Сынып: 3-ші қазақ сыныбы Барлық қатысқаны

1-бала:

Наурыз міне, келді жайнап

Көктемнің бұл айы.

Құс біткеннен төгілген ән

Бейне көктем жырлары.

2-бала

Сағынышпен жеткен

Жайнап нұрлы гүлің

Көктем –тірлік айғағы!

Бастаушы: -Сәлемәтсіздер ме, достар! Сіздерді «Құс –көктем жаршысы» атты тәрбие сағаттарымызды тамашалауға шақырамыз! Көктем мерекесі «Құс күнімен» құттықтаймыз! Бұл мереке –табиғаттың қысқы ұйқыдан оянуын танытатын көктем хабаршысы . Жер бетінде 8600-ге жуық құстардың түрі бар.Біздің Республикамызда 474 құстың түрі бар. «Көктем вальсі» әуенімен билеп «Көктем» келеді:

Сәлем достар, аман ба?

Мынау бейбіт заманда.

«Құс- көктем жаршысы»

Ән саламын құс үнімен,

Сәнденемін нұр гүлімен.

Қуантайын бәріңді,

Құс мереке күнімен.

Көктем әні орындалады :

Ал құрметті, халайық

Мерекені бастайық.

Жұмбақ шешімін тапсандар,

Құстарды қарсы алайық,-деп жұмбақ жасырады.

Жұмбақ:

Түсі қара мақпалдай

Төсі ақ сыр жаққандай

Ұшса оқтай зулайды

Көктем жұлдыз аққандай. (Қарлығаш)

Қарлығаш ұшып келіп:

Мен –адамның досымын

Мекенінде тұрамын.

Шыбын келсе ,кәсібім,

Ұстап жеймін қырамын.

Тазалаймын үй ішін

Шыбын деген кеселден

Ел аузында мақтаулы

Санитармын төселген.

Орманда жоғары

Ағашқа қонады

Тұмсығын балға ғып

Тоқ -тоқ соғады. (Тоқылдақ)

Тоқылдақ:

-Балалар, мен орман құсымын,өзімнің балға тұмсығымен ағаш қабығының арасынан зиянкестерді тауып құртамын.

Орман іші солқылдап,

Жаңғырықты түнімен

Ұрды ағашта тоқылдақ

Тұмсығының түбімен.

Жұмбақ:

Биікке салған ағаш үй

Сол ғой оның мекені

Жаздай сайран салып-ақ,

Қыста алысқа кетеді . (Қараторғай)

Аққу :

Заң жоқ еш уақытта

Біздерді атауға

Түсім де аппақ.

Атым да..................(хормен Аққу)

Арнұр :

Құс сұлуы аққумен

Табиғат көрік сыйлаған

Мылтығын кезеп еш берген

Атуға көзі қимаған.

Ойын:

«Кім көп құс біледі?»

Құстар тойын құттықтап,

Қуанамыз қолдаймыз.

Ұя жасап ұқыптап,

Біз оларды қолдаймыз.

-Ендеше, балалар , еңбек сабағында құстарға ұя жасап, жжем салғыш жасап оларды қорғайық.ал кәнеки,балалар, құстарға байланысты қандай халық болжамдарын білесіндер?

-Құс жүнін үрпитсе,жаңбыр жауады, ауа райы өзгереді .

-Сары шымшық ысқырса,шынымен күз болғаны.

-Шымшық ұя салса,қыс қатты болады.

-Қарға қанқылдаса, қар жауады.

Нұр :

Жадырап құтылғандай қыс қамынан

Көктемді шуға бөлеп ,әнге ораған

Тыңдаймыз алуан сыр жыл құсынан

Аспандияр: -Құрметті достар, көктем жаршысы, адамзаттың досы жыл құсын қарсы алайық,оларға қамқоршы болайық. Келген жаңа жылымыз құтты,берекелі болсын! Әрқашанда аспанымыз ашық болсын,елімізде бейбітшілік болсын.Ақ көгершін – өздерің білесіндер, тыныштықтың,бейбітшіліктің белгісі. «Ақ көгершін» әнін елімізге шашу етіп сыйлайық. «Ақ көгершін» әні орындалады.

Сынып жетекшісі: Мухамеджанова М.М

Бекітемін Келісілді

Мектеп директоры: Дир. тәрбие ісінін орынбасары

_______А.А.Шакенова ______Ж.С.Шулембаев

ҚҰС - КӨКТЕМ ЖАРШЫСЫ

Сыныптан тыс тәрбие сағаты

Орындаған: 3-ші қазақ сыныбының жетекшісі