Оқушыларды топтастыра отыра оқытуға баулу

Сыныпта оқушылардың жақсы көріп және қызықты өтетін сабақтардың бірі -сынып оқушыларын топтарға бөле отырып оқыту. Мұғалімнің қалауымен белгілі тақырыпты меңгергенде немесе қорыту сабағында да оқушыларды топтастыра отыра оқытуға болады. Мұғалімнің ұйымдастыруымен, болмаса оқушылар таңдауымен сынып 5-6 оқушыдан тұратын бірнеше топқа бөлінеді және мұғалім топқа тапсырма беру барысында мына кезеңдерге назар аударуы тиіс:

1. 
   Оқушыларды тапсырма орындауға даярлау, алдарына орындауға тиіс міндеттер қою, топқа орындалатын тапсырмаларға орай қысқаша нұсқаулар беру.
   
2. 
   Мұғалім берген тапсырмаға орай міндетті орындауда оның орындау тәсілдерін анықтап алу, өзара міндеттерді бөлдіру.
   
3. 
   Берген тапсырманы орындауда топ мүшелерінің бірігіп жұмыстануына назар аударып отыру.
   
4. 
   Мұғалімнің сырттай бақылауы, қажет жерінде мұғалімнің бағыт беруі, көмекке келуі.
   
5. 
   Оқушылардың бір-бірін тыңдауға, өз білімдерін қоса білуге, істеген жұмыстарын тексере білуге баулу.
   
6. 
   Топ бойынша ортақ пікірді оқушылардың жеткіздіре білуі мұғалімнің түзетіп отыруы, қорытынды жасай білуіге оқушыларды баулуы
   
7. 
   Мұғалімнің әрбір топтың жұмысын салыстыра отырып баға беруі , бұл жерде кей кезде топ жұмысына баға беруде сабақ басында оқушылар арасында бағалау тобын құруға болады, я немесе жоғары сынып оқушыларын сабаққа қатыстырып әділқазы мүшелерін құрып алуға да болады. Бұл құрылған топтың мақсаты оқушылар жұмыстарын тексеру, бағалау, сараптау, салыстыру болып табылады.
   
8. 
   Кей мұғалімдер топ бойынша оқытуда бір тоқсанға оқушыларды топтастырып қоюы мүмкін, бұл бір жағынан мұғалімге уақытты үнемдеуге мүмкіндік береді.