Тірек-қимыл жүйесі – адамның қимыл-қозғалысын қамтамасыз ететін, жердің тартылу күшіне қарсы (гравитацияға қарсы) қызмет атқаратын жүйе, сондықтан оны антигравитация аппараты деп атайды. Тірек-қимыл аппаратының бөлімдері
Тірек-қимыл жүйесі Тірек-қимыл жүйесі – адамның қимыл-қозғалысын қамтамасыз ететін, жердің тартылу күшіне қарсы (гравитацияға қарсы) қызмет атқаратын жүйе, сондықтан оны антигравитация аппараты деп атайды. Тірек-қимыл аппаратының бөлімдері:
пассивті (қаңқа және оның байланымдары);
белсенді (бұлшық еттер)
Қимыл-қозғалыстың орындалуына қатысатын ОЖЖ бөлімдері: Жұлын – қарапайым қозғалыстарды реттейді. Ми бағаны – адам денесінің кеңістіктегі дұрыс қозғалысын мойын және лаберинттік рефлекстер қатысымен орындалуын және бұлшықет тонусының қалыпты реттелуін қамтамасыз етеді. Мишық – қимылдың дәлме-дәл, үйлесімді орындалуына қажетті қимыл күшпен қамтамасыз етеді. Ми қыртысы мен базальды түйіндер – ерікті қозғалыстардың координациясын реттейді. Қаңқа еттері қозғалтқыш жүйке талшықтарымен жүйкеленеді. Қозғалыс талшықтары деп – ет талшықтарының тобын нервтейтін, мотонейронның өсінділерін айтады. Ет талшықтарын нервтейтін мотонейрон және оның талшықтары тобын – қозғалыс (моторлық) бірлігі дейді. Ет талшықтары
Экстрафузальдық ет талшықтары – еттің жиырылуының барлық жұмыстарын атқарады.
Интрафузальдық ет талшықтар. Бұлшық еттің ішкі қабатында орналасқан шағын сопақша құрылымды бұлшықет ұршығы деп атайды. Ет ұршығының ішкі қабатында бұлшықет талшықтары шоғыры – интрафузальдық ет талшықтары (3-12 дана) орналасады. Олар бұлшықет ширығуын анықтайтын арнайы ет талшықтары болып саналады.
