«Мұрағаттық анықтамалар беру» электрондық мемлекеттік қызмет регламенті Жалпы ережелер «Мұрағаттық анықтамалар беру»
жүктеу/скачать 372.89 Kb.
|
|
Әділет департаментінде 2013 жылғы 7 маусымда № 3547 болып тіркелген Павлодар облысы әкімдігінің 2013 жылғы 17 мамырдағы № 158/5 қаулысымен бекітілді «Мұрағаттық анықтамалар беру» электрондық мемлекеттік қызмет регламенті 1. Жалпы ережелер 1. «Мұрағаттық анықтамалар беру» электрондық мемлекеттік қызметті (бұдан әрі – электрондық мемлекеттік қызмет) мекенжайлары осы Регламенттің 1-қосымшасында келтірілген «Павлодар облысының мұрағаттар және құжаттама басқармасы» мемлекеттік мекемесі және мемлекеттік мұрағаттар (бұдан әрі – қызмет беруші) көрсетеді, баламалы негізде мекенжайлары осы Регламенттің 2-қосымшасында келтірілген халыққа қызмет көрсету орталықтары (бұдан әрі – ХҚКО) арқылы, сондай-ақ пайдаланушыда ЭЦҚ бар болған жағдайда «электронды үкіметтің» www.e-gov.kz веб-порталы арқылы көрсетіледі. 2. Электрондық мемлекеттік қызмет Қазақстан Республикасы Үкіметінің 2009 жылғы 30 желтоқсандағы № 2315 қаулысымен бекітілген «Мұрағаттық анықтамалар беру» мемлекеттік қызмет стандартының (бұдан әрі – Стандарт) негізінде көрсетіледі. 3. Электрондық мемлекеттік қызметтің автоматтандыру дәрежесі: ішінара автоматтандырылған. 4. Электрондық мемлекеттік қызмет көрсетудің түрі: транзакциялық. 5. Осы «Мұрағаттық анықтамалар беру» электрондық мемлекеттік қызмет регламентінде (бұдан әрі – Регламент) қолданылған ұғымдар мен қысқартулар: 1) АЖО – автоматтандырылған жұмыс орны; 2) бизнес-сәйкестендіру нөмірі (бұдан әрі – БСН) – қызметін бірлескен кәсіпкерлік түрінде жүзеге асыратын заңды тұлға (филиал және өкілдік) мен жеке кәсіпкер үшін қалыптастырылатын бірегей нөмір; 3) «электрондық үкіметтің» веб-порталы (бұдан әрі – ЭҮП) – нормативтік құқықтық базаны қоса алғанда, біріккен барлық үкіметтік ақпаратқа және электрондық мемлекеттік қызметтерге бірыңғай қол жеткізу терезесі болып табылатын ақпараттық жүйе; 4) «Жеке тұлғалар» мемлекеттік деректер базасы (бұдан әрі – ЖТ МДБ) – Қазақстан Республикасында заңды тұлғаларды бірыңғай сәйкестендіруді қолданысқа енгізу мақсатында ақпаратты автоматты түрде жинауға, сақтау мен өңдеуге, Жеке сәйкестендіру нөмірлерінің ұлттық тізбесін жасауға, өкілеттіліктері шегінде және Қазақстан Республикасының заңнамасына сәйкес мемлекеттік басқару органдары мен басқа субъектілерге олар туралы және нақты мәліметтер ұсынуға арналған ақпараттық жүйе; 5) «Заңды тұлғалар» мемлекеттік деректер базасы (бұдан әрі – ЗТ МДБ) – Қазақстан Республикасында заңды тұлғаларды бірыңғай сәйкестендіруді қолданысқа енгізу мақсатында ақпаратты автоматты түрде жинауға, сақтау мен өңдеуге, Бизнес-сәйкестендіру нөмірлерінің ұлттық тізбесін жасауға, өкілеттіліктері шегінде және Қазақстан Республикасының заңнамасына сәйкес мемлекеттік басқару органдары мен басқа субъектілерге олар туралы және нақты мәліметтер ұсынуға арналған ақпараттық жүйе; 6) бірыңғай нотариаттық ақпараттық жүйе (бұдан әрі – БНАЖ) – бұл нотариаттық қызметті автоматтандыруға және әділет органдары мен нотариаттық палаталардың өзара бірлескен іс-қимылына арналған аппараттық-бағдарламалық кешен; 7) жеке сәйкестендіру нөмірі (бұдан әрі – ЖСН) – жеке тұлға, соның ішінде қызметін жеке кәсіпкерлік түрінде жүзеге асыратын жеке кәсіпкер үшін қалыптастырылатын бірегей нөмір; 8) ақпараттық жүйе (бұдан әрі – АЖ) – аппараттық-бағдарламалық кешенді қолдана отырып, ақпаратты сақтауға, өңдеуге, іздеуге, таратуға, тапсыруға және беруге арналған ақпараттық жүйе; 9) Қазақстан Республикасының халыққа қызмет көрсету орталықтарының ақпараттық жүйесі (бұдан әрі – ХҚКО АЖ) – халыққа (жеке және заңды тұлғаларға) Қазақстан Республикасының халыққа қызмет көрсету орталықтары, сондай-ақ тиісті министрліктер мен ведомстволар арқылы қызмет көрсету үдерісін автоматтандыруға арналған ақпараттық жүйе; 10) алушы – электрондық мемлекеттік қызмет көрсетілетін жеке және заңды тұлғалар; 11) пайдаланушы – өзіне қажетті электрондық ақпараттық ресурстарды алу үшін ақпараттық жүйеге жүгінетін және оларды пайдаланатын субъекті (алушы, қызмет беруші); 12) құрылымдық-функционалдық бірліктер (бұдан әрі – ҚФБ) –электрондық мемлекеттік қызмет көрсету үдерісіне қатысатын мемлекеттік органдардың, мемлекеттік мекемелердің немесе өзге де ұйымдардың құрылымдық бөлімшелерінің тізбесі және ақпараттық жүйелер; 13) транзакциялық қызмет – электрондық цифрлық қолтаңбаны қолдана отырып, өзара ақпарат алмасуды талап ететін пайдаланушыларға электрондық ақпараттық ресурстарды беру жөніндегі қызмет; 14) «электрондық үкімет» шлюзі (бұдан әрі – ЭҮШ) – электрондық қызметті іске асыру шеңберіндегі «электрондық үкіметтің» ақпараттық жүйелерін біріктіруге арналған ақпараттық жүйе; 15) электрондық құжат – ақпарат электрондық цифрлық нысанда берілген және ЭЦҚ-мен куәландырылған құжат; 16) электрондық мемлекеттік қызмет – ақпараттық технологиялар қолдана отырып, электрондық нысанда көрсетілетін мемлекеттік қызмет; 17) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның кімге тиесілі екендігін және мазмұнының өзгермейтіндігін растайтын электрондық цифрлық таңбалардың жиынтығы. 2. Электрондық мемлекеттік қызметті көрсету бойынша қызмет берушінің қызмет тәртібі 6. ЭҮП арқылы қадамдық әрекеттер мен шешімдер осы Регламенттің 3-қосымшасында (ЭҮП арқылы электрондық мемлекеттік қызмет көрсету кезіндегі функционалдық өзара әрекеттесудің № 1 диаграммасы) келтірілген: 1) алушы ЖСН/БСН және парольдің көмегімен ЭҮП-те тіркелуді жүзеге асырады (ЭҮП-те тіркелмеген алушылар үшін жүзеге асырылады); 2) 1-үдеріс – қызметті алу үшін алушының ЭҮП-те ЖСН/БСН және парольді енгізуі (авторизациялау үдерісі); 3) 1-шарт – ЖСН/БСН және пароль арқылы тіркелген алушының деректерінің дұрыстығын ЭҮП-те тексеру; 4) 2-үдеріс – алушының деректерінде бұзушылықтардың болуына байланысты авторизациялаудан бас тарту туралы ЭҮП-тің хабарламаны қалыптастыруы; 5) 3-үдеріс – алушының осы Регламентте көрсетілген қызметті таңдауы, қызмет көрсету үшін сұрау нысанын экранға шығару және алушының құрылымы мен форматтық талаптарын ескере отырып, нысанды толтыруы (деректерді енгізуі), Станддарттың 11-тармағында көрсетілген электрондық түрдегі қажетті құжаттардың көшірмелерін сұрау нысанына бекітуі, сондай-ақ сұрауды куәландыру (қол қою) үшін алушының ЭЦҚ тіркеу куәлігін таңдауы; 6) 2-шарт – ЭҮП-те ЭЦҚ тіркеу куәлігінің қолданыс мерзімін және қайтарып алынған (күші жойылған) тіркеу куәліктерінің тізімінде жоқтығын, сондай-ақ сәйкестендіру деректерінің (сұрауда көрсетілген ЖСН/БСН мен ЭЦҚ-ның тіркеу куәлігінде көрсетілген ЖСН/БСН-нің арасындағы) сәйкестігін тексеру; 7) 4-үдеріс – алушының ЭЦҚ-ның дұрыстығының расталмауына байланысты сұратылып отырған қызметтен бас тарту туралы хабарламаны қалыптастыру; 8) 5-үдеріс – қызметті көрсету үшін алушының ЭЦҚ көмегімен сұрауды куәландыруы және электрондық құжатты (сұрауды) ЭҮШ арқылы қызмет берушінің өңдеуі үшін қызмет берушінің АЖО-сына жолдау; 9) 6-үдеріс – электрондық құжатты қызмет берушінің АЖО-сында тіркеу; 10) 3-шарт – қызмет берушінің алушы қоса тіркеген құжаттардың Стандартта көрсетілген құжаттар тізіміне және қызметті көрсету негіздеріне сәйкестігін тексеру (өңдеу); 11) 7-үдеріс – алушының деректерінде бұзушылықтардың болуына байланысты сұратылып отырған қызметті көрсетуден бас тарту туралы хабарламаны қалыптастыру; 12) 8-үдеріс – алушының қызмет берушінің АЖО-сы қалыптастырылған қызметтің нәтижесін (мұрағаттық анықтаманың дайындығы туралы электрондық нысандағы хабарламаны) алуы. Электрондық құжат қызмет берушінің уәкілетті тұлғасының ЭЦҚ-сын пайдаланумен қалыптастырылады. 7. Қызмет берушінің қадамдық әрекеттері мен шешімдері осы Регламенттің 3-қосымшасында келтірілген (қызмет беруші арқылы электрондық мемлекеттік қызмет көрсету кезіндегі функционалдық өзара әрекеттесудің № 2 диаграммасы): 1) 1-үдеріс – қызмет көрсету үшін қызмет беруші қызметкерінің АЖО-да ЖСН/БСН мен парольді енгізуі (авторизациялау үдерісі); 2) 2-үдеріс – қызмет беруші қызметкерінің осы Регламентте көрсетілген қызметті таңдауы, қызмет көрсетуге арналған сұрау нысанын экранға шығаруы және қызмет беруші қызметкерінің алушының деректерін енгізуі; 3) 3-үдеріс – ЭҮШ арқылы ЖТ МДБ/ЗТ МДБ-ға алушының деректері туралы сұрауды жолдау; 4) 1-шарт – алушы деректерінің ЖТ МДБ/ЗТ МДБ-да болуын тексеру; 5) 4-үдеріс – алушы деректерінің ЖТ МДБ/ЗТ МДБ-да болмауына байланысты деректерді алу мүмкін болмауы туралы хабарламаны қалыптастыру; 6) 5-үдеріс – қызмет беруші қызметкерінің алушы ұсынған құжаттардың қағаз нысанында болуын белгілеу бөлігіндегі сұрау нысанын толтыруы, оларды сұрау нысанына бекітуі және қызмет көрсетуге толтырылған сұрау нысанын (енгізілген деректерді) ЭЦҚ арқылы куәландыруы; 7) 6-үдеріс – электрондық құжатты қызмет берушінің АЖО-сында тіркеу; 8) 2-шарт – қызмет беруші қоса берген құжаттардың Стандартта көрсетілген құжаттар тізбесіне және қызмет көрсету негіздеріне сәйкестігін тексеру (өңдеу); 9) 7-үдеріс – алушының құжаттарындағы бұзушылықтардың болуына байланысты сұрау салынған қызметті көрсетуден бас тарту туралы хабарламаны қалыптастыру; 10) 8-үдеріс – алушының қызмет нәтижесін (мұрағаттық анықтаманы) алуы. 8. Қызмет берушінің ХҚКО арқылы қадамдық әрекеттері мен шешімдері осы Регламенттің 3-қосымшасында келтірілген (ХҚКО АЖ арқылы электрондық мемлекеттік қызмет көрсету кезіндегі функционалдық өзара әрекеттесудің № 3 диаграммасы): 1) 1-үдеріс – қызмет көрсету үшін орталық операторының ХҚКО АЖ АЖО-ға логинді және парольді енгізуі (авторизациялау үдерісі); 2) 2-үдеріс – орталық операторының осы Регламентте көрсетілген қызметті таңдауы, қызмет көрсетуге арналған сұрау нысанын экранға шығаруы және орталық операторының алушының деректерін енгізуі, сондай-ақ алушының сенімхат бойынша өкілінің деректерін (нотариалды куәландырылған сенімхат болған жағдайда, сенімхатты өзге түрде куәландырылған кезде - сенімхаттың деректері толтырылмайды); 3) 3-үдеріс – ЭҮШ арқылы ЖТ МДБ/ЗТ МДБ-ға алушының деректері, сондай-ақ БНАЖ-ға алушының сенімхат бойынша өкілінің деректері туралы сұрауды жіберу; 4) 1-шарт – ЖТ МДБ/ЗТ МДБ-да алушы деректерінің, БНАЖ-да сенімхат деректерінің болуын тексеру; 5) 4-үдеріс – ЖТ МДБ/ЗТ МДБ-да алушы деректерінің, БНАЖ-да сенімхат деректерінің болмауына байланысты деректерді алу мүмкін болмауы туралы хабарламаны қалыптастыру; 6) 5-үдеріс – орталық операторының алушы ұсынған сұрау нысанын құжаттардың қағаз нысанында болуын белгілеу бөлігінде толтыруы және құжаттарды сканерлеуі, оларды сұрау нысанына бекітуі және қызмет көрсетуге толтырылған сұрау нысанын (енгізілген деректерді) ЭЦҚ арқылы куәландыруы; 7) 6-үдеріс – ЭҮШ арқылы қызмет берушінің АЖО-сында орталық операторының ЭЦҚ-мен куәландырылған (қол қойылған) электрондық құжатты (алушының сұрауын) жолдау; 8) 7-үдеріс – электрондық құжатты қызмет берушінің АЖО-сында тіркеу; 9) 2-шарт – алушының қоса берілген құжаттарын Стандартта көрсетілген құжаттар тізбесіне және қызметті көрсету негіздеріне сәйкестігін қызмет берушінің тексеруі (өңдеуі); 10) 8-үдеріс – алушының құжаттарындағы бұзушылықтардың болуына байланысты сұрау салынған қызметті көрсетуден бас тарту туралы хабарламаны қалыптастыру; 11) 9-үдеріс – алушының орталық операторы арқылы қызмет нәтижесін (мұрағаттық анықтаманы) алуы. 9. Электрондық мемлекеттік қызметті ЭҮП арқылы алған жағдайда алушыға ұсынылатын, осы Регламенттің 4-қосымшасында көрсетілген электрондық мемлекеттік қызметке арналған сұрауды толтырудың электрондық нысаны мен өтініш нысаны «электрондық үкіметтің» www.e-gov.kz веб-порталында берілген. 10. Алушының электрондық мемлекеттік қызмет көрсету бойынша сұраудың орындалу дәрежесін тексеру әдісі: «электронды үкімет» порталының «Қызмет алу тарихы» бөліміне, сондай-ақ ММ/ХҚКО-ға жүгіну арқылы. 11. Электрондық мемлекеттік қызмет, сондай-ақ қажет болған жағдайда олардың сапасын бағалау (соның ішінде шағымдану) үшін ақпаратты алуға арналған байланыс телефонының нөмірі: 8(7232) 25-40-45 және call-орталықтың телефоны: (1414). 3. Электрондық мемлекеттік қызметті көрсету үдерісі кезіндегі өзара іс-қимыл тәртібінің сипаттамасы 12. Электрондық мемлекеттік қызметті көрсету үдерісіне қатысатын ҚФБ: 1) қызмет беруші; 2) ХҚКО операторы. Электрондық мемлекеттік қызметті көрсету үдерісіне қатысатын АЖ: ЭҮП; ЭҮШ; қызмет берушінің АЖО-сы; ХҚКО АЖ; ЖТ МДБ/ЗТ МДБ; БНАЖ. 13. Іс-қимылдың (электрондық мемлекеттік қызметті көрсету үдерісінде) қисындық жүйелілігі мен оның сипаттамасы арасындағы сәйкестікті көрсететін өзара әрекеттесудің диаграммасы осы Регламенттің 3-қосымшасында келтірілген. 14. Әрбір әрекеттің орындалу мерзімі көрсетілуімен іс-әрекет (рәсімдер, функциялар, операциялар) жүйелілігінің кестелік мәтіндік сипаттамасы осы Регламенттің 5-қосымшасында келтірілген. 15. Алушыларға электрондық мемлекеттік қызмет көрсету нәтижелері осы Регламенттің 6-қосымшасына сәйкес сапа және қолжетімділік көрсеткіштерімен өлшенеді. 16. Мемлекеттік қызметтерді көрсетуге арналған бланкілердің нысандары, үлгілері осы Регламенттің 7-қосымшасында келтірілген. 17. Алушының электрондық мемлекеттік қызмет көрсету үдерісіне қоятын талаптары: 1) құпиялылық (ақпаратты рұқсатсыз алудан қорғау); 2) тұтастық (ақпаратты рұқсатсыз өзгертуден қорғау); 3) қолжетімділік (ақпарат пен қорларды рұқсатсыз ұстап қалудан қорғау). 18. Электрондық мемлекеттік қызметті көрсетудің техникалық шарттары: 1) Ғаламторға шығу; 2) қызмет көрсетілетін тұлғаның ЖСН/БСН болуы; 3) ЭҮП-тен авторизациялану; 4) алушыда ЭЦҚ-ның болуы; 5) банк карточкасының немесе екінші дәрежедегі банкіде ағымдағы шотының болуы. «Мұрағаттық анықтамалар беру» электрондық мемлекеттік қызмет регламентіне 1-қосымша Мемлекеттік мұрағаттардың мекенжайлары
«Мұрағаттық анықтамалар беру» электрондық мемлекеттік қызмет регламентіне 2-қосымша Павлодар облысының ХҚКО
«Мұрағаттық анықтамалар беру» электрондық мемлекеттік қызмет регламентіне 3-қосымша ЭҮП арқылы электрондық мемлекеттік қызмет көрсету кезіндегі функционалдық өзара әрекеттесудің № 1 диаграммасы 
Қызмет беруші арқылы электрондық мемлекеттік қызмет көрсету кезіндегі функционалдық өзара әрекеттесудің № 2 диаграммасы 
ХҚКО АЖ арқылы электрондық мемлекеттік қызмет көрсету кезіндегі функционалдық өзара әрекеттесудің № 3 диаграммасы 
Шартты белгілер: 
«Мұрағаттық анықтамалар беру» электрондық мемлекеттік қызмет регламентіне 4-қосымша Электрондық мемлекеттік қызметке арналған экрандық нысандар 1-қадам. Мемлекеттік органды таңдау 
2-қадам. Мемлекеттік қызметті таңдау 
3-қадам. Мемлекеттік қызмет түрін таңдау 
4-қадам. Авторизациялау 
5-қадам. Сұрауды толтыру – жеке тұлғаның деректерін енгізу 
6-қадам. Сұрауға қол қою 
«Мұрағаттық анықтамалар беру» электрондық мемлекеттік қызмет регламентіне 5-қосымша 1-кесте. ЭҮП арқылы ҚФБ әрекеттерінің сипаттамасы
2-кесте. Қызмет беруші арқылы ҚФБ әрекеттерінің сипаттамасы
3-кесте. ХҚКО арқылы ҚФБ әрекеттерінің сипаттамасы
«Мұрағаттық анықтамалар беру» электрондық мемлекеттік қызмет регламентіне 6-қосымша Электрондық мемлекеттік қызметтерінің «сапа» және «қолжетімділік» көрсеткіштерін анықтау үшін сауалнаманың нысаны _______________________________________________________ (қызметтің атауы) 1. Электрондық мемлекеттік қызметті көрсету үдерісінің сапасына және нәтижесіне қанағаттанасыз ба? 1) қанағаттанған жоқпын; 2) ішінара қанағаттанамын; 3) қанағаттанамын. 2. Электрондық мемлекеттік қызметті көрсету тәртібі туралы ақпараттың сапасына қанағаттанасыз ба? 1) қанағаттанған жоқпын; 2) ішінара канағаттанамын; 3) қанағаттанамын. «Мұрағаттық анықтамалар беру» электрондық мемлекеттік қызмет регламентіне 7-қосымша Электрондық мемлекеттік қызметке арналған сауалнама-өтініштің экрандық нысаны 
Электрондық мемлекеттік қызметке арналған оң жауаптың (мұрағаттық анықтаманың) шығу нысаны 
МҰРАҒАТТЫҚ АНЫҚТАМА Өтініш беруші:________________________________________________________________ _____________________________________________________________________________ _____________________________________________________________________________ (жеке тұлғаның Т.А.Ә. немесе заңды тұлғаның атауы) Мұрағаттық анықтаманың түрі: __________________________________________________ Анықтаманың сұратылып отырған кезеңі:__________________________________________ ______________________________________________________________________________ ______________________________________________________________________________ ______________________________________________________________________________ (мұрағаттық анықтаманың мазмұны көрсетіледі) Негіздеме:_____________________________________________________________________ _________ ____________________________________________________________________ Мұрағаттың директоры:_________________________________________ (Т.А.Ә.) Мұрағатшы:___________________________________________________ (Т.А.Ә.) Анықтамаға қоса беріліп отырған құжаттар:___________________________________________________________________________________________________________________________________________________________________________________________________________________________________________________________________________________________________________________ жүктеу/скачать 372.89 Kb. Достарыңызбен бөлісу:
|