Шымкент қаласының 2015-2017 жылдарға арналған азаматтық бюджеті. Құрметті сайтқа кірушілер!

Сіздердің назарынызға қала бюджетінің негізгі көрсеткіштері мазмұндалған, оны қалыптастыру және шығыс бөлігі бағыттарының параметрлері көрсетілген Шымкент қаласының 2015-2017 жылдарға арналған азаматтық бюджеті ұсынылуда.

көтерме сауда, өткен 2014 жылмен салыстырғанда 10,5 пайызға;

бөлшек сауда, өткен 2014 жылмен салыстырғанда 18,4 пайызға төмендеуде.

2015 жылғы базалық мөлшерлемелер:

айлық есептік көрсеткіштер – 1982 теңге;

ең төменгі еңбек ақы мөлшері – 21364 теңге;

орташа еңбекақы мөлшері – 84348 теңге;

ең төменгі зейнетақы мөлшері – 23692 теңге;

степендия мөлшері:

жоғарғы оқу орындарында – 17500 теңге

колледждерде – 15000 теңге.
2015-2017 жылдарға арналған Шымкент қаласы бюджетінің

негізгі параметрлері бойынша ақпарат
2015-2017 жылдарға арналған Шымкент қаласының бюджетінің жобасы 2015-2019 жылдарға арналған болжамды макроэкономикалық көрсеткіштерінің негізінде қалыптастырылып, Қазақстан Республикасының Бюджет кодексінің 75 бабына сәйкес, Шымкент қалалық мәслихатының қарауына ұсынылған.

«2015-2017 жылдарға арналған Шымкент қаласының бюджеті туралы» Шымкент қалалық мәслихатының №44/296-5с шешімі 2014 жылдың 24 желтоқсанында қабылданып, Оңтүстік Қазақстан облыстық әділет департаментінде 2014 жылдың 30 желтоқсанында 2933 нөмірімен тіркелген.

Шымкент қалалық мәслихатының 2015 жылғы 26 қаңтардағы №45/317-5с, 2015 жылғы 27 наурыздағы №46/323-5с, 2015жылғы 21 шілдедегі №48/365-5с, 2015 жылғы 29 қазандағы №51/399-5с, 2015 жылдың 30 қарашасындағы №52/402-5с, 14 желтоқсандағы №53/408-5с шешімдерімен және Шымкент қаласы әкімдігінің 2015 жылғы 29 қаңтардағы №126, 2015 жылғы 25 ақпандағы №245, 2015 жылғы 1 сәуірдегі №352, 2015 жылғы 22 шілдедегі №1215, 2015 жылғы 6 тамыздағы №1372, 2015 жылғы 6 қазандағы №113, 2015 жылғы 4 қарашадағы №295, 2015 жылғы 9 желтоқсандағы №466, 2015 жылғы 14 желтоқсандағы №610 қаулыларымен өзгерістер мен толықтырулар енгізілген.


2015-2017 жылдарға арналған Шымкент қаласы

бюджетінің негізгі параметрлері

млн.теңге

Атауы	2015 жыл	2016 жыл	2017 жыл
Түсімдер	83 404	52 521	59 931
Салықтық түсімдер	39 212	25 782	37 220
Салықтық емес түсiмдер	410	96	91
Негізгі капиталды сатудан түсетін түсімдер	2 018	311	332
Трансферттердің түсімдері	38 446	24 262	22 289
Қарыздар түсімі	2 484	2 070
Бюджет қаражаттарының бос қалдығы	444
Мемлекеттiң қаржы активтерiн сатудан түсетiн түсiмдер	390

Түсімдер

Салық кодексіне сәйкес және макроэкономикалық көрсеткіштерін ескере отырып, 2015 жылға арналған қала бюджетінің болжамды өзіндік кірістерінің түсімі 41640 млн. теңге көлемінде жоспарланған, оның ішінде:

- салықтық түсімдер – 39212 млн. теңге;

- салықтық емес түсімдер – 410 млн. теңге;

- негізгі капиталды сатудан түсетін түсімдер – 2018 млн. теңге.

2015 жылға арналған қала бюджетінің өзіндік кірістері негізінен реттелетін салықтар (қала бюджетіне түсім пайызы 100) есебінен құралады.

Жоғарғы бюджеттерден 2015 жылғы қала бюджетіне нысаналы трансферттер мен кредиттер 40 930 млн.теңге көлемінде бөлу қарастырылған, оның ішінде ағымдағы – 11554 млн. теңге, дамуға – 26892 млн. теңге және кредиттер – 2484 млн. теңге.

Облыстық және аудандық (облыстық маңызы бар қалалар) бюджеттердің арасындағы өзара қатынастары «Облыстық бюджет пен аудандар (облыстық маңызы бар қалалар) бюджеттерінің арасындағы 2014-2016 жылдарға арналған жалпы сипаттағы трансферттердiң көлемі туралы» Оңтүстік Қазақстан облыстық мәслихатының 2013 жылғы 10 желтоқсандағы №21/173-V шешімімен белгіленген.

«Білім беру» фукционалдық тобы бойынша жалпы 2015 жылға 39 518 млн.теңге қаралған. Оның ішінде, республикалық бюджеттен бөлінген қаражаттар 10 122 млн.теңге (оның ішінде білім нысандарының құрылысына 3 406 млн.теңге), облыстық бюджет қаражаттары 5 374 млн.теңге (оның ішінде білім нысандарының құрылысына 3 117 млн.теңге және күрделі жөндеуден өткізуге 1 100 млн.теңге) және жергілікті бюджет қаражаттары 24 022 млн.теңге (оның ішінде білім нысандарының құрылысына 1 746 млн.теңге және күрделі жөндеуден өткізуге 494 млн.теңге).

Күрделі шығыстары бойынша, облыстық бюджеттен бөлінген қаражаттарға 2 мектеп пен 5 балабақшалардың, қала бюджеті есебінен 2 мектеп пен 3 балабақшалардың және 1 мектептен тыс мекемелердің ғимараттары күрделі жөндеуден өткізілуде.

Сондай-ақ, білім нысандарының құрылыстары бойынша республикалық бюджеттен бөлінген қаражаттарға 2 балабақша мен 4 мектеп құрылысы, Қазақстан Республикасының Ұлттық қорынан бөлінген қаражаттарға 2 мектеп құрылысы, облыстық бюджеттен бөлінген қаражаттарға 4 балабақша және 4 мектеп құрылысы жүргізілуде.

Қала бюджеті қаражаты есебінен 10 нысанның құрылысын жүргізу үшін жобалық сметалық құжаттар әзірленуде, сондай-ақ, 1 балабақша мен 9 мектеп құрылысы жүргізілуде.

«Әлеуметтік көмек және әлеуметтік қамсыздандыруға» 2015 жылға арналған қала бюджетінде 2450 млн.теңге көлемінде қаражаттар қарастырылған. Оның ішінде республикалық бюджеттен бөлінген қаражаттар көлемі 614 млн.теңге, облыстық бюджет бойынша 320 млн.теңге және жергілікті бюджет қаражаттары 1516 млн.теңге.

2593 адамға мемлекеттік атаулы көмек, 2655 адамға тұрғын үй көмегі, 20062 адамға бір реттік көмек көрсетілуде, 460 мүгедек балалар материалдық қамтамасыз етілуде, тұрғылықты жері жоқ 150 адам бейімдеу орталығында орналыстырылды, 730 мұқтаж азаматтарға (азаматшаларға) үйде әлеуметтік көмек көрсетілуде.

Сонымен қатар, 29601 алушыға 18 жасқа дейінгі балаларға мемлекеттік жәрдемақылар төленуде, 2024 мұқтаждық мүгедектерге міндетті гигиеналық құралдармен қамтамасыз етілуде.

Сондай-ақ, Ұлы Отан соғысындағы Жеңістің жетпіс жылдығына орай 8168 ардагерлерге жәрдем ақылар төленді және өзге де іс-шаларлар өткізілді.

«Мәдениет, спорт, туризм және ақпараттық кеңістiк» функционалдық тобы бойынша 2015 жылға 3429 млн.теңге көлемінде қаражаттар жоспарланған, оның ішінде республикалық бюджеттен 59 млн.теңге, облыстық бюджеттен 286 млн.теңге және жергілікті бюджеттен 3084 млн.теңге жоспарланған.

Аталған функционалдық топтың шығындары жалпы 2015 жылға 24236 млн.теңге көлемінде жоспарланған, оның ішінде республикалық бюджет қаражаттары 2542 млн.теңге (тұрғын үй құрылысына бөлінген 1263 млн.теңге көлеміндегі кредиттерді қоса есептегенде), облыстық бюджет қаражаттары 12054 млн.теңге және жергілікті бюджет қаражаттары 9640 млн.теңге.

Республикалық және облыстық бюджет қаражаттары есебінен Жұмыспен қамту 2020 жол картасы шеңберінде 2 білім беру объектілері күрделі жөндеуден өтуде оған 318 млн.теңге және жолдарды орташа жөндеуге 18 млн.теңге жоспарланған.
Тұрғын үй құрылысы

Тұрғын үй құрылысына 5782 млн.теңге бөлініп, оның ішінде республикалық бюджеттен бөлінген 827 млн.теңге көлеміндегі нысаналы трансферттерге 4 үйдің, 1103 млн.теңге кредиттерге 6 үйдің, ҚР Ұлттық қорынан бөлінген 161 млн.теңгеге 1 үйдің, облыстық бюджеттен бөлінген 2992 млн.теңгеге 30 үйдің құрылыстары жүргізілуде. Сонымен қатар, аталған мақсатқа жергілікті бюджеттен де 700 млн.теңге көлемінде қаражаттар бағытталуда.

Республикалық бюджеттен бөлінген 164 млн.теңгеге 2 нысанның, облыстық бюджеттен бөлінген 4913 млн.теңгеге 5 нысанның және 393 млн.теңге көлеміндегі жергілікті бюджет қаражаттары есебінен нысандардың құрылыстары жүргізілуде және жобалық сметалық құжаттармалары әзірленуде.

Электрмен қамтамасыз етуде 9 нысанның құрылысы облыстық бюджеттен бөлінген 1324 млн.теңге және қала бюджеті қаражаты есебінен нысандардың құрылыстары жүргізілуде және жобалық сметалық құжаттамалары әзірленуде.

Сумен қамтамасыз ету және кәріз жүйелерінің құрылысына облыстық бюджеттен бөлінген 1936 млн.теңгеге 12 нысанның құрылысы жүргізілуде, сондай-ақ жергілікті бюджеттен аталған мақсатқа 178 млн.теңге бағытталуда.

Аталған функционгалдық топ бойынша 2015 жылға жалпы 260 млн.теңге көлемінде қаражаттар жоспарланған, оның ішінде республикалық бюджет бөлінген қаражаттар 12 млн.теңге, облыстық бюджеттен 93 млн.теңге және жергілікті бюджет қаражаттары 155 млн.теңге.

2015 жылы бұл функционалдық топ бойынша қаражаттар, көлік инфрақұрылымын дамытуда, яғни жол құрылыстарына, қайта құруға, жер үсті және жер асты жаяу жүргіншілер құрылыстарына, жобалық сметалық құжаттамалар әзірлеуге (жалпы 22 нысан) бағытталуда. Осы мақсатқа облыстық бюджеттен 4561 млн.теңге және қалалық бюджеттен 311 млн.теңге жоспарланған (2016 жылы – 9037 млн.теңге және 2017 жылы – 13870 млн.теңге).