I. Статистикалық мәліметтер

Аудан бойынша 132 мемлекеттік қызметші жұмыс істейді, оның ішінде мемлекеттік тілді меңгергендері – 85 адам, яғни 64,4%.

Аумақтағы мемлекеттік тілді меңгерген халықтың үлесі 2015 жылы 82%-ды құраса, 2016 жылы бұл көрсеткішті 82,5%-ға көтеру жоспарланып отыр.

«Атбасар ауданының мәдениет және тілдерді дамыту бөлімі» ММ кадрлық құрамы.

Аудандағы мектепке дейінгі мекемелердің жалпы саны – 37. Оның ішінде 5-еуі балабақша, 32-і шағын орталық. 3 шағын орталық аралас тілде, 5-уі таза қазақ тілінде, қалғандары орыс тілінде тәрбие беруде. Олардағы бүлдіршіндердің жалпы саны – 1977, оның ішінде қазақ топтарында тәрбие алатындары – 716, яғни 36,2%. Аудандағы мектептердің жалпы саны – 33, оның ішінде таза қазақ тілінде оқытатын 4 мектеп, орыс тілінде – 26, аралас тілде - 3. Олардағы оқушылардың жалпы саны – 6677, оның ішінде 1420, яғни 21,3% қазақ сыныптарында оқытылуда.

Атбасар қаласында 3 колледж бар, оның 1-еуі аралас тілді. Олардағы студенттердің жалпы саны 849, таза қазақ тілінде 44 студент білім алуда.

III. Орталық қызметі
«Атбасар ауданының мәдениет және тілдерді дамыту бөлімі» мемлекеттік мекемесі жанында «Атбасар ауданының тілдерді оқыту орталығы» коммуналдық мемлекеттік мекемесі 2008 жылдан бері тіл саясатына қатысты жүйелі түрде жұмыс жүргізуде.

2015-2016 оқу жылы бойынша орталықта 172 тіл үйренуші оқуда, олардың 69-ы мемлекеттік қызметші. Барлығы 12 топ құрылды, оның 2 бастауыш (34 тыңдаушы), 5 жалғастырушы (69 тыңдаушы), 5 жетілдіру (69 тыңдаушы) білім алуда.

Соңғы 4 жылда мемлекеттік тілді үйренем деушілердің саны 2 есеге дейін артты. Орталықтың материалдық - техникалық базасы: 16 компьютер жабдықтарымен, мультимедиялық бөлме, 2 қазақ тілі кабинеті бар.

Ағымдағы жылы «Ең үздік кабинет» облыстық байқауында «Атбасар ауданының тілдерді оқыту орталығы» коммуналдық мемлекеттік мекемесі жүлделі 3 орынды иеленді.

Тестілеудің нәтижесі бойынша тестіленушілердің орташа білім сапасы жақсы, пайыздық көрсеткіші - 78,4% құрады.

ҚАЗТЕСТ жүйесін насихаттау мақсатында аудан мекемелеріндегі жұмыс істейтін мемлекеттік, азаматтық қызметшілеріне ақпараттандыру жұмыстары жүргізіліп, аудандық «Атбасар», «Простор» газеттерінде мақалалар жарияланды.


V. Тілдерді дамыту шаралары
Мемлекеттік тілдің қолданылу аясын кеңейту мақсатында жыл басынан көптеген іс-шара өткізіліп, аудандық байқаудың жеңімпаздары облыстық байқауларға қатысты. Атап айтсақ; «Тіл парасат», «Сөзмерген», «Тапқыр достар», «Берекелі дастарқан», «Қазақтың ұлттық ойындары», «Жігіт сұлтаны», «Әйел бақыты» ток-шоуы, «Ортақ шаңырақ аясында» фестивалі т.б.

Қыркүйек айының үшінші жексенбісі Қазақстан халқының тілдер күні мерекесі ретінде атап өту жақсы дәстүрге айналды. Атбасар ауданы әкімдігінің 2015 жылдың 2 қыркүйектегі №А- а-9/290 қаулысына сәйкес 2015 жылдың 7-16 қыркүйегі аралығында Қазақстан Республикасы халқының тілдері күніне арналған тілдер онкүндігі өткізілді.

Онкүндікті өткізу жоспарына сәйкес ауданымызда 20 іс-шара өткізілді. Олар: дөңгелек үстелдер, байқаулар, семинарлар, позэия кештері т.б.

БАҚ ахуалы. Аудандық саяси-әлеуметтік «Атбасар», «Простор» газеттерінде жыл басынан бері тіл саясатына қатысты қазақ тілінде 44 мақала, орыс тілінде 19 мақала жалпы 63 мақала жарияланды.

2014 жылы аудандық БАҚ-та тіл саясатына қатысты 72 мақала жарық көрді.

Ай сайын жүргізілетін мониторинг нәтижесіне сәйкес аудан бойынша 2015 жылы мемлекеттік органдардан шығатын іс-қағаздардың мемлекеттік тілдегі үлесі 96%-ы құрайды.

2015 жылдың 25 қыркүйегінде аудандық әкімдіктің аппарат кеңесінде Атбасар ауданында Тіл саясатына қатысты атқарылып жатқан жұмыстар туралы сұрақ қаралды.

Рейд барысында жеке кәсіпкерлер тарапынан Қазақстан Республикасының «Қазақстан Республикасының тіл туралы» және «Жарнама туралы» Заңдары бұзылғаны анықталды. Ағымдағы жылы зерделенген 105 көрнекі ақпараттың 22-і эстетикалық жағынан тозған, орналасу тәртібі, әріп өлшемдері сақталмаған, және емлелік қатесі бар жарнамалар болып анықталды. Бүгінгі күні барлық кемшіліктер жойылды.