Жамбыл облысы Жамбыл ауданының орталығы Аса ауылының 2014-2018 жылдарға арналған кешенді даму жоспары аса а. 2014 жыл Кіріспе

2014 жылғы 11 желтоқсанындағы

№ 33 шешіміне қосымша

Жамбыл облысы Жамбыл ауданының

орталығы Аса ауылының

2014-2018 жылдарға арналған

КЕШЕНДІ ДАМУ ЖОСПАРЫ

Аса а.

2014 жыл

Кіріспе
Жамбыл облысы Жамбыл ауданы Аса тіректі елді мекенінің 2014-2018 жылдарға арналған кешенді даму жоспары (ары-қарай КДЖ) осы жердегі тұрғылықты халық пен іргелес аумақтағы тұрғындарға қолайлы жағдай жасау мақсатында әзірленген. КДЖ демография бойынша мәліметтер 2012 жылғы ауылдық елді мекендер мониторингісіне сәйкес келтірілген.

Аса ауылы облыс орталығынан 25 шақырым қашықтықта орналасқан және аудан орталығы болып табылады. Халықтың саны 10379 адамды құрады.

Аса ауылы қызметінің негізгі бағыты ауыл шаруашылығы өнімдерін өндіру және оны өңдеу. Аса ауылында Қазақстанның ҮИИД мемлекеттік бағдарламасы бойынша Индустриаландыру картасының шеңберінде 2010 жылы пайдалануға берілген «Амангелді ГӨЗ» ЖШС Жамбыл филиалының мұнай өңдеу зауыты бар.

Аса ауылының 30 шақырымдық айналасында 21666 халық тұратын 17 ауылдық округ орналасқан. Бұл ауылдар Аса ауылымен экономикалық тұрғыда тығыз байланысты. Ауыл темір жолдың бойында орналасқан және оның маңында Батыс Еуропа-Батыс Қытай магистральді автомобиль трассасы өтеді. Күйдірілген және силикатты кірпіш шығарумен айналысатын бірнеше кәсіпорындар, техникалық қызмет көрсететін стансалар, мұнай қоймасы және автомобильдерге жанар-жағар май құятын стансалар бар.

КДЖ елді мекендердің экономикалық, инженерлік және әлеуметтік инфрақұрылымдарды дамытуға, өткеру рыногына және елді мекендерге транпорттық қолжетімділікті кеңейтуге, мемлекеттік және коммерциялық қызмет көрсету орталықтарын құруға және дамытуға, жаңа жұмыс орындарын ашып, халықты жұмыспен қамтуға бағытталған іс-шараларды іске асыруды қарастырады.
Аса ауылының ағымдағы даму жағдайын талдау
Аса ауылдық округіне Рахат елді мекені кіреді.

Ауылдық округтің жалпы жер көлемі 5943 га, оның ішінде елді мекен көлемі 1835 га, ауыл шаруашылығына бөлінген жер 3636,25 га, жеке тұрғын-үй құрылысына бөлінген жер 620 га.

Ауылдық оругтегі халық саны 10379 адамды құрады, соның ішінде ерлер саны - 5113, әйелдер - 5266, зейнеткерлер - 704, мүгедектер - 245, жастар 16 мен 29 аралығында - 2702, оқушылар - 3515, экономикалық белсенді халық - 6054, оның ішінде өз бетінше жұмыспен қамтылғандар - 3006, жұмыссыз - 272.

Жұмыспен қамтылған тұрғындар (өз бетінше жұмыспен қамтылғандарды есептемегенде) 2776 адам, соның ішінде мемлекеттік және әлеуметтік нысандарда жұмыспен қамтылғаны - 1747 адам, (ауылдық әкімдікте - 16, басқа да мемлекеттік мекемелерде - 442, орта мектебтерде - 354, бала бақшаларда - 67, денсаулық сақтау - 419, пошта - 401, байланыс қызметі - 48), «Амангелді ГӨЗ» ЖШС Жамбыл филиалында - 126, басқа да ЖШС - 165, жанар-жағар май құю станцияларында - 34, ШҚ - 397, қызмет көрсету саласында - 86 адам және басқа салаларда - 221 адам.

Жұмыс істеп тұрған кәсіпорындар мен мекемелер саны - 103, соның ішінде:

- мемлекеттік - 39 (аудан әкімі аппараты ММ, ауылдық округ аппараты ММ, мектеп - 3, балабақша - 2, оңалту орталығы - 1, денсаулық сақтау нысандары - 4, құқық қорғау органы - 2, мәдениет үйі - 1, кітапхана - 2, ән мектебі, спорттық стадион, шағын стадион, балалар спорттық мектебі, салық комитеті, аудандық сот, комуналдық шаруашылық мекеме - 2, су шаруашылығы мекемелері - 2, өрт сөндіру бөлім - 10, аудандық қорғаныс істері жөніндегі бөлім, ЗТМО, аудандық газет, вет.қызмет - 2, Қазынашылық басқармасы, ХҚКО, Әділет басқармасы, аудандық мұрағат, ЖМТ аудандық филиалы, Жастар орталығы);

- жеке меншік - 64 («Аяда Групп» ЖШС, «Таң» ЖШС, «Аба-Қанағат» ЖШС, 4 жанар-жағар май құю станциясы - «Таң» ЖШС, «Самойл» ЖШС, «Эркойл» ЖШС, «ҚазМұнайГаз» ЖШС; «Амангелді ГӨЗ» ЖШС Жамбыл филиалының мұнай өңдеу зауыты, «Жамбыл Жарық Сауда-2030» ЖШС, темір жол станциясы, Халық Банкі» АҚ бөлімшесі, «Қазпошта» АҚ бөлімшесі, «Қазақтелеком» АҚ бөлімшесі, 1 монша, 44 дүкен, 6 кафе).

Ауылдағы әлеуметтік сала нысандарында қазақ-орыс тілінде 3 орта мектеп (1225 оқушыға), 2 балабақша (420 балаға), 250 орындық аудандық орталық емхана, 60 орындық аудандық орталық аурухана, мәдениет үйі, аудандық орталық кітапхана, балалар кітапханасы, спорттық кешен, кіші кешен, оңалту орталығы, ЗТМО, жұмыспен қамту және әлеуметтік бағдарламалар орталығы жұмыс істейді.

Қызмет көрсету саласында пошта, қазақтелеком, 44 дүкен, 6 кафе-мейрамхана, 1 монша, 5 шаштараз, 1 аяқ киім жөндеу, 58 дәріхана, ХҚКО жұмыс істейді.

Ауыл ішіндегі 47,3 км жолдың 9 км асфальттанған, орталық су құбыры бар, кәріз су құбыры істеп тұр. Ауыл көшелері жартылай жарықтанған. Қалааралық автобус қатынасы бар.

Көп пәтерлі 167 тұрғын үйдің: 5 қабатты 1 үйі коммуналдық үй, 4 қабатты 2 үйі бос үйлер, 5 үй 2 қабатты үйлер және 159 үй 2 пәтерлі үйлер, соның 70% қанағаттанарлық жағдайда, 30% - жақсы жағдайдағы үйлер.

Өнеркәсіп саласында «Амангелді ГӨЗ» ЖШС ірі кәсіпорындардың бірі болып саналады. Бұдан басқа, 125 шаруа қожалығы, 45 жеке кәсіпкерлер бар.

Ауылдық округте мүйізді ір қара мал саны 957 бас, жылқы - 198 бас, қой мен ешкі - 2158 бас, шошқа - 197 бас құрайды. 1889 үйдің 1216-ы мал ұстамайды.

Аса ауылының бүгінгі таңдағы жағдайын талдау қорытындысы бойынша төмендегі жайттарды атап өтуге болады:

• 
  ауылдың егжей-тегжейлі бас жоспарын әзірлеу қажет;
  
• 
  жаңа «Бәйтерек» ЖТҮҚ массивтеріне инжерелік-коммуникациялық инфрақұрылым жеткізу керек (жарық, газ, жолдар);
  
• 
  спорттық кешен заманауи талаптарға сай келмейді;
  
• 
  балаларға арналған мектепке дейінгі мекеме ашу керек;
  
• 
  ветеринарлық нысандардың: малды дәрілеуге арналған қоршау, мал сою алаңы, ветеринарлық пункт (лазарет) құрылысы қажет;
  
• 
  сумен жабдықтау жүйелерін жаңғыртуды аяқтаған соң ауыл ішіндегі жолдарды және тротуарларды жөндеу қажет;
  
• 
  мал шаруашылығы үшін қолайлы жағдайлар болса да, сүт өнімі мен қымыз өндірісі, сондай ақ бордақылау алаңдарының жоқтығы;
  
• 
  бұрынғы кинотеатр ғимаратын күрделі жөндеп, спорттық ойын-сауық орталығын ашу қажет;
  
• 
  Б.Момышұлы интернаты жатақханасы ғимаратын жас мамандарға тұрғын ретінде беру мақсатында оның сейсмикалық тұрақтылығын анықтап, жаңғырту;
  
• 
  ТБО-ға бұрыңғы полигонды консервация жасау керек;
  
• 
  Аса ауылындағы темір жолдың артындатіректі полиция пункті жоқ;
  
• 
  ТҚС (техникалық қызмет көрсету стансасы) жоқ;
  
• 
  ірі ауыл шаруашылық кәсіпорындары жоқ, ауылдың барлық шаруақожалықтарында жер телімі 3 гектардан 5 гектарға дейін.
  

Сонымен қатар, Аса ауылының бәсекеге қабілетті басымдықтары Жамбыл - Жаңатас теміржол қатынасы бойында Аса стансасының, құнарлы және жайылым жерлердің (70%-дан астамы суармалы), өнеркәсіп кәсіпорындарының, әлеуметтік инфрақұрылым нысандарының, мал бордақылау нысандарының болуымен және өткеру рыногына жақындығымен сипатталады.

Осының бәрі іс-шараларды қабылдап, іске асыруды қажет етіп, Жамбыл облысы Жамбыл ауданы Аса тірек ауылын дамытудың 2014-2018 жылдарға арналған іс-шаралар жоспарында көрініс тапты.

Жамбыл ауданының Аса орталық елді мекенінің 2014-2018 жылдарға

арналған кешенді даму іс-шаралар жоспары

№ п/п	Іс-шаралар	Аяқтау үлгісі	Жауапты орындаушы	Орындау мерзімі	Шығындар (млн.теңге)	Қаражаттан- дыру көздері	Жұмыс орындар- ының саны
1	2	3	4	5	6	7	8

1. 
   Ұйымдастыру іс-шаралары
   

Қысқартылған атаулар:

ДСБ - Денсаулық сақтау басқармасы

МБ – Мәдениет басқармасы

ДШжСБ – Дене шынықтыру және спорт басқармасы

АШБ – Ауыл шаруашылық басқармасы

ҚЖКжАЖБ – Құрылыс, жолаушылар көлігі және автомобиль жолдары басқармасы

ЖҚҮжӘББ – Жұмыспен қамтуды үйлестіру және әлеуметтік бағдарламалар басқармасы

КжИИДБ - Кәсіпкерлік және индустриалды-инновациялық даму басқармасы

ЭжКШБ – Энергетика және коммуналдық шаруашылық басқармасы

ЖҚБ – Жер қатынастары басқармасы

ТРжТПРБ – Табиғи ресурстар және табиғат пайдалануды реттеу басқармасы

ЭжБЖБ – Экономика және бюджеттік жоспарлау басқармасы

ІІД – Ішкі істер департаменті

СД – Салық департаменті

ТЖД – Төтенше жағдайлар департаменті

БЖК 2020 – бағдарлама «Бизнес жол картасы 2020»

ЖҚЖК 2020 – бағдарлама «Жұмыспен қамту жол картасы 2020»

ҚТҮБ – 2020 - бағдарлама «Қолжетімді тұрғын үй 2020»

ЖБ – Жергілікті бюджет

РБ – Республикалық бюджет

ОБ – Облыстық бюджет

АБ – аудандық бюджет