«Қызылорда облысының энергетика және тұрғын үй-коммуналдық шаруашылық басқармасы» мемлекеттік мекемесінің 2011-2015 жылдарға арналған cтратегиялық жоспары Мазмұны

2012 жылғы « 04 » қаңтардағы № 736 қаулысына

қосымша
Қызылорда облысы әкімдігінің

2010 жылғы 30 желтоқсандағы № 1001 қаулысымен

бекітілген

«Қызылорда облысының энергетика және тұрғын үй-коммуналдық шаруашылық басқармасы»

мемлекеттік мекемесінің 2011-2015 жылдарға арналған cтратегиялық жоспары
Мазмұны

Миссиясы: Облыс экономикасының энергетикалық секторы арқылы энергоресурстағы өсіп келе жатқан экономиканың қажеттілігін қамтамасыз ету, энергетикалық қауіпсіздікке ықпал жасау, энерго үнемдеу және энерготиімділікті арттыру, қоғам өмірін жақсарту бағытында коммуналдық шаруашылық және электр қуатымен қамтамасыз ету саласында мемлекеттік бағдарламаларды жүзеге асыру.

Пайымы: Азаматтардың тұрмыс жағдайын жақсартуға бағытталған коммуналдық шаруашылық және электр қуатымен қамтамасыз етудің қарқынды дамуы, облыстың энерго қауіпсіздігін болдырмау, Қызылорда қаласын газдандыру, отын энергетикалық кешені саласы бойынша энерго үнемдеу технологиясын енгізу және коммуналдық саланы жақсарту бағытында тиімді қызмет атқару, коммуналдық шаруашылық және газ, жылу, су, электрмен жабдықтауды дамыту бағдарламасын өңдеу және іске асыру.

2- бөлім. Ағымдағы жағдайды талдау және тиісті қызмет салаларының (аяларының) даму үрдістері

Стратегиялық бағыт 1. Облыстың энергетика, коммуналдық шаруашылық, елді мекендерді газдандыру салаларының динамикалық дамуы.

Энергетика

1.1) Реттелетін саланы немесе қызмет аясын дамытудың негізгі параметрлері.

Қызылорда облысында жалғыз энергия көзі болып табылатын «ҚЖЭО» МКК жұмыс жасауда: қуаттылығы 50 меговатт құрайтын КОГТЭС және қуаттылығы 63 меговатт ҚЖЭО. Ішкі қуат көздері өңірдің электрқуатына деген сұранысының 57 % қамтамасыз етеді, жетіспейтін қалған көлемі еліміздің Солтүстік және Оңтүстік аймақтарынан жеткізіледі.

Облыстың электр желілері «ҚЭТТК» АҚ-ның теңгерімінде, әуе және кабель желілерінің жалпы ұзындығы 9019,05 шақырым, олар 110 кВ электр желісі – 922,2 шақырым; 35 кВ электр желісі – 2466,58 шақырым; 10 кВ электр желісі – 2647,97 шақырым; 0,4 кВ электр желісі – 2982,3 шақырым. Барлық трансформаторлық қосалқы стансалар саны 1637 дана. Оның ішінде: кернеулігі 220 кВ - 2 дана, кернеулігі 110 кВ - 7 дана, кернеулігі 35 кВ - 108 дана, кернеулігі 10/0,4 кВ – 1521 дана.

Облыстың э.э. пайдалану көлемі 2008 жылы 1040,0 мил. кВт/сағ, 2009 жылы 1100 мил. кВт/сағ, 2011 жылы 1100,0 мил. кВт/сағ, 2012 жыл -1150,0 мил. кВт/сағ құрады.

Облыстың өндірген электр энергиясының көлемі 2008 жылы – 32,4 пайыз немесе 337,2 мил. кВт/сағ., 2009 жылы - 36,5 пайыз немесе 401,9 мил. кВт/сағ, 2010 жылы – 57,0 пайыз немесе 385,2 мил. кВт/сағ, 2011 жылы – 57,0 пайыз немесе 300,8 мил. кВт/сағ, 2012- жылы – 58,0 пайыз немесе 320,5 мил. кВт/сағ.

2011 жылы ОБ-тенқаралған 296 млн. теңге қаржыға, Қызылорда облысының Шиелі қыстағында 220 кВ қосалқы станциясы қайта жаңғыртылды.

Қызылорда қаласы бойынша, «Қызылорда қаласының 10/0,4 кВ электрмен жабдықтау жүйесін дамытуға», 3 35/10 кВ және Жосалы кентінде 220 кВ ҚС қайта жаңғыртуға, Қызылорда қаласының кернеулігі ТМ-10 күштік трансформаторын ГТМ-12-ге ауыстыру» жаңа заманға сай құрал-жабдықтарға ауыстырылатын 4 ЖСҚ дайындалды.

2012 жылы Қызылорда қаласының және е.м. электр желілерін және ҚС кеңейту және жаңғыртуға 9 ЖСҚ әзірленді.

Облыста, энергия үнемдеу бойынша шараларды іске асыру мақсатында 2010 жылы Қызылорда қаласының 330 абонентті қамтитын 10/0,4 кВ 6 ҚС шығатын 0,4 кВ электр желілеріне ЭКЕАЖ-н енгізу бойынша пилоттық жоба жүзеге асты. 2011 – 2012 жылы жалпы ұзындағы 151,64 км құрайтын және 7359 абоненті қамтитын «Жосалы, Жалағаш, Тасбөгет кенттерінде және Қызылорда қаласында 0,4 кВ электр желілерін қайта жаңғырту және тұрғын үйлердің енгізулерін ауыстыру» инвестициялық бағдарлама әзірленді. Инвестициялық бағдарламаның жалпы құны – 223,4 млн. теңгені құрады. 2011 жылы инвестициялық бағдарлама 112,6 млн. теңгеге толығымен орындалды.

Жобаны жүзеге асыру 2013 – 2015 жылдарға көзделуде.

Қайталама электр энергия көздері

Қызылорда облысының әкімдігімен қайталама электр энергия көздерін облыстың электр тенгеріміне тарту сұрақтары қаралуда. Оның ішінде 2010 жылы шет аймақ елді мекендерін электрлендіру мақсатында, Қазалы ауданы, Ажар е. м. желдік электр қондырғысының құрылысына ОБ 35,4 млн. теңге қаржы бөлінді. Желдік электр қондырғысы нәтижелі жұмыс жасауына қарай, облысымыздағы электрленбеген Арал, Қазалы және Қармақшы аудандарындағы шет аймақта орналасқан е. м. желдік электр қондырғысын орнату жоспарлануда.

БҰҰ Өкілдігінің экологиялық қоры арқылы 2013 жылы Мойнақ е. м. күн сәулесі арқылы электрмен жабдықтау үшін 40 990 АҚШ доллар көлемінде грант бөлінді.

Жоба бойынша Мойнақ е. м. 8 үйін электрмен қамтамасыз ету көзделуде. Күн сәулесі батареясы сағатына 1,5 - 2 кВт электр энергиясын өндіреді.

Сондай–ақ, облыстың әкімдігімен облыста қайталама энергия көздерін пайдалануға потенциалды инвесторларды жұмылдыру жұмыстары жүргізуде.

Коммуналдық шаруашылық: Елбасының «Дағдарыстан жаңару мен дамуға» атты Қазақстан халқына Жолдауын іске асыру мақсатында 2010 жылы қалалар мен елді мекендерде тұрғын үй-коммуналдық шаруашылық саласы бойынша 31 жоба, оның ішінде сумен жабдықтау 13 жоба, электрмен жабдықтау 6 жоба, жылумен жабдықтау саласында 12 жоба жүзеге асырылды.

2011 жылы РБ және ОБ қаражаты есебінен бөлінген 488,143 млн. теңгеге «Қызылорда қаласындағы «ҚЖЭО» МКК-нан Киняева көшесіне дейінгі магистралдық жылу жүйесін қайта жаңғырту» жобасы ҚМЖ жүргізілді.

2012 жылы жобаны жалғастыру мақсатында жалпы бюджеттен бөлінген 456,1 млн. теңгеге ҚМЖ атқарылды. Бүгінгі таңда, ҚМЖ толығымен аяқталды.

Сонымен қатар, ОБ бөлінген 207,5 млн. теңгеге Қызылорда қаласындағы Желтоқсан көшесіндегі магистралдық жылу желілеріне күрделі жөндеу жұмыстары жүргізілді.

Бұдан басқа, облыс орталығындағы 9 АБМҚ резервтік отынға көшіру жұмыстарына ОБ бөлінген 255,0 млн. теңгеге ҚМЖ жүргізілді.

Облыстың жылумен жабдықтау саласын дамыту мақсатында 2013 жылы РБ және ОБ қаражаты есебінен бөлінген 570,3 млн. теңгеге облыс орталығының магистралдық жылу жүйелерін қайта жаңғырту және Қазалы ауданы Әйтеке би кентінің жылу желісін кеңейту жұмыстарын жүргізу жоспарлануда.

Елбасының 2011 жылғы Қазақстан халқына жолдаған Жолдауын жүзеге асыру мақсатында ҚР ҚТҮКШІА «Қазақстан Республикасының 2011-2020 жылдарға арналған Тұрғын үй-коммуналдық шаруашылығын жаңғырту» бағдарламасы әзірленді.

Бағдарлама негізі үш бағытта жұмыс жасайды: бірінші бағыт жылу, электр, газбен жабдықтау желілерін қайта жаңғырту және модернизациялау, екінші бағыт көп қабатты тұрғын үйлерді жөндеу және олардың техникалық жағдайын жақсарту, үшінші бағыт тұрғын үй-коммуналдық шаруашылықтың тиімділігін арттыру.

Бағдарламаның бірінші бағыты бойынша облысымыздың инженерлік жүйелерін (су кәріз, электр, жылу және газ жүйелері) жөндеу және қайта жаңғырту мақсатында жұмыстар атқарылуда.

Екінші бағыт бойынша 2011 жылы көп қабатты тұрғын үй қорының техникалық жағдайын жақсарту мақсатында ҚР Үкіметінің шұғыл шығындарға арналған резервінен кондоминиум объектілерінің ортақ мүлкіне күрделі жөндеу жүргізуге Қызылорда облысы бойынша 395,0 млн. теңге қаражат бөлініп, 18 көпқабатты тұрғын үйлерге күрделі жөндеу жұмыстары жүргізілді.

Бағдарлама аясында осы бағыттағы жұмыстарды жалғастыру мақсатында 2012 жылға РБ бөлінген 812,5 млн.теңгеге Қызылорда қаласының 35, Қазалы ауданындағы 2 және Қармақшы ауданындағы 2 көп қабатты тұрғын үйлердің жөндеу жұмыстары қарқынды жүргізілуде.

Газдандыру: Елбасының тапсырмасына сәйкес «Қызылорда қаласының жылу қуат көздерін және тұрғын секторын ілеспе газға көшіру» жобасы іске асырылды. Жобаның жалпы сметалық құны 12,8 млрд теңгені құрайды.

Жоба аясында, 2004-2011 жылдары 875 шақырым жоғарғы және төменгі қысымды газ құбырлары жүргізілді, 1 бас ГРП, 32 ГРП және 10 ШРП құрылыстары аяқталды.

Нәтижесінде облыс орталығының:

50 меговатт электр және 90 гигокалориялық жылу қуаты бар КОГТЭС пайдалануға берілді;

60 гикокалория/сағатқа жеткізе отырып «ҚОЖО» МКК №2 қазандық цехы толық қайта жөндеуден өткізілді;

37 гигокалория/сағат болатын қазандық және жалпы қуаттылығы 30 гигокалория/сағат болатын 5 БМАҚ салынып, пайдаланылуға берілді;

485 көпқабатты тұрғын үй (22563 пәтер), 20 823 жеке сектордағы тұрғын үй, 675 коммуналдық-тұрмыстық мекемелер ілеспе газға қосылып отыр.

Аталған жоба жұмыстары толығымен аяқталып, барлығы 594 көп қабатты тұрғын үй, 25000 жуық жеке тұрғын үйлерді газдандыру мүмкіндігіне қол жеткізілді.

2012 жылы Қызылорда қаласындағы 3 а. о. перспективалық дамуына газбен жабдықтауға 50007,0 мың теңге жоба-сметалық құжаттамалар әзірлеуге және «Қызылорда қаласының жылу қуат көздерін және тұрғын секторын ілеспе газға көшіру» және «Қызылорда қаласының Лапин көшесіндегі тұрғын үйлерді газдандыру» жобалары бойынша жоғары және төменгі қысымды газ құбырларын төлқұжаттандыру және тіркеуге -12598,2 мың теңге бөлінді.

Сонымен қатар, облыстық бюджеттен бөлінген 79,034 млн теңге қаржыға «Қызылорда қаласының жаңа мөлтек аудандарын газдандыру» ЖСҚ әзірленіп, ҚМЖ «КазТрансГаз Аймақ» АҚ-ң инвестициялық бағдарламасы аясында жүргізілді. Нәтижесінде 220,0 шақырым жоғарғы және төменгі қысымды газ құбырлары жүргізіліп, 6 ГРП, 5 ШГРП салынды.

ҚР-ның 2012 жылғы 9 қаңтардағы «Газ және газбен жабдықтау туралы» Заңына сәйкес ҚР-ның ішкі нарығына сұйытылған мұнай газын берудің жоспарын ай сайын Қазақстан Республикасының Мұнай және газ министрлігі бекітеді. Осыған орай, облысты «Арал Газ», «Тұран Газ», «Байқоңыргаз» және «Аңсаған Ш.М.» ЖШС-тері сұйытылған газбен қамтамасыз етеді.

Сумен қамту және кәріз жүйесі

Жалпы облыстағы 263 ауылдық е. м. бар, оның ішінде екі ауылдық елді мекенде тұрғылықты халық тұрмайды (Қазалы ауданында-96р, Шиелі ауданында-19р). Барлығы 261 ауылдық елді мекеннің:

182 - орталықтандырылған немесе барлық елді мекеннің 70%-ы;

79 – орталықтандырылмаған немесе барлық елді мекеннің 30%-ы.

2011-2020 жылдарға арналған «Ақбұлақ» салалық бағдарламасы ҚР Үкіметінің «2011-2020 жылдарға арналған «Ақ бұлақ» бағдарламасын бекіту туралы» 2011 жылғы 24 мамырдағы №570 қаулысымен бекітілді.

Осы бағдарламаның бастамасы ретінде 2011 жылы барлық қаржы көздерінен 9,0 млрд. тенгеден астам қаржы бөлінді. Оның ішінде:

Облысымыздағы басты су алу көзі жер асты суы болуына байланысты, жер асты су қорларын анықтау қажет. Бұл мақсатпен ҚР ИЖТМ-нің Геология және жер қойнауын пайдалану комитетіне 2011-2013 жылдарға барлығы 65 е. м. жер асты су қорын анықтау ұсынылды. Оның ішінде 42 е.м. жер асты су қорын анықтау жұмыстары жүруде.

2012 жылы ауыз сумен қамту нысандарына РБ 4132,7 млн.теңге. ОБ 187,3 млн.теңге бөлінді. Бұл қаржыға барлығы 20 нысанның құрылысы жүргізілуде.

2012 жылы 14 е.м. ауыз су жүйелері жаңартылып, пайдалануға берілді..

1.2) Негізгі проблемаларды талдау

Облыстың энергетикалық желілерінің техникалық ахуалы сын көтермейтін жағдайда, олардың тозуы 50-54 %-ға құрайды.

Мекеменің жөндеу және қайта қалпына келтіру жұмыстарын жүргізуге қаржылық мүмкіндігі жеткіліксіз, осыған байланысты электр желілері мен қондырғыларына күрделі жөндеулер тек электр энергиясының беру және тарату қызметінің тарифтерінде қаралған қаржысына шектеулі көлемде жасалады.

Коммуналдық шаруашылық кәсіпорындарының проблемалық мәселелері негізгі қондырғылардың тозуы, қажетті жөндеу-қалпына келтіру жұмыстарына, энергия үнемдеу шараларын жүзеге асыруға өз қаражаттарының жетіспеуі болып табылады.

Қазіргі уақытта облыстың елді мекендерін газдандыру негізгі мәселе болып табылады және үлкен көлемдегі қаржыны қажет етеді.

Қолданыстағы су құбырларының негізгі бөлігі 30 жылдан астам уақыт пайдаланылуда және олар жаңғыртуды қажет етеді. Орташа тозығы жеткен негізгі құралдар 60%, ауылдық жерлерде 70%-дан астамын құрайды. Мекемелердің жөндеу-қалпына келтіру жұмыстарына жеткілікті қаржысы жоқ, сондықтан су құбырлары мен құрал-жабдықтарды күрделі жөндеуден өткізу шектелген көлемде электр энергиясын тарату қызметінің тарифына қаралған қаржы есебінен жүзеге асырылады.

3. 
   Сыртқы және ішкі факторларды бағалау
   

СЖТ уақтылы берілмеуі жер учаскесінің актісін дайындаужәне алдын-ала жерге орналастыру жұмыстарын жүргізуге бастапқы кезде қаржы бөлінбеуіне байланысты.

Сумен қамтамасыз етуге ықпал ететін негізгі ішкі факторларға мыналар жатады:

сумен жабдықтау жүйесінің меншік иесінің анықталмауы;

ауыз суды өндіріп тұрғындарға тарату қызметін көрсететін пайдаланушы мемлекеттік коммуналдық кәсіпорындарды құру;

ауыз суды өндіріп тарату қызметіне тарифтік құнының бекітілмеуі;

ауыз сумен жабдықтаудың баламасыз көзі болып табылатын ерекше маңызды локалды жүйелерден ауыз су беру қызметінің құнын субсидиялау.
Стратегиялық бағыт 2.

Облыстың тұрғын үй коммуналдық шаруашылық нысандарының үздіксіз жұмысы және динамикалық дамуы

2.1) Реттелетін саланы немесе қызмет аясын дамытудың негізгі параметрлері.

2011-2012 жылдары 7 аудан бойынша құрылыс жұмыстарын жүргізуге 546,39 млн теңге қаржы бөлінді. Осы жұмыстарды жүргізу барысында аудандарда 98,9 шақырым электр желісі тартылып, 7 тарату пункттері және 19 қосалқы стансалар орнатылды. 2013 жылдың аяғында жоба бойынша 176 км электр желілер толығымен пайдалануға беріледі.

«ҚЭТТК» АҚ-ы 2011 жылы 223,4 млн. теңгеге өз қаржысы есебінен 1050,18 шақырым электр желілеріне және 198 қосалқы стансаларына күрделі және ағымдағы жөндеу жұмыстары жүргізу жоспарланған болатын, қазіргі таңда жөндеу жұмыстары толығымен аяқталды.

«Арал ауданы Жақсықылыш кентінің 10/0,4 кВ электр жүйелерін қайта жаңғыртуға» жобасы бойынша ҚМЖ жүргізіліп, 28,2 шақырым электр желісі тартылып, 8 трансформаторлық қосалқы стансалар орнатылды.

2012 жылдан бастап Қызылорда қаласының кернеулігі 35/10 кВ "Жанаарык", "Тасбугет", "Районная котельная" қосалқы станцияларын қайта жаңғырту" жобасы бойынша ҚМЖ жүргізілді және 2013 жылы іске қосылады деп көзделуде, сонымен бірге 2013 жылы Қызылорда қаласының кернеулігі 10/0,4 кв электрмен қамту жүйесін дамыту (Сырдария РЭС) жобасының ҚМЖ басталады, 2014 жылға жалғасады.

Облыстың жылумен жабдықтау саласын дамыту мақсатында 2011 жылы облыстық бюджеттен ЖСҚ әзірлеп МС өткізуге және 5 жобаға 35,1 млн. теңге бөлінді.

2013 жылы Қызылорда қаласының жылумен қамтамасыз ету жүйесін кеңейту және жылу-магистралдық жүйелерін қайта жаңғырту жобасы бойынша ҚМЖ іске асырылады.

Соңғы жылдары облыс орталығының қарқынды дамуына байланысты қаламызда біртұтас жаңа тұрғын аудандар қалыптасуына байланысты облыстық бюджеттен 79,0 млн. теңге қаржы бөлініп, «Қызылорда қаласының жаңа мөлтек аудандарын газдандыру» жобасының ЖСҚ әзірленді. Аталған жоба бойынша құрылыс жұмыстарын «ҚазТранГазАймақ» АҚ-ы қаржысы есебінен жүргізілу жоспарлануда, осы жұмыстар атқарылғанда Қызылорда қаласы газбен 100 % қамтылады.

2.2) Негізгі проблемалады талдау

Тұрғын үй-коммуналдық шаруашылық нысандарын жөндеу-қалпына келтіру жұмыстарына қаржы жеткіліксіз, сондықтан коммуналдық қызметтерді тарату қызметінің тарифына қаралған қаржы есебінен инженерлік желілер мен құрал-жабдықтарды күрделі жөндеуден өткізуге шектелген көлемде жүзеге асырылады.

2.3) Сыртқы және ішкі факторларды бағалау