Халықтың саз өнерінің тағылымы
жүктеу/скачать 89.64 Kb.
|
- Бұл бет үшін навигация:
- Тапсырма Берілген сөздерден дұрыс сөйлем құрап жазу.
- Өздерің ұнататын сазгерлерің туралы деректер жинап жазу
|
Халықтың саз өнерінің тағылымы Өнер - ұлттық дәстүріміз. Музыка, әуен, саз - өнер әлемінің негізі. Халқымыздың музыка әлемінде кеңінен таралған жанрларының бірі - ән. Ән дәстүрі өзінің болмысымен, бай мазмұнымен қазақ халқының ұлттық дәстүрін сипаттайды. Ән сазды әуезділігімен, көңілге ұялар әсерлілігімен қымбат. Біздің халық - музыканы сүйетін, құрметтейтін, қадірлейтін, ән, өнер дегенде ішкен асын жерге қоятын халық. Яғни, «Құлақтан кіріп, бойды алар, Жақсы ән мен тәтті күй. Көңілге түрлі ой салар, Әнді сүйсең менше сүй», - деп Абай атамыз айтпақшы, ән өнері – ұлттық дәстүріміздің жалғасы екенін көреміз. Ұрпақтан - ұрпаққа мұра болып келген әншілік өнер қазіргі заманда кеңінен дамуда. Сонда да болса сан ғасырлық тарихы бар әндеріміздің орны ерекше. Оған дәлел, тума таланттарымыз Біржан сал, Ақан сері, Естай, Кенен, Жаяу Мұса, Мұхит, Майра, Ғарифолла, Жүсіпбек, бері келе Шәмші, Нұрғиса, Ермек Серкебаев т. б. әндері. Мысалы, Ақан сері әндерінде өмір шындығы үлкен суреткерлікпен жырланған. Өзінің өмір серігі болған сәйгүлігі мен қыран құстарына арналған «Маңмаңгер», «Құлагер», «Қараторғай» әндерінде басындағы қайғылы оқиғасын айта отырып, өз заманындағы әділетсіз қоғамның бейнесін ашқан. «Теміртас», «Жанбота», «Адасқақ», «Көкек» атты Біржан сал әндерінде де өмір шындығы еш боямасыз жырланған. Жалпы ән дәстүрінде Абай әндерін атап өтпесек тағы болмас. Абай әндері өзіндік ерекшелігімен, саздылығымен дараланады. «Сегізаяқ», «Көзімнің қарасы», «Айттым сәлем, қаламқас», «Желсіз түнде жарық ай», «Қараңғы түнде тау қалғып» тәрізді әндері ән жанрының үздік үлгілері. Біз Біржан мен Абайды бекерге қатар айтып отырғанымыз жоқ. Бұлар бір заманда қатар өмір сүрген ұлы дарын иелері. Абай ауылының өнерпаз жастары тәлім - тәрбие алсын деп Біржанды бір ай қонақ етіп өнеріне риза болып: - Шіркін, Біржан аға, енді қазақтың әйелдері сіздей өнерпазды дүниеге әкелер ме екен,- дегенде, Біржан: - Қазақтың әйелдері мендей өнерпаздарды әлі жүздеп – мыңдап әкелер, бірақ сендей тыңдарман туар ма!?- деген екен. Міне, азаматты қадірлеу, өнерді бағалау осы емес пе? Халқымыз осындай өшпес мұраны ілгері дамытып, жаңалық қосып, түрлендіріп отырған. Мінеки, өмірде өзіндік орны бар ән дәстүрі алдағы уақытта да өз қадір - қасиетін жоғалтпай болашақ жасөспірімдерге үлгі бола берсе. Өсіп келе жатқан жас буын осы әндеріміздің мән - мағынасын, құрылымын түсініп, қазіргі еш мазмұны жоқ әндерден бойларын аулақ ұстаса, дәстүрлі ән өнерінде халқымыздың салт - дәстүрі, әдет - ғұрпы, тарихы, өмірі, тұрмыс - тіршілігі бейнеленетінін түсінер деп ойлаймыз. Халық ішінде сазгерлер көп пе? - Бір сазгердің әнін бүкіл халықтың айтуы қандай құбылыс? - Бір сазгердің әнін бүкіл халықтың айтуы – сирек құбылыс. Шәмші Қалдаяқов кім? - Қандай сазгерді ұлы сазгер деп атауға болады? - Шәмші Қалдаяқов қай жерде туған? - Мұхтар Әуезов оның әндерін қалай бағалаған? - Шәмші әндері жүрекке қандай сезімдерді ұялатады? - Сендер Шәмшінің қандай әндерін білесіңдер? - Отбастарыңда Шәмшінің әндерін орындайды ма? Тапсырма Берілген сөздерден дұрыс сөйлем құрап жазу. Сазгерлер, халық, болады, де, көп, әншілер де, ішінде. Шәмшінің, аударды, ел, бірден, назарын, әндері, сондықтан. Ол, кезінен, бастап, әндер, шығарды, жас, тамаша. Туралы, ғалым, жазушы, Мұхтар Әуезов, жазды, данышпан, Шәмші. Өздерің ұнататын сазгерлерің туралы деректер жинап жазу жүктеу/скачать 89.64 Kb. Достарыңызбен бөлісу:
|