Қазақстан республикасы білім және ғылым министрлігі тараз мемлекеттік педагогикалық институты бірінші курс студенттерінің анықтама-жолсілтеушісі смж аж 15-38/2-3-123-2015 Тараз

Анықтама-жолсілтеуші ТарМПИ студенттеріне арналған.

2 ТарМПИ оқу ғимараттарының орналасуы......................................................5

3 ЖОО-ын кім басқарады?.................................................................................6

4 ТарМПИ факультеттерінің байланыс ақпараты..............................................6

5 Сіз ең бірінші нені білуге тиіссіз?...................................................................8

6 ТарМПИ-да кредиттік оқыту технологиясы бойынша оқу

үдерісін ұйымдастыру.....................................................................................8

7 Білім беру траекториясын таңдау........................................................................12

8 Оқу пәніне жазылу тәртібі................................................................................... 12

9 «PLATONUS» автоматтандырылған ақпараттық жүйесі..............................13

10 Білімді бағалау мен бақылау қалай жүзеге асырылады?.............................14

11 Қазақстан Республикасының Президенті белгілеген стипендиялары қалай тағайындалады....................................................................................................15

12 ТарМПИ-да академиялық ұтқырлық бағдарламасы.....................................15

13 Жазғы семестр...............................................................................................16

14 «Жас талап» студенттердің ғылыми жұмысы байқауы................................18

15 ТарМПИ-дағы тәрбие жұмысы....................................................................18

16 Қосымша педагогикалық білім беру факультеті...............................................19

17Оқу төлем ақысына жеңілдіктер беру туралы....................................................19

18 Студенттердің құқықтары мен міндеттері........................................................20

19 «Студенттер үйінде» тұратын білім алушылардың құқықтары

мен міндеттері............................................................................................................20

20 Егер Сіз сабаққа қатыса алмай қалсаңыз не істеуіңіз керек?...........................21

21 Білім алушыларды ауыстыру және қайта қабылдау.........................................22

22 Студенттерді оқудан шығару процедуралары...................................................24

23 Жоғары оқу орнын бітіру туралы құжаттар.......................................................24

24 Келісу парағы........................................................................................................25

Студенттік өмір әр түрлі істер мен толғаныстарға толы. Жоғары оқу орнына түсу кезінде Сізге кездескен қиындықтар – білім шыңына шығу жолындағы қиын да қызықты жолдың басы ғана. Сізді алда кітаптары мен еңбектері Қазақстанға және шетелдерге белгілі профессорлар мен оқытушылардан білім алу, алдыңғы қатарлы ғылыми мектептердің жетістіктерімен танысу, ғылыми орталықтар мен мұражайларда жұмыс істеу күтіп тұр. Сіз өзіңізге маман болуға көмектесетін, уақыт өте келе ғылым мен мәдени элита әлеміне қосатын іскерлік пен дағдыға ие боласыз.

Сізге институт өміріне белсене араласады деп сенеміз. Тараз мемлекеттік педагогикалық институтының профессор-оқытушылар құрамы Сіздің студенттік өміріңіздің сан қырлы болуына барлық жағдай жасайды. Біз Сіздің шығармашылық және интеллектуалдық мүмкіндіктеріңіздің іске асуына көмектесеміз.

Бұл анықтама-жол сілтеушіде біз ТарМПИ-ның әрбір студентін қызықтыратын әртүрлі сұрақтарға жауап беруге тырыстық.

ТарМПИ-ның ректоры – тарих ғылымдарының докторы, профессор, ҚР ҰҒА корреспондент-мүшесі Қожамжарова Дария Пернешқызы (байланыс телефоны 43-58-06).

Оқу-әдістемелік жұмыстар жөніндегі проректор - педагогика ғылымдарының докторы, профессор Амандосова Расима Сейдуалықызы (байланыс телефоны 42-63-91).

Тәрбие және әлеуметтік жұмыстар жөніндегі проректор –Джолдасова Орынқыз Көпбосынқызы (байланыс телефоны 43-58-08).

Сіз оқу үрдісінде және жеке басыңызда туындайтын барлық мәселелер бойынша әр уақытта проректорларға баруларыңызға болады.

Тіркеуші офисі – бұл студенттердің оқуда қол жеткізген жетістіктерінің барлық тарихын тіркеумен айналысатын және оның академиялық рейтингісінің есебі мен білімін бақылаудың барлық түрін ұйымдастыруды қамтамасыз ететін академиялық қызмет.

Тіркеуші офисі оқытудың кредиттік жүйесі бойынша институтта білім алушылардың білім сапасының бақылауын ұйымдастыру үшін және тіркеу процесін оперативті басқару, академиялық жазбалардың қалыптастырылуы мен сақталуы үшін жеке бөлім болып құрылған.

Тіркеуші офисінің директоры Алимбаева Сауле Курмантайқызы социология ғылымдарының кандидаты (байланыс телефоны 42-65-33).

ТарМПИ-да болашақ мұғалімдерді 6 күндізгі және 1 қашықтықтан және сырттай білім беру факультеті дайындайды. Өзіңізге болашақта қажет болатын қосымша мамандық игергіңіз келсе, онда Сіздің қосымша педагогикалық білім беру факультетінде оқуға мүмкіндігіңіз бар.

Студенттер бөлімінде студенттердің жеке ісі өңделеді, басқа мекемелерге қажетті құжаттар жіберіледі.

Егер Сізге анықтама, құжаттан көшірме керек болса, студенттер бөліміне барыңыз. Басқа жоғары оқу орнына ауысуға, қайта қабылдауға құжат дайындау осы студенттер бөлімінде жүзеге асырылады.

1 курста мемлекеттік грант негізінде оқитын барлық студенттер шәкіртақы алу үшін банктік карточкасын рәсімдеулері қажет.

Сізге ТарМПИ студенті екеніңізді растайтын студенттік билет беріледі. ТарМПИ ғимараттарына студенттік билетіңізбен кіруге рұқсат беріледі. Егер Сіз әртүрлі жағдайлармен студенттік билетіңізді жоғалтып алсаңыз, деканатқа барып уақытша рұқсат қағаз аласыз. Студенттік билет жоғалған жағдайда оның дубликатына тапсырыс беруіңіз керек.

Институтта оқу сабақтары академиялық күнтізбеге сәйкес жүргізіледі.

Сабақ кестесі бір семестрге жасалады және семестрдің басталуына 10 күн қалғанда ілінеді.

ЖОО-дағы сабақтар мектептегіден өзгешелеу болып келеді. Сабақтың бір сағаты академиялық сағат деп аталады, ол 50 минутқа тең болады. Әрбір сабақтан кейін 10 минут үзіліс беріледі.

Сабақ кезінде өз бетінше аудиториядан кіріп-шығуға болмайды. Сырт киімді киім шешетін орынға өткізу керек. Сабақ кезінде ұялы телефонды пайдалануға болмайды.

Институтта сабақтарды өткізу үшін әрбір курс оқу ағымдарына бөлінеді.

ТарМПИ-да КРЕДИТТІК ОҚЫТУ ТЕХНОЛОГИЯСЫ БОЙЫНША

ОҚУ ҮДЕРІСІН ҰЙЫМДАСТЫРУ

Институтта оқу үдерісі кредиттік оқу технологиясы бойынша жүргізіледі.

Жаңа терминдер және түсініктермен танысу үшін біз сізге глоссарий дайындадық.

(Глоссарий) – бұл білім беру үрдерісінде кездесетін жаңа терминдер мен түсініктер.

2) академиялық кезең (Теrm) - үш нысанның біреуін таңдайтын өз білім беру ұйымының еркімен белгіленетін теоретикалық кезең: семестр, триместр, тоқсан;

3) академиялық мобильдік – білім алушыларды немесе оқытушы-зерттеушілерді белгілі бір академиялық кезеңге: семестр немесе оқу жылына өзге жоғары оқу орнына (ел ішінде немесе шетелде) игерген білім бағдарламаларын міндетті түрде кредит түрінде сынақ ретінде тапсыра отырып өз ЖОО-сында немесе өзге ЖОО-да білімін жалғастыру немесе зерттеулер жүргізу үшін ауыстыру;

4) академиялық еркіндік – білім беру үрдісінің субъектілеріне оларды таңдау бойынша жиынтық пәндерден, оқытудың қосымша түрлерінен білім мазмұнын дербес анықтау үшін және білім алушылардың, оқытушылардың шығармашылық дамуына және оқытудың инновациялық технологиялары мен әдістерін қолдануға жағдай жасау мақсатында білім беру қызметін ұйымдастыру үшін ұсынылатын білім беру процесі субъектілерінің өкілеттіктер жиынтығы;

5) білім алушының академиялық рейтингі (Rating) – аралық аттестаттау нәтижелері бойынша жасалатын білім алушының оқу бағдарлама пәнін игеру деңгейінің сандық көрсеткіші;

6) академиялық деңгей (Degree) – қорытынды аттестаттау нәтижелері бойынша, тиісті оқу бағдарламаларын меңгерген білім алушыларға білім беру ұйымдары тағайындайтын дәреже;

7) академиялық сағат кесте бойынша оқу сабақтардың (аудиториялық жұмыс) барлық түрлерi немесе жеке бекiтiлген график бойынша білім алушылардың оқытушымен байланыс жұмысының уақыты;

8) белсенді үлестірмелі материалдар (КҮМ) (Hand-оuts) - білім алушының тақырыпты шығармашылықпен табысты меңгеру үшін оқу сабақтарында таратылатын көрнекі безендірілген материалдар (дәріс тезистері, сілтемелер, слайдтар, мысалдар, глоссарийлер, өз бетінше жұмыс істеуге арналған тапсырмалар);

9) білім алушыларды қорытынды аттестаттау (Qualification Eхamination) - мемлекеттік жалпыға міндетті білім беру стандартында қарастырылған оқу пәндерінің игеру дәрежесін немесе көлемін анықтау мақсатында өткізілетін рәсім;

10) білім алушыларды аралық аттестаттау - білім алушының емтихан сессиясы кезеңінде бір пәннің толық көлемін немесе бір бөлігінің мазмұнын аяқтап болғаннан кейін оның игеру сапасын бағалау мақсатында өткізілетін рәсім;

11) білім алушылардың өзіндік жұмыстары (бұдан әрі - БӨЖ) - өз бетінше оқуға берілген, оқу-әдістемелік әдебиеттермен және ұсынымдармен қамтамасыз етілген, тест, бақылау жұмыстары, коллоквиумдар, рефераттар, шығармалар мен есеп берулер түрінде бақыланатын тақырыптардың нақты тізбесі бойынша жасалатын жұмыс; білім алушының санатына қарай ол студенттің өзіндік жұмыстары (бұдан әрі - СӨЖ), БӨЖ-дің барлық көлемі білім алушылардан күнсайын өзіндік жұмыстарды талап ететін тапсырмалармен расталады;

12) білім алушылардың оқудағы жетістігі - білім алушылардың оқу үдерісінде алатын және жеке тұлғаның қол жеткізген даму деңгейін көрсететін білімі, іскерліктері мен дағдылары, құзыреті;

13) білім алушылардың үлгеріміне ағымдық бақылау – академиялық кезең ішінде, оқытушымен өткізілетін аудиториялық және аудиториялардан тыс сабақтарда білім алушылардың білімін оқу бағдарламасына сәйкес жүйелі түрде тексеру;

14) межелік бақылау – бір оқу пәнінің ірі бөлімін (модулін) аяқтағанда білім алушылардың оқу жетістіктерін бақылау;

15) білім алушыларды аралық аттестаттау - білім алушылардың бір оқу пәнін оны зерделеп бітіргеннен кейінгі бір бөлігінің немесе бүкіл көлемінің мазмұнын меңгеру сапасын бағалау мақсатында жүргізілетін рәсім.

16) білім алушыларды қорытынды аттестаттау – студенттердің білім деңгейіне сәйкес мемлекеттік жалпыға міндетті білім беру стандартында көзделген пәннің оқу бағдарламасын игеру дәрежесін айқындау мақсатында жүргізілетін рәсім;

17) жеке оқу жоспары (бұдан әрі - ЖОЖ) - білім алушымен ҮОЖ және элективті пәндердің каталогы негізінде эдвайзердің көмегімен әрбір оқу жылына дербес жасалатын оқу жоспары;

18) Еуропалық трансферт (аударым) және несиелік жинақтау жүйесі (ECTS) білім беру траекториясы, оқу орны және оқыту елі ауысқан жағдайда білім алушылардың игерген оқу пәндерін (кредит мен бағаларын қоса алғанда) салыстыру және қайта сынақтан өткізуде пайдаланылатын білім беру бағдарламалары компоненттеріне сынақ бірліктерін (несие) белгілеу әдісі;

19) кредит (Credit, Credit-hour) – білім алушының/оқытушының оқу жұмысы көлемін өлшейтін сәйкестендірілген бірлігі;

20) кредиттік оқыту технологиясы - білім алушы мен оқытушының оқу жұмысы көлемінің біріздендірілген өлшем бірлігі ретінде кредитті қолдану арқылы, білім алушының пәндерді таңдауы және реттілікпен оқуын дербес жоспарлауы негізінде оқыту;

21) оқу пәнiне жазылу (Enrollment) – білім алушылардың оқу пәніне белгілі бір тәртіппен алдын ала жазу рәсімі;

22) оқу жетістіктерін бағалаудың балдық рейтингтік әріптік жүйесі - халықаралық тәжірибеде қабылданған әріптік жүйедегі сандық эквивалентіне сәйкес келетін және білім алушылардың рейтінгін белгілеуге мүмкіндік беретін балл түріндегі оқу жетістіктерінің деңгейін бағалау жүйесі;

23) Офис регистратор - білім алушылардың оқудағы жетістіктерінің барлық тарихын тіркеумен айналысатын және білімін бақылаудың барлық түрлерін және оның академиялық рейтингісіне есеп жасауды ұйымдастыруды қамтамасыз ететін академиялық қызмет;

24) оқытушының басшылығымен жүргізілетін білім алушының өзіндік жұмысы (бұдан әрі - ОБӨЖ) – бекітілген кесте бойынша оқытушының басшылығымен жүргізілетін білім алушының аудиториядан тыс жұмысы;

25) оқу үлгерімінің орташа балы (Grade Point Average - GРА) – (ағымдық оқу кезеңі бойынша кредиттердің жалпы санына қарай аралық аттестаттау пәндерінің балдық бағасының сандық эквиваленті мен кредиттер сомасының қатынасы) білім алушының таңдаған бағдарлама бойынша бір оқу жылындағы қол жеткізген оқу үлгерімінің таразыланған орташа бағасы;

26) оқу жұмыс жоспары (бұдан әрі - ОЖЖ) - мамандықтың ҮОЖ және білім алушының жеке оқу жоспары негізінде институт дербес әзірлейтін құжат;

27) пәннің сипаттамасы (Curse Description) - пәннің мазмұнын, мақсаттары мен міндеттерін, қысқаша нысанды қамтитын пәннің қысқаша сипаттамасы (5-8 сөйлемнен тұрады);

28) пререквизиттер (Рrereguisite) - оқылатын пәнді игеру үшін қажетті білім, икемділіктер мен дағдыларды қамтитын пәндер;

29) постреквизиттер (Роstreguisite) - аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

30) пәндер бағдарламасы (Syllаbus) - оқитын пәннің сипаттамасын, мақсаттары мен міндеттерін, оның қысқаша мазмұнын, оның үйренуі тақырыбы мен ұзақтығын, өзіндік жұмыс тапсырмаларын, кеңес беру уақытын, білім алушылардың білімін тексеру кестесін, оқытушы талаптарын, бағалау өлшемдерін қамтитын оқу бағдарламасы және әдебиеттер тізімі;

31) транскрипт (Тrаnsсrірt) – білімді бағалаудың сандық және әріптік жүйесі бойынша кредиттері мен бағалары көрсетілген тиісті кезеңде өтілген пәндердің тізбесі бар құжат;

32) тьютор – студенттің нақты пәнді игеруі бойынша академиялық кеңесші рөлін атқаратын оқытушы;

33) үлгілік оқу жоспары (бұдан әрі - ҮОЖ) - білім берудің кәсіптік оқу бағдарламасының оқу пәндерінің тізбесі мен көлемін, оларды оқытудың тәртібін және бақылау нысандарын реттейтін құжат;

34) эдвайзер (Аdvisor) - тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде білім беру бағдарламаларын игеруіне ықпал ететін оқытушы;

35) элективтік пәндер – белгіленген кредит шеңберінде және институт енгізетін таңдау бойынша, білім алушылардың жеке дайындығын көрсететін әлеуметтiк-экономикалық дамытудың ерекшеліктерін және нақты өңірдің, жоғары оқу орындарында ғылыми мектеп пайда болатын қажеттiліктерін есепке алатын компонентке кiретiн оқу пәндерi.

Оқу үрдісі оқу жоспары, академиялық күнтізбе, сабақ кестесі және студенттің кеңес алу кестесі негізінде ұйымдастырылады.

Академиялық кезең дегеніміз - ұзақтығы 15 аптаға тең семестр.
Білім беру траекториясын таңдау

Кредиттік технология бойынша оқу білім алушылардың білім беру бағдарламасын дербес жоспарлауына, оқудың жеке траекториясын таңдауына, өздігінен білім алу деңгейін арттыруға негізделген.

Білім алушы академиялық жетекшісі - эдвайзердің көмегімен оқу жылға арналған оқытудың жеке траекториясын қалыптастырады.

Білім алушы мамандықтың типтік оқу жоспарында қарастырылған кредиттердің белгілі санына тіркелуі тиіс. Типтік оқу жоспары мен элективті пәндер каталогы негізінде білім алушы жеке оқу жоспарында (ЖОЖ) көрініс табатын кредиттердің қажеті санын ескере отырып міндетті және элективті пәндерді таңдайды. Пәндерді таңдау оқытылуының логикалық бірізділігі есепке алына отырып жүргізілуі тиіс.

Пәнді оқу үшін оқытушы мен пәнді таңдау Тіркеуші офисі ұйымдастыратын ресми тіркеу арқылы жүзеге асырылады.

2 және жоғары курс студенттері үшін оқу пәндеріне жазылу наурыз айында басталады. 1 курс студенттері үшін оқу пәндеріне жазылу оқуға қабылданған уақыттан 30 тамызға дейін жүргізіледі.

Таңдау пәндерін анықтау эдвайзердің көмегімен жүзеге асырылады. Эдвайзер студентті элективті пәндер каталогындағы пәнді презентация әдісімен, әр альтернативті пәннің пререквизиттері және постреквезиттерімен таныстырып, кеңес береді, пәнді таңдауға ұсыныс жасайды.

Пәнге жазылу электронды түрде жүргізіледі. Пәнге жазылу үшін студент өзінің логині мен паролі арқылы арнайы бағдарламаға кіреді.

Тіркеуші офисі және факультет деканаттары қажетті жағдайларда жазылуды қамтамасыз етуге байланысты ұйымдастыру шараларын жүргізіп, студенттердің курстарға жазылуын қадағалайды.

Студент міндетті пәндер бойынша сабақ жүргізетін оқытушы кандидатурасын таңдауға құқылы.

Тіркеуші офисі оқу-әдістемелік басқарма және факультет деканаттарымен келісе отырып, мамандықтың оқу жоспарына кіретін пәндер үшін студенттердің ең төменгі санын, ал әр оқытушы үшін – академиялық топтардағы студенттер санының жоғары шегін белгілейді

Егер ұсынылған пәнге жазылғандардың саны белгіленген мөлшерден аз болса, онда ол пән жұмыс оқу жоспарына енгізілмейді. Бұл пәнге жазылған студенттер Тіркеуші офисіне жеке жұмыс жоспарындағы өзгерістер туралы тапсырыс беру керек.

Егер бір оқытушыға жазылған студенттер саны белгіленген мөлшерден артық болса, квалификациясы сәйкес келетін оқытушы тағайындалып, қосымша академиялық поток (топ) құрылады.

Білім алушылар өздерінің ЖОЖ-ын құру барысында:

1) кредиттік оқыту технологиясы бойынша оқу үдерісін ұйымдастыру ережелерімен танысуы;

2) оқу пәндеріне тіркелудің және ЖОЖ-ға өзгерістер енгізудің белгіленген мерзімдерін сақтауы;

3) тиісті деңгейдегі білім беру бағдарламасын меңгеру үшін оқу жылында белгіленген кредиттердің кем түспейтін санына жазылуы тиіс.

Ақылы негізде білім алушы төлем қабілеттілігіне, оқу түріне тәуелді, тиісті деңгейдегі оқу бағдарламаларын игеру үшін жеке қабілеттілігін өзінің ЖОЖ-да аз мөлшеріндегі кредиттермен қалыптастыруға болады, сонымен қатар оқу мерзімін ұзартуға болады.

Білім алушы оқу пәндеріне тіркелу үшін алдынғы семестрде қажетті пререквизиттерін меңгеруі тиіс. Базалық пәндерді таңдауда білім алушының кәсіптік бағдарын есепке алады. Бірақ білім алушы өзінің жеке оқу жоспарына басқа мамандықтардың базалық блогында көрсетілген пәндерді қалауы бойынша енгізе алады.

Білім алушы ЖОЖ құру үшін және мамандықтың типтік оқу жоспарының талаптарына сәйкес оқу курсын толықтай меңгеруге жауапты болады.

Кафедралар әрбір пән бойынша кредиттері көрсетілген (Syllabus) пәндердің бағдарламаларын дайындап, студенттерге ұсынады.

Институтта оқу үдерісін, студенттердің білім алу тарихын, қашықтықтан оқыту, электронды құжат айналымы жүйесі жұмыстарын жүргізуге бағытталған «Platonus» автоматтандырылған ақпараттық жүйесі орнатылды. Аталған жүйе әрбір қызметкер мен студентке жеке виртуалды кабинетте жұмыс істеуге, өзіне тиісті ақпарат алуға мүмкіндік береді.

Өзінің логині мен парольін қолдана отырып, студент академиялық күнтізбеде белгіленген тіркеу мерзімінде пәндерге жазылады. Студент жеке виртуальді кабинетінде өзі білім алып отырған мамандығының типтік оқу бағдарламасымен, оқытушылардың жеке карточкасымен, пәндердің силлабустарымен танысып, оқытушы мен пәндерді таңдайды.
Білімді бағалау мен бақылау қалай жүзеге асырылады?

Студенттердің білімін бақылау және бағалау баллдық-рейтингтік жүйе бойынша жүзеге асырылады. Баллдық-рейтингтік жүйе аралық және қорытынды аттестацияны өткізуді көздейді. Баллдық-рейтингтік жүйеге сәйкес баллдың 60%-ы ағымдық бақылауға 40%-ы аралық аттестацияға бөлінеді. Білім алушылардың оқудағы жетістіктері (білімі, іскерлігі, дағдылары мен құзыреті) 100 балдық шкала бойынша және төрт балдық жүйе бойынша сандық эквивалентке сәйкес әріптік жүйемен бағаланады (А, А- - «өте жақсы», В+, В, В- «жақсы», С+, С, С-, Д+, Д, «қанағаттанарлық», F – «қанағаттанарлықсыз» баға).

ТарМПИ-да ағымдық бақылаудың төменгі мәні-53 балл (100 балдық шкала бойынша), аралық аттестацияның төменгі мәні-37 балл (100 балдық шкала бойынша) болып белгіленген.

Ағымдық және межелік бақылаулар бойынша 53-тен төмен балл жинаған студенттер аралық аттестацияны тапсыруға жіберілмейді.

Аралық аттестациядан 37-тен төмен балл жинап, «Ғ» бағасын алған студенттерге ағымдық және межелік бақылаулар бойынша жинаған баллдарына қарамастан, «қанағаттанарлықсыз» бағасы («Ғ») қойылады.

Академиялық қарыздарын жою ақылы түрде жазғы семестрде өткізіледі.

Аралық аттестация емтихан түрінде жүзеге асырылады. Емтихандар жазбаша, ауызша және тест түрінде өткізіледі. Бір модульге кіретін пәндер бойынша, яғни егер модуль бірнеше компоненттен тұрған жағдайда, емтихан негізгі компонент бойынша жүргізіледі, ал басқа компоненттердің қорытынды бақылауы реферат, эссе, жобалық жұмыс немесе курстық жұмыс болып табылады. Тест түріндегі емтихандар «Platonus» автоматтандырылған ақпараттық жүйесінде жүргізіледі.

Емтиханға келгенде студенттің өзімен бірге емтихан сесиясын тапсыруға жіберілгені туралы деканаттың мөрі басылған сынақ кітапшасы болуы керек.

Ағымдық бақылау және аралық аттестация нәтижелері емтихан тізбесіне енгізіледі.

Студенттерге емтихан нәтижесі бақылау жүргізілген күні хабарланады.

Білім алушының емтихандағы үлгерімі білімді бағалаудың балдық-рейтінгтік жүйесі бойынша бағаланады. А, А- - «өте жақсы», В+, В, В- «жақсы», С+, С, С-, Д, Д-, «қанағаттанарлық» ведомостқа және білім алушының сынақ кітапшасына, транскриптке қойылады. «Қанағаттанарлықсыз» F –бағасы тек қана емтихан ведомостіне қойылады.

Оң бағаны жоғарлату мақсатында қайта тапсыруға рұқсат берілмейді.

Егер студент емтиханға келмеген жағдайда, онда емтихан тізбесіне оның фамилиясының тұсына «келген жоқ» деген белгі қойылады. Егер емтиханға белгілі себептермен келмесе, онда деканат емтиханды жеке мерзімде тапсыру туралы шешім қабылдайды.

Студент аралық бақылаудың нәтижесімен келіспесе, емтихан тапсырған күні апелляцияға беруге құқылы.

Қазақстан Республикасының Президенті белгілеген стипендиялары (бұдан әрі - стипендия)

• 
  студенттердің ғылыми-зерттеу және оқу-танымдық қызметін ынталандыруға;
  
• 
  анағұрлым талантты және дарынды студенттерді қолдауға;
  
• 
  интеллектуалды әлеуетін қалыптастыруға ықпал етуге бағытталған.
  

Стипендия күндізгі оқу нысаны бойынша оқитын студенттерге 3-курстан бастап, мемлекеттік білім беру тапсырысы бойынша және ақылы негізде тек «өте жақсы» (А, А-) оқитын студенттерге беріледі.

Стипендия білім алушылардың мынадай санаттарына тағайындалады:

1) республикалық және халықаралық олимпиадалардың, шығармашылық конкурстардың, спорттық жарыстардың, фестивальдардың жеңімпаздары немесе жаңалық авторлары;

2) ғылыми еңбек жинақтарында, республикалық және халықаралық ғылыми журналдарда жарияланымдары бар;

3) табыстары дипломдармен, грамоталармен, сертификаттармен, куәліктермен расталған ғылыми-зерттеу жұмыстарымен белсенді айналысатындар;

4) білім беру ұйымының қоғамдық, мәдени және спорттық өміріне белсене араласатындар.

Стипендия ғылыми кеңестің шешімі негізінде жоғары оқу орны ректорының бұйрығымен жүзеге асырылады.

Стипендия бір академиялық кезеңге тағайындалады.

Стипендия жоғары оқу орнының ғылыми кеңесінің шешіміне сәйкес бір тұлғаға бірнеше рет берілуі мүмкін.

Академиялық ұтқырлық – бұл білім алушы немесе оқытушы-зерттеушінің белгілі бір академиялық кезеңде («оқу» немесе «өндірістік тәжірибесін» қоса есептегенде), яғни семестр немесе оқу жылында, оқу немесе зерттеу жүргізу үшін басқа (қазақстандық немесе шетелдік) ЖОО-на белгіленген тәртіпте, меңгерілген білім беру бағдарламасының кредиттер түрінде міндетті түрде өз ЖОО-да қайта сынақ тапсыруымен орын ауыстыруы.

Академиялық ұтқырлық бағдарламасы аясында ҚР ЖОО-ы:

• 
  серіктес қазақстандақ және шетелдік жоғары оқу орындарынан жетекші ПОҚ шақыруға;
  
• 
  студенттерді серіктес шетелдік және қазақстандық ЖОО-на бір семестрге немесе оқу жылына білім алуға жіберуге ;
  
• 
  серіктес шетелдік және қазақстандық ЖОО-нан студенттер қабылдауға мүмкіндіктері бар.
  

• 
  Халықаралық академиялық ұтқырлық (шетелдік ЖОО-да)
  
• 
  Ұлттық академиялық ұтқырлық (қазақстандық ЖОО-да)
  

• 
  мемлекеттік білім грантының иегері;
  
• 
  білім деңгейі жоғары (GРА-3,5-4,0);
  
• 
  ағылшын тілін меңгеру дәрежесі жоғары (А,В,)(шетелде білім алуға ниет білдірген студенттерге)
  
• 
  институттың қоғамдық жұмыстарына белсене қатысқан;
  
• 
  институттың 2 немесе 3 курс студенті;
  
• 
  факультет деканымен кафедра меңгерушісі ұсынған;
  

• 
  Акад. ұтқырлық бағдарламалары бойынша кететін студенттің өтініші;
  
• 
  Акад.ұтқырлық бағдарламалары бойынша оқу туралы келісім;
  
• 
  Білім алушыныңоқу туралы транскрипт;
  
• 
  ақпараттық пакет (курстар тізімдемесі).
  
• 
  факультет деканымен кафедра меңгерушісінен ұсыныс;
  
• 
  деканаттан анықтама (факультетте оқитыны туралы)
  
• 
  медициналық анықтама №086 (шетелдік №082)
  
• 
  институт қабырғасындағы жетістіктері (сертификат, алғыс хат және т.б.)
  

Жазғы семестр ақылы негізде академиялық қарыздарды, оқу бағдарламаларындағы академиялық айырмашылықтарды, сонымен қатар жеделдетілген түрде және қосымша оқу үшін ұйымдастырылады.

Жазғы семестрдің ұзақтығы институт оқу үрдісінің академиялық күнтізбесімен анықталып, 6 аптаны құрайды.

Жазғы семестр білім беру қызметінің келесі түрлерін жүзеге асыруды көздейді:

- мамандықтың жұмыс оқу жоспарлары мен жұмыс оқу бағдарламаларына сәйкес оқу сабақтарының барлық түрлерін қамтамасыз ету;

- білім алушыларға консультация беру;

- студенттің кәсіби ой-өрісін кеңейту мақсатымен институттың мамандықтары бойынша оқытылатын кез-келген оқу курстарын игеруі.

Жазғы семестрді өту үшін келесі студенттер қалдырылады:

• 
  рейтинг-бақылау нәтижелері бойынша емтиханға жіберілмеген білімгерлер;
  
• 
  аралық бақылауды «қанағаттанарлықсыз» бағасын алғандар;
  
• 
  өткен академиялық кезеңдерде академиялық қарыздары бар білім алушылар;
  
• 
  қайта қабылдау, басқа жоғары оқу орнынан ауысу және академиялық демалыстан шығу кезінде академиялық айырмашылықтары бар білім алушылар.
  

Студенттер жазғы семестрді ақылы негізде оқиды.

• 
  студент келесі курсқа академиялық қарызсыз көшірілуі керек;
  
• 
  топ рентабельді болу керек, яғни кем дегенде 5 адамнан тұруы тиіс;
  
• 
  қосымша оқу курстарының саны білімгердің жылдық GPA деңгейімен анықталуы тиіс. «В және жоғары» деңгейдегі GPA 4 қосымша курстарды (8 кредиттен аспауы керек); «В -» деңгейдегі GPA 3 қосымша курстарды (6 кредиттен аспауы керек); «С» деңгейдегі GPA 2 қосымша курстарды (4 кредиттен аспауы керек) тыңдауға құқық береді.
  

• 
  студент жазғы семестр сессиясының басталуына дейін Тіркеуші офисіне жазғы семестрге қатысу ниеті туралы дәлелді өтінішін тапсырады;
  
• 
  тіркеуші офисі мәселе оң шешілген жағдайда, жазғы семестрдің сабақ кестесін құрастырады және оны оқу-әдістемелік жұмыстар жөніндегі проректормен бекітеді. Сабақ кестесі жазғы семестрге қатысатын оқытушылардың жұмыс бастылығын есепке ала отырып құрастырылады;
  
• 
  мамандықтың оқу жоспарынан тыс пәндер бойынша студенттердің білімін қорытынды бағалауды жазғы семестр кезеңінде дәріс оқыған оқытушы жүзеге асырады.
  

Өту баллы (GPA) төмен болған, жазғы семестр мен аралық бақылау нәтижелері «қанағаттанарлықсыз» болған жағдайда білім алушыға қайта оқу құқығы беріледі.

Жазғы семестр нәтижесі бойынша «қанағаттанарлықсыз» бағасын алған немесе өту GPA-ын жинамаған студент мемлекеттік білім грантынан айрылады.

Қайта оқу тек қана ақылы негізде жүзеге асырылады.

Өз еркімен оқудан шыққан студент қайта оқудан бас тарта алады. Бұл жағдайда студент институт ректорының атына өз еркімен оқудан шығару туралы өтініш жазады.

СТУДЕНТТЕРДІҢ ҒЫЛЫМИ ЖҰМЫСТАРЫНЫҢ АПТАЛЫҒЫ

ТарМПИ-да әр жыл сайын институтішілік «Жас талап» аталатын студенттердің ғылыми жұмыстарының апталығы байқауы өтеді. Байқауды ұйымдастыру және жетекшілік ету ТарМПИ-ның ғылыми-инновациялық қызмет бөлімінің жетекшілігімен жүргізіледі. Байқауға ғылыми жаңашылдығы бар жұмыстар және инновациялық жобалар ұсыныла алады. Байқауға қатысушы сол жылы ТарМПИ-дың студенті болуы шарт. Байқауға барлық курс студенттері қатыса алады. Байқау комиссияларының шешімі негізінде және

ректордың бұйрығымен байқау жеңімпаздарына (1-5 орындар) дипломдар және «Білімгер-зерттеуші» атағы беріледі.

Байқау барысында 1-5 орын алған студенттерге бір күнтізбелік жыл ағымында Тараз мемлекеттік педагогикалық институтында өтетін конференциялар материалдарына ғылыми жұмыстарын тегін бастыру құқығы беріледі. 1-3 орын алған студенттердің жұмыстары СҒЗЖ Республикалық байқауына жіберіледі.

Педагогикалық жоғары оқу орнында тәрбие жұмысы ең маңызды орын алады, себебі мұнда болашақ мұғалімдер, сынып жетекшілері, тәрбиешілер дайындалады.

ЖОО-дағы тәрбие жұмысының басты мақсаты - жалпыадамдық құндылықтарды құрайтын қоғамдық-мәдени акты ретіндегі сабақтан тыс уақытты алғанда оқу пәндеріне, оқу уақытына деген қатынасы ғана емес, тұлғаның өзі таңдап алған кәсібіне деген қатынасты қалыптастыру болып табылады.

Егер Сіз белсенді болсаңыз, әлемді танығыңыз келсе, адамдарды көріп, өзіңізді көрсеткіңіз келсе, онда Сіздің орныңыз ТарМПИ-да, себебі осы жерде

көркемөнерпаздар шығармашылығына жаппай қатысуға барлық жағдай мен мүмкіндік жасалған. Сіз өз мүмкіндігіңізді тек қана ТарМПИ-да іске асыра аласыз. Сол себептен сіз үшін студенттік өміріңіз ең бақытты кезең болады: әр түрлі ән мен би конкурстарына қатыса аласыз, қалалық және республикалық (КВН) фестивальдарға бара аласыз. КТК командасының мүшесі бола отырып, Сіз республиканың көптеген қалаларындағы ойындарға барасыз. Мүмкін, Сіз спортты ұнататын шығарсыз? Өте тамаша. Бізде керемет спорт кешендері, тамаша жаттықтырушылар бар, олар Сізге өзіңізді спорт әлемінде көрсетуіңізге көмектеседі.

Тамаша билеуге, кәсіби ән айтуға, сахнада өзіңізді еркін ұстауға, керек десеңіз, бүкіл республикаға әйгілі болуға Сізге қосымша педагогикалық мамандық факультеті көмектеседі.

Қосымша педагогикалық білім факультеті институттың Ғылыми кеңесінің шешімімен 2005 жылдың 29 тамызында құрылған.

Қосымша педагогикалық білім факультеті - ЖОО-ның мәдени-көпшілік және тәрбие жұмысының орталығы. Факультет мектептерде жұмыс істеуге мәдени-көпшілік, спорттық, қоғамдық-саяси және тәрбиеші кадрларды дайындайды.

Қосымша педагогикалық білім факультеті бөлімдері жеке, топ және практикалық сабақ түрінде жұмыстар ұйымдастырады.

Тараз мемелекеттік педагогикалық институтында күндізгі бөлімге оқуға қабылданған студенттерге төлемақы бойынша жеңілдіктер төмендегі жағдайларда қарастырылады:

-ата-анасы жоқ немесе ата-анасының қамқорлығынсыз қалған студенттердің барлық оқу жылының төлемақысына 100%;

-халықаралық, республикалық пәндік олимпиадалардың және ғылыми жобалардың, өнер байқаулары мен спорттық жарыстардың жеңімпазы атанған студенттердің бір жылдық төлемақыларына 100%-ға дейін;

-ата-анасының біреуі қайтыс болған немесе ата-анасының біреуінің қамқорлығынсыз қалған, Ауған соғысының ардагері, Чернобыль атом стансасының зардабын жоюға қатысқан немесе Семей ядролық полигонындағы ядролық сынақтың әсерінен ата-анасының біреуі жапа шеккен, ата-анасы I, II топтағы мүгедек, студенттің өзі I, II, топтағы немесе бала кезінен мүгедек болса /мүгедек туралы куәлік негізінде/, бір жанұядан бір мезгілде бірнеше бала ТарМПИ-нің күндізгі бөлімінде оқыса, балалары 18 жасқа толмаған көп балалы отбасынан / және одан да көп/оқуға қабылданған студенттерге 10% жеңілдік беріледі.

СТУДЕНТТЕРДІҢ ҚҰҚЫҚТАРЫ МЕН МІНДЕТТЕРІ

Құрметті студенттер! Республикамыздың болашағы - сіздердің қолдарыңызда. Болашақ мектептің қандай болатындығы Сіздің кәсіби біліктілігіңіз бен жұмыс істеу құштарлығыңызға байланысты. Сондықтан Сіз өз міндетіңізді толық білуіңіз керек.

• 
  ҚР «Жалпы әскери міндеттер және әскери қызмет туралы» Заңына сәйкес күндізгі бөлімде оқитын студенттерді әскер қатарына шақыруды кейінге қалдыруға.
  

• 
  факультет кеңесі мүшелігіне студенттерді ұсынуға;
  
• 
  өз тобының өміріндегі мәселелер бойынша әкімшілік және қоғамдық ұйымдарға ұсыныс жасауға;
  
• 
  арнайы шәкіртақы тағайындауға кандидаттар ұсынуға.
  

• 
  өзі таңдаған мамандығы бойынша теориялық білімді, практикалық дағдыны және зерттеудің қазіргі заманғы әдістерін игеруге;
  
• 
  өзі таңдаған мамандығы бойынша белгіленген уақытта оқу жоспарын орындауға;
  
• 
  оқу сабақтарына қатысуға және белгіленген уақытта оқу жоспары мен бағдарламада қарастырылған тапсырмалардың барлығын орындауға;
  
• 
  өзінің практикалық дайындығын жақсарту үшін еңбек етуге, өз мамандығының бейімі бойынша жұмысшы мамандығын игеруге, кәсіби практикалардың тапсырмалары мен бағдарламаларын орындауға;
  
• 
  болашақ маман ретінде студенттің дайындық сапасын көтеруге ықпал ететін кафедраның ғылыми-зерттеу жұмысына, студенттердің ғылыми-зерттеу орталықтарының жұмысына, олимпиадаларға, ғылыми-техникалық конференцияларға және басқа да іс-шараларға қатысуға;
  
• 
  өз мәдени дәрежесін көтерумен айналысуға, Қазақстан Республикасы мен өз қаласының тарихын, әлем және отандық мәдениетті, халықтың салт-дәстүрін, мәдениеті мен өнерін, этика мен эстетиканы оқуға.
  

Білімгерлер үйінде тұратын білім алушыларға сабаққа дайындалуға, демалуға, мәдени-тәрбие және көпшілік спорт жұмыстарына қажетті барлық жағдай жасалған.

• 
  Студенттер үйінің оқу және мәдени-тұрмыс бөлмелерін, құрал-жабдықтарды, мүліктерді пайдалануға;
  
• 
  өз уақытында жөндеу жұмыстарын жүргізуі немесе құрал-жабдықтарды, мүлікті, төсек-орынды ауыстыруды, тұрмыстық қамтамасыз етудегі ақауларды жоюды талап етуге;
  
• 
  «Студенттер үйінің» студенттер кеңесін сайлауға және оның құрамына өзін сайлауға;
  
• 
  «Студенттер үйінде» тұратындардың тұрғын үй-тұрмыс жағдайын тәрбие және бос уақытты ұйымдастыру жұмыстарын ұйымдастыруды, жатын бөлмелерді безендендіруді жетілдіру мәселелері бойынша шешім қабылдау үшін білімгерлер Кеңесіне қатысуға;
  

• 
  Студенттер үйінің ішкі тәртібін, электр приборларын қолдануда техника қауіпсіздігінің ережелерін қатаң сақтауға, электр энергиясы мен суды үнемді пайдалануға;
  
• 
  ЖОО-ң меншігіне ұқыпты қарауға, жатын және қоғамдық тұтыну бөлмелерінде тазалық сақтауға, жатын бөлмелерді күн сайын тазалауға;
  
• 
  Студенттер үйінде төсек-орынды пайдаланғаны және ақылы түрдегі басқа қызмет көрсету түрлері үшін төленетін ақыны өз уақытында төлеуге.
  

• 
  академиялық үлгермеуіне немесе ЖОО бітіргеніне байланысты институттан шығарылған жағдайда;
  
• 
  Білімгерлер үйінде тұру ішкі тәртібінің ережелерін бұзған жағдайда.
  

Егер Сіз сабақтан белгілі себептермен қалсаңыз, онда келесі күні бұл туралы факультет деканына хабарлауыңыз керек. Институтқа бірінші келген күні сабақтан қалу себебіңізді анықтайтын мәлімет беруіңіз қажет.

Егер Сіз ауырып қалсаңыз, ауырғаннан кейінгі үш күннің ішінде №3 студенттер емханасынан анықтама алып, факультет деканына өткізуіңіз қажет.
ЕГЕР СІЗДЕ ҚАНДАЙ-ДА БІР МӘСЕЛЕ ТУЫНДАСА, ОНДА СІЗ БАРА АЛАСЫЗ:

Тәлімгеріңізге → деканға → деканның оқу жұмысы мен тәрбие жұмысы жөніндегі орынбасарларына → проректорларға → РЕКТОРҒА

Білім алушыларды курстан курсқа, бір білім беру ұйымынан екіншісіне, бір оқу нысанынан екінші нысанға, бір тілдік бөлімнен екінші тілдік бөлімге, бір мамандықтан екінші мамандыққа, ақылы негізде оқудан мемлекеттік білім беру гранты бойынша оқуға ауыстыру жүзеге асырылады.

Егер жоғары оқу орындарының (бұдан әрі - ЖОО) білім алушылары жеке оқу жоспарына сәйкес меңгеріп жатқан бағдарламасының бірінші академиялық кезеңін толық аяқтаса, олар оқудан шығарылғаннан кейін ауыса алады немесе қайта қабылдана алады.

Курстан курсқа көшіру үшін GPA келесі көрсеткіштерден кем болмауы

керек:

2 курсқа – 1,67 балл (яғни С- үлгерім деңгейі);

4 курсқа – 2,33 балл (яғни С+ үлгерім деңгейі)

Білім алушының ЖОО-да белгіленген ауысу балынан төмен емес үлгерімнің орташа балына (GPA - Grade Point Average) қол жеткізуі білім алушыны курстан курсқа ауыстырудың міндетті шарты болып табылады.
           Белгіленген ауысу балына қол жеткізген және келесі курсқа ауыстырылған білім беру гранты немесе мемлекеттік білім беру тапсырысы (бұдан әрі - мемлекеттік тапсырыс) бойынша білім алушы академиялық қарызы бар болған жағдайда білім беру грантын немесе мемлекеттік тапсырыс орнын сақтай отырып, оны ақылы негізде жояды.
     

Білім беру гранты бойынша білім алатын студент білім беру грантын сақтай отырып басқа ЖОО-ға ауыса алады.

Студенттерді оқудан шығару процедурасы институт ректорының бұйрығымен жүзеге асырылады.

Студенттерді оқудан шығару себептері төмендегідей болуы мүмкін:

- студенттің өз еркі бойынша;

- студенттің оқу ақысы туралы келісім- шарттарының орындалмауы;

- студенттің бір жоғары оқу орнынан екіншісіне ауысуы;

- жоғары оқу орнының Жарғысын орындамау (соның ішінде, тәртіп пен студенттің моральдық кодексін бұзу).

Жоғары оқу орнынан шығарылған студентке белгіленген үлгідегі академиялық анықтама (транскрипт) беріледі.

Оқытудың барлық кезеңінде оқу жоспарындағы барлық пәндер бойынша емтихандарды «А», «А-», «В+», «В», «В-» бағаларына тапсырған және қорытындысында 3,5-тен төмен емес үлгерімінің орта баллын алған (ҮОБ), сондай-ақ бітіру жұмысын жұмысы мен мемлекеттік емтиханды «А» немесе «А-» бағаларына қорғаған және тапсырған жоғары оқу орнының бітірушісіне үздік диплом беріледі (әскери дайындықтың бағасын есептемегенде).

Диплом қосымшасына (транскрипт) оқу жоспарындағы пәндер, теориялық курста алған бағалар, практикалық пәндер, курстық жұмыстар, оқу және өндірістік тәжірибелер бойынша тапсырылған сынақтар, бітіру (диплом) жұмысының тақырыбы, мемлекеттік емтихандардың және диплом жұмысын қорғаудың бағалары қойылады.

Келісу парағы

Қызметі	Аты-жөні, тегі	Қолы	Мерзімі
Келісілді:
Оқу-әдістемелік жұмыстар жөніндегі проректор	Амандосова Р.С.
Оқу-әдістемелік басқармасының бастығы	Дубский Ю.В.
Әзірленді:
Тіркеуші офисінің бастығы	Алимбаева С.Қ.
Тіркеу секторының меңгерушісі	Абдрасилова Д.С.