқаруға, ғылым мен мәдениет саласында белсенді қызмет етуге қабілетті, білімді адамдарды тәрбиелеп, даярлап шығаруға үлес қосу [34].
   

Қазақ тілі синтаксисінің әдістемесі – жастарға сөз тіркесі мен жай және құрмалас сөйлемдерден, қазақ тілі пунктуациясынан терең, де жүйелі білім беруде қолданылатын ең тиімді әдістер мен тәсілдердің жиынтығы. Оның зерттеу объектісі мен зерттеу әдістері, негізі мен мазмұны және әдістемесі бар.

1. 
   Синтаксистен орта мектеп оқушыларына берілетін білім көлемін белгілеу.
   
2. 
   Синтаксистен берілетін білімнің танымдық және тәрбиелік мәнін ашу.
   
3. 
   Синтаксисті оқушыларға меңгертуге байланысты мұғалімдердің өзіндік ерекшеліктерін зерттеу.
   
4. 
   Синтаксисті оқыту әдістері мен тәсілдерін анықтау.
   
5. 
   Синтаксисті оқытуға байланысты жүргізілетін негізгі жұмыстардың түрлерін белгілеу.
   
6. 
   Қазақ тілі синтаксисі әдістемесінің ұғымдары мен терминдерін жасау.
   
7. 
   Қазақ тілі синтаксисі әдістемесінің құрылысы мен зерттеу әдістерін айқындап, оның басқа пәндермен байланысын ашу [34, 72б.].
   

Осыған байланысты қазақ тілі синтаксисі әдістемесіне мынандай

1. 
   Байқау әдісі.
   
2. 
   Түсіндіру әдісі
   
3. 
   Әңгіме әдісі.
   
4. 
   Жаттығу әдісі.
   
5. 
   Кітапты пайдалану әдісі.
   
6. 
   Грамматикалық талдау.