қосарланған (комбинирлеген) наркоз-операциялардың әр кезеңінде әртүрлі есірткелік заттарды қолдану немесе оларды басқа затпен қосып енгізу (миорелаксанттар, анальгетиктер және т.б.)
Наркоздың мынадай түрлерін ажыратады:
енгізу наркозы – аз уақыт әсер етеді, әсері тез басталады, қозу сатысы болмайды;
негізгі наркоз – операция жасау барысында қолданылады;
базисті наркоз немесе беткейлі наркоз-негізгі наркозбен бірге немесе оның алдында анестетикалық зат енгізіледі, ол негізгі есірткелік заттың мөлшерін төмендету үшін жасалады.
Ингаляциялық наркоздың түрлері:
Ингаляциялық наркоздың түрлері:
Есірткелік қоспаларды енгізу тәсіліне қарай – маскалық және эндотрахеальді болып бөлінеді.
Ингаляцилық наркоздың негізгі түріне эндотрахеальді (интубациялық) наркоз жатады. Бұл кезде есірткелік қоспа тікелей кеңірдекке жіберіледі. Ол үшін кеңірдектің интубациясы жасалады. Интубация дегеніміз-кеңірдекке ауа өткізетін түтікшені енгізу.
Ашық әдіс немесе маскалық –анестетикті атмосферлық ауамен қосып тыныс алады және оны қоршаған ортаға тынысымен шығарады.
Жартылай ашық әдіс.Жануар оттегімен қосып, аспап арқылы есірткелік затпен тыныс алады және оны қоршаған ортаға тынысымен шығарады.
Жартылай жабық әдіс. Аспап арқылы есірткелік қоспамен тыныс алады және оны жартылай аспапқа, жартылай қоршаған ортаға тынысымен шығарады. Аспапқа қайтадан түскен қоспа адсорбер арқылы өтіп, ондағы көмірқышқыл газынан босап, аспаптың тыныс алу жүйесіне түседі де, есірткелік қоспамен араласып, қайтадан ауру малдың тыныс алу жолдарына енеді. Бұл әдісте анестетиктің мөлшері едәуір аз жұмсалады.
Жабық әдіс. Тыныс алу және тыныс шығару аспапта жүзеге асырылады. Бұл әдісте есірткі қоспа толығымен қоршаған ортадан шектелген.
