Програма за активностите на Општина Гевгелија, во областа на Фондацијата за локален развој и развој на информатички технологии Гевгелија

За активностите на Општина Гевгелија, во областа на Фондацијата за локален развој и развој на информатички технологии – Гевгелија

за 2013 година.

1. 
   Програмски активности и развојни приоритети
   

Програмата за работа на Фондацијата за локален развој и развој на информатички технологии – Гевгелија (ФЛОРИТ) во 2013 година, пред се, е условена со имплементација на проектите кои беа одобрени за финансирање од повеќе домашни и меѓународни организации, како и локални и државни институции. Во 2013 година, ќе се реализираат проекти каде што како подносител и имплементатор се јавува Фондацијата, а тоа се:

1. 
   Промовирање на иновативно претприемништво преку формирање на кластер за ароматични и фармацевтски производи (акроним INCLUDE);
   
2. 
   Вмрежување и трансфер на знаење за одржлив економски туристички развој (акроним NET -TOUR), и
   
3. 
   Развој на електронска берза за земјоделско – прехранбени производи во прекуграничната област (акроним E-auction).
   

Проектите под реден број 1 и 2 се одобрени и се во процес на имплементација, додека проектот под реден број 3 е одобрен и се чека на потпишување договор за отпочнување на имплементација.

1. 
   „Основање на  Центар за посредување при вработување и создавање бизниси и на локален трговски саем во прекуграничниот регион,
   
2. 
   „Развој на механизми за одржливо управување со речните сливови како мерка за претпазливост против поројните феномени, и
   
3. 
   „Промовирање на одржлив туризам и заштита на животната средина преку партнерство“.
   

Во 2013 година најавени се и нови повици за поднесување на предлог проекти во рамките на прекуграничната соработка со Р. Бугарија и Р. Грција, каде што Фондацијата, како и досега ќе подготви проекти и апликации, како за општина Гевгелија, така и за Фондацијата за да се добијат што е можно повеке проекти.

Во 2012 година започнаa активностите за ревизија на Програмата за енергетска ефикасност на општина Гевгелија, која поради измените во Законот за енергетика од 2011 година, неопходно е да биде ревидирана. Согласно програмата, како и потпишаните договори со УНДП, која што финансиски го подржува реализирањето на проектот за воспоставувањето на меѓуопштинска соработка (МОС) помеѓу општина Гевгелија, општина Богданци и општина Валандово од областа на енергетската ефикасност, договорена е имплементација на најмалку еден проект од истата програма, кој што ќе се реализира заедно со партнерските општини Богданци и Валандово.

Исто така, во 2013 година предвидено е медиумска кампања за потребата од енергетска ефикасност, која ќе ги опфати младите од општината, потпочно учениците во средното училиште „Јосиф Јосифовски“ од Гевгелија.

Фондацијата има превземено обврски во партнерските мрежи каде што учествува, тука, пред се, се мисли на Мрежата за рурален развој, Здруженијата на граѓани кои работат на полето на животна средина и оддржлив развој, како и на формираната партнерска мрежа со здруженијата од Бугарија, кои работат на полето на обновливите извори на енергија и енергетска ефикасност.

Фондацијата и во наредната година ќе продолжи со практиката за опслужување на сите партнерски организации кои делуваат во регионот, како што се „Центарот за развој на југоисточниот плански регион“, како и проектните канцеларии на меѓународните донаторски организации на ГИЗ, УНДП и УСАИД.

Фондацијата, како и досега, во претстојната 2013 година ќе иницира, предлага и подготвува проектни задачи и апликации до разни донаторски организации, во интерес на општина Гевгелија, по претходна консултација со општинската администрација, Советот на општината и Градоначалникот на општина Гевгелија. Одредени активности на Фондацијата може да се планираат за работа во претстојната 2013 година, а дел ќе се реализираат според потребите на Општината и јавните повици на меѓународните организации за доделување на грантови во одредени области, што впрочем е пракса секоја година во Република Македонија.

2. 
   Финансирање на работата на Фондацијата за локален развој и развој на информатичка технологија
   

За реализација на активностите предвиден е буџет, кој што всушност претставува и учество на Фондацијата при изработка и имплементација на проектите.

Фондација за локален развој и развој на информатички технологии - Гевгелија