Поштенска адреса

ОБРАЗЛОЖЕНИЕ

Барателот ДОО “Бау Инвест“, до Министерството за транспорт и врски достави барање со број 11-уп-19/1 со датум 17.02.2016 година за Одобрение за времена измена на режим на сообраќај на регионален пат Р1302, делница: Делчево-Берово, во с.Чифлик, Општина Пехчево, поради изградба на фекална канализација на дел од регионален пат.

Министерството за транспорт и врски согласно член 14 од Законот за безбедност на сообраќајот на патиштата („Службен весник на Република Македонија“ бр. 169/15 и 226/15) поднесе барање со број 11-уп-19/2 од 08.03.2016 година до Министерот за внатрешни работи, за издавање Согласност во врска со сообраќајниот проект за времено одвивање на регионален пат Р1302, делница: Делчево-Берово, во с.Чифлик, Општина Пехчево, поради изградба на фекална канализација на дел од регионален пат.

Како одговор на дописот од Министерството за транспорт и врски, Министерот за внатрешни работи, до овој орган достави допис со број 22.2-21144/1 и датум 01.04.2016, со кој ја дава бараната Согласност во врска со сообраќајниот проект.

Министерството за транспорт и врски врз основ на увидот во документацијата, увидот на локацијата и дописот број 22.2-21144/1 и датум 01.04.2016 година, од Министерство за внатрешни работи, одлучи како во диспозитивот на ова Одобрение, со следните услови:

• 
  Времената измена на режимот и условите на сообраќајот да се изврши согласно изготвениот Сообраќаен проект за времено одвивање на сообраќајот на регионален пат Р1302, делница: Делчево-Берово, во с.Чифлик, Општина Пехчево, поради изградба на фекална канализација на дел од регионален пат и согласно прилозите за означувањена сообраќајната сигнализација;
  
• 
  Предметната сообраќајна согласност е со рок на важност од 60(шеесет) дена сметано од денот на издавање на одобрението;
  
• 
  Предвидените активности кои се однесуваат на изградба на фекална канализација во фаза 1 и фаза 2 може да се реализираат само во времето од 07.00 до 17.00 часот;
  
• 
  Времената сообраќајна сигнализација и опрема која треба да се постави на наведениот пат додека се изведуваат предвидените работи треба да биде изработена согласно постоечките и важечките стандарди и поставена според утврдените критериуми дефинирани со Правилникот за сообраќајни знаци, опрема и сигнализација на патот (“Службен весник на Република Македонија“ бр.47/10);
  
• 
  Доколку при изведувањето на работите, органот надлежен за безбедност и контрола на сообраќајот оцени дека е потребно да се преземат одредени дополнителни активности за подигнување на нивото на безбедност и проточност на сообраќајот, тогаш подносителот на барањето е должен да ги почитува дадените насоки и да ги превземе сите неопходни мерки за надминување на проблемите;
  
• 
  Се задолжува изведувачот на градежните работи да воспостави перманентна контрола над времено поставената сообраќајна сигнализација и ја одржува истата во постојана функција;
  
• 
  При изведувањето на градежните работи, изведувачот е должен да обезбеди нормален и безбеден сообраќај за сите учесници во сообраќајот;
  

• 
  По завршување на градежните работи на наведениот пат да се отстрани целокупната времено поставена сообраќајна сигнализација, а споменатата делница од патот да се доведе во првобитната состојба;
  

• 
  Доколку при изведувањето на работите, подносителот на барањето не се придржува кон условите наведени во предметната сообраќајна согласност и одобрениот сообраќаен проект за времена измена на режимот на сообраќај ќе бидат превземени мерки со кои ќе се запре понатамошното изведување на работите, согласно член 349 од Закон за безбедност на сообраќајот на патиштата (“Службен весник на Република Македонија“ бр. 169/15 и 226/15).
  

Заради овие причини Министерот за транспорт и врски постапува согласно претходно споменатата одредба и одлучи како во диспозитивот на ова одобрение.

Изготвил: Антон Фајдига _______