Жаңа сөзді меңгерту. «Сөз →сөз тіркесі → сөйлем»
Елорда
Жаңа Астана
Астана – бас қала.
«Мозаика» әдісі бойынша оқушыларды үш топқа бөліп отырғызу.
Оқылым.«Бiрiн-бiрi oқыту» cтрaтегияcы бoйыншa мәтінді тізбектей oқиды. Топта талқылау. Мәтіндегі әр сөздің мағынасын түсініп, түсінгендерін айту.
Есте сақаңыз:
І топ: (қарапайым деңгей)
Астана – Азияның ең солтүстігінде орналасқан елорда. Қазіргі уақытта Астананың аумағы 722 шаршы шақырымнан асады, тұрғындар саны – 853 мыңға жуық. Қала үш ауданнан – «Алматы», «Сарыарқа» және «Есіл» ауданынан тұрады.
ІІ топ: (орта деңгей)
«Бәйтерек» кешені жаңа елорданың басты символына, оның өзіндік бойтұмарына айналды. Өзге де бірегей сәулеткерлік ғимараттар қатарында белгілі британдық архитектор Норман Фостердің жобасы бойынша пирамида үлгісінде салынған «Бейбітшілік және келісім» сарайын, әлемдегі ең биік шатыр үлгісіндегі ғимарат – «Хан Шатыр» сауда-ойын-сауық орталығын, теңізден алыс орналасқан океанариум – «Думан» орталығын атауға болады.
ІІІ топ: (жоғары деңгей)
Қала экономикасының негізі – сауда, өнеркәсіп өндірісі, көлік, байла- ныс және құрылыс салалары.
Шаһардың өнеркәсіп өндірісі негізінен құрылыс заттарын, азық-түлік өнімдерін шығару мен машина жасау ісі төңірегіне шоғырландырылған.
Қала Қазақстандағы ірі бизнес орталығының біріне айналды. Кәсіпкерлік мәдениеті дамып келеді – Астанада 128 мыңнан астам шағын және орта кәсіпкерлік нысандары жұмыс істейді.
Сұрақтарға жауап бер.
Мәтін не туралы?
Астанада қандай мәдени орындар бар?
Шаһар экономикасының негізін қандай салалар құрайды?
Дескриптор:
- мәтінді тізбектей оқиды;
- оқу барысында дауыс ырғағын сақтайды;
- мәтін мазмұны бойынша сұрақтарға жауап береді.
Кері байланыс: Не қиын болды? Не жеңіл болды?
2 тапсырма.Мәтін мазмұны бойынша сөйлемдердің ретін көрсетіңіз.
• Қала Қазақстандағы ірі бизнес орталығына айналды.
• Қала үш ауданнан тұрады.
• «Бейбітшілік және келісім» сарайы белгілі британдық архитектор жобасы бойынша салынды.
Дескриптор:
• мәтін мазмұны бойынша сөйлемдердің ретін көрсетеді
Бағалау «Бағдаршам» әдісі арқылы жүргізіледі.
Жазылым
3 тапсырма. Көп нүктенің орнына тиісті қосымшаларды жалғап, сөйлемдерді жаз.
Бүгінгі Астана – жедел қарқын... дамып жатқан заманауи қала. Сәулет өнеріне келсек, еуропалық және шығыстық үлгілер... жағымды дәстүрлері байқалады. Айналдырған бірнеше жылдың ішінде қала... халқы үш есеге артты. Аз уақыт.. қаланың бет-бейнесі де айтарлықтай өзгерді.
Дескриптор:
• қосымшаларды ажыратып, дұрыс жалғайды.
• сауатты жазады
Тапсырманы «Бас бармақ» әдісімен бағалайды.
Тыңдалым «Сүйікті қалам – Астанам» бейнеролик
Кері байланыс «Білем-Білгім келеді-Білдім» (БББ)
Б-біз нені білеміз
|
Б-нені білгіміз келеді
|
Б-нені білдік
|
|
|
|
| 
