Ма кариськод, Кызьы дырдэ ортчытиськод?

Мусо эше.

Ма кариськод,

Кызьы дырдэ ортчытиськод?

Эн пук дорад, потом кыре:

Шудом тупен, гожен, карен.

Я, ойдо жог,

Эн изь гинэ –

Шунды жужаз ини вылэ.

Потом, шудом,

Ветлом кема,

Дорын анай ке но возьма.

Гужем.

Гужем, гужем!

Узы но льом.

Тон дисяськод

Чебер дэрем,

Мусо гужем.

Бакча ужен

Тон выриськод,

Нюлэс кушын

Губияськод.

Шурысь вуэн

Пылатиськод,

Нылпиосты

Шумпоттиськод.

Тод,

Тонэ, гужем:

Шуныт куазед,

Буйга сюлэм.

Гужем,

Кыче мусо ик тон вылэм!

Ура! Дорам гужем вуиз,

Монэ парта сьорысь поттиз.

Мон табере ни шутэтско,

Книгаосме но вунэто.

Атай басьтиз мыным чуж туп.

Я, чыж сое, пе, кут ни, кут!

Мон туп сьоры бызьылисько,

Уй но, нунал но шудисько.

Шутэтским.

Гужемлэн тылсиосыз

Вож куаръёс пырти адско,

Укноти йыгаськыса,

Ураме, лэся, отё.

Лыз инмысь яркыт шунды

Мусоя котькуд лулэз.

Серекъя, пиштэ шулдыр,

Зыгыртэ вань улосэз.

Ой, ой чида пукыны –

Жоггес поти ураме.

Эшъёсы вылэм отын,

Тэтчаса шудо дэмен.

Мон но шудыны поти,

Бызьылэм потэ кема.

Вож тупме сьорам басьти,

Кисыям пони сема.

Быдэс нунал шутэтским ми:

Бызьылим, тэтчам, шудим.

Великмес но поттыса,

Пиосын чош ширтылим.

Чуказе нунал вуиз ке,

Мар ке нош ик малпалом.

Визнаны-а чош васьком ми,

Анайлы-а юрттиськом.

Гужем пазьгиз возь выл кузя

Вунэтонтэм яркыт буёл,

Сяськаосты полаз ватсаз,

Син мальдымон туж зол.

Писпуослы кузьмаз дэрем –

Вож дись чебер адске вылэм.

Укно улысь кызьпуослы

Сётиз на туж чебер угы.

Гидын толзэ боксись пудо

Возь выл кузя мынэ шудо.

Пастух гумыеныз шудэ.

Шулдыр!

Гужем куазед узыр:

Нюлэс кушын губи, мульы.

Эмезь тани нош шумпоттоз,

Ческыт зыныз корка волмоз.

Гужем яркыт,

Гужем ыркыт,

Гужем шуныт –

Шумпотоно ни гужембыт!

Дыр вуоз.

Тол куазьмы вуиз туж вазь,

Чик нокин ой вал на дась.

Зольгыри кынмем ини,

Укное йыга тини.

Коркась кут, ява, кынмем,

Тини со ветлэ мырдэм.

Лымыез кырын нош ‒ ох!

Потоно шудыны жог.

Шудыса ато уд ву:

Сизьыл лымы кема уг лу.

Миша гын сапег кутчаз,

Мугорзэ шуныт дисяз,

Кияз пониз позьыос ‒

Лэсьтоно лымыпогъёс.

Огез комок тани дась,

Мугорзэ пуктиз лач-лач,

Йырзэ маин лэсьтыны?

Азбарын бырем лымы.

«Бакчаын лымы трос ай».

«Ой, туж тау тыныд, атай».

Йырыз но дась лымыпоглэн,

Миша бызе ни ведраен,

Мульыослэсь лэсьтиз синъёс,

Нош киосаз бырттиз вайёс.

Сыче чебер но туж мусо:

Ас киыныз лэсьтиз ук со!

Нунал ортчиз,

Кыксэ сылиз,

Нош чуказе ни улыса,

Чукна вазьгес ик султыса,

Пияшмылэн ымныр вылтиз

Синву каллен гинэ ортчиз.

«Кытын, атай, лымыпоге,

Малы-о урамын зоре?»

«Тол куазь оз вуы на, пие,

Усем лымы вал огдыре:

Усиз но табере шуназ.

Буйгатскы, лымы усёз ай азьланяз.

Соку ни трос лымыпогъёс

Лэсьтыломы ай асьмеос.

Толлэн потэ вал вуэмез,

Сизьыл оз сёт, уго оз ву на черодэз».
***

Тол Бабай, Тол Бабай!

Выль армес жоггес ни вай,

Югдыты ни вож кызмес,

Мед пиштоз со яркытгес.

Лымыныл но мед лыктоз,

Милемын чош мед эктоз.

Ваче кутском, кырзалом,

Кылбуръёс тыныд мадём.

Тол бабай, Тол бабай!

Кузьымъёс но мыным вай:

Шоколад но кампетъёс,

Мандарин но улмоос,

Зефир, преник, печення,

Чечы но голькыт варення.

Тол Бабай, Тол Бабай!

Я, тон ку вуод ни ай?

Возьмаса ини жади.

Я, мон изьыны выди.

***

Кин ке но шумес сие.

Кыче ке бурдо, лэся, ‒

Атайзэ отиз Вася.

‒Со, пие, чебер бурдо,

Сьод ныро но горд гадё.

Шушы шуэз яратэ.

‒ Нош малы-о толалтэ? ‒

Юан борсьы юанэн

Пияш нош ик вазиське.

‒ Кезьытлэсь чик кышкатэк

Гурт котырти лобаса,

Со аслыз сиён шедьтэ.

Пось гужем нош вуыса,

Нюлэскы лобзе-дыртэ.

‒Атай, ойдо шушылы

Лэсьтомы улон инты:

Медаз кошкы ни татысь,

Мед шулдыртоз милемыз.

‒ Ойдо, пие кутскомы,

Шушымес шумпоттомы!

Волято.

Гурезьын быдэс гараж:

Тюбинг, салазки, куасъёс,

Нискылто ни пиналъёс.

Огзэс огзы уйыло,

Борсьысь борсе думисько,

Лымые ик месисько,

Лымыпоглы укшало.

Усё, султо но нош тубо ‒

Гурезь бамез вольыт каро!

***

‒ Атай, учкы ай, кырын

Быдэс уй, лэся, усем

Та лымы пыры.

‒ Вот, Онди, лымы пыры

Трос усем бере,

Асьмеос али чошен

Утялтом сое.

Тыныд пичи лопата,

Нош мыным таиз,

Чош ужам ке асьмеос,

Лымы жог быроз!
Кузьымо нунал.

Ох! Кыче куазез туннэ,

Шумпотэ инкуазь.

Шуныт тол каллен пельтэ

Пось лымшор палась.

Машилэн но мылкыдыз

Туннэ жутиськем:

Нылоклэн, пе, аресыз,

Туннэ вить тырмем.

Чукна вазь ик атаез

Выль мунё кузьмаз,

Собере нош анаез

Выль ката кутчаз.

Эх, поръяз туфлиеныз

Коттырымоназ,

Мунёзэ но зыгыръяз,

Жиптыса бордаз.

Шумпотон овол шат со ‒

Вордиськем нунал.

Котькинлы ук, бен, мусо

Кузьымо нунал!

Ужасьёс.

Нунал лумбыт ужало,

Мойыослэсь секыт ужзэс

Ас вылазы мертало.

Висисьёсты эскере.

Оля ‒ вузчи. Магазинын

Сиён-юон сётэ.

Нуллэ секыт изъёс.

Бадзым корка, пе, пуктыны

Со юрттиське, эшъёс.

Чырмыт тыршо соос.

Ужын сямен ик, шудонын

Ваньмыз луэ зэмос.

‒ Анай, туж тодэм потэ,

Ку-о мон будо?

Ку мыно мон школае,

Книгаос лыдзо?

‒ Чидатскы ожыт, пие,

Дыр туж жог ортчоз.

Уд но шоды: лобыса

Сизьылэд вуоз.

Тон пуксёд парта сьоры,

Книгаос лыдзод,

Гожъялод букваосты,

Примеръёс лэсьтод.

Нош али, пие, я, ойдо

Шутэтском ини.

Сизьыл куазь дорозь дыр вань на.

Изёно ини.

Висьыны усем.

Мунёзэ Катя туннэ

Нуныя, веша, изьтэ.

Маниез уга солэн

Висьыны, лэся, усем.

‒ Пось овол-а мугорыз, ‒

Эскере пичи эмчи,‒

Уг висьы-а солэн котыз?

Шат кынме? Дисез векчи?

‒ Оло, со сиён куре? ‒

Анаез ни куаретиз.‒

Шыд позьти мон та дыре,

Ческыт зын корка волмиз.

Шыд зынэз, дыр, шодыса,

Сиемез потиз, луоз.

Тон но возаз пуксьыса,

Сиськы ни, шыд сиялоз.

‒ Кызьы-о вунэтиськем

Мусо эшме сюдыны?

Пуксёмы соин чошен

Ческыт шыдэз зузьыны.

Уз ни борды мунёе,

Уз ни висьы со бере.

Мунёме мон йонати.

Табере, анай, тоди:

Мание ке куректэ,

Сиемез солэн потэ.