Конкурс жариялайды: «Аққайың ауданы мәслихатының аппараты»

1. 
   «Аққайың ауданы мәслихатының аппараты» ММ мемлекеттік тілдегі құжаттардың бас маман редакторы, Е-4 санаты, 1 бірлік.
   

Аудандық мәслихаттың актілерін уақытында мемлекеттік тілге аудару және іс жүргізу, сонымен қатар азаматтардың ауызша және жазбаша өтініштерін, оларға уақытында жауап беруді жүргізеді. Іс жүргізуді мемлекеттік тілде жүргізу бойынша аппарат қызметшілеріне нұсқаулық беруді ұйымдастырады. Мәслихатпен өткізілетін шараларда қажетінше ілеспе аударма жасайды. Азаматтардың жеке қабылдауында аудармашы ретінде қатысады (қажетінше).

Бланк өнімдерін екі тілде дайындауды және бақылауды жүзеге асырады. Әдістемелік материал, мемлекеттік тілде іс қағаздарының үлгілерін дайындайды.

Мәслихат аппаратының қызметшілеріне мемлекеттік тілді үйрету бойынша сабақтар жүргізу.

Жоғары: «білім» бейіні бойынша, немесе «құқықтық» бейіні бойынша, немесе техникалық ғылым және технологиялар (көлік, көлік техникасы және технологиялар), немесе ауыл шаруашылық ғылымдары (агрономия, аграрлық техника және технологиялар), немесе әлеуметтік ғылымдар, экономика және бизнес (экономика, қаржы). Мемлекеттік қызметте бір жылдан кем емес немесе осы санаттағы нақты лауазымның функционалдық бағытына сәйкес салаларда екі жылдан кем емес жұмыс өтілі болған жағдайда ортадан кейінгі: «білім» бейіні бойынша, немесе «құқықтық» бейіні бойынша, немесе «техникалық көмек көрсету, жөндеу және автокөлік пайдалану» бейіні бойынша , немесе ауыл шаруашылық, ветеринария және экология (агрономия, ауыл шаруашылығың механикаландыру), немесе сервис, экономика және басқару (қаржы (салалар бойынша), экономика (салалар бойынша)) рұқсат етіледі.

Қазақстан Республикасының Конституциясын, Қазақстан Республикасының «Қазақстан Республикасының Президенті туралы», «Қазақстан Республикасының Парламенті және оның депутаттарының мәртебесі туралы», «Қазақстан Республикасының Үкіметі туралы» Конституциялық заңдарын, «Мемлекеттік қызмет туралы», «Сыбайлас жемқорлыққа қарсы күрес туралы», «Әкімшілік рәсімдер туралы», «Жеке және заңды тұлғалардың өтiнiштерiн қарау тәртiбi туралы» Қазақстан Республикасының Заңдарын, осы санаттағы нақты лауазымның мамандануына сәйкес облыстардағы қатынастарды реттейтін Қазақстан Республикасының нормативтік құқықтық актілерін, «Қазақстан – 2050» Стратегиясы: қалыптасқан мемлекеттің жаңа саяси бағыты стратегиясын білуі.

Осы санаттағы лауазымдар бойынша функционалдық міндеттерді орындау үшін қажетті басқа міндетті білімдер.

Конкурс Қазақстан Республикасы мемлекеттік қызмет істері агенттігі Төрағасының 2013 жылдың 19 наурыздағы №06-7/32 бұйрығымен бекітілген мемлекеттік әкімшілік лауазымдарына орналасуға конкурс өткізу және конкурс комиссиясын қалыптастыру қағидалары негізінде өткізіледі.

Қажетті құжаттар тізбесі:

1) өкілетті орган белгіленген нысандағы өтініш;

2) өкілетті орган белгіленген нысандағы 3х4 үлгідегі суретпен толтырылған сауалнама;

3) бiлiмi туралы құжаттардың нотариалды куәландырылған көшiрмелерi;

4) еңбек қызметін растайтын құжаттың нотариалды куәландырылған көшiрмесi;

5) Қазақстан Республикасы Денсаулық сақтау министрлігінің 2010 жылғы 23 қарашадағы № 907 бұйрығымен бекітілген (Қазақстан Республикасының Нормативтік құқықтық актілердің тізілімінде 2010 жылы 21 желтоқсанда № 6697 болып тіркелген) нысандағы денсаулығы туралы анықтама;

6) Қазақстан Республикасы азаматының жеке куәлігінің көшірмесі;

7) құжаттарды тапсыру сәтінде уәкілетті органмен белгіленген шекті мәннен төмен емес нәтижесімен тестілеуден өткені туралы қолданыстағы сертификат.

Үміткерлердің кәсіптік деңгейі мен жеке қасиеттеріне қатысты, соның ішінде біліктілігін арттыру, шетел тілін білу деңгейін анықтайтын кәсіптік емтихандар нәтижелерінің сертификаттары.

Конкурсқа қатысу үшін көрсетілген құжаттарды электрондық пошта арқылы берген азаматтар құжаттардың түпнұсқасын әңгімелесу басталғанға дейін бір жұмыс күннен бұрын кешіктірмей ұсынады.

Әңгімелесуге жіберілген үміткерлер одан   «Аққайың ауданы мәслихатының аппараты» ММ әңгімелесуге жіберу туралы хабарлама алған күннен бастап 5 жұмыс күні ішінде өтеді.

Конкурсқа қатысуға қажетті құжаттар облыстық «Солтүстік Қазақстан» және «Северный Казахстан» газеттерінде конкурс өткізу туралы хабарландыру жарияланған күннен бастап 10 жұмыс күні ішінде қолма-қол, пошта арқылы мына мекен-жайға ұсынылуы тиіс: