Павлодар облысы жолаушылар көлігі және автомобиль жолдары басқармасының 2010-2014 жылдарға арналған стратегиялық жоспары туралы

Пайымдауы – облыс тұрғындары мен кәсіпорындарын сапалы және қолжетімді көлік қызметтерін алуға арналған мүмкіншіліктермен қамтамасыз ететін дамыған көлік инфрақұрылымы.

Павлодар жол бөлімшесінің теміржолының пайдалану ұзындығы 1069,2 шақырымды, басты жолдың жазылмалы ұзындығы 1436,7 шақырымды, жалпы ұзындығы 893,3 шақырымды, соның ішінде электрлендірілгені 391,8 шақырымды құрайды.

Павлодар жол бөлімшесінде пайдалану қызметін қамтамасыз ету үшін 43 бөлім бекеті, солардың ішінде: 35 станция, 5 разъезд, 1 озба бекеті, 2 жол қосыны бар.

2008 жылы теміржол көлігімен жолаушыларды тасымалдау көлемі 0,49 млн. адамды құрады. Жүктерді тасымалдау көлемі шақырымына 82,7 млн.тоннаны, жүк айналымы – 20421 млн. тоннаны құрады. 2007 жылмен салыстырғанда жүктерді тасымалдау көлемі 13 % -ға көбейді, ал жүк айналымы бойынша 4 % -ға азайды.

Әлеуметтік маңызы бар қала маңындағы Павлодар-Құлынды темір жол қатынасының экономикалық есебін жүргізген кезде жолаушыларды теміржолмен тасымалдауды жүзеге асыратын тасымалдаушы өз қызметінен 2009 жылы 65000 мың теңге, 2010 жылы - 70525 мың теңге, 2011 жылы - 76167 мың теңге, 2012 жылы - 82641 мың теңге, 2013 жылы шамамен - 89665 мың теңге, 2014 жылы шамамен 97286 мың теңге мөлшеріндегі залалдарға ұшырайтыны анықталды.

Азаматтық авиация. 2008 жылдың қаңтар-желтоқсан айларында Павлодар әуежайынан 39544 жолаушы, соның ішінде Қазақстан Респуб-ликасы бойынша – 28809 жолаушы, алыс және жақын шетелдерге – 10735 жолаушы жіберілді. Өткен жылдың тиісті кезеңімен салыстырғанда жолаушыларды жөнелту 5,0 % - ға көбейді.

2008 жылдың 12 айында ұшақтардың ұшу саны 1034 бірлікті құрады, 2007 жылмен салыстырғанда 8,2 %- ға көбейді.

2008 жылдың 12 айында әуежай 176,2 тонна жүкті, поштаны өңдеді, өткен жылдағы деңгейге қарағанда 119 % құрады.

Шетелде шығарылған Боинг-737, Боинг-757, А-320, А-319 және т.б. үлгідегі ұшақтарға қызмет көрсету үшін арнайы автотехника, сондай-ақ өздігінен жүретін жолаушылар трапы қажет.

2008 жылы автомобиль көлігімен жолаушыларды тасымалдау 629,8 млн. адамды (2007 жылға қарағанда 106 %) құрады, жолаушылар айналымы 2008 жылы шақырымына 11097,2 млн. жолаушы - шақырым (103,8 %) құрады. Автомобиль көлігімен жүктерді тасымалдау көлемі 2008 жылы 50,09 млн. тоннаны (101 %), жүк айналымы шақырымына 3982,5 млн. тонна – шақырымды (170,2 %) құрады.

2009 жылғы 1 қаңтардағы жағдай бойынша 67 облысішілік маршруттарға қызмет көрсететін облысішілік тұрақты маршруттар-да 78 автотасымалдаушы жұмыс істейді. Елді мекендер арасындағы, ал ауылдық округтерде аудан орталықтары арасындағы автобустық (шағын автобустық) қатынастарды қамтамасыз ету үшін қазіргі уақытта 43 ауданішілік маршрут жұмыс істейді.

Жалпы алғанда облыстың ауылдық округтерінің барлығы дерлік тұрақты жолаушылар қатынасымен қамтылған.

Автомобиль көлігіндегі реформалау аяқталды, сала бәсекелестік ортада жұмыс істейді. Автокөлік инфрақұрылымының және жоғары білікті кадрлардың көп бөлігі сақталған.
Автомобиль жолдары. Павлодар облысында 2009 жылғы 1 қаңтарға жалпы пайдаланымдағы автомобиль жолдарының желісі 5736 шақырымды құрады, соның ішінде:

республикалық маңызы бар - 1510 шақырым;

облыстық маңызы бар - 1190,4 шақырым;

аудандық маңызы бар – 3035,6 шақырым.

Қатты жамылғысы бар жергілікті маңызы бар жалпы пайдаланым-дағы автомобиль жолдары жалпы ұзындығынан 81,8% (3 456,2 шақы-рымды), қара топырақты жолдар - 18,2% (769,8 шақырымды) құрайды.

Іс-шаралар жоспарына сәйкес 2009 жылы облыстық маңызы бар автомобиль жолдарында 2 шақырым қайта жаңартылды, 8 шақырым күрделі жөнделді, 41,5 шақырым орташа жөнделді, жалпы 55,6 шақы-рым.

Облыстық маңызы бар автомобиль жолдарының жыл сайын бұзылуы 80-120 шақырымды құрайды, ал жөнделетіні тек 50-60 шақырым ғана, бұл автомобиль жолдарын жөндеу қажеттілігіне қарағанда толық көлемде қаржыландырылмайтынын көрсетеді.

Жергілікті маңызы бар жолдар негізінен III – IV техникалық санатты жолдардың қатарына жатады, ал кейбір кіреберіс жолдар – V техникалық санатты ауылдық елді мекен жолдарының қатарына жатады. Өтпелі жамылғысы бар автомобиль жолдарының учаскелері және қара топырақ жолдар қозғалыс жылдамдығы бойынша да, осьтік жүктемесі бойынша да талапқа сай келмейді және жол жүру қауіпсіздігін қамтамасыз етпейді.

Көлік саласында бірсыпыра проблемалар бар. Бұл Павлодар қаласы әуежайының аэровокзал кешенінің халықаралық талаптарға сай келмейтіні. Ішкі әуе қатынастарына қызмет көрсетуді жақсарту үшін “Павлодар әуежайы” АҚ-ның аэровокзал кешенін қайта жаңарту және кеңейту керек.

“Павлодар әуежайы” АҚ-ның тапсырысы бойынша 2006 жылы “EDLI&C” жауапкершілігі шектеулі серіктестігі осы әуежай инфрақұрылымын халықаралық ұшулардағы және жүрдек рейстердегі жолаушыларға қызмет көрсету жөніндегі нормалар мен талаптарға сәйкес келтіру мақсатында Павлодар қаласы әуежайының аэровокзал кешенін қайта жаңарту және кеңейтуге техникалық-экономикалық негіздеме әзірлеген болатын. Осыған байланысты осы жұмыстарды жүргізу үшін республикалық бюджеттен шамамен 1,5 млрд. теңге қаражат бөлу қажет.

Облыс тұрғындарының қажеттілігін қанағаттандыратын көлемде жолаушылар тасымалдарын қамтамасыз ету.

Автожол саласындағы негізгі техникалық проблема – жол жамылғысының көтергіштік қабілеттілігін біртіндеп жоғалтуы. Павлодар облысындағы жолдардың көп бөлігі 60-80 жылдары жобаланған және салынған, мұнда автомобильдің оське алғандағы жүктемесі 6 тоннадан аспайтын болып белгіленген. Осы жүктемеден асатын ауыр жүкті көліктің облыстық және аудандық маңызы бар жолдар бойынша жүруі, олардың қарқынды бұзылуына әкеледі.

Автомобиль жолдарының жыл сайын бұзылуы 80-120 шақы-рымды құрайды, ал жөнделетіні тек қана 50-60 шақырым, бұл автомо-биль жолдарын жөндеу қажеттілігінен алғанда толық көлемде қаржы-ландырылмайтынын көрсетеді.

2009 жылдың күзгі тексерісінің нәтижесі бойынша облыстық маңызы бар автомобиль жолдарында 55,0 шақырымға күрделі жөндеу, 425,0 шақырымға орташа жөндеу жүргізу қажет. Облыстық маңызы бар автомобиль жолдарындағы 8 көпір мен жолөткелдерінен 5-еуі күрделі және орташа жөндеуді қажет етеді. Жоғарыда аталған жұмыстардың шамамен алғандағы құны 10000 млн. теңгені құрайды.

- Ресей Федерациясының шекарасына шығатын жолдары бар негізгі жолдарды, сондай-ақ облысаралық және ауданаралық байланысты қамтамасыз ететін жолдарды бірінші кезекте қайта жаңарту;

- автомобиль жолдарының жергілікті желілеріндегі бұзылған жолдарды біртіндеп жою;

- автокөліктің жүккөтерімділігі және габариті бойынша талапқа сай келмейтін жолөткелдерін күрделі жөндеу;

- қайта жаңартудан және қайта өңдеуден өткен учаскелерде жөндеуаралық мерзімді сақтау;

- облыстық маңызы бар автожолдарда қара топырақтың қопары- луын жою;

- ауылдық жерлердегі елді мекендерді жыл бойы автокөлік қатынасымен қамтамасыз ету;

- облыстық және аудандық маңызы бар автомобиль жолдарын сақтау және қалпына келтіру.

Облыстық маңызы бар автомобиль жолдарының учаскелерін қайта жаңарту және күрделі жөндеу жоғарыда көрсетілген басымдықтарға сәйкес мына бағыттарға жүргізілетін болады:

КS-1 Ленин-Ертіс-Русская Поляна (іріктеліп);

КS-11 Ивановка-Трофимовка (іріктеліп);

КS-9 Ертіс-Ертіс станциясы (іріктеліп);

КS-17 Павловка-Галицкое (іріктеліп);

КS-10 Панфилов-Бестөбе (іріктеліп);

КS-12 Шақат-Восточное-Шалдай (іріктеліп);

КS-7 Актоғай – Шолақсор (іріктеліп);

КS-17 Екібастұз-ГРЭС -2 (іріктеліп);

КS-18 Майқайың-Екібастұз (іріктеліп).

Ықтимал тәуекелдер: облыстық және республикалық бюджеттер-ден бағдарлама әкімшісін уақытында қаржыландырмау және жылдың температурасы қолайсыз кезеңінде жасалатын жол-жөндеу жұмыстары сапасының төмендеуі.

Сонымен бірге, басқарма ішкі ортаны жетілдіру және қызмет нәтижесін жақсарту бойынша мақсатты жүйелі жұмысты жалғастыратын болады.

Мемлекеттік қызметшілердің кәсіби деңгейін арттыру арқылы, қызмет көрсетуді жетілдіру жөніндегі іс-шараларды жүргізу басымдықты болып қалып отыр:

мемлекеттік қызметшілердің біліктілігін арттыру;

басқарушы лауазымға бірінші рет тағайындалғандардың үшін қайта даярлаудан өтуі;

мемлекеттік қызметшілердің мемлекеттік тілге оқытудан өтуі;

мемлекеттік қызметшілердің мемлекеттік сатып алу жөніндегі семинарларда оқытудан өтуі.

Р/с №	Ықтимал тәуекелдер	Тәуекелдерді төмендету жөніндегі іс-шаралар
1	2	3
1	Баға бойынша	Энергия үнемдеу технологиялар енгізу және көлік жұмысының тиімділігін арттыру
2	Заң шығарушы	Озат техникалық және экологиялық регламенттерді, стандарттарды енгізу, көлік активтерін жаңғырту
3	Техногендік және экологиялық	Озат техникалық және экологиялық регламенттерді, стандарттарды енгізу, көлік активтерін жаңғырту