Сыныптан және мектептен тыс тәрбие жұмысы
жүктеу/скачать 19.32 Kb.
|
- Бұл бет үшін навигация:
- Тапсырма Сынып жетекшісі туралы ережемен танысып, оның негізгі міндеттерін атаңыз
|
Сыныптан және мектептен тыс тәрбие жұмысы Жеке тұлғаның қалыптасып дамуы үздіксіз сипатта болатыны бізге мәлім. Оның жүзеге асуы тек сабақ жүйесінде ғана емес, сабақтан тыс жүргізілетін әртүрлі тәрбиелік әрекеттермен ұштасады. Ол әдетте сыныптан және мектептен тыс жұмыс болып бөлінеді. Сыныптан тыс тәрбие жұмысы – тұлғаның әлеуметтік қалыптасуын қамтамасыз етуде оған жағдай туғызатын мұғалімдердің басшылығымен ұйымдастырылған және сабақтың мақсатымен өзара байланысты болып келетін тәрбие жұмысының дербес түрі. Ол әртүрлі тәрбие әрекеттерінің жиынтығы ретінде балаға кең көлемде тәрбиелік ықпал ете алады. Біріншіден, оқудан тыс әртарапты әрекет баланың сабақта мүмкін болмайтын жан-жақты дара қабілетін ашуға ықпал етеді. Екіншіден, сыныптан тыс әр түрлі тәрбие жұмысының түрімен айналысу баланың жеке әлеуметтік тәжірибесін жаңдандырып, жетілдіреді, оның адамзат құндылықтарына негізделген білімдерін байытып, қажетті практикалық іскерлігі мен дағдысын қалыптастырады. Үшіншіден, сыныптан тыс түрлі тәрбие жұмысы оқушыларда әрекеттің әртүріне қатысты қызығушылығының дамуына, оған белсенді қатысуға деген құлшынысын тәрбиелеуге нәтижелі ықпал етеді. Егерде балада еңбекке деген тұрақты қызығушылық және белгілі бір практикалық дағды қалыптасқан болса, оңда ол өз бетінше тапсырманы нәтижелі орындауды қамтамасыз ете алады. Бүгінде бала өзінің бос уақытын қандай іске арнауды білмей жатса, соның негізінде жастар арасында қылмыстың көбеюне әкеледі. Сондықтан бұл өте өзекті мәселеге айналуда. Төртіншіден, сыныптан тыс әртүрлі тәрбие жұмысының формасы тек қана баланың өзіндік дара қабілетін ашуға ықпал етпейді, сонымен бірге оқушылар ұжымында өмір сүруге үйретеді. Яғни, оқу, еңбек әрекеттерінде және қоғамдық пайдалы істерді атқаруда өзара ынтымақтастыққа, бір-біріне қамқор болуға жолдастарының орнына қоя білуге тәрбиелейді. Тіпті оқудан тыс әрекеттің қандай да бір түрі болмасын, танымдық, спорттық, еңбек, қоғамдық пайдалы, оқушылардың өзара ынтымақтастық тәжірибесін белгілі бір салада байытады, қорытындысында үлкен тәрбиелік нәтижеге қол жеткізуге ықпал етеді. Бесіншіден, сыныптан тыс тәрбие жұмысын ұйымдастыру мен өткізуде уақытқа қатысты қатан шектеу болмайды Сынып жетекшісі оның формалары мен әдістерін, құралдары мен мазмұнын және бағытын таңдауда ерікті болады. Бұл, бір жағдайда оған өзінің көзқарасы және сенімі тұрғысында әрекет етуге мүмкіндік берсе, екінші жағдайда, оның жауапкершілігін арттырады. Бұған қосымша, одан шығармашылық белсенділікті талап етеді. Алтыншыдан, сыныптан тыс тәрбие жұмысының нәтижесіне күнделікті бақылау мүмкіндігінің болмауы. Себебі, онда тек жалпы жетістік пен оқушылардың жеке дара даму деңгейін бақылауға мүмкіндік береді. Мұндай ерекшелік сынып жетекшісінен табиғи жағдайда жұмыс жасауды, балалармен қарым- қатынаста немқұрайлылыққа жол бермеуді және оның нәтижесін бағалауда оларда шиеленіскен жағдайдың болмауын қажет етеді. Жетіншіден, сыныптан тыс тәрбие жұмысы оқушылардың мүмкіндіктеріне сай қолдары бос уақытта (үзілісте, сабақтан кейін, мейрам немесе сенбі және жексенбі күндері, демалыстарында) ұйымдастырылады. Сыныптан тыс шаралардың түрлері: -Дистанция ойыны; -Сыртқы істер клубы; -Әдеби музыкалық қоғам; -Ғылыми зерттеу орталығы; -Мектептен тыс мекемелер жұмысы; -Зияткерлік жәрмеңке: Мектептен тыс мекемелер жұмысы: Балалар мен жасөспірімдердің бос уақытын тиімді ұйымдастыратын негізгі орталық база – мектептен тыс мекемелері.Балалармен мектептен тыс жұмыстарды жүргізетін мекемелер мемлекеттік, қоғамдық және жеке болып ұйымдастырылады. Мектептен тыс мекемелер оқушыларды жеке тұлға ретінде қалыптастыратын, шығармашылық қажеттілігін қанағаттандыратын қоршаған ортамен таныстыратын, гуманистік және демократиялық тұрғыда қоғамды құруға қатынастыратын әлеуметтік тәрбие институты болып табылады. Мектептен тыс алғашқы мекеме 1918 жылы Мәскеуде « Жас табиғатты сүйушілер» деген атпен құрылды. Мектептен тыс мекемелердің кеңінен дамыған кезеңі жылдар. Мектептен тыс мекемелердің негізгі міндеттері: 1.Әр оқушының қалыпты дамуына тиімді жағдай жасау; 2.Ғылыми дүние танымын қалыптастыру; 3.Адамгершілік қасиеттерін дамыту; 4.Ұлттық – мәдени дәрежесін көтеру; 5.Өз бетімен білімін көтеруге жағдай жасау; 6.Еңбекке баулу, кәсіби бағдар беру 7.Балалардың демалысы мен бос уақытын ұйымдастыруға көмектесу; 8.Жеке және ұжымдық шығармашылығын дамыту. Мектептен тыс мекемелердің сабақтары балалардың тұрақты қызығушылығын қалыптастырады және әрқайсысына ұнайтын іспен айналысуына мүмкіндік береді. Сынып жетекшісінің жұмыс циклограммасы Күн сайын Кешікпей жұмыс істеу және оқушылардың сабаққа келмеу себептерін анықтау. Оқушылардың тамақтануын ұйымдастыру. Кабинеттегі кезекшілікті ұйымдастыру. Оқушылармен жеке жұмыс. Апта сайын Оқушылардың аттестациясын талдау. Жоспар бойынша топта іс-шаралар өткізу. Жағдай бойынша ата-аналармен жұмыс. Пән мұғалімдерімен жағдай бойынша жұмыс. Оқушылар ауруы туралы анықтама бойынша медбикемен кездесу. Психологтың кеңесі. Ай сайын Өз тобында сабақтарға қатысу. Шаруашылық мәселелерді шешу (тамақтану, жол жүру билеттері және т.б.). Ата-аналар активімен кездесу. Топ активімен жұмыс. Сынып жетекшілер семинары. Әр семестр сайын Тоқсанына бір рет: Тоқсан қортындысы бойынша сынып журналын толтыру Сынып жетекшілер семинарына қатысу Тоқсанда жүргізілген жұмыстарға талдау жасау Ата-аналар жиналысын өткізу Жылына бір рет: 1.Ашық шара өткізу 2. Оқушылардың жеке іс-қағаздарын толтыру. 3. Сыныптың жұмыс жоспарын белгілеу Сынып жетекшісі қызметінің негізгі бөлімдері: 1.Оқушыларды зерттеу 2.Сыныптан тыс тәрбие жұмысын ұйымдастыру және өткізу 3. Оқушыларды ата-аналарымен жұмыс жүргізу. Сынып жетекшісінің құжаттары жəне есеп беруі: 1. Сынып журналы. 2. Тəрбие жұмысының жоспары. 3. Оқушылардың жеке іс-қағаздары. 4. Балалардың жеке дамуының картасы. 5. Ата-аналар жиналысының хаттамасы. 6. Оқушылардың күнделігі. 7. Тəрбиелік шаралардың талдауларына арналған папка. Сынып жетекшісі: 1. Қазақстан Республикасының «Білім туралы» заңын. 2. Балалардың құқығы туралы конвенцияны (1993 ж.) 3. Мектепке дейінгі жəне мектеп жасындағы балаларды тəрбиелеу тұжырымдамасын (1995 ж.). 4. Балалардың əлеуметтік психологиясы жəне балалар педагогикасын. 5. Мектеп гигиенасын. 6. Педагогикалық əдепті. 7. Тəрбие жұмысының əдістемесі мен теориясын. 8. Еңбек заңының негіздерін білуі керек. Тапсырма Сынып жетекшісі туралы ережемен танысып, оның негізгі міндеттерін атаңыз жүктеу/скачать 19.32 Kb. Достарыңызбен бөлісу:
|