Федоров ауданының 08. 06. 2015 ж енгізілген өзгерістермен 2015 – 2017 жылдарға арналған азаматтық бюджет

Осы құжат «Бюджетті жоспарлау», «Ауданның әлеуметтік-экономиалық дамуының негізгі көрсеткіштер» және «Аудан бюджетінің түсімдер мен шығыстар» бөлімдерді қамтиды.

Аудан бюджеті – түсімдер есебінен қалыптастырылатын және ауданның жергілікті мемлекеттік органдарының, оларға ведомстволық бағынысты мемлекеттік мекемелердің міндеттері мен функцияларын қаржылық қамтамасыз етуге және нақты нәтижелерге қол жеткізуге бағытталған мемлекеттік саясатты іске асыруға арналған орталықтандырылған ақша қоры.

Бюджет процесi – мемлекеттiк органдардың Қазақстан Республикасының бюджет заңнамасымен регламенттелген, бюджеттi жоспарлау, қарау, бекiту, атқару, нақтылау және түзету, бухгалтерлiк есепке алу мен қаржылық есептiлiктi, бюджеттiк есепке алу мен бюджеттiк есептiлiктi жүргiзу, мемлекеттiк қаржылық бақылау жөнiндегi қызметi.

2015 – 2017 жылдарға арналған аудандық бюджет Қазақстан Республикасының Бюджет және Салық кодекстеріне, Федоров ауданының 2015 – 2019 жылдарға арналған әлеуметтік-экономикалық даму болжамына сәйкес қалптасты және аудандық мәслихат сессиясының 2014 жылғы 26 желтоқсандағы № 299 шешімімен бекітілді. Әділет органдарында 2015 жылғы 09 қантардағы № 5280 тіркелген.

Федоров аудандық мәслихатының 2015 жылғы 20 наурыздағы № 315 шешімі негізінде, әділет органдарында 2015 жылғы 26 наурыздағы № 5452 болып тіркелген, трансферттер түсімінің жоспары, облыстық бюджеттен берілетін 7815,7 мың теңге сомасына, республикалық бюджеттен берілетін 260267,0 мың теңге сомасына азайтылды. Бюджеттік кредит 1269,5 мың теңге сомасына ұлғайтылды.

Федоров аудандық мәслихатының 2015 жылғы 29 мамырдағы № 330 шешімі негізінде, әділет органдарында 2015 жылғы 8 маусымдағы № 5652 болып тіркелген, облыстық бюджеттен берілетін трансферттер түсімінің жоспары 59029,0 мың теңге сомасына азайтылды.

1. 
   «Бюджетті жоспарлау»
   

1.1 «Ауданның әлеуметтік - экономикалық дамуының негізгі көрсеткіштер»

Мың теңге

2014 жылғы Федоров ауданының мемлекеттік бюджет 95,2 %-ға атқарылды. Жоспарында 1339,7 млн. теңге болғанда нақты 1275,6 млн. теңге түсті, бұл 64,1 млн. теңгеге аз. 2013 жылғы есептік деректерге қарағанда түсімі 153 млн. теңгеге ұлғайды.

2014 жылғы салықтар бойынша және аудандық бюджетке басқа да төлемдер бойынша кіріс бөлігі 101,6 %-ға атқарылды, жоспар бойынша 727,7 млн. теңге болғанда нақты 739,1 млн. теңге, немесе 11,4 млн теңгеге көп қаражаты түскен. 2013 жылғы есептік деректерге қарағанда түсімі 67 млн. теңгеге ұлғайды.

Аудандық бюджетке түсетін салықтық түсімдердің жоспары 647,5 млн. теңге болғанда, нақты 662,8 млн теңге түсіп, орындалудың 102,4 % құраған болатын, оның ішінде:

Төлем көзінен салық салынатын табыстардан ұсталатын жеке табыс салығы, түсімдердің нақтыланған жоспары бойынша сомасы 331239,0 мың теңге болғанда аудан бюджетіне нақты 337058,4 мың теңге түсіп, атқарылудың 100,8 % құрады. Қосымша 5819,4 мың теңге түсті. Болжамның артық орындалуы шаруа қожалықтардан жалдамалы қызметкерлерге 2015 жылғы 10 сәуір мерзімі бойынша төлемдердің түскеніне байланысты. Өткен жылмен салыстырғанда «Воробкало» ЖК сүтті сатып алу жөніндегі негізгі қызметтің ашылу мен сүттің сатып алу бағасының өсімі есебінен түсімі 26505,4 мың теңгеге ұлғайды;

Төлем көзінен салық салынбайтын табыстардан ұсталатын жеке табыс салығы, нақтыланған жылдық жоспары бойынша 25117,0 мың теңге болғанда аудан бюджетіне нақты 28247,3 мың теңге түсіп, атқарылуы 112,5 % құрады. Аудандық бюджетке қосымша 3130,3 мың теңге түсті. Болжамның артық орындалуы бір жолғы төлемдерді төлеуден қалыптасты: мүлік пен жер учаскелерді сатудан түсетін кірістерге салынатын салықтан, сонымен қатар салық төлеушілермен жүргізілген жұмысы есебінен кіріс пен бюджетке төлемдердің сомалары ұлғайтылды. Өткен жылғы деректерге қарағанда бір жолғы төлемдер түсімінің азаюы есебінен түсімі 14021,7 мың теңгеге азайды.

Төлем көзінен салық салынатын шетелдік азаматтар табыстарынан ұсталатын жеке табыс салығы, түсімдердің есептік жылғы нақтыланған жоспары бойынша 461,0 мың теңге болғанда, нақты 495,9 мың теңге түсті. Қосымша 34,9 мың теңге түсті. Артық орындалуы «Федоровские новости» ЖШС бір жолғы төлем төлеген есебінен қалыптасты. Өткен жылмен салыстырғанда осы салықтың түсімі төлеушілер саны 3 салық төлеушіге өскен есебінен 182,1 мың теңгеге ұлғайды;

Әлеуметтік салық 100,1 %-ға атқарылды, түсімдердің жоспары бойынша 165269,0 мың теңге болғанда, аудан бюджетіне нақты 165400,1 мың теңге түсті. Қосымша 131,1 мың теңге түсті. Болжамның артық орындалуы ЖШС қарызының өтелгеніне байланысты. Өткен жылғы деректерге қарағанда 2013 жылы МКК-ның қарызды өтеу есебінен түсімі 2087,2 мың теңгеге азайды;

Заңды тұлғалардың және жеке кәсіпкерлердің мүлкіне салынатын салық. Есептік жылғы жоспары бойынша 66447,0 мың теңге болғанда, нақты 66343,5 мың теңге түсті, бұл атқарылудың 99,8 % құрады. 133,5 мың теңге толық түспеген. Болжамның атқарылмауы салық төлеушілердің есеп шоттарына жүргізілген қайтарулар мен артық төлемдерді басқа салықтарға есепке алумен байланысты. Өткен жылмен салыстырғанда «Бек+» ЖШС малшаруашылық кешені пайдалануға берілгеніне байланысты ағымдағы төлемдердің 1264 мың теңгеге өсуі, «KEGOC» АҚ Сарыбай МЭЖ» филиалының мүлікті 4920,0 мың теңгеге қайта бағалау және 2013 жылғы декларация бойынша 4333,4 мың теңге мөлшеріндегі толық есептелген сомасын төлеу есебінен түсімі 36271,9 мың теңгеге ұлғайды.

Жеке тұлғалардың мүлкiне салынатын салық. Есептік жылғы жоспары бойынша 1400,0 мың теңге болғанда, нақты 1442,9 мың теңге түсті. Қосымша 42,9 мың теңге түсті. Өткен жылғы деректерге қарағанда түсімі 40,7 мың теңгеге көбейді.

Ауыл шаруашылығы мақсатындағы жерлерге жеке тұлғалардан алынатын жер салығы. Есептік жылғы жоспары бойынша 38,0 мың теңге болғанда, нақты 39,6 мың теңге түсті. Артық орындалуы 1,6 мың теңге сомасындағы бұрынғы жылдардағы берешекті өтеу, оның ішінде 1,0 мың теңге мөлшеріндегі өсімпұлды төлеу есебінен қалыптасты. Өткен жылғы деректерге қарағанда түсімі 30 мың теңгеге азайды.

Елдi мекендер жерлерiне жеке тұлғалардан алынатын жер салығы. 104302 коды бойынша есептік жылғы жоспары бойынша 2973,0 мың теңге болғанда, нақты 3003,4 мың теңге түсті. Аудандық бюджетке осы коды бойынша қосымша 30,4 мың теңге түсті. Артық орындалуы бұрынғы жылдардағы берешекті өтеу, оның ішінде 22,0 мың теңге мөлшеріндегі өсімпұлды төлеу есебінен қалыптасты. Өткен жылғы деректерге қарағанда түсімі 181,0 мың теңгеге азайды.

Өнеркәсіп, көлік, байланыс, қорғаныс жеріне және ауыл шаруашылығына арналмаған өзге де жерге салынатын жер салығы. Есептік жылғы жоспары бойынша 4023,0 мың теңге болғанда, нақты 4023,1 мың теңге түсті, бұл атқарылудың 100 % құрады. Өткен жылғы деректерге қарағанда артық төлемнің ЖК басқа салықтарға есепке алуы жүргізілгеніне байланысты осы коды бойынша түсімі 61,9 мың теңгеге азайды.

Ауыл шаруашылығы мақсатындағы жерлерге заңды тұлғалардан, жеке кәсіпкерлерден, жеке нотариустар мен адвокаттардан алынатын жер салығы. Есептік жылғы жоспары бойынша 719,0 мың теңге болғанда, нақты 719,4 мың теңге түсті, бұл атқарылудың 100,1 % құрады. Қосымша 0,4 мың теңге түсті. Өткен жылғы деректерге қарағанда 2014 жылы «Гранд» ЖШС тіркеу есепке алудан аланып тасталғанына сонымен қатар артық төлемнің басқа салықтарға есепке алуы жүргізілгеніне байланысты түсімі 330,7 мың теңгеге азайды.

Елді мекендер жерлеріне заңды тұлғалардан, жеке кәсіпкерлерден, жеке нотариустар мен адвокаттардан алынатын жер салығы. Есептік жылғы жоспары бойынша 2408,0 мың теңге болғанда, нақты 2396,2 мың теңге түсті, бұл атқарылудың 99,5 % құрады. 11,8 мың теңге толық түспеген. Болжамның атқарылмауы «Қазпошта» АҚ БСК 104101 бойынша 50,0 мың теңге сомасында жүргізілген есепке алуына байланысты. Өткен жылмен салытырғанда артық төлемнің басқа салықтарға жүргізілген есепке алуы есебінен түсімі 1056,7 мың теңгеге азайды.

Заңды тұлғалардан көлiк құралдарына салынатын салық. Есептік жылғы жоспары бойынша 6486,0 мың теңге болғанда, нақты 6575,2 мың теңге түсті, бұл атқарылудың 101,4 % құрады. Қосымша 89,2 мың теңге түсті. Болжамның артық орындалуы төленген берешегі есебінен қалыптасты. Өткен жылмен салытырғанда ең төменгі есептік көрсеткіштің 121 теңгеге өсуі есебінен түсімі 803,9 мың теңгеге көбейді.

Жеке тұлғалардан көлiк құралдарына салынатын салық. Есептік жылғы жоспары бойынша 42526,0 мың теңге болғанда, нақты 43568,3 мың теңге түсті. Қосымша 1132,3 мың теңге түсті. Төлеу мерзімі 2014 жылғы 31 желтоқсан бойынша ағымдағы төлемдер. Өткен жылмен салытырғанда 2013 жылғы қарыз өтелгеніне байланысты осы коды бойынша түсімі 593,5 мың теңгеге азайды.

Бірыңғай жер салығы бойынша түсімдердің болжамы 2014 жылғы жоспары бойынша 26692,0 мың теңге болғанда, нақты 26933,9 мың теңге түсті, атқарылуы 100,9 % құрады. Камералық бақылау нәтижесі бойынша 2009 – 2013 жылдардағы қосымша ұсынылған есептілік бойынша салықты төлеу есебінен қосымша 241,9 мың теңге қаражаты түсті. Өткен жылмен салыстырғанда түсімі 454,7 мың теңге көбейді.

Акциздер (бензин) бойынша жылға түсімі жоспары бойынша 2289,0 мың теңге сомасында болғанда, нақты 2305,5 мың теңге түсті, бұл атқарылудың 100 % құраған болатын. Өткен жылға қарағанда өткізілудің (сатылым) көлемінің азайғанына байланысты осы коды бойынша түсімі 80,1 мың теңгеге азайды.

Жер учаскелерін пайдаланғаны үшін төлемнің түсімі есептік жылғы жоспары бойынша 6549,0 мың теңге болғанда, нақты 6434,8 мың теңге түсті, немесе 98,3 %-ға атқарылды. 114,2 мың теңге толық түспеген. Болжамның атқарылмауы салықтардың басқа кодтарға есепке алынғанына байланысты. Өткен жылға қарағанда осы коды бойынша түсімі 1029,1 мың теңгеге көбейді. «Гранд» ЖШС тіркеу есепке алынғанына байланысты салық сомасы 1400 мың теңгені құрады.

Кәсiпкерлiк және кәсiби қызметтi жүргiзгенi үшiн алынатын алымдардың түсімі 103 %-ға атқарылды. Төлемдер біржолғы сипаттағы болып табылады.

Мемлекеттік баж 108,4 %-ға атқарылды. Төлемдер біржолғы сипаттағы болып табылады, алымның сомасы өтініш жасаған клиенттердің санына тәуелді.

2014 жыл ішінде жоспар бойынша аудандық бюджетке салықтық емес түсімдер 24111,3 мың теңге болғанда, нақты 24369,3 мың теңге түсті, бұл атқарылудың 101,1 %, оның ішінде:

– коммуналдық меншігіндегі мүлікті жалға беруден түсетін кірістер 107,7 %-ға атқарылды. Артық атқарылуы төлеушілер санының өсімі есебінен қалыптасты;

– жергілікті бюджеттен қаржыландырылатын мемлекеттік мекемелермен алынатын өзге де айыппұлдар, өсімпұлдар, санкциялар 147,9 %-ға атқарылды, жоспар бойынша 8,0 мың теңге болғанда, нақты 11,8 мың теңге түсті. Түсімі айыппұлдарды салу фактілер бойынша қалыптасты;

– басқа да салықтық емес түсімдер 100,7 %-ға атқарылды, жоспар бойынша 23000,0 мың теңге болғанда, нақты 23162,7 мың теңге түсті. Төлемдер біржолғы сипаттағы болып табылады.

Мың теңге