Шоңай филиал кітапханасы

1974 жылдан Меңдібике Елегенова М.Мәметова атындағы совхоздың №3 фермасында кітапханашы болып жұмыс істеді. Сонымен қатар ферманың халықтың бақылау тобының белсенді мүшесі, саяси хабарламашысы болды.

«Малшы –шопандар, сіздер үшін», «Қозыны көп алу және оны күту жолдары», «Егін орағы-екпінді майдан», «Халыққа атейстік білім беру» және экономикалық тақырыптан оқыған лекцияларын, әңімелерін шаруашылық өмірімен байланыстырып отырды.

Меңдібике өзінің негізгі қызметін де үлгілі де тиянақты атқара алады. Олардың ішінде малшы, механизаторда көптеп саналады. Кітапханашы жаңа кітаптар бойынша оқырмандар конференциясын да өткізуді дәстүрге ендірген. Л.И.Брежнев жолдастың «Тың» атты естелігі бойынша, Н.А.Островскийдің туғанына 75 жыл толуына арналған конференциялар өткізді.

1980 жылы В.И.Ленин 110 жыл толу қарсаңында, әдебиеттерді насихаттау бағытында «Көсем, ұстаз және дос» тақырыбында плакат шығарып, «Ленин, партия, халық» тақырыбында кітап көрмесін ұйымдастырып, кітап көрмелері мен плакттардың жанында кітаптар туралы әңгіме, шолулар өткізілді.

1981 жыл өмір талабына орай, халыққа жақсы қызмет көрсетіп, ел құрметіне бөленіп келе жатқан таңдаулы кітапханашылардың бірі –ВЛКСМ мүшесі Күлекен Бертлеуова. Ол Гурьев мәдениет ағарту училищесін бітіріп, Шоңай селолық кітапханасына орналасып, азғантай уақыттың ішінде Күлекен жұмысқа деген ынтасын көрсете білді. Кітапханада «КПСС ХХҮІ съезінің шешімдерін жүзеге асырайық», «Халықтар достығы –совет қоғамының мызғымас тірегі», «Жаңа кітаптар» атты кітаптар көрмелерімен қатар, «Партия жоспары –халық жоспары» атты плакат, «Балалар сіздер үшін» атты шығарма картотека өзінің мақмұндылығы жағынан да әсем безендірілген сәнділігімен назар аударды.