Құрамы Бір таблетканың құрамында

АСПАРКАМ

Аспаркам
Халықаралық патенттелмеген атауы

Жоқ
Дәрілік түрі

Таблеткалар

Бір таблетканың құрамында

175.0 мг калий аспарагинаты ½ гидраты (D,L-

аминоянтар қышқылы ½ гидратының калий тұзы),

қосымша заттар: картоп крахмалы, тальк, коллоидты кремнийдің қостотығы (аэросил), кальций стеараты.
Сипаттамасы

Жалпақ цилиндр пішінді, ақ түсті таблеткалар. Таблетканың бір жақ бетінде кертігі және бөлетін сызығы, басқа жақ бетінде кертігі және фирманың крест түріндегі логотипі бар.

Минералды үстемелер. Басқа да минералды заттар.

АТЖ коды А12СХ

Фармакологиялық қасиеттері

Фармакокинетикасы

Калий және магний аспарагинаттары АІЖ-ға жақсы сіңеді, тіндерге және ағзаларға таралады және цитозольға өтеді, онда калий мен магний деңгейлері едәуір жоғарылайды.

Аспаркам - калий (K+) және магний (Mg2+) көзі, метаболизм үдерістерін реттейді, электролиттік тепе-теңдіктің қалпына келуіне мүмкіндік береді, аритмияға қарсы әсер етеді. K+ жүйке талшықтары бойымен импульстардың жүруіне де, сондай-ақ синаптикалық берілімдеріне де, бұлшықеттердің жиырылуын жүзеге асыруға да, жүрек қызметінің қалыпты болуын сақтауға да қатысады. K+ алмасудың бұзылуы жүйкелердің және бұлшықеттердің қозғыштығының өзгеруіне әкеп соғады. Белсенді иондық тасымалдау плазмалық мембрана арқылы K+ жоғары градиентін демейді. K+ аз дозаларда коронарлы артерияларды кеңейтеді, үлкен дозаларда – тарылтады. Теріс хроно- және батмотроптық, жоғары дозаларда теріс ино- және дромотроптық, сондай-ақ орташа диуретикалық әсер береді. Mg2+ ферменттік 300 реакцияның кофакторы болып табылады. Энергияның түсуін және жұмсалуын қамтамасыз ететін үдерістерде алмастыруға келмейтін элемент. Электролиттердің тепе-теңдігіне, иондардың тасымалдануына, мембраналардың өткізгіштігіне, жүйке-бұлшықет қозғыштығына қатысады. ДНҚ (пентозофосфаттық) құрылымына енеді, РНҚ синтезіне, тұқым қуалау аппаратының қызметіне, жасушаның өсуіне, жасушалардың бөліну үдерісіне қатысады. Күйзеліс кезінде катехоламиннің шамадан тыс босап шығуын шектейді және болдырмайды, липолиз және бос май қышқылдарының босап шығуы мүмкін. Жасушаға K+ енуіне мүмкіндік береді. Аспарагинат K+ мен Mg2+ иондарының жасушаішілік кеңістікке енуіне мүмкіндік береді, фосфаттардың жасушааралық синтезін стимуляциялайды.

- организмде калий мен магний тапшылығынан, жүрек гликозидтерімен уланудан болатын аритмияларда

- қарыншалық экстрасистолияларда, жүрекшелердің жыпылықтау пароксизмдерінде

- қан айналымының жеткіліксіздігінде

- жүректің ишемиялық ауруында

- гипокалиемияда, оның ішінде ілмектік диуретиктерді, іш айдағыш дәрілерді, глюкокортикостероидтарды қолданған кезде болатын гипокалиемияны түзетуге

Тамақтанудан кейін ішуге тағайындайды. Ересектер үшін бастапқы дозасы әдетте 2–3 апта бойы тәулігіне 3 рет 1–2 таблетканы құрайды, содан кейін дозаны демеуші доза – тәулігіне 3 рет қабылданатын 1 таблеткаға дейін төмендетеді. Профилактикалық дозасы – 3–4 апта бойы тәулігіне 3 рет қабылданатын 1 таблетка. Қажет болған кезде емдеу курсын қайталайды.

Балаларға қолдану тәжірибесі жоқ.

- жүректің айнуы, құсу, диарея, іштің ауыруы

- беттің қызаруы

- шөлдеу

- бас айналу

- артериялық қысымның төмендеуі

- гипорефлексия

- жүйке-бұлшықет тосқауылы

- тыныстың тарылуы

- құрысулар

- гиперкалиемия, гипермагниемия

- терінің қышуы

- тершеңдік

- іш тұсы аймағында жағымсыз сезінулер немесе ашу сезімі

(холециститпен және анацидті гастритпен ауыратын емделушілерде)
Қолдануға болмайтын жағдайлар

- препарат компоненттеріне жекелей жоғары сезімталдықта

- гиперкалиемияда

- гипермагниемияда

- миастенияда

- бүйрек қызметінің жедел ағымды және созылмалы жеткіліксіздігінде

- II–III дәрежелі атриовентрикулярлық тосқауылда

- айқын артериялық гипотензияда

- гемолизде

- Аддисон ауруында

- анурияда

- 18 жасқа дейінгі балаларға.

Жүрек гликозидтеріне сезімталдықты төмендетеді. Миокардта трофикалық үдерістерді стимуляциялайтын дәрілік заттардың әсерін күшейтеді. Аспаркамды калий жинақтаушы диуретиктермен және/немесе ангиотензинге өзгертуші фермент тежегіштерімен, гепаринмен, қабынуға қарсы стероидты емес дәрілік заттармен бір мезгілде қолданған кезде гиперкалиемияның және гипермагниемияның даму қаупі артады. Тетрациклиннің, темір тұздарының сіңуін тежейді. Стрептомициннің тиімділігін төмендетеді. Кальций препараттары аспаркамның тиімділігін төмендетеді.

Ұзақ қолданған кезде қандағы калий мен магний деңгейлерін, ЭКГ көрсеткіштерін бақылап отыру керек. Калий препараттары ішке қабылдаған кезде асқазан-ішек жолының шырышты қабығын тітіркендіруі мүмкін екендігін ескеріп, препаратты ашқарынға қабылдамау керек. Бүйрекүсті безі қызметінің жеткіліксіздігі бар емделушілерде гиперкалиемияның даму қаупі артады.

Препаратты балаларға қолданудың қауіпсіздігі және тиімділігі жөнінде деректер жоқ.

Препаратты жүктілік және емшек емізу кезеңінде оны қолданудың пайдасы ұрық/нәресте үшін қаупінен басым болған жағдайда және дәрігердің бақылауымен тағайындайды.

Препараттың көлікті басқару қабілетіне және қауіпті қызмет түрлерін орындауға ықпалы жөнінде деректер жоқ, бірақ дәрілік заттың жағымсыз әсерлерін ескеріп, сақ болған жөн.

Орташа емдік дозадан асатын дозаларда қолданған кезде гиперкалиемия және гипермагниемия симптомдары өршуі мүмкін. Бұл құбылыстар әдетте препарат дозасын азайтқан кезде немесе оны тоқтатқан кезде жоғалады.

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты қаптамалар картон қорапқа медицинада қолданылуы жөнінде мемлекеттік және орыс тілдеріндегі нұсқаулықпен бірге салынған.
Сақтау шарттары

Құрғақ, жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Рецептісіз

Шымкент қаласы, Рашидов көшесі, н/сіз, т/ф.: 561342

«Химфарм» АҚ, Шымкент қаласы, ҚАЗАҚСТАН РЕСПУБЛИКАСЫ,

Рашидов көшесі, н/сіз, т/ф: 560882

Телефон нөмірі: 7252 (561342)

Факс нөмірі: 7252 (561342)

Электронды поштасы: standart@santo.kz