Правда и внатрешни работи
жүктеу/скачать 3.39 Mb.
|
- Бұл бет үшін навигация:
- 2. Кои трети земји се моментално под визен режим, а кои не се
- 3. Дали постојат одредби за сезонски безвизен режим
- 4. Кој вид на визи за краткорочен и долгорочен престој издаваат дипломатските претставништва во странство
- 5. Кои се критериумите и условите кои се користат како основа за издавање на различни видови на визи
- 6. Која е стандардната постапка за проценка на барањата за визи
- 7. Дали во државата постојат електронски врски меѓу органите кои издаваат визи и Министерството за надворешни работи
- 9. Кој е вашиот капацитет за откривање на фалсификувани документи
- 12. Во кои случаи може да се издаде виза на граничен премин Колку често се прави тоа
C. ВИЗНА ПОЛИТИКА1. Ве молиме за информација за законите или други прописи кои ја регулираат визната политика.Визната политика на Република Македонија се спроведува преку повеќе закони и подзаконски акти и тоа:
Владата на Република Македонија визната политика ја регулира и со донесување одлуки за воспоставување или укинување на визниот режим, како и по пат на склучување билатерални спогодби за регулирање на визниот режим со други земји. Со цел усогласување на законската и институционалната рамка во оваа сфера со регулативата на ЕУ во подготовка е Закон за странци. 2. Кои трети земји се моментално под визен режим, а кои не се?а) Земји за чии што граѓани е потребна виза за влез во Република Македонија:
б) Земји за чии граѓани нема потреба од виза за влез во Република Македонија:
в) Земји за коишто на граѓаните на Република Македонија им е потребна влезна виза:
г) Земји за кои што на граѓаните на Република Македонија не им е потребна влезна виза:
д) Земји на кои што само на носителите на дипломатски патни исправи не им е потребна влезна виза двострано:
ѓ) Земји на кои што на носителите на дипломатски и службени патни исправи не им е потребна влезна виза двострано:
На граѓаните на државите што не се наоѓаат на листата на визниот режим на Република Македонија согласно "Законот за движење и престој на странци" (“Службен весник на Република Македонија” бр. 36/92; 66/92; 26/93 и 45/02) потребна им е виза за влез и престој во Република Македонија. 3. Дали постојат одредби за сезонски безвизен режим?Во Република Македонија "Законот за движење и престој на странци" (“Службен весник на Република Македонија” бр. 36/92; 66/92; 26/93 и 45/02), не содржи одредба за сезонско ослободување од визи. 4. Кој вид на визи за краткорочен и долгорочен престој издаваат дипломатските претставништва во странство?Според "Закон за движење и престој на странци" (“Службен весник на Република Македонија” бр. 36/92; 66/92; 26/93 и 45/2002), Дипломатско-конзуларните претставништва на Република Македонија ги издаваат следните видови визи:
Влезните и влезно-излезните визи се издаваат за едно, повеќе или неограничен број патувања, а транзитната виза за едно патување во траење од 5 (пет) дена, сметајќи од денот на влегување во Република Македонија
2. Влезно - излезните визи може да се издадат:
3. Транзитни визи
Во подготовка е Закон за странци со којшто се предвидува усогласување на условите за влез во државата со условите предвидени во членот 5 од Конвенцијата за спроведување на Шенгенскиот договор. Со новиот закон согласно гореспомената Конвенција и регулативите на Советот за униформни визи и униформен формат на визите предвидени се краткорочни и долгорочни визи, односно визи тип А, Б, Ц, Д. Прашањето на визите, видовите на визи, условите и правилата за издавање на визи по усвојувањето на овој закон ќе бидат потполно регулирани на начин компатибилен со Шенгенската регулативата на ЕУ и најдобрата пракса во ЕУ. 5. Кои се критериумите и условите кои се користат како основа за издавање на различни видови на визи?Согласно Законот за движење и престој на странците (“Службен весник на Република Македонија” бр. 36/92; 66/92; 26/93 и 45/02) предходно споменатите Подзаконски акти (Правилнкот и Упатството), странецот кој бара издавање на виза за Република Македонија, должен е да поднесе писмено барање и со барањето да приложи важечка патна исправа и соодветни документи и докази, во зависност од видот на визата што ја бара. Услови за издавање виз на странец се:
Критериумите за исполнување на условот оправданост на целта на патувањето во зависност од видот на визата се:
6. Која е стандардната постапка за проценка на барањата за визи?За добивање на виза, странците поднесуваат барање до дипломатско конзуларното претставништво на Република Македонија при што пополнуваат соодветен образец. Текстот на образецот е испишан на македонски и на англиски јазик, а може да биде испишан и на јазикот на земјата каде се поднесува барањето. По приемот на барањето овластениот работник во ДКП на Република Македонија, врз основа на приложените документи и докази и информаците добиени од барателот при поднесувањето на барањето врши проценка на оправданоста на барањето за виза. Согласно Законот за движење и престој на странци (“Службен весник на Република Македонија” бр. 36/92; 66/92; 26/93 и 45/02) и Упатството за начинот на издавање на патни исправи и визи за странци од дипломатско конзуларните преставништва на Република Македонија во странство и за начинот на водење на евиденција за издавање патни исправи и визи на странци (“Службен весник на Република Македонија” бр. 10/98) овластениот работник секогаш ќе побара согласност од Министерството за внатрешни работи за издавање на виза во случаи кога:
Во случаи кога ваква согласност не е потребна, овластениот работник врши проценка на оправданоста на барањето и доколку се сомнева во оправданоста на барањето, веродостојноста на документите или информациите добиени од барателот може да побара проверка на веродостојноста на документите од институциите што ги издале или да побара да биде направена соодветна оперативна проверка од Министерството за внатрешни работи на Република Македонија. Притоа овластениот работник дава и информација за причините за неговите сомневања. Конечната одлука за (не)издавањето на визата овластениот работник ја донесува по извршената проверка и врз основа на информациите добиени од проврката. Визите се издаваат со внесување на пропишаниот образец на визата во патната исправа на странецот која мора да биде уредна и важечка. Под уредна се смета исправата да не е оштетена, да ги содржи сите означени листови, податоците да се напишани читливо, да нема траги од бришење на податоците, фотографијата верно да го прикажува носителот на патната исправа, да има место за внесување на виза. Под важечка патна исправа се смета исправата да е издадена од надлежен државен орган, да овозможува право на враќање во земјата која ја издала или право на влез во трета земја, рокот на важење да не е изминат и Република Македонија таквата патна исправа да ја признава како важечка за прминување на државната граница. 7. Дали во државата постојат електронски врски меѓу органите кои издаваат визи и Министерството за надворешни работи?Во моментов не постојат електронски врски врски меѓу органите што издаваат визи и Министерството за надворешни работи Електронско поврзување на Министерството за надворешни работи и ДКП на Република Македонија ќе биде реализирано со проектот за воспоставување Визен центар во Министерството за надворешни работи, за кој се планира да биде оперативен до крајот на 2006 година. Визниот центар ќе биде составен дел од интегрираниот информативен систем за интегрирано гранично управување предвиден во Националната стратегија за интегрирано гранично управување. 8. Дали постои национален регистар или база на податоци за визи (вклучувајќи одобрени и одбиени барања за издавање на визи)?Согласно Законот за движење и престој на странци (“Службен весник на Република Македонија” бр. 36/92; 66/92; 26/93 и 45/02) се води задолжителна евиденција за издадени визи. Дипломатско - конзуларното претставништво на Република Македонија во странство, согласно Упатството за начинот на издавање на патни исправи и визи за странци од дипломатско конзуларните преставништва на Република Македонија и за начинот на водење на евиденција за издавање патни исправи и визи на странци (“Службен весник на Република Македонија”, бр. 10/98) евиденцијата на податоците за издадени и продолжени патни листови и за издадени визи на странци ја води во вид на регистри. Регистарот за издадени визи на странци содржи:
Согласно Упатството за начинот на издавање на патни исправи и визи за странци од дипломатско - конзуларните преставништва на Република Македонија и за начинот на водење на евиденција за издавање патни исправи и визи на странци (Службен весник на Република Македонија” бр. 10/98) ДКП на Република Македонија во странство е должно секои 6 (шест) месеци да ги известува Министерството за надворешни работи и Министерството за внатрешни работи на Република Македонија за проблемите и појавите во врска со издавањето на патни исправи и визи на странци. На крајот од календарската година ДКП на Република Македонија до Министерството за надворешни работи, доставува извештај за работата на дипломатско - конзуларното претставништво во врска со издавањето на патни исправи и визи на странци. Министерството за внатрешни работи врз основа на Првилникот за начинот на издавање на патни и други исправи и визи на странци и за обрасците на тие исправи и визи (“Службен весник на Република Македонија”, бр. 75/93) води евиденција на издадените визи на граничните премини. Со воспоставувањето на Визниот центар се предвидува да се воспостави национален регистер односно електронска база на податоци за издадени визи и одбиени барања за визи.
Министерството за внатрешни работи и Министерството за надворешни работи на Република Македонија се надлежни за контрола на документите. Дипломатско - конзуларните претставништва на Република Македонија се опремени со основни апарати за првичен преглед на лични документи. Низ подготовките на конзуларните службеници пред нивното заминување на работа во дипломатско - конзуларните претставништва предвидено е запознавање и ракување со вакви основни апарати при што посебен акцент се става на внимателниот визуелен преглед. Во откривањето и препознавањето на фалсификуваните исправи и останатите документи полициските работници од Граничната полиција при Министерството за внатрешни работи покрај тоа што вршат визуелна контрола на личните документи и споредување со специмени на патни исправи и визи, од технички помагала граничните премини се опремени со рачни УВ лампи, лампи за зголемување и Доку тестови. Во овој правец, се спроведува обука од странски експерти на која што учествуваат полициски работници од сите гранични премини во Република Македонија. Полициските работници од граничната полиција со цел оспособување за откривање на фалсификувани патни исправи и визи, се обучуваат и во рамките на секојдневното работење. Патните исправи, визите, како и други документи, за кои постои сомнение дека се фалсификувани се одземаат од лицето кое ги поседува и се доставуваат до Секторот за криминалистичка техника при Министерството за внатрешни работи на Република Македонија каде се врши криминалистичко - техничка обработка на истите, односно се врши споредување на спорниот документ со оригинален примерок од страна на стручни полициски работници. Доколку нема оригинален примерок врз основа на кој би се вршело споредувањето, понатамошните активности за потврдување на веродостојноста на документите се врши преку Секторот за меѓународна полициска соработка во Министерството за внатрешни работи на Република Македонија, во чиј состав е и Националното централно биро - Интерпол Скопје. Преку Интерпол се обезбедуваат оригинални примероци и проверка во база на податоци. Република Македонија, преку Интерпол партиципира во базата на податоци за украдени патни исправи со што граничните премини имаат можност да извршат проверки дали некоја странска патна исправа е украдена во некоја земја-членка на Интерпол и тоа доколку истата партиципира во базата на украдени патни исправи на Интерпол. За повеќе детали види во одговор 24_А_29.
10. Дали сегашните визи овозможуваат подносителот на барањето да работи во вашата земја без дозвола за престој или работна дозвола?Согласно Законот за движење и престој на странци (“Службен весник на Република Македонија” бр. 36/92, 66/92, 26/93 и 45/02), визата е одобрение за влез и престој за одреден период во Република Македонија. Визата не овозможува странецот да работи без дозвола за престој (освен кај деловната виза) и работна дозвола. Доколку странецот доаѓа во Република Македонија со намера да работи мора претходно од дипломатско - конзуларното претставништво да добие влезно-излезна виза во форма на налепница на која се означува дека е “за вработување”. По влегувањето странецот прво се снабдува со дозвола за работа од Агенцијата за вработување, а потоа врз основа на таа дозвола од Министерството за внатрешни работи добива одобрение за привремен престој заради вработување за период за кој е издадена дозволата за работа. Деловната виза издадена на странец, важи како одобрен привремен престој. За повеќе детали види 02_Е_1. 11. Дали вашите закони содржат одредби кои пропишуваат некаков вид казна за лицата кои влегуваат на територијата на вашата земја без патна исправа? Доколку нема, дали вашите власти имаат намера да донесат измени и дополнувања во оваа смисла и кога?Член 4 од Законот за движење и престој на странци (“Службен весник на Република Македонија”, бр. 36/92, 66/92, 26/93 и 45/02) предвидува дека странец може да оствари влез и да престојува на територијата на Р. Македонија ако поседува важечка странска патна исправа или друг документ утврден со меѓународен договор односно патна исправа издадена од Mинистерството за внатрешни работи или дипломатско - конзуларното преставништво на Република Македонија во странство. Патната исправа содржи виза, освен ако со меѓународен договор или наведениот закон не е поинаку одредено. На странец кој нема важечка патна исправа, а доаѓа во туристичка или службена посета Министерството за внатрешни работи при вршењето контрола на преминување на државната граница може по исклучок да му издаде туристичка пропусница врз основа на лична карта или друга исправа за утврдување на идентитетот важечка во земјата на странецот. Законите на Република Македонија содржат одредби кои пропишуваат казна за лицата кои влегуваат без патна исправа.
12. Во кои случаи може да се издаде виза на граничен премин? Колку често се прави тоа?Согласно член 8 од Законот за движење и престој на странци Службен весник на Република Македонија”, бр. 36/92, 66/92, 26/93 и 45/02) е утврдено визите да ги издава дипломатско - конзуларното претставништво на Република Македонија во странство и Министерството за внатрешни работи. Согласно член 29 од Правилникот за начинот на издавање на патни и други исправи и визи за странци и за обрасците на тие исправи (“Службен весник на Република Македонија”, бр. 75/93) Министерството за внатрешни работи (на граничниот премин) издава визи на странци и тоа:
Република Македонија, во Тирана, на 04.12.1997 склучи Спогодба со Република Албанија за укинување на визите за дипломатски и службени патни исправи и висината на таксите за издавање други видови визи (“Службен весник на Република Македонија”, - Меѓународни договори бр. 09/98) според кој визите на државјаните на земјите договорнички се издаваат во нивните дипломатско - конзуларни преставништва и на граничните премини на нивната заедничка граница. Врз основа на наведените правни регулативи состојбата на издадените визи (влезни, влезно/излезни и транзитни) на сите гранични премини во Република Македонија во 2002, 2003 и 2004 година е следна:
Освен визи на гранични премини, согласно Законот за движење и престој на странци (“Службен весник на Република Македонија”, бр. 36/92, 66/92, 26/93 и 45/02) во исклучителни случаи, на усно барање на странецот кој нема важечка патна исправа, а доаѓа во туристичка или службена посета, може да му се издаде туристичка пропусница врз основа на лична карта или друга исправа важечка во земјата на странецот заради утврдување на идентитетот (пример: патна исправа со истечена важност до одреден период). Туристичката пропусница се издава со рок на важност до 30 дена и при излегувањето на странецот од Република Македонија се одзема од страна на овластеното службено лице на граничниот премин. жүктеу/скачать 3.39 Mb. Достарыңызбен бөлісу:
|