Материали
САЛТ ЖЫРЛАРЫН ҚОЛДАНУ ӘДІСТЕМЕЛІГІ
жүктеу/скачать 2.16 Mb. Pdf көрінісі
|
| САЛТ ЖЫРЛАРЫН ҚОЛДАНУ ӘДІСТЕМЕЛІГІ
РЕЗЮМЕ В данной статье рассматриваются методы и приемы активного обучения в преподавании семейно-бытовых и обрядовых песен, в процессе музыкального образования. SUMMARY This article discusses the methods and techniques of active learning in teaching family and ritual songs, in the process of music education. Ғасырлар бойы дәстүрлі салт-жырларына айналып, ұрпаққа ақыл-сана беретін, атадан–балаға тұрмыс-тіршілігіне өнеге болып, ауызша жалғасып келе жатқан қазақтың қанына сіңген тәрбиелік қағидасын халықтық педагогика дейміз. Халықтық педагогика жас ұрпаққа өмір тәжірибесінен халықтың сенім, наным-танымынан жинақтап, әдеп пен өнеге беру үшін атадан-балаға ауызша жалғасып келе жатқан қағида, оны жасаушы - халық. Қазақ халқының тәлімдік мәні зор ой -толғаныстары бесік жыры мен батырлық эпостарда, ертегілер мен мақал - мәтелдерде, аңыздарда, шешендік сөздер мен айтыс термелерде көптеп кездеседі. Мұндағы ұрпақ тәрбиесінің негізгі түйіні – адамгершілік – имандылық, ақыл-ой, еңбек, эстетика, дене, отбасы тәрбиесіне байланысты мәселелерге келіп тіреледі. Халық мұрасының танымдық мәні - ұлан-ғайыр дүние. Ол тұтастай алғанда жас ұрпақ үшін ғана емес, адам өмірінің барлық кезеңінде мәнді, адамзаттың рухани-эстетикалық қуатының қайнары.[1] Оның ішінде тікелей бала тәрбиесіне байланысты, баланың жан-дүниесінің қалыптасуына негіз болатын дәстүрлер көп-ақ. Халық өз бойындағы ең жақсы қасиеттерін жеткіншек ұрпаққа күнделікті тұрмыста үйретіп, бала бойына сіңіріп отырған. Халықтың тілін, салтын, дәстүрін бойына дарытқан ұрпақ тәрбиелеу үшін халық педагогикасын оқу- тәрбие жұмысына негіз етіп алуға болады. Халық педагогикасын келер ұрпаққа айтар ақылы, ұсынар үлгісі, берер тәлім-тәрбиесі сол елдің күй, би, музыкасы, |