Мемлекеттiк қызмет стандарттарын бекiту және Қазақстан Республикасы Үкiметiнiң кейбiр шешiмдерiне өзгерiстер мен толықтыру енгiзу туралы
жүктеу/скачать 2.06 Mb.
|
- Бұл бет үшін навигация:
- ҚАУЛЫ ЕТЕДI
- «Бiлiм алушылар мен тәрбиеленушiлердi бiлiмнiң жалпы бiлiм беру ұйымдарына және үйлерiне тегiн тасымалдауды қамтамасыз ету» мемлекеттiк қызмет стандарты 1. Жалпы ережелер
- 2. Мемлекеттiк қызмет көрсетудiң тәртiбi
- 3. Жұмыс қағидаттары
- 4. Жұмыс нәтижелерi
- 5. Шағымдану тәртiбi
- Жергiлiктi атқарушы органдарының елдi мекендердiң, ауыл (село), ауылдық (селолық) әкiмдiктердiң тiзбесi
| Мемлекеттiк қызмет стандарттарын бекiту және Қазақстан Республикасы Үкiметiнiң кейбiр шешiмдерiне өзгерiстер мен толықтыру енгiзу туралы
Қазақстан Республикасы Үкiметiнiң 2011 жылғы 31 наурыздағы № 336 Қаулысы Қазақстан Республикасының ПҮАЖ-ы, 2011 ж., N 28, 350-құжат; "Егемен Қазақстан" 2011 жыл, 27 тамыз № 395-399 (26793), 3 қыркүйек № 409-413 (26807); "Казахстанская правда" от 27.08.2011 г., № 272-274 (26693-26695); от 31.08.2011 г., № 276-277 (26697-26698); от 03.09.2011 г., № 281-282 (26672-26673); 
Қазақстан Республикасының 2008 жылғы 4 желтоқсандағы Бюджет кодексiнiң 34-бабының 2-тармағына сәйкес Қазақстан Республикасының Үкiметi ҚАУЛЫ ЕТЕДI: 1. Қоса берiлiп отырған: 1) «Бiлiм беру туралы құжаттарды тану және нострификациялау» мемлекеттiк қызмет стандарты; 2) «Бiлiм алушылар мен тәрбиеленушiлердi бiлiмнiң жалпы бiлiм беру ұйымдарына және үйге тегiн тасымалдауды қамтамасыз ету» мемлекеттiк қызмет стандарты; 3) «Қазақстан Республикасы Президентiнiң «Болашақ» халықаралық стипендиясын тағайындау конкурсына қатысу үшiн құжаттар қабылдау» мемлекеттiк қызмет стандарты бекiтiлсiн. 2. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтыру енгiзiлсiн: 1) «Қазақстан Республикасы Бiлiм және ғылым министрлiгiнiң мемлекеттiк қызмет көрсету стандарттарын бекiту және Қазақстан Республикасы Үкiметiнiң 2007 жылғы 30 маусымдағы № 561 қаулысына өзгерiс енгiзу туралы» Қазақстан Республикасы Үкiметiнiң 2010 жылғы 26 ақпандағы № 140 қаулысына мынадай өзгерiстер енгiзiлсiн: тақырыбындағы және 1-тармақтың 1), 2), 3), 4), 5), 6), 7) және 8) тармақшаларындағы «көрсету» деген сөз алынып тасталсын; көрсетiлген қаулымен бекiтiлген «Қазақстан Республикасының бiлiм, ғылым органдарынан және оқу орындарынан шығатын бiлiм туралы құжаттарға апостиль қою» мемлекеттiк қызмет көрсету стандарты, «Қазақстан Республикасының мектепке дейiнгi балалар ұйымдарына жолдама беру үшiн мектеп жасына (7 жасқа) дейiнгi балаларды тiркеу» мемлекеттiк қызмет көрсету стандарты, «Кәмелетке толмаған балаларға тиесiлi тұрғын үй алаңын айырбастауға немесе сатуға рұқсат беру үшiн нотариалды кеңсеге анықтамалар беру» мемлекеттiк қызмет көрсету стандарты, «Қорғаншылық және қамқоршылық жөнiнде анықтамалар беру» мемлекеттiк қызмет көрсету стандарты, «Жетiмдердi, ата-анасының қамқорлығынсыз қалған балаларды әлеуметтiк қамсыздандыруға арналған құжаттарды ресiмдеу» мемлекеттiк қызмет көрсету стандарты, «Кәмелетке толмаған балаға тиесiлi тұрғын үй кепiлдiгiмен несие ресiмдеу үшiн банктерге рұқсаттар беру» мемлекеттiк қызмет көрсету стандарты, «Зейнетақы қорларына, Қазақстан Республикасы Iшкi iстер министрлiгi Жол полициясы комитетiнiң аумақтық бөлiмшелерiне кәмелетке толмаған балаларға мұраны ресiмдеу үшiн анықтамалар беру» мемлекеттiк қызмет көрсету стандарты және «Тұрғын үйдiң меншiк иелерi болып табылатын кәмелетке толмаған балалардың мүдделерiн қозғайтын мәмiлелердi ресiмдеу үшiн қорғаншылар мен қамқоршылар органдарының анықтамалар беруi» мемлекеттiк қызмет көрсету стандарты осы қаулыға 1, 2, 3, 4, 5, 6, 7, 8-қосымшаларға сәйкес жаңа редакцияда жазылсын; 2) «Жеке және заңды тұлғаларға көрсетiлетiн мемлекеттiк қызметтердiң тiзiлiмiн бекiту туралы» Қазақстан Республикасы Үкiметiнiң 2010 жылғы 20 шiлдедегi № 745 қаулысына (Қазақстан Республикасының ПҮАЖ-ы, 2010 ж., № 44, 401-құжат): көрсетiлген қаулымен бекiтiлген жеке және заңды тұлғаларға көрсетiлетiн мемлекеттiк қызметтердiң тiзiлiмiнде: 2-бағанда: реттiк нөмiрi 85-жолдағы «анықтама» деген сөз «анықтамалар» деген сөзбен ауыстырылсын, орыс тiлiндегi мәтiнi өзгермейдi; реттiк нөмiрi 87-жолдағы «ауыстыруға» және «анықтама» деген сөздер тиiсiнше «айырбастауға» және «анықтамалар» деген сөздермен ауыстырылсын, орыс тiлiндегi мәтiнi өзгермейдi; реттiк нөмiрi 88-жолдағы «Зейнеткерлiк қорларға» және «анықтама» деген сөздер тиiсiнше «Зейнетақы қорларына» және «анықтамалар» деген деген сөздермен ауыстырылсын, орыс тiлiндегi мәтiнi өзгермейдi; реттiк нөмiрi 89-жолдағы «жасау» және «кеңесiнiң шешiмiне анықтама» деген сөздер тиiсiнше «ресiмдеу» және «органдарының анықтамаларын» деген сөздермен ауыстырылсын; реттiк нөмiрi 123-жолда: «қамсыздандыруға» деген сөзден кейiн «арналған» деген сөзбен толықтырылсын; «құжаттар» деген сөз «құжаттарды» деген сөзбен ауыстырылсын, орыс тiлiндегi мәтiнi өзгермейдi; реттiк нөмiрi 124-жолдың 2-бағаны мынадай редакцияда жазылсын: «Қазақстан Республикасы Президентiнiң «Болашақ» халықаралық стипендиясын тағайындау конкурсына қатысу үшiн құжаттар қабылдау»; реттiк нөмiрi 127-жолдың 2-бағаны мынадай редакцияда жазылсын: «Кәмелетке толмаған балаға тиесiлi тұрғын үй кепiлдiгiмен несие ресiмдеу үшiн банктерге рұқсаттар беру», орыс тiлiндегi мәтiнi өзгермейдi. 3. Осы қаулы алғашқы ресми жарияланған күнiнен бастап күнтiзбелiк он күн өткен соң қолданысқа енгiзiледi. Қазақстан Республикасының Премьер-Министрi К.Мәсiмов Қазақстан Республикасы Үкiметiнiң 2011 жылғы 31 наурыздағы № 336 қаулысымен бекiтiлген «Бiлiм алушылар мен тәрбиеленушiлердi бiлiмнiң жалпы бiлiм беру ұйымдарына және үйлерiне тегiн тасымалдауды қамтамасыз ету» мемлекеттiк қызмет стандарты 1. Жалпы ережелер 1. «Бiлiм алушылар мен тәрбиеленушiлердi бiлiмнiң жалпы бiлiм беру ұйымдарына және үйлерiне тегiн тасымалдауды қамтамасыз ету» мемлекеттiк қызметтi (бұдан әрi - стандарт) осы стандарттың 1-қосымшасына сәйкес кенттiң, ауылдық, (селолық) округтiң жергiлiктi атқарушы органы (бұдан әрi - әкiмдiк) көрсетедi. 2. Көрсетiлетiн мемлекеттiк қызмет нысаны: автоматтандырылмаған. 3. Мемлекеттiк қызмет «Бiлiм туралы» Қазақстан Республикасының 2007 жылғы 27 шiлдедегi № 319 Заңының 6-бабының 5-тармағына және «Бiлiм беру ұйымдары желiсiнiң кепiлдiк берiлген мемлекеттiк нормативiн бекiту туралы» Қазақстан Республикасы Үкiметiнiң 2007 жылғы 21 желтоқсандағы № 1256 қаулысының 2-тармағының 2) тармақшасына сәйкес көрсетiледi. 4. Мемлекеттiк қызмет тәртiбi туралы толық ақпарат тiзбесi осы стандарттың 1-қосымшасында көрсетiлген әкiмдiктердiң фойелерiнде, сондай-ақ облыстың әкiмдiктердiң, бiлiм басқармаларының интернет-ресурстарында және Қазақстан Республикасы Бiлiм және ғылым министрлiгiнiң www.edu.gov.kz сайтында орналастырылған. 5. Көрсетiлетiн мемлекеттiк қызметтi аяқтау нәтижесi осы стандарттың 6-қосымшасына сәйкес бiлiм алушылар мен тәрбиеленушiлердi бiлiмнiң жалпы беру ұйымдарына және үйлерiне тегiн тасымалдауды қамтамасыз ету туралы анықтама бере отырып, бiлiмнiң жалпы бiлiм беру ұйымдарына және керiсiнше үйге тегiн тасымалдауды қамтамасыз етуi немесе қызмет көрсетудi ұсынудан бас тарту болып табылады. 6. Мемлекеттiк қызмет жеке тұлғаларға (бұдан әрi - тұтынушы) көрсетiледi. 7. Мемлекеттiк қызмет көрсетудiң мерзiмi: 1) мемлекеттiк қызметтi алу үшiн жүгiну (өтiнiш түскен мерзiмнен бастап 5 күн iшiнде) 5 жұмыс күнiн құрайды; 2) өтiнiш берушi жүгiнген күнi сол жерде көрсетiлетiн мемлекеттiк қызметтi алуға дейiн күтудiң рұқсат берiлген ең көп уақыты (тiркеу кезiнде) - 30 минуттан аспайды; 3) өтiнiш берушi жүгiнген күнi сол жерде көрсетiлетiн мемлекеттiк қызмет алушыға қызмет көрсетудiң рұқсат берiлген ең көп уақыты 30 минуттан аспайды; 8. Мемлекеттiк қызмет тегiн көрсетiледi. 9. Мемлекеттiк қызмет оқу жылы бойы көрсетiледi: 1) белгiленген жұмыс кестесiне сәйкес сенбi, жексенбi және мереке күндерiн қоспағанда, түскi үзiлiспен сағат 9.00-ден 18.00-ге дейiн; 2) қабылдау алдын ала жазылусыз және жеделдетiп қызмет көрсетусiз кезек күту тәртiбiмен жүзеге асырылады. 10. Мемлекеттiк қызмет тұтынушыларға, оның iшiнде физикалық мүмкiндiгi шектеулi адамдарға қызмет көрсету үшiн жағдай көзделген әкiмдiктердiң ғимараттарында көрсетiледi. Күту залдары толтырылған бланктердiң үлгiлерi бар ақпараттық стендiлермен жарақталған 2. Мемлекеттiк қызмет көрсетудiң тәртiбi 11. Мемлекеттiк қызметтi алу үшiн тұтынушы мынадай құжаттарды тапсыруы қажет: 1) бiлiм алушының /тәрбиеленушiнiң/ ата-анасы немесе заңды өкiлiнiң баланы жалпы бiлiм беру ұйымдарына тегiн тасымалдаумен қамтамасыз етуге арналған осы стандарттың 2-қосымшасына сәйкес өтiнiшi; 2) баланың туу туралы куәлiгiнiң түпнұсқасы және көшiрмесi (жеке куәлiгi); 3) осы стандарттың 5-қосымшасына сәйкес оқу орнының анықтамасы. Туу туралы куәлiктiң, жеке куәлiктiң түпнұсқасы көшiрмемен салыстыру үшiн берiледi және кейiн тұтынушыға қайтарылады. 12. Мемлекеттiк қызметтi алуға арналған өтiнiштiң үлгiсi әкiмдiктiң фойесiнде орналастырылады, сондай-ақ әкiмдiктiң мамандарында болады. 13. Өтiнiштiң, баланың туу туралы куәлiгiнiң көшiрмесi және/немесе жеке куәлiгi және оқу орнынан алынған анықтама аталған қызметтi көрсетуге жауапты әкiмдiктiң әлеуметтiк мәселеге жетекшiлiк ететiн маманының кабинетiне тапсырылады. 14. Мемлекеттiк қызметтi алу үшiн барлық қажеттi құжаттарды тапсыру кезiнде тұтынушыға осы стандарттың 4-қосымшасына сәйкес қажеттi құжаттарды алуда қызмет көрсетудi алған күнiн көрсете отырып, қолхат берген әкiмдiк маманының өтiнiштi қабылдап алған нөмiрi мен күнiн, тегiн, атын, әкесiнiң атын көрсете отырып қолхат берiледi. 15. Тұтынушыға мемлекеттiк қызметтiң нәтижесiн жеткiзу тәсiлiн әкiмдiктiң маманы белгiленген жұмыс кестесiне сәйкес әкiмнiң қолымен және мөрiмен расталған, осы стандарттың 6-қосымшасына сәйкес бiлiмнiң жалпы бiлiм беру ұйымдарына (бiлiм беру ұйымдарын көрсете отырып) тегiн тасымалдауды қамтамасыз ету туралы қабылданған анықтама негiзiнде асырады. Тұтынушы жеке өзi жүгiнген кезде өтiнiштiң келiп түскен сәтiнен бастап 5 күн өткен соң әкiмдiктiң маманы бередi. Анықтама беру туралы мәлiмет осы стандарттың 7-қосымшасына сәйкес анықтаманы есепке алу кiтабында тiркеледi. 16. Мемлекеттiк қызметтi ұсынудан бас тарту үшiн бас тартудың себептерiн жазбаша негiздей отырып, тұтынушының осы стандарттың 11-тармағында көрсетiлген құжаттарды толық тапсырмауы негiз болады. 3. Жұмыс қағидаттары 17. Әкiмдiктiң қызметi: 1) Қазақстан Республикасының заңнамасын сақтау; 2) көрсетiлетiн мемлекеттiк қызмет туралы толық ақпарат ұсыну; 3) тұтынушы ұсынған құжаттардың мазмұны туралы ақпараттың қорғалуы мен құпиялылығын қамтамасыз ету; 4) тұтынушы белгiленген мерзiмде алмаған құжаттардың сақталуын қамтамасыз ету; 5) мемлекеттiк қызметтi уақтылы ұсыну; 6) нақтылық және сыпайылық қағидаттарына негiзделедi. 4. Жұмыс нәтижелерi 18. Тұтынушыларға мемлекеттiк қызметтi ұсынудың нәтижелерi осы стандарттың 9-қосымшасына сәйкес сапа және қолжетiмдiлiк көрсеткiштерiмен өлшенедi. 19. Мемлекеттiк қызметтiң сапасы мен қолжетiмдiлiк көрсеткiштерiнiң нысаналы мәндерi жыл сайын Қазақстан Республикасы Бiлiм және ғылым министрлiгiнiң бұйрығымен бекiтiледi 5. Шағымдану тәртiбi 20. 1-қосымшада көрсетiлген кенттiң, ауылдың (селоның), ауылдық (селолық) округтiң жергiлiктi атқарушы органдары уәкiлеттi лауазымды адамдардың әрекетiне (әрекетсiздiгiне) шағымдану тәртiбiн түсiндiредi және шағымды дайындауға жәрдем көрсетедi. 21. Шағым жазбаша нысанда пошта арқылы немесе электронды түрде қолданыстағы заңнамада көзделген жағдайларда не жұмыс күндерi қолма-қол облыстық әкiмдiктiң кеңсесi арқылы аталған стандарттың 8-қосымшасына сәйкес қабылданады. Шағым беру кезiнде қажеттi құжаттардың тiзбесiне еркiн нысанда жазылған өтiнiшiн және қызмет көрсету үшiн тұтынушы ұсынған құжаттардың көшiрмелерi кiредi. Әкiмiнiң жұмыс және қабылдау кестесi белгiленген жұмыс кестесiне сәйкес демалыс және мереке күндерiн қоспағанда, түскi үзiлiспен сағат 9.00-ден 18.00-ге дейiн айқындалған. 22. Мемлекеттiк қызмет көрсетудiң сапасы бойынша наразылық болса, қызмет дөрекi көрсетiлген жағдайда шағым Қазақстан Республикасы Бiлiм және ғылым министрлiгi Балалардың құқықтарын қорғау комитетiне Астана қаласы, «Министрлiк үйi» әкiмшiлiк ғимараты, 11-кiреберiс, 945-кабинет мекенжайы бойынша берiледi. 23. Көрсетiлген мемлекеттiк қызмет нәтижелерiмен келiспеген жағдайда тұтынушы заңнамада белгiленген тәртiппен сотқа жүгiнуге құқылы. 24. Әкiмдiкке шағым беру үшiн тұтынушы өтiнiштi еркiн нысанда өз қолымен жазады. 25. Қабылданған шағым әкiмдiктiң кiрiс ақпаратын есепке алу журналында тiркеледi және «Жеке және заңды тұлғалардың өтiнiштерiн қарау тәртiбi туралы» 2007 жылғы 12 қаңтардағы Қазақстан Республикасының Заңында белгiленген мерзiмде қаралады. Тұтынушыға өтiнiштiң күнi мен уақыты, қабылдаған адамның тегi, аты, әкесiнiң аты көрсетiлген талон берiледi. Шағымды қарау нәтижесi тұтынушыға жазбаша түрде пошта арқылы хабарланады. 26. Тұтынушы мемлекеттiк қызмет көрсету тәртiбi бойынша қосымша ақпаратты Қазақстан Республикасы Бiлiм және ғылым министрлiгiнiң Балалардың құқықтарын қорғау комитетiнде 010000, Астана қаласы, «Министрлiктер үйi» әкiмшiлiк ғимараты, 11-кiреберiс, 945-каб. мекенжайынан, сондай-ақ. www.bala-kkk.kz сайтынан ала алады. «Бiлiм алушылар мен тәрбиеленушiлердi бiлiмнiң жалпы бiлiм берi ұйымдарына және үйге тегiн тасымалдауды қамтамасыз ету» мемлекеттiк қызмет стандартына 1-қосымша Жергiлiктi атқарушы органдарының елдi мекендердiң, ауыл (село), ауылдық (селолық) әкiмдiктердiң тiзбесi
жүктеу/скачать 2.06 Mb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||