Тауарлар мен қызметтердің бағасы 2012 жылдың желтоқсанымен салыстырғанда 1,9%-ға өсті

Қазақстан Республикасы Статистика агенттігі Батыс Қазақстан облысының статистика департаменті

№ 7-53/40

2013 ж. 4 ақпан

Батыс Қазақстан облысының тұтыну рыногындағы

баға жағдайы туралы
2013 жылғы қаңтар айындағы облыстың тұтыну рыногындағы тауарлар мен қызметтердің бағасы 2012 жылдың желтоқсанымен салыстырғанда 1,9%-ға өсті.

Үстіміздегі жылдың қаңтарында азық-түлік тауарларының баға индексі 100,1% құрады. Жемістер мен көкөністер бағасы 0,8%-ға, алкогольсіз сусындар – 0,2%-ға, сүт, ірімшік және жұмыртқа 0,1%-ға қымбаттады.

Ай ішінде азық-түлік емес тауарларының бағасы 0,1% өсті, бұл емдеу жабдықтары мен аппараттар бағасының – 0,4%-ға, жеке күтімге арналған өзге де тауарлардың – 0,5%-ға, жиһаз және үйде пайдаланылатын заттардың – 0,6%-ға, тұрмыстық аспаптардың 0,9%-ға өсуімен белгіленген.

2013 жылғы қаңтарда ақылы қызметтерге тарифтер мен бағалар 6%-ға өсті, бұл тұрғын үй қызметтері тарифтерінің – 9,6%-ға, соның ішінде жылыту мен ыстық су – 25%-ға, қоқыс жинау 8,5%-ға өсуімен белгіленген. Теміржол жолаушылар көлігі қызметтерінің бағасы 8,4%-ға, сақтандыру және құқықтық қызметтер 7%-ға өсті. Бала-бақшаға төлем 2,1%-ға өсті.