Сабақтың барысы : Ұйымдастыру сәті. Кіріспе сөз : Армысыздар, құрметті ата-аналар,ұстаздар,қонақтар

Мақсаты : Оқушылардың білімдерін бекіту,олардың алған білім,білік

дағдыларын көрсету,тілін дамыту,сөздік қорын молайту,

ұқыптылыққа,жинақылыққа тәрбиелеу.

Көрнекілігі : интерактивті тақта, әліппе макеті,Ы.Алтынсарин суреті,

шарлар,рәміздер,мақал –мәтелдер,суреттер.

1. 
   Ұйымдастыру сәті.
   
2. 
   Кіріспе сөз : Армысыздар , құрметті ата-аналар,ұстаздар,қонақтар.
   

« Әліппе – білім бастауы » атты ертеңгілігімізді бастауға рұқсат етіңіздер.

Қымбатты оқушылар ,білім жолына бастаған қадамдарың құтты болсын !

1. 
   Әнұран орындалады.
   

Ақ сандықты ашыңдар.

Бұл мереке бұл тойдың,

Бастаңғысын жасаңдар./шашу шашылады/

Армысыздар, аналар,

Бармысыздар,балалар!

Сөзіме құлақ салыңыз,

Әліппеге арналмақ

Бүгінгі ән-жырымыз.

Бүгін біз шексіз қуаныштымыз.Өйткені,алғаш қолымызға ұстап хат танытып,сауатымызды ашқан Әліппені бітірдік.

Бар кітапқа бас болған,

Әліппе –ғылым ағасы.

Әліппеден басталған,

Даналықтың данасы.

Оқушы :

Енді біз жаза білеміз,

Әріпті қосып әріпке.

Риза боп саған жүреміз,

Сүйікті біздің Әліппе!

Оқушы :

Ең алғаш алғанымда Әліппені,

Қызығып қарай бердім әріптерді.

Мен үшін жұмбақ болып қалар ма еді,

Ұстазым оның кілтін алып берді.

Оқушы :

Оқуды көп ойладық,

Қызығына тоймадық.

Әріптерді үйреніп,

Сауат ашып тойладық.
-2-

Мұғалім :

Балалар мен сендерге сұрақ қояйын.

Іші толған әріпке,

Білімдегі жарық не ?

Олай болса,бәрімізге ең қымбат Әліппені ортаға шақырайық.

Әліппемен қош айтысып қаламыз,

Енді қолға басқа кітап аламыз.

Ата-ана қуанышқа ортақ бол,

Сауатты боп шықты міне балаңыз.

Оқушы :

Үйретіп алғаш бізге Әліппені,

Мұғалім ғылымға жол салып берді.

Адамның ой-арманы мақсаттары,

Оқудың сәулесімен жарық көрді.

Ән : « Мұғалім ол біздің »

Мұғалім :

Балалар , қазақ тілінде неше әріп бар?

Ендеше тақтаға қарайық. Мұнда әріптердің біразы қызыл көйлек, біразы көк көйлек,ал мына екеуі қара көйлек киіп алыпты.Бұлар қандай дыбыстар екенін кім айтады?

Алфавиттің « А » тұрады басында,

Әрқашанда « Ә » тұрады қасында.

Байқадың ба « Б » тұрады үшінші,

Ал осының сыры неде,түсінші ?

Оқушы :

« А » деген ол –аналар ғой ардақты,

« Ә » деген ол- әкелер ғой салмақты.

« Б » деген ол- балалар ғой әдемі ,

Біздің елде үшеуі де кәделі.
-3-

Би :

Оқушы :

А әрпіне Т әрпін

Қосып едім ат болды.

Қосып едім атқа А-ны,

Атам оқып шаттанды. /ата /

Оқушы :

Екі тіреу,

Басқышы біреу.

Бұл қай әріп ?

/ Н /

Оқушы :

Арқасын тіреп жабысып,

Екі Р қалған жабысып.

Бұл қай әріп ?

/ Ф /

Оқушы :

Сақинаға қарайық ,

Ұқсайды оған қай әріп ?

/ О /

Балалар, ең алғаш мектеп ашқан кім ?

Ы.Алтынсарин атамыз сендерге қандай өсиет қалдырды ?

Бір аллаға сиынып,

Кел,балалар ,оқылық,

Оқығанды көңілге,

Ықыласпен тоқылық !

Ән :Сәлем ,саған мектебім.

Оқушы :

Келгенде алғаш мектепке,

Білмеуші едік әріпте.

Оқимыз қазір ертекте,

Үйреткен оны Әліппе.

Мұғалім :

Балалар, енді жұмбақ айтып жарысайық.Кім қандай жұмбақ біледі ?

Балалар,енді кім қандай мақал-мәтел біледі?

Балалар,сендер Әліппеден тағы не үйрендіңдер?

Иә,біз ережелерді айтып үйрендік.Мысалы: Сөз дыбыстан құралады.

Дыбыстар әріппен таңбаланып жазылады.

Дыбыстарды айтамыз, естиміз.Әріптерді көреміз.

Кісінің аты-жөндері бас әріптен басталып жазылады.

Жер-су аттары бас әріптен басталып жазылады.

Үй жануарларына қойылған аттар да бас әріптен басталып жазылады.

Сөздегі дауысты дыбыстар жуан болса, сөзде жуан айтылады.

Сөздегі дауысты дыбыс жіңішке болса, сөзде жіңішке айтылады.

Буын дауысты дыбыс арқылы жасалады.

Балалар ,енді біз ата-аналарымызға қалай оқитынымызды көрсетейік.

« Бір уыс мақта » әңгімесінен үзінді оқытып, әңгіменің тақырыбын тапқызу.

Мұғалім :

Балалар ,енді біз ата-аналарымызға қалай жазатынымызды көрсетейік.

Балалар,енді берілген буындардан сөз құрайық.

Бі сі

Кі лім

Мек тер
Ән : Төлдер

Балалар, біз осы уақытқа дейін оқумен қатар сандарды оқуды , жазуды ,оларды салыстыруды, қосып,азайтуды меңгердік. Енді математикадан алған білімімізді көрсетейік.

Балалар,енді біз әдептілік туралы не білеміз ?

Жабырқауды білмейміз,

Жалқаулықты сүймейміз.

Біз талапты жас ұлан.

Сыйлап үлкен ағаны,

Сәлем берген баланы,

Кім дейміз?

Кітап ,дәптер,қаламы,

Кір шалмаған баланы,

Кім дейміз?

Жақсы балалар, енді Әліппемен қоштасайық.

Қош бол,құтты Әліппем,

Көп нәрсені үйреттің.

Таныстырып әріппен,

Тақылдатып сөйлеттің.

Әліппе :

Балалар,мен сендерге ризамын.Мені жақсы меңгеріпсіңдер.Ана тілдеріңде өте жақсы сөйлейді екенсіңдер.Енді сендерге ары қарай білім беретін мына Ана тілі болады.Ана тілін де жақсы оқыңдар.

Таныстырған 42 әріппен,

Қош бол, менің қасиетті Әліппем.

Сенің арқаң оқи ,жаза алғаным,

Сауатты адам санатына кіргенім.

Ән : Әліппе

Мұғалім :

Әріптердің иесі ,құрметті Әліппе ! Сізге шексіз алғысымызды білдіре отырып,Сізді демалыс орнына жібергелі отырмыз.

Қош бол,Әліппе!

Сәлеметсіңдер ме, балалар?

Қош келдіңіз , Ана тілі!

Балалар, сендер көп нәрсені үйреніпсіңдер. Осының бәрін үйренулеріңе көмектескен кім?

Мектеп

Ата-ана

Ендеше ата-анамызға рақмет айтайық .

Әліппемен қош айтысып қаламыз,

Енді қолға ана тілін аламыз.

Ата –ана қуанышқа ортақ бол,

Сауатты боп шықты міне балаңыз.

Ата-анаға рақмет!

Ән : « Ана »
Мұғалім : 1 сынып оқушыларын құттықтау үшін 5 сынып оқушылары келіп отыр. Би,ән орындалады.

Қорытынды сөз .Қымбатты кішкентай бүлдіршіндер! Өз еңбектеріңмен алған білімдерің-өздерің үшін де,еліміз үшін де таусылмас қазына.Елімізді,жерімізді сүйетін жақсы азамат болып өсулеріңе шын жүректен тілектеспін.

Ата-аналарға айтарым балаларыңыздың осындай дәрежеге жетуіне сіздердің де еңбектеріңіз көп.Сондықтан сіздерге рақметімді айта отырып, балаларыңыз жақсы азамат болып өссін деймін.

Әбілпаттақызы

Қызылорда облысы

Жаңақорған ауданы

№51.М.Қаратаев атындағы

орта мектебінің бастауыш