Кәсіпкерлікті дамытудағы мемлекеттік қолдау шаралары

Қалыптасқан жағдайда мемлекет пен бизнестің әріптестігі негізінде кәсіпкерлік қаржылай және қаржылай емес қолдаудың экономиканың экспортқа бағдарланған шикізат емес секторларын дамытуды ынталандыруға бағытталған саясатын қайта қарау талап етіледі.

Қазіргі уақытта жүзеге асырылып жатқан үдемелі индустриялық-инновациялық дамуға көшу, бір жағынан, жұмыспен қамтудың одан әрі өсу мүмкіндіктерін кеңейтеді, екінші жағынан – еңбек нарығына жұмыс күшінің ішкі резервін тартудың, еңбек ресурстарының сапасы мен экономикалық белсенділігін арттырудың жаңа тәсілдерін әзірлеуді және іске асыруды талап етеді. Кәсіпкерлікті ынталандыру жеке ісін ұйымдастыру арқылы азаматтардың экономикалық белсенділігін арттыруға бағытталған.

Кәсіпкерлерге мемлекеттік қолдау көрсетудің бұл құралдары бюджет заңнамасын жетілдіру шеңберінде өзгерістер мен толықтырулар енгізілген «Жеке кәсіпкерлік туралы» Қазақстан Республикасының Заңында көзделген.

Жаңа өндірістерді дамытуда кәсіпкерліктің бірінші кезекте, шағын және орта кәсіпкерліктің бастамаларын тежейтін негізгі проблемалар:

• 
  қаржыландыруға қол жеткізу және қарыз алу құнының жоғары болуы;
  
• 
  индустриялық инфрақұрылымның дамымауы;
  
• 
  кәсіпкерлікті қолдау инфрақұрылымының дамымауы.
  

         Әлемдік тәжірибе нарықтық экономикасы дамыған елдерде  шағын және орта кәсіпкерлікке мемлекеттің барынша қолдау жасайтынын айғақтайды.

Жеке кәсіпкерлікті қолдау саласындағы Қазақстан Республикасының мемлекеттік саясаты жоғары қосымша құны бар жаңа жоғары технологиялық өндірістерді құруға ұмтылған шағын кәсіпкерлікті дамыту арқылы орта классты қалыптастыруға бағытталған. Қойылған мақсатты орындау үшін Қазақстан Республикасының индустриалды- инновациялық даму страегиясын жүзеге асырудың бір кезеңі ретінде кәсіпкерлікті қолдау инфрақұрылымын дамыту көзделген. Кәсіпкерлікті қолдау инфрақұрылым құрамында жеке кәсіпкерлікті дамытуға қолайлы жағдай туғызатын бір топ мекеме бар.

Қазақстандағы осындай мекемелер қатарына:

• 
  мемлекеттік және мемлекет қолдауымен құрылған мекемелер;
  
• 
  үкіметтік емес мекемелер;
  
• 
  коммер циялық мекемелер кіреді.
  

• 
  бизнестің қалыптасуы, әрекет етуі және дамуы кзеңінде көрсетілетін мемлекеттік қолдау;
  
• 
  қаржылық қолдау;
  
• 
  ақпараттық - талдау жағынан қолдау;
  
• 
  кадрлардың біліктілігін арттыру және білім саласындағы қолдау;
  
• 
  материалды -техни калық жағынан қолдау.
  

Қазақстан Республикасындағы ШОК субъектілерінің өнім шығарылымы (салыстырмалы бағаларда) өткен жылмен салыстырғанда 2012 жылғы қаңтар-қазандағы жедел мәлімет бойынша 0,8% азайды және 6395,8 млрд.теңгені құрады, оның ішінде 1301 млрд. теңге (20,4%) - шағын кәсіпкерліктегі заңды тұлғалар және 4035,0 млрд.теңге (63,1%) орта кәсіпкерліктегі заңды тұлғалар, 648,4 млрд.теңге (10,1%) жеке кәсіпкерлер және 410,7 млрд.теңге (6,4%) - шаруа (фермер) қожалықтары.

негізгі индикаторлардың ұлғаюы (төмендеуі) (облыстар бөлінісінде, жұмыспен қамтылғандар)

құрылым көрсеткіштері

Көрсетілген кезеңде ШОК субъектілерінің өнім шығарылымының (салыстырмалы бағаларда) ұлғаюы барлық облыстарда байқалды: Ақтөбе облысында (0,2%), Алматы облысында (0,4%), Атырау облысында (1,0%), Қызылорда облысында (2,0%), Маңғыстау облысында (0,9%), Шығыс Қазақстан облысында (0,7%) және Астана қаласында (1,3%) және Алматы қаласында (0,6%).

Қазақстан Республикасының кәсіпкерлікті қолдау саласындағы мемлекеттік құрылымның келесі деңгейі - ол жергілікті атқару органдары – яғни, облыстық және Алматы мен Астана қалалары Әкімдерінің аппараттары. Президент жанындағы Кәсіпкерлер кеңесі кәсіпкерлік саласындағы мемлекеттік саясатты қалыптастырып, оны жүзеге асыру мен қатар мемлекет жағынан кәсіпкерлікті қаржылай, ақпараттық-талдау және матриалдық-техникалық жағынан қолдау функциясын атқарады.

1. 
   Кубаев К.Е. «Теория и практика менеджмента» Алматы: «Қазақ университеті», 2005 год.
   
2. 
   Ф.Файоль, Г.Эмерсон, Ф.Тейлор, Г.Форд. Управление – это наука и исскуство.-Москва, 1992 г.
   
3. 
   А.Кибанов А.Я. Основы управления персоналом: Учебник. – М.: ИНФРА-М, 2002., с. 24
   
4. 
   www.acsinfo.kz сайты.
   
5. 
   Борисова Е. Критерии оценки персонала. Рецепт для тех, кому некогда/Персонал-Микс № 3, 2003.
   
6. 
   Кубаев К.Е. Психология экономического торга.-Алматы, 2002 г.
   
7. 
   Баркер А. Как еще лучше управлять людьми/Пер.с англ.-М.:ФАИР-ПРЕСС, 2002 г.