«Экономика секторларының және төлемдер белгілеу кодтарын қолдану және төлемдер бойынша оларға сәйкес мәліметтер ұсыну қағидаларын бекіту туралы» Қазақстан Республикасының Ұлттық Банкі Басқармасы 1999 жылғы 15 қарашадағы №388 Қаулысы
жүктеу/скачать 0.67 Mb.
|
| Ескерту:
Туынды қаржы құралдарымен операциялар негізгі активтің тиісті бөлімінің коды қойылған қаржылық мәміле жүзеге асырылатын түріне қарай кодталады.
1-бөлім - «Арнайы аударымдар» Емделуге және білімге арналған өтеусіз аударымдар - бенефициардың өзі медициналық және білім беру қызметін көрсетуші («Қызмет көрсету» бөлімінде көзделген) болып табылмайтын жағдайда, оның бұдан былай білімге және емделуге пайдалануына арналған өтеусіз аударымдар. Филиалдар мен өкілдіктерді қаржыландыру және филиалдар мен өкілдіктердің қаражаттарын қайтару - тек қана бас ұйым мен оның заңды тұлға болып табылмайтын бөлімшелерінің арасындағы аударымдар. Банктердің корреспонденттік шоттары бойынша транзиттік аударымдар» кодын делдал банк қояды. Транзиттік төлемді алған кезде бенефициар банкі бұдан әрі мәліметтерді ұсыну үшін мәмілелерге сәйкес келетін экономика секторларының және төлемдер белгілеу кодтарын қояды. Бенефициар банкі осы төлемнің қажетті деректемелерін клиенттер арасындағы, сатылған тауарлар мен көрсетілген қызметтер үшін ақы төленетін шарт негізінде қояды. Аккредитив бойынша операция - эмитент банктің аккредитив бойынша міндеттемелерді қамтамасыз етуге салынатын ақша сомасын (өтемді) бұйрық беруші клиенттің шотынан осы банктің шотына аударуы (аккредитивті орындаудың сыйақы сомасын аударуды қоспағанда), аккредитив кері қайтарып алынғанда, ақшаны қайтаруы. Аккредитивтер бойынша операцияларды жүзеге асырған кезде бенифициардың шотына эмитент банктің ақша аударуы төлемнің белгіленуіне байланысты кодталады, оның ішінде: 1) Эмитент банктің аккредитивтің қолданылу мерзіміне оның басқаруына берілген аккредитивтің сомасына осы ақшаны аккредитив бойынша төлеу үшін пайдалану ықтималдығы шартымен аккредитив бойынша ақшамен ақы төлеу (орны жабылған аккредитивтерде); 2) Клиенттің ағымдағы шотынан резиденттің немесе резидент еместің пайдасына аккредитив бойынша ақы төлеу (орны жабылмаған аккредитивтерде); 3) «Құжаттандырылған операциялар бойынша дебиторлар» шотынан банктің меншікті қаражатынан аккредитив бойынша ақы төлеу (орны жабылмаған аккредитивтерде ақы төлеу кезінде клиенттің шотында ақшасы болмаған жағдайда); 4) Резидент банктің корреспонденттік шотына резидент емес банктің ақша аударуы. Кепілдік бойынша операциялар - эмитент банктің бұйрық беруші клиенттің шотынан осы банктің шотына кепілдік бойынша міндеттемелерді қамтамасыз етуге ақша сомасын аударуы (кепілдік бойынша сыйақы сомасын аударуды қоспағанда), кепілдік жойылған жағдайда ақшаны қайтаруы. Кепілдік жағдайы басталған кезде кепіл-банктің клиентке ақша аударуы төлем белгілеуге байланысты кодталады.
9-бөлім - «Бюджетке төлемдер және бюджеттен төлеу Бұл бөлімге мемлекеттік бюджетке төлемдер және мемлекеттік бюджеттен төлемдерді қайтару бойынша (зейнетақылар мен жәрдемақыларды қоспағанда) кодтары кіреді. 911-код 2008 жылғы 4 желтоқсандағы Қазақстан Республикасының Бюджет кодексінде және «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексінде (Салық Кодексі) көзделген есептелген (есептеп шығарылған) және өзге де бюджетке міндеттемелерді аударған кезде қойылады. Оған мемлекеттік кіріс органдары тексерулердің нәтижелері бойынша бюджетке міндеттемелер бойынша, салық төлеу мерзімдері өзгергенде (ұзартылғанда), камералдық бақылау нәтижелері бойынша бюджетке міндеттемелер бойынша төленетін сомалар жатпайды. 912-код салықтарды, бюджетке төленетін міндетті және өзге де төлемдердің мерзімдерін бұзғаны үшін бюджетке міндеттемелер бойынша өсімпұлдың есептелген сомасын төлеген кезде қойылады. Оған мемлекеттік кіріс органдары тексерулердің нәтижелері бойынша есептелген, салық төлеу мерзімдері өзгерген (ұзартылған) кезде есептелген, камералдық бақылау нәтижелері бойынша есептелген өсімпұл сомалары жатпайды. 913-код 2014 жылғы 5 шілдедегі Әкімшілік құқық бұзушылықтар туралы Қазақстан Республикасының Кодексіне сәйкес есептелген әкімшілік құқық бұзушылық үшін салынатын айыппұл сомаларын төлеген кезде қойылады. Оған мемлекеттік кіріс органдары тексерулердің нәтижелері бойынша салынатын; салықтарды төлеу мерзімдері ұзартылғанға дейін салынған айыппұл сомалары жатпайды. 914-код мемлекеттік кіріс органдары тексерулердің нәтижелері бойынша есептелген сомалар туралы хабарлама негізінде төлеуге ұсынылған салықтардың, бюджетке басқа да міндетті және өзге де төлемдердің сомаларын (өсімпұлдар мен айыппұлдарды қоспағанда) аударған кезде қойылады. 915-код мемлекеттік кіріс органдары тексерулердің нәтижелері бойынша есептелген өсімпұл сомаларын төлеген кезде қойылады. Оған бюджетке міндеттемелер бойынша есептелген салықтарды төлеу мерзімдері ұзартылғанға дейін есептелген, камералдық бақылау нәтижелері бойынша есептелген өсімпұл сомалары жатпайды. 916-код мемлекеттік кіріс органдары тексерулердің нәтижелері бойынша салынатын айыппұл сомаларын төлеген кезде қойылады. Оған Қазақстан Республикасының заңнамасын бұзғаны үшін салынатын (салықтық тексерулердің нәтижелері бойынша салынатындарды қоспағанда), салықтарды төлеу мерзімдері өзгерген (ұзартылған) кезде салынған айыппұл сомалары жатпайды. 917-код төлеу мерзімі өзгертілген (ұзартылған) салықтар сомасын бюджетке төлеген кезде қойылады. 918-код салықтарды төлеу мерзімдері өзгерген (ұзартылған) кезде есептелген өсімпұл сомаларын төлеген кезде қойылады. Оған салықтарды төлеу мерзімдерін бұзғаны үшін есептелген, мемлекеттік кіріс органдары тексерулердің нәтижелері бойынша есептелген, камералдық бақылау нәтижелері бойынша есептелген өсімпұл сомалары жатпайды. 919-код салықтарды төлеу мерзімдері ұзартылғанға дейін салынған айыппұлдардың сомалары төленген кезде қойылады. Оған салық салу саласындағы әкімшілік құқық бұзушылықтар үшін салынатын, 2014 жылғы 5 шілдедегі Әкімшілік құқық бұзушылықтар туралы Қазақстан Республикасының Кодексіне сәйкес есептелген, мемлекеттік кіріс органдары тексерулердің нәтижелері бойынша салынатын айыппұл сомалары жатпайды. 921-код камералдық бақылау нәтижелері бойынша анықталған бұзушылықтарды жою туралы хабарлама негізінде төлеуге ұсынылған салықтардың, бюджетке төленетін басқа да міндетті және өзге төлемдердің (өсімпұлды қоспағанда) сомаларын аударған кезде қойылады. 922-код камералдық бақылау нәтижелері бойынша есептелген өсімпұл сомаларын төлеген кезде қойылады. Оған бюджетке міндеттемелер бойынша есептелген, салықтарды төлеу мерзімдері өзгерген (ұзартылған) кезде есептелген, мемлекеттік кіріс органдары тексерулердің нәтижелері бойынша есептелген өсімпұл сомалары жатпайды. 923-код ұсынылмаған Тауарлар әкелу және жанама салық төлеу туралы өтініш бойынша өсімпұл аударған кезде қойылады. 924-код қосылған құн салығының асып кетуінің қайтарылған, мемлекеттік кіріс органдары тексеру жүргізу кезінде расталмаған сомасына есептелген өсімпұлды аудару кезінде қойылады. 961-код грант қаражаты есебінен сатып алынатын тауарлар (жұмыстар, қызмет көрсетулер) бойынша төленген қосылған құн салығын салық берешегін өтеу есебіне есепке алу кезінде қойылады. 962-код грант қаражаты есебінен сатып алынатын тауарлар (жұмыстар, қызмет көрсетулер) бойынша төленген қосылған құн салығын қайтару кезінде қойылады. 963-код Қазақстан Республикасында аккредиттелген дипломатиялық және оларға теңестірілген өкілдіктерге қосылған құн салығын қайтару кезінде қойылады. 964-код мемлекеттік кіріс органдары тексеру нәтижелері бойынша есептелген сомалар бойынша берешекті өтеу есебіне артық (қателесіп) төленген сомаларды есепке алу кезінде қойылады. 965-код мемлекеттік кіріс органының артық қосылған құн салығын қайтару мерзімін бұзғаны үшін салық төлеушінің пайдасына бюджеттен өсімпұл төлеу кезінде қойылады. 966-код мемлекеттік кіріс органының салықты, ақы төлеуді қайтару мерзімін бұзғаны үшін салық төлеушінің пайдасына өсімпұл төлеу кезінде қойылады. 967-код салық органының салықты, ақы төлеуді есепке алу мерзімін бұзғаны үшін салық төлеушінің пайдасына өсімпұлдар төлеу кезінде қойылады. 968-код салық төлеушілерге бюджетке міндеттемелер бойынша өсімпұлдардың артық немесе қателесіп төленген сомасын қайтару кезінде қойылады. 969-код камералдық бақылау нәтижелері бойынша есептелген сомалар бойынша берешекті өтеу есебіне артық (қателесіп) төленген сомаларды есепке алу кезінде қойылады. 971-код бюджеттен артық (қателесіп) төленген салық сомаларын, басқа да міндетті және өзге төлемдерді салық төлеушінің банк шотына қайтару кезінде қойылады. 972-код нөлдік мөлшерлеме бойынша салық салынатын айналымдар бойынша 2009 жылғы 1 қаңтарға дейін пайда болған қосылған құн салығын қайтару кезінде қойылады. 973-код есепке алынған қосылған құн салығының 2009 жылғы 1 қаңтардан кейін пайда болған, есептелген салық сомасынан асқан сомасын есепке алу кезінде қойылады. 974-код есепке алынған қосылған құн салығының 2009 жылғы 1 қаңтардан кейін пайда болған, есептелген салық сомасынан асқан сомасын қайтару кезінде қойылады. 975-код бюджетке төленетін соманы артық немесе қателесіп төлеген, салық сомалары мен бюджетке өзге міндеттемелерді бюджеттік жіктеушінің бір кодынан бюджеттік жіктеушінің басқа кодына аударған кезде қойылады. 976-код салықтар, бюджетке басқа да міндетті және өзге төлемдерді басқа мемлекеттік кіріс органдарына қате есептеген кезде, басқа мемлекеттік кіріс органдарына артық немесе қате төленген салықты және төлемді аударған кезде қойылады. 977-код нөлдік мөлшерлеме бойынша салық салынатын айналымдар бойынша 2009 жылғы 1 қаңтарға дейін пайда болған қосылған құн салығын есепке алу кезінде қойылады. 978-код салық төлеушілерге бюджетке міндеттемелер бойынша төленген айыппұл сомасын қайтару кезінде қойылады. 979-код басқа да төлемдер, оның ішінде ресми трансферттер (субвенциялар, бюджеттік алулар және басқалары) және заемдарды қайтару үшін қойылады. 991-код жеке тұлғалар - азаматтар салықтар сомаларын, бюджетке басқа да міндетті және өзге де төлемдерді (өсімпұлдар мен айыппұлдар сомасын қоспағанда) аудару кезінде қойылады. 992-код жеке тұлғалар - азаматтар бюджетке міндеттемелерді уақтылы өтемегені үшін есептелген өсімпұл сомаларын төлеу кезінде қойылады. 993-код жеке тұлғалар - азаматтар 2014 жылғы 5 шілдедегі Әкімшілік құқық бұзушылықтар туралы Қазақстан Республикасының Кодексіне сәйкес есептелген әкімшілік құқық бұзушылық үшін салынатын айыппұлдар сомаларын төлеу кезінде қойылады. 994-код жеке тұлғалар - азаматтар өткен жылдары толық төленбеген салықтарды өтеу кезінде қойылады. 995-код әкімшілік құқық бұзушылықтар үшін мемлекеттік кіріс органдары салған, 2014 жылғы 5 шілдедегі Әкімшілік құқық бұзушылықтар туралы Қазақстан Республикасының Кодексіне сәйкес есептелген айыппұлдар сомаларын төлеу кезінде қойылады. 996-код тауарлар импорты кезінде төленген қосылған құн салығын қайтару кезінде қойылады. 997-код резидент еместен жұмыстарды, қызмет көрсетулерді сатып алу кезінде төленген қосылған құн салығын қайтару кезінде қойылады. 998-код пайдалануға енгізілетін негізгі құрал-жабдықтар, жылжымайтын мүлікке инвестициялар, сатып алынған биологиялық активтер бойынша қосылған құн салығын қайтару кезінде қойылады.
төлемдер белгілеу кодтарын қолдану және төлемдер бойынша оларға сәйкес мәліметтер ұсыну қағидаларына 3-қосымша
Нысан ___________________________ ұсынады (атауы)
(айы)
Басшы_________________ _____________________________________________________ (қолы) (аты-жөні)
(қолы) (аты-жөні)
жүктеу/скачать 0.67 Mb. Достарыңызбен бөлісу:
| |||||||||||||||||||||||||||||||||||||||||||||||||||||||||||