Ұйымдардың тауарларды, жұмыстарды және қызметтерді сатып алу кезінде қазақстандық қамтуды есептеуінің бірыңғай әдістемесі

жүктеу/скачать 59.7 Kb.

Дата	27.02.2016
өлшемі	59.7 Kb.
	#27780

Ұйымдардың тауарларды , жұмыстарды және қызметтерді сатып алу кезінде қазақстандық қамтуды есептеуінің бірыңғай әдістемесін бекіту туралы Қазақстан Республикасы Үкіметінің 2010 жылғы 20 қыркүйектегі №964 қаулысы

     «Жер қойнауы және жер қойнауын пайдалану туралы» Қазақстан Республикасының 2010 жылғы 24 маусымдағы Заңының 16-бабы 55) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Ұйымдардың тауарларды , жұмыстар мен көрсетілетін қызметтерді сатып алу кезінде қазақстандық қамтуды есептеуінің бірыңғай әдістемесі бекітілсін.
      2. Мыналардың күші жойылды деп танылсын:
      1) « Ұйымдардың тауарларды , жұмыстарды және қызметтерді сатып алу кезінде қазақстандық қамтуды есептеуінің бірыңғай әдістемесін бекіту туралы» Қазақстан Республикасы Үкіметінің 2009 жылғы 20 наурыздағы № 367 қаулысы (Қазақстан Республикасының ПҮАЖ-ы, 2009 ж., № 16, 135-құжат);
      2) «Қазақстан Республикасы Үкіметінің 2009 жылғы 20 наурыздағы № 367 қаулысына өзгерістер енгізу туралы» Қазақстан Республикасы Үкіметінің 2009 жылғы 3 қыркүйектегі № 1298 қаулысы (Қазақстан Республикасының ПҮАЖ-ы, 2009 ж., № 37, 360-құжат).
      3. Осы қаулы алғашқы ресми жарияланған күнінен бастап он күнтізбелік күн өткен соң қолданысқа енгізіледі.

Қазақстан Республикасының

Премьер-Министрі К. Мәсімов

Қазақстан Республикасы

Үкіметінің
2010 жылғы 20 қыркүйектегі
№ 964 қаулысымен
бекітілген

Ұйымдардың тауарларды , жұмыстарды және қызметтерді сатып алу кезінде қазақстандық қамтуды есептеуінің бірыңғай әдістемесі

      1. Осы Ұйымдардың тауарларды , жұмыстарды және қызметтерді сатып алу кезінде қазақстандық қамтуды есептеуінің бірыңғай әдістемесі (бұдан әрі - Бірыңғай әдістеме ) Қазақстан Республикасының «Жер қойнауы және жер қойнауын пайдалану туралы» 2010 жылғы 24 маусымдағы, «Мемлекеттік сатып алу туралы» 2007 жылғы 21 шілдедегі, «Концессиялар туралы» 2006 жылғы 7 шілдедегі заңдарына, « Ұйымдар мен мемлекеттік органдар сатып алатын тауарларды , жұмыстарды және қызметтерді сатып алу кезінде қазақстандық қамтудың кейбір мәселелері туралы» Қазақстан Республикасы Президентінің 2009 жылғы 27 қаңтардағы № 733 Жарлығына сәйкес әзірленді.
      2. Бірыңғай әдістеме :
      1) «Мемлекеттік сатып алу туралы» Қазақстан Республикасының Заңына сәйкес тауарларды , жұмыстарды және қызметтерді сатып алуды жүзеге асыратын мемлекеттік органдардың, мемлекеттік мекемелердің, сондай-ақ мемлекеттік кәсіпорындардың, дауыс беретін акцияларының (қатысу үлестерінің) елу және одан да көп пайызы мемлекетке тиесілі заңды тұлғалардың және олармен аффилиирленген заңды тұлғалардың;
      2) ұлттық басқарушы холдингтердің, ұлттық холдингтердің, ұлттық компаниялардың, олардың еншілес және аффилиирленген компанияларының, мемлекет қатысатын өзге де заңды тұлғалардың;
      3) жер қойнауын пайдаланушылардың және (немесе) «Жер қойнауы және жер қойнауын пайдалану туралы» Қазақстан Республикасының Заңына сәйкес жер қойнауын пайдаланушылар тауарларды , жұмыстарды және қызметтерді сатып алуды жүзеге асыруға уәкілеттік берген тұлғалардың;
      4) Қазақстан Республикасының Үкіметі бекіткен тізбеге сәйкес тауарларды , жұмыстарды және қызметтерді сатып алуы қазақстандық қамтудың мониторингіне жататын ұйымдардың ;
      5) концессионерлердің тауарларды , жұмыстарды және қызметтерді сатып алу кезінде қазақстандық қамтуды есептеуіне арналған.
      3. Тауарларды , жұмыстарды және қызметтерді сатып алу кезінде қазақстандық қамтуды есептеу мынадай мақсаттарда жүргізіледі:
      1) қазақстандық қамту бөлігінде сатып алу бойынша міндеттемелердің сақталу мониторингі және оны бақылау;
      2) тауарларды , жұмыстарды және қызметтерді жеткізудегі отандық кәсіпорындардың тартылу дәрежесін айқындау;
      3) отандық өнеркәсіптің бәсекеге қабілеттілік деңгейін бағалау.
      4. Тауарларды жеткізуге арналған шарттағы қазақстандық қамтуды (ҚҚ_т) есептеу мынадай формула бойынша жүргізіледі:

    ҚҚ_т = 100% х (Е ТҚ_iхҚ_i)/S,
                    i=1
      мұндағы:
      n - тікелей де, қосалқы мердігерлік шарттарды жасасу арқылы да сатып алу туралы шартты орындау мақсатында жеткізуші сатып алған тауарлардың жалпы саны;
      і - тауардың реттік нөмірі;
      ТҚ_і - і-тауардың құны;
      Қ_і - «СТ-КZ» сертификатында көрсетілген тауардағы қазақстандық қамтудың үлесі;
      Қ_i = 0, «СТ-КZ» сертификаты болмаған жағдайда;
      S - тауарларды сатып алу туралы шарттың жалпы құны.
      5. Жұмыстарды ( қызметтерді ) жеткізуге арналған шарттағы қазақстандық қамтуды (ҚҚ_ж/қ) есептеу мынадай формула бойынша жүргізіледі:

n m

ҚҚ_ж/қ=100%х[Е ТҚ_i x Қ_i + Е (ШҚ_j - ЖҚ_j - ШЖҚ_j)x R_j]/S,
i=1 j=1

мұндағы:

      n - жұмыстарды ( қызметтерді ) сатып алу шартын орындау мақсатында жеткізуші және қосалқы мердігерлер сатып алатын тауарлардың жалпы саны;
      i - сатып алынатын тауардың реттік нөмірі;
      ТҚ_і - i-тауардың құны;
      Қ_і - «СТ-КZ» сертификатында көрсетілген тауардағы қазақстандық қамтудың үлесі;
      Қ_і = 0, «СТ-КZ» сертификаты болмаған жағдайда;
      m - тапсырыс беруші мен мердігер арасындағы шартты, мердігерлер мен қосалқы мердігерлер және т.б. арасындағы шарттарды қоса алғанда, жұмысты ( қызметті ) жеткізу мақсатында жасалған шарттардың жалпы саны;
      j - шарттың реттік нөмірі;
      ШҚ_j -j-шартының құны;
      ЖҚ_j -j-шарты шеңберінде мердігер немесе қосалқы мердігер сатып алған тауарлардың жиынтық құны;
      ШЖҚ_j - j-шартын орындау шеңберінде жасалған қосалқы мердігерлік шарттардың жиынтық құны;
      R_j - j-шартын орындайтын жеткізушінің немесе қосалқы мердігердің қызметкерлерге еңбекақы төлеудің жалпы қорындағы қазақстандық кадрларға еңбекақы төлеу қорының үлесі;
      S - жұмысты ( қызметті ) сатып алу туралы шарттың жалпы құны.
      6. Есепті кезеңде тапсырыс берушінің сатып алуындағы қазақстандық қамтуды (ҚҚ) есептеу мынадай формула бойынша жүргізіледі:

ҚҚ = (Е ҚҚ_i x ШҚ_i)/S,
i=1

мұндағы:

      n - тауарларды , жұмыстарды және қызметтерді жеткізушілермен жасалған шарттардың жалпы саны;
      і - шарттың реттік нөмірі;
      ШҚ_і — жеткізушілермен тауарларды, жұмыстарды және қызметтерді сатып алу туралы жасалған і-шарттың құны;
      ҚҚ_і - сатып алу туралы і-шарт бойынша тауарларды, жұмыстарды және қызметтерді жеткізушінің қазақстандық қамтуы;
      S - тапсырыс беруші есепті кезеңде сатып алған тауарлардың, жұмыстардың және қызметтердің жалпы құны.

жүктеу/скачать 59.7 Kb.

Достарыңызбен бөлісу: