Баспасөз релизі 24 қазан 2012 жыл

Суды табиғат ресурсы ретінде тиімді пайдалану – Атырау МӨЗ су шаруашылығы алдындағы ең маңызды міндет.

АМӨЗ-ында өндірістік және өртке қарсы қажеттілік мақсатында техникалық сумен қамтуды төмендегі технологиялық қондырғылар жүзеге асырады: су қақпалары (1945 ж.), Су блогы-2 (1969 ж.), ЖЭО су салқындатқышы (2006 ж.), айналмалы су салқындатқышы (2006 ж.), механикалық тазарту қондырғысы (1972 ж.), сарқынды суларды биологиялық тазарту қондырғысы (2006 ж.).

Су қақпалары зауыттың өндірістік нысандарын техникалық сумен қамтуға арналған. 2004 жылы имарат қайта жарақталып, су беру өнімділігі 6 250 м³/ сағ. құрады.

«Су блогы - 2» қондырғысы каталитикалық риформинг қондырғысы (ЛГ), ЭЛОУ-АВТ-3, БКҚ, МКШҚ және азот станциясын айналма сумен қамтуға арналған. Қуаттылығы - 3 000 м³/сағ.

«ЖЭО су салқындатқышы» қондырғысының өнімділігі 3 400 м ³/сағ, ол бу құбырларының конденсаторларын салқындатқыш сумен қамтамасыз етеді.

Айналма сумен жабдықтайтын су салқындатқыш қондырғысы ЭЛОУ-АТ-2, БДП ҚҚ, КШҚ, СТҚ және БКҚ аминді абсорбция секциясын салқындатқыш сумен қамтамасыз етеді. Өнімділігі – 2 700 м³/сағ.

Механикалық тазарту қондырғысы сарқынды суды мұнай өнімдері мен өлшенген бөлшектерден тазартуға арналған. Өнімділігі - тәулігіне 12 000 м³ .

Сарқынды суларды биологиялық тазарту қондырғысы сарқынды суларды терең тазартуға арналған, өнімділігі – 700 м³/сағ.

Өндірісті сумен қамту айналымды сумен қамтудың үш жүйесі арқылы қамтамасыз етіледі. Егер 2005 жылы айналымды су көлемі 15 миллион 633 мың м³ болса, 2011 жыл бұл көрсеткіш 60 миллион 910 мың м³ – ты құрады. Су айналымы 5 есеге дейін ұлғайған. 2011 жылдың қорытындысына сәйкес су айналымы коэффициенті 93,7% - ды қүрады. Бұл – өндірістік мақсатта пайдаланылатын судың 93,7 % айналма су деген сөз, ал Жайық өзенінен шығынды өтеу үшін 6,3% ғана алынады.