Қызылорда облысының әлеуметтік- экономикалық дамуының жұмыс жасап тұрған мемлекеттік тұрақтандыру саясатына талдау

Қызылорда қаласы 3 мемлекеттік, 8 салалық бағдарламаны жүзеге асыруға қатысуда.

«Бизнестің жол картасы 2020» бағдарламасы:

Бағдарлама шеңберінде жыл басынан бері жалпы құны 1317,0 млн теңгені құрайтын 45 инвестициялық жоба Аймақтық үйлестіру кеңесінің оң қорытындысын алды.

«Саламатты Қазақстан» денсаулық сақтау саласын дамытудың 2011-2015 жылдарға арналған салалық бағдарламасы;

Денсаулық сақтау саласында ана мен сәбилер өлімі соңғы үш жылда 88,0 пайызға төмендеген. Қалада туберкулезбен аурушаңдық көрсеткіші де 2014 жылы 66,5 пайызды құрады. Қан айналым жүйесі ауруларын ерте бастан анықтауға байланысты жүргізілген скринингтік тексерулер нәтижесінде 100 мың тұрғынға шаққандағы аурушаңдық көрсеткіші 2013 жылмен салыстырғанда (2025,1-тен) 1822,4-ке төмендеген.

«Қолжетімді тұрғын үй 2020» бағдарламасы;

2014 жылы Қолжетімді тұрғын үй – 2020 бағдарламасы шеңберінде 5 842,4 млн.теңге бөлінді. Бөлінген қаржы келесідей негізгі бағыттар бойынша бағытталды:

• 
  кезектегілер үшін арендалық үйлер;
  
• 
  жас отбасылар үшін арендалық үйлер;
  
• 
  ипотекалық үйлер;
  
• 
  инженерлік-коммуникациялық инфрақұрылым.
  

«Қазақстан Республикасында білім беруді дамытудың 2011-2020 жылдарға арналған мемлекеттік бағдарламасы»;

Білім саласын дамытуда қалада Қорқыт ата көшесіндегі 900 орындық және Ипподром тұрғын ауданында 900 орындық мектеп құрылысы жүргізілуде.

«Балаларды мектепке дейінгі тәрбиемен және оқытумен қамтудың 2010-2014 жылдарға арналған «Балапан» салалық бағдарламасы;

2014 жылы 150 орындық «Шұғыла 3», 50 орындық «Сыр Өрені» жеке меншік балабақшалары және 50 орындық «Сыр Балажан» жеке шағын орталығы ашылып, мектепке дейінгі тәрбие және оқытумен қамтылуы 83,2 пайызды құрады.

«2011-2020 жылдарға арналған «Ақ бұлақ» бағдарламасы»;

2014 жылы бағдарлама аясында республикалық бюджеттен 1270,0 млн, теңге және жергілікті бюджеттен 235,4 млн. теңге бөлініп, қала ішінде және 5 елді мекенде 21 су бұрғылау бұрғыланып, Ақсуат, Абай, Айнакөл, Қараөзек елді мекендерінде 119,7 шақырым ауыз су жүйесі мен сервистік желілері тартылып, 17500 су есептегіш құралдары орнатылды.

«Өңірлерді дамыту» салалық бағдарламасы;

2014 жылға аталған бағдарлама шеңберінде республикалық бюджеттен 7 ауылдық округтердің жол және көше жарықтарын жөндеуге 19,4 млн.теңге қаралды.

«ҚР Тұрғын үй коммуналдық шаруашылығын жаңғырту мен дамытудың 2011-2020 жылдарға арналған салалық бағдарламасы»;

2014 жылы республикалық бюджеттен бөлінген 1751,1 млн теңгеге 72 үйге күрделі жөндеу жоспарланып, оның ішінде 25 үй бойынша жөндеу жұмыстарын аяқтауға бағытталды, 47 көпқабатты тұрғын үй бойынша мердігерлермен келісім шарт жасалып, күрделі жөндеу жұмыстары жүргізілуде.

«Агробизес 2020» салалық бағдарламасы;

Бағдарлама 4 бағыт бойынша іске асырылуда.

қаржылық сауықтыру;

агроөнеркәсіп субъектілері үшін тауарлар мен жұмыстар және қызметтердің қол жетімділігін арттыру;

агроөнеркәсіп субъектілерін қамтамасыз ету бойынша мемлекеттік жүйені дамыту;

агроөнеркәсіп кешенін мемлекеттік реттеу жүйелерінің тиімділігін ұлғайту.

3. ҚАЛА ДАМУЫНЫҢ КӨРІНІСІ
Бүгінгі күні Қызылорда қаласының мұнай-газ саласы экономиканың негізі болып табылады. Бұл сала жалпы аймақтық өнімнің 45 пайызын қалыптастырады.

Қаланың стратегиялық міндеті мұнай-газ секторының ресурстарына сүйене отырып, минералдық және аграрлық ресурстарды игеру базасында өңдеу өнеркәсібін жоғарылатуды қамтамасыз етуге, тамақ өнеркәсібінің, құрылыс материалдарының және шыны өндірісінің, агроөнеркәсіптік кешен тауарларының бәсекеге қабілеттілігін дамытуға мүмкіндік береді.

Осы мақсатта Қызылорда қаласын өндіріс орталығына айналдыруды көздейтін индустриалды аймақ құру үшін Титов қыстағынан 760 га жер телімі және «Өндірістік алаңға» бұрынғы ЦКЗ аумағынан 44 га жер телімі табысталып, бұл индустриалды аймақтарда ірі өндірістік жобалар, атап айтқанда «Шыны шығару зауытының құрылысы», «Қабырға және жаяу жүргінші жолдардың материалдары өндірісін құру», «Қызылорда қаласында құбырларды пенополиуретанды полиэтилен және мырышпен қаптап жылу сақтандыру» жобалары орналастырылады.

Металлургия саласын құру және дамыту шеңберінде Қызылорда қаласында жылдық қуаттылығы 150 мың тонна болатын «Ферроқорытпа зауытын салу» жоспарлануда. Жобаның болжамдық құны 250 млн. АҚШ доллар, құрылысқа салынатын инвестиция көлемі 211,5 млн.АҚШ долларын құрайды. 1000-ға жуық жаңа жұмыс орны ашылады.

Қызылорда қаласы қолайлы географиялық жерде орналасқан, сонымен қатар, «Батыс Еуропа-Батыс Қытай» автомагистралінің құрылысы, «Бейнеу-Бозой» газ құбырының құрылысы, жол инфрақұрылымын дамыту бағытындағы транзиттік әлеуетті жүзеге асыруға мүмкіндік беретін жолаушылар терминалының құрылысы, шағын және орта бизнесті, туризмді дамытуға, Еуропа және Азия нарықтарына шығуға мүмкіндік береді.

Қызылорда қаласының соңғы жылдардағы әлеуметтік-экономикалық дамуына жасалған талдау барысында Қызылорда қаласы ішкі және сыртқы нарықтарда бәсекеге қабілетті өнімді шығаруға бағытталған әртараптандырылған экономикасы бар, инвестиция салуға бәсекеге қабілетті артықшылықтары бар, халықтың өмір сүру сапасы жоғары және мол мүмкіндіктерге ие өңір болады.
Маңызды индикаторлар:

2015 жылы өңдеуші өнеркәсіп өнімінің нақты көлем индексі 105,0 % құрайды;

2015 жылы ауыл шаруашылығы өнімі өндірісінің нақты көлем индексі 103,5% құрайды;

Бөлшек сауданың нақты көлем индексі 2015 жылы-130 %-ды құрайды;

Ауылшаруашылық өндірісіне инвестициялардың нақты көлемі индексі 2015 жылы-100 %-ды құрайды;

Жаратылыстану-математика пәндері бойынша білім беру бағдарламаларын табысты (өте жақсы/жақсы) игерген білім алушылардың үлесі 2015 жылы-63,7 %-ды құрайды;

Балаларды мектепке дейінгі тәрбиемен және оқытумен қамту деңгейі 2015 жылы-100 %-ды құрайды;

Халықтың күтілетін өмір сүру ұзақтылығы 2015 жылы-70 жылды құрайды;

Жұмыссыздық деңгейі 2015 жылы- 4,7 %-ды құрайды;

Ең төменгі күнкөріс деңгейінен төмен табысы бар халықтың үлесі 2015 жылы- 3,2%-ды құрайды;

Аранайы әлеуметтік қызметтер ұсынумен қамтылған адамдардың үлес салмағы - 77%-ды құрайды;

Мәдениет ұйымдарына 1000 адамға шаққандағы келушiлердiң орташа саны 2015 жылы-449 бірлікті құрайды;

Мемлекеттік тілді меңгерген халық үлесі 2015 жылы- 93 %-ды құрайды;

Жүйелі түрде дене шынықтырумен және спортпен шұғылданатын барлық жастағы тұрғындарды қамту 2015 жылы-25 %-ды құрайды;

Көшелерде жасалған қылмыстардың үлес салмағы 2015 жылы- 16,4 %-ды құрайды;

Құрылыс жұмыстарының нақты көлем индексі 2015 жылы- 106,0 %-ды құрайды;

Жақсы және қанағаттанарлық жағдайдағы жергілікті маңызы бар автомобиль жолдарының үлесі 2015 жылы- 74,0 %-ды құрайды;

Орталықтандырылған сумен жабдықтауға қолжетімділігі бар тұрғындардың үлесін ұлғайту 2015 жылы- 75,0 %-ды құрайды;

Жылумен жабдықтау қызметтерімен қамтамасыз етілу деңгейін ұлғайту 2015 жылы- 85,0 %-ды құрайды;

Инженерлік-коммуникациялық инфрақұрылымның тозуын төмендету 2015 жылы жылумен жабдықтау- 45 %-ды, сумен жабдықтау- 25 %-ды, электрмен жабдықтау- 5 % -ды, су бұру- 24 %-ды құрайды;

Күрделі жөндеуді қажет ететін кондоминиум объектілерінің үлесін төмендету 2015 жылы- 58,5 % - ды құрайды.

Халықтың су бұру қызметтерімен қамтамасыз етілу деңгейін арттыру 2015 жылы- 53 %-ды құрайды;

Ауылшаруашылық мақсатындағы жерлердің жалпы ауданынан ауылшаруашылық айналымына тартылғандардың үлесін ұлғайту 2015 жылы – 6,0 %-ды құрайды;

Халықтың мемлекеттік қызметтерді көрсету сапасына қанағаттанушылық деңгейі 2015 жылы – 82 % -ды құрайды.

1- бағыт. Экономика

Өңірлік макроэкономика.

1-мақсаты: Өңірдің өнеркәсіп саласын дамыту және бәсекеге қабілетті өнеркәсіп өнімдерінің өндірісі

Өнеркәсіп

2-мақсаты: Қаланың өнеркәсіп саласын дамыту және бәсекеге қабілетті өнеркәсіп өнімдерінің өндірісі.

2.1 міндет: Экономиканың өңдеу саласын дамыту.