Облыстық бюджеттің 2013-2015 жылдарға арналған негізгі параметрлері

Айлық есептік көрсеткіш:

2011 жылы – 1 512 теңге, 

2012 жылы – 1 618 теңге 

2013 жылы – 1 731 теңге

2014 жылы – 1852 теңге

2015 жылы – 1982 теңге.

2013 жылғы 1 қаңтардан бастап:

     1) жалақының ең төменгi мөлшерi – 18 660 теңге;

     2) мемлекеттiк базалық зейнетақы төлемiнiң мөлшерi – 9 330 теңге;

     3) зейнетақының ең төменгi мөлшерi – 19 066 теңге;

      4) Қазақстан Республикасының заңнамасына сәйкес жәрдемақыларды және өзге де әлеуметтiк төлемдердi есептеу үшiн, сондай-ақ айыппұл санкцияларын, салықтар мен басқа да төлемдердi қолдану үшiн айлық есептiк көрсеткiш – 1 731 теңге;

      5) базалық әлеуметтiк төлемдердiң мөлшерiн есептеу үшiн ең төменгi күнкөрiс деңгейiнiң шамасы 18 660 теңге.

Түсімдер

2013 жылға арналған облыстық бюджет кірістерінің болжамы (трансферттер түсімін есепке алмай) 2012 жылғы нақты түсімдерден 1,2 млрд. теңгеге арта отырып, 23,8 млрд. теңге сомасында анықталған.

Облыстық бюджет кірістерінің болжамы (трансферттер түсімін есепке алмағанда) 2014 жылға 24,3 млрд. теңге сомада, 2013 жылдың болжамына қарсы 0,5 млрд. теңгеге өсумен, 2015 жылға – 25,5 млрд. теңге сомада, 2014 жылдың болжамына қарсы 1,2 млрд. теңгеге өсумен анықталған.

2013-2015 жылдарға арналған облыс бюджетінің кірістері Қазақстан Республикасы Салық кодексінің және басқа да нормативтік құқықтық актілердің ережелерін ескере келе орта мерзімді кезеңге арналған облыстың әлеуметтік-экономикалық дамуының макроэкономикалық көрсеткіштерінің болжамдық параметрлерінің негізінде анықталған.

2013 жылға арналған облыстың өз кірісінің болжамы 2012 жылға 2 млрд.теңге өсіммен немесе 63,5 млрд.теңгені құрады.

Облыстық бюджеттің өз кірісінің болжамы 2012 жылмен салыстырғанда 1,2 млрд.теңгеге артық немесе 23,8 млрд.теңгені құрады. Соның ішінде салықтық түсімдер 22,1 млрд. теңгені, салықтық емес түсімдер 1,8 млрд.теңгені құрады.

2013 жылға арналған белгіленген аудару нормативтеріне сәйкес төлем көзінен ұсталатын жеке табыс салығының көлемі 10,4 млрд.теңгені, әлеуметтік салық – 8,3 млрд.теңгені, табиғи және басқа да ресурстарды пайдаланғаны үшін түсетін түсімдер – 3,4 млрд.теңгені құрады.
Субвенциялар (облыстық бюджеттен аудандар (облыстық маңызы бар қалалар) бюджеттеріне берілетін бюджет қаражаты) 2013-2015 жылдарға тиісінше 32,9 млрд. теңге, 33,4 млрд. теңге және 31,5 млрд. теңге құрайды.
Субвенциялар жалпы сипаттағы трансферттер болып табылады. 2011-2013 жылдарға арналған жалпы сипаттағы трансферттер «Облыстық және аудандар (облыстық маңызы бар қалалар) бюджеттерi арасындағы 2011-2013 жылдарға арналған жалпы сипаттағы трансферттердiң көлемi туралы» Шығыс Қазақстан облыстық мәслихаттың 2010 жылғы 24 желтоқсандағы № 26/311-IV шешімімен бекітілген. 2014-2015 жылдарға арналған жалпы сипаттағы трансферттер болжамды болып табылады.

 Субвенциялар