Microsoft Word Бошкатармокдарслик
жүктеу/скачать 3.03 Mb. Pdf көрінісі
|
|
24.7.Товарлар сотилиши ва бошқа чиқимларининг ҳисоби Товарлар сотилишининг ҳисоби. Улгуржи савдо корхоналари товарларни ўзларининг дистрьюбиторларига (чакана савдо корхоналари, якка тартибдаги тадбиркорларга), шунингдек бошқа товарларни ўз хўжалик мақсадларида фойдаланувчи ташкилот ва муассасаларга тузилган 375 шартномалар асосида келишув баҳоларида йирик ва майда партиялар билан нақд пулсиз ҳисоб-китоблар асосида сотадилар. Товарларни улгуржи сотишдан олинган даромадлар, шунингдек сотилган товарларни таннархини ҳисобга олиш учун 21-сон БҲМСда 9020 «Товарларни сотишдан олинган даромадлар» ва 9120 «Сотилган товарларнинг таннархи» счётлар кўзда тутилган. Ушбу счётлар орқали товарларни сотилишидан олинган даромадлар ва сотилган товарларнинг таннархини ҳисобга олиш қуйидагича амалга оширилади: 1. Харидорлардан келиб тушган олдиндан тўлов суммасига: Дебет 5110 «Ҳисоб-китоб счёти» Кредит 6310 «Харидор ва буюртмачилардан олинган бўнаклар» 2. Харидорларга сотилган товарларнинг сотиш баҳосидаги қийматига: Дебет 4010 «Харидор ва буюртмачилардан олинадиган счётлар» 4110 «Алоҳида бўлинмалардан олинадиган счётлар» 4120 «Шуъба ва қарам хўжаликлардан олинадиган счётлар» Кредит 9020 «Товарларни сотишдан олинган даромадлар» 3. Сотилган товарларнинг таннархига: а) товарларнинг сотиб олиш баҳосидаги суммасига: Дебет 9120 «Сотилган товарларнинг таннархи» Кредит 2910 «Омбордаги товарлар» б) сотилган товарларга тўғри келувчи сотиб олишга доир қўшимча харажатлар суммасига: Дебет 9120 «Сотилган товарларнинг таннархи» Кредит 1520 «Товарларни сотиб олишга доир қўшимча ҳаражатлар». 4. Олдиндан тўлов суммасини ёпилишига: Дебет 6310 «Харидор ва буюртмачилардан олинган бўнаклар» Кредит 4010 «Харидор ва буюртмачилардан олинадиган счётлар» 5. Харидорлардан қарзни келиб тушишига Дебет 5110 «Ҳисоб-китоб счёти» Кредит 4010 «Харидор ва буюртмачилардан олинадиган счётлар» 4110 «Алоҳида бўлинмалардан олинадиган счётлар» 4120 «Шуъба ва қарам хўжаликлардан олианадиган счётлар». 6. Товарларни сотишдан олинган даромадларни ҳисобот даври охирида молиявий натижалар счётига ўтқазилишига: Дебет 9020 «Товарларни сотишдан олинган даромадлар» Кредит 9910 «Якуний молиявий натижа» 7. Сотилган товарлар таннархини ҳисобот даври охирида молиявий натижалар счётига ўтказилишига: Дебет 9910 «Якуний молиявий натижа» Кредит 9120 «Сотилган товарларнинг таннархи» Сотилган товарлар харидорлар томонидан турли сабабларга кўра қайтарилиши мумкин. Бундай ҳолларда қайтарилган товарлар омборларга сон ва сифат жиҳатдан қайта кирим қилинади. Шунингдек, сотишдан олинган даромад ва сотиш таннархи суммаларига қуйидагича тузатиш ёзувлари берилади (24.5-жадва). |