Менің бірінші қадамым
жүктеу/скачать 0.51 Mb.
|
- Бұл бет үшін навигация:
- Директордың оқу - өндірістік жұмысы жөніндегі орынбасары _________ Т. Кейкелов
- __________________
- Зертханалық жұмыс №1 Тақырыбы
- Әдістемелік нұсқау
|
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ Алматы қаласы Білім басқармасының МКҚК «Алматы мемлекеттік политехникалық колледжі»
Зертханалық жұмыстар Желілік технология оқу тәжірибесі ( атауы) 1304000–«Есептеуіш техникасы мен бағдарламалық қамтамасыздандыру» мамандығы (шифр, атауы) 1304043 – Техник- бағдарламашы біліктілігі (шифр, атауы)
Зертханалық жұмыс №1 Тақырыбы: Желіні жобалау және жүргізу. Кабельмен жұмыс. Мақсаты: Желімен жұмыс істеу және кабельді жалғау жолдарын оқушыларға үйрету. Әдістемелік нұсқау Ең қарапайым желі (network-сеть) кем дегенде екі компьютерден тұратыны бізге мәлім. Олар мәліметтерді бірігіп пайдалана алатындай топсым (бірнеше сымнан тұратын өткізгіш, яғни кабель) арқылы жалғасқан. Барлық желілер күрделілігіне қарамастан бір-бірімен осы топсымдар арқылы жалғасады. Компьютерлік желілердің пайда болуы мәліметтерді бірігіп пайдалануға көп көмегін тигізеді. Дербес компьютер – құжат құруда, кесте дайындауда, графикалық мәліметтер және басқа да ақпараттардың түрлерімен танысуда тиімді құрал. Бірақ ол Сіздің жұмысыңыздың нәтижесін тез арада басқа біреумен бөлісуіңізді қамтамасыз етпейді. Желі болмаған жағдайда жасалынған жұмыспен басқа қолданушылар жұмыс жасау үшін әрбір құжатты қағаз бетіне шығаруға немесе дискетке көшірмесін түсіруге тура келеді. Сонымен қатар барлық қолданушылар құжаттың көшірмелерін өзгертіп-түзеткенде, ол құжатты қайта жинап өңдеу қиындық туғызатын. Жұмыстың мұндай схемасы автономиялық ортадағы (автономная среда) жұмыс деп аталады. Егер де осындай ортадағы әрбір қолданушы өзінің компьютерін басқа компьютерлердің желісіне қосса, онда ол қолданушы олардың құжаттарымен де, принтерімен де ортақ жұмыс істей алар еді. Яғни, компьютерлер тобының және басқа құрылғылардың бірігуі желілер деп аталады. Ал біріккен және ортақ қолданылатын компьютерлердің қоры желілер арақатынасы деп аталады. Желіге қосылған компьютерлер келесі мүмкіндіктерді бірігіп пайдалана алады: Мәліметтер қорымен; Ақпараттар қорымен; Принтерлермен; Модемдермен; Басқа да құрылғылармен. Есептеуіш желілері компьютерлік ақпараттық технологиялардың ары қарай дамуы болып табылады. Қазір есептеуіш желілеріне миллиондаған компьютерлер қосылған. Компьютерлік желілерді барлық жерден кездестіруге болады: үлкен-кіші мектептерде, жоғарғы оқу орындарында, мекемелерде және т.б. Желінің басты мақсаты – бұл ақпаратпен бірігіп жұмыс жасау, яғни тасымалдау, айырбастау, өңдеу, т.с.с. Желілердің екі түрі бар: Жергілікті есептеуіш желісі - локальная вычислительная сеть (ЛВС) – Local Area Network (LAN); Жалпы есептеуіш желісі – глобальная вычислительная сеть (ГВС) - Wide Area Network (WAN). Жергілікті есептеуіш желілері Алғашқы компьютерлік желілер шағын, он компьютерге дейін және бір принтермен біріктірілді. Технология желілер өлшеміне, сонымен қатар желідегі компьютерлер санына және оның физикалық ұзындығына шектеу қойды. 1980 жылдардың басында ең танымал желілер түрі 30 компьютерлерден тұрды және оның кабелінің ұзындығы 185 м (600 футтан) аспады. Мұндай желілер үлкен мекеменің бір қабатында немесе шағын ұйымдарда болды. Қазіргі кездің өзінде кішкентай фирмаларға осындай желілерді пайдаланады. Бұл желілер жергілікті есептеуіш желілері (ЛВС-LAN) деп аталады. Ауқымды есептеуіш желілері Жергілікті желілердің алғашқы түрлері ірі кәсіпорындарды, әр жерлерде орналасқан мекемелерді қанағаттандырмады. Кейінірек, компьютерлік желілердің басымдылығынан және желілік бағдарламалардың кеңінен пайда болуынан желілерді кеңейту негізгі мақсатқа айналды. Жергілікті желілер негізінде алдыңғыға қарағанда ірі жүйелер пайда болды. Әртүрлі қалалар мен мемлекеттегі қолданушыларды біріктіруде жергілікті желілердің өсуінен, ондаған компьютерден бірнеше мыңдаған компьютерлердің бірігуі арқасында жалпы есептеуіш желілері (ГВС - WAN) пайда болды. Қазіргі кезде көптеген мекемелер осы желілер ортасында өте қажетті мәліметтерін сақтап және оларды бірге пайдаланады. жүктеу/скачать 0.51 Mb. Достарыңызбен бөлісу:
|