Телеологизм - жеке объектілер немесе үрдістердің және жалпы болмыстың мінезділігіндей дұрысшешімділігі туралы оқу.
Теология – (грек, theos - құдай, logos - ілім) - Құдай туралы діни ілім. Теология Құдайдың өзi мен оның әрекеттерінің мәнін анықтайтын діни шығармалар жинағынан тұрады. Теология бip жағынан, Құдайдың адамдарға арнайы өзi түсірген кітаптарының - киелі мәтіндерінің арқасында, екінші жағынан, діни-идеалистік сарындағы философияның болуының арқасында мүмкін. Теологияны христиан шіркеуі, иудаистік немесе мұсылмандық қауым сынды әлеуметтік ұйымдардан тысқары қарастыруға болмайды, өйткені тыңдаушысы жоқ «Құдай сөзі» болмақ емес. Мыс., христиан теологиясы тауратқа, алғашқы дүниежүзілік соборлар қаулылары мен «шіркеу аталарының» ілімдеріне сүйенеді. Христиан теологиясы діни ілімге, догматтық діни ілімге, парасаттық діни ілімге, шіркеу туралы ілімге, т.б. бөлінеді.
Технократия – (гр. fechne- кәсіп, өнер, kratos - өкімет, билеу) - 1. Қазіргі қоғамға енетін мемлекеттік-монополиялық өндірістің жоғарғы басшылығының әлеуметтік тобы. 2. 20 ғ. 20 ж-дары американдық экономистер Г.Скотт пен Т. Веблен негізін калаған социологиялық ілім. Бұл ілімді жақтаушылар техника мамандарының саяси өкімет орнату кажеттлігін насихаттады, әлеуметтік өмірде техниканың ролін асыра дәріптеді және индивидтерді (жеке адамдарды) Қазіргі технология мен «машиналар құлы» ретінде қарастырды. Технократияның, теоретиктері қазіргі коғамды басқаратын капиталистік емес менеджерлер (Д.Бэрнхем) немесе кең тұрғыдан алғанда -«техноқұрылым» (Дж. К.Гэлбрейт), яғни қарапайым инженерлерден бастап ipi фирмалардың бас директорына дейін мамандардың сатылық бірлестігі деп есептеп, саяси жуйенің міндетті қызметінде жеке меншіктің ролін жоққа шығарады.
Достарыңызбен бөлісу: |
