Урок Аноклазе: Чикарева Н. В. апрель 2014г



Дата18.07.2016
өлшемі38.69 Kb.
#208550
МБОУ «Каргальская основная общеобразовательная школа»
«Лексика» масторса
Кемокстамань урок


Аноклазе: Чикарева Н.В.


апрель 2014г

ТЕМАСЬ: Кемокстамань урок «Лексика» темать коряс
Цельхне: кемокстамс тонафнихнень содамошиснон

лексикать колга;

козякофтомс валонь запасснон;

виияфтомс кельгомать мокшень кяльти.


Оборудованиясь: карта, карточкат задания мархта,

мультимедийнай проектор, компьютер.

УРОКТЬ МОЛЕМАЦ
I. Организационнай пялькссь.
- Тячи урокса ульхтяма масторса, конань лемоц «Лексика». Путешествияньке кармай молема картать коряс.
II. Ётаф материалть лангса тевсь.
1. - Ванцаськ, кода тинь аноклафтада тя путешествияти. Штоба ушедомс киньконь «Лексика» масторга, тейнть сави отвечамс ЛЕКСИКАТЬ аноклаф кизефксонзон лангс.


  • Мезти мярьгихть лексика?

- Кода лексикаса явовихть валхне смузень коряс?
2. - Киньке ушеды «Валонь станцияста». Ванцаськ аноклаф заданиянц.

1-це заданиясь. КРОССВОРД «Валть смузец»
- Къда лац содасасть, то вярде алу морафтозь кучкаса клеткатнень эса лиси термин, конань мархта лемнесазь кяльса уликс сембе валхнень.


  1. Учениксь, кона цебрьста тонафни и вяти общественнай работа.

  2. Подвигонь тии ломань.

  3. Алфавитса тяштеня.

  4. Фруктань и иможень максы шуфтста озафнеф васта.

  5. Числительнай.

  6. Кудонь жувата.

  7. Школаса тонафниень шра.


2-це заданиясь. Сёрмадомс аф виде смузь мархта валзюлмотнень.
Пси (пинге, ведь, кшни)

Эчке (шуфта, вайгяль, пикс)

Тёждя (канкс, задача, кожф)

Ляпе (варманя, кши, вал)

Шуфтонь (кайме, шама, киякс)
3. Минь пачкодеме ошти, конань лемоц СИНОНИМ.
- Азость, кодама валхненди мярьгихть синонипт?
Заданиясь: Види шири максф валхненди кочкада синонипт кержи колонкаста и сёрмадость.
Шобда - сери

Оцю - равжа

Пара - пеедемс, мъзолдомс

Кеме - цебярь, мазы

Рахамс - нарде

Кирдемс - сире

Ташта - якшама

Кельме - судардомс, търмождемс


Заданиять тиеськ лац, тутама сяда тов.
4. Инголенк АНТОНИМОНЬ поселкась.
- Минь пачкодеме посёлкати. Содасть сонь лемонц. Тя валсь васьфневи снярда, мзярда эряви няфтемс карань-каршек явленият, факт или арьсемат. Лувость валмуворкснень, антонипнень алга таргада китькскат.
Тундась мазы панчфса, сёксесь – сёронь таньфса.

Кизонда удат – тялонда пря сюдат.
Ванцаськ АНТОНИМОНЬ поселкать аноклаф заданиянц. «КЯШФ ВАЛХТ»

1 –це Заданиясь: шава клеткатненди кочкада антонипт.

2-це заданиясь: содасть содама ёфксть.
5. А Вов инголенк келемсь ФРАЗЕОЛОГИЗМАНЬ ошсь.

- штоба ётамс эрьхкть туркс, эряви строямс седь. А строясаськ сонь валста.



Заданиясь: полафтость фразеелогизматнень смузень коряс фкя валса.

Нолдамс вайгяль. (пъшкядемс)

Туркс сельмот. (кяжиста)

Пильге лангста прамс. (сиземс)

Кядень нолдазь. (ноласта)

Шапама вайгяльса. (кайгиста)
Путешествияньке пачкотькшни пети.

Лексикать аноклаф сембе заданиянзон пяшкодеськ.

А тяни сембе максф содамошитнень нинге весть кемокстасайнек работамок темать коряс тестть лангса.
1. Кодама кялень группати сувай мокшень кяльсь

1) тюркскяй 2) финно – угорскяй

3) славянскяй 4) романскяй
2. Омонипне – нят

1) валхт, конат азовихть фкя лаца, но няфтихть лиякс ащи предметт и действият

2) валхт, конат смузьс коря фкя лацот или маластоннет, но азовихть-кулевихть аф фкя лаца

3) валхт, конат эвондакшнихть кяльса


3. Синонипне – нят

1) валхт, конат прашендыхть активнай лексикаста

2) валхт, конат смузьс коря фкя лацот или маластоннет, но азовихть-кулевихть аф фкя лаца

3) валхт, конат ащихть карань-каршек


4. Антонипне – нят

1) валхт, конатнень улихть лама смузьсна

2) валхт, конатнень ули виде и аф виде смузьсна

3) тя фкя и сяка корхтамань пяльксонь валхт карань-каршек смузь мархта


5. Максф валхне пеедемс, рахамс лувовихть

1) омонимкс 2) синонимкс 3) антонимкс


6. Максф валхне мимс, рамамс лувовихть

1) омонимкс 2) синонимкс 3) антонимкс


7. Максф валхне таза, вии лувовихть

1) омонимкс 2) синонимкс 3) антонимкс


8. Кона валрисьмоса улихть антонипт

1) Ичкози путсак – маласта сявсак

2) Эсь канксце аф маряви

3) Аф эсь нурдозт тят озсе

4) Аф кунара маряф кулясь шаракофнезе цёрать прянц

III. Урокть итогоц.



  1. Итокнень азомасна.

  2. Оценкань путомась.


Достарыңызбен бөлісу:




©dereksiz.org 2024
әкімшілігінің қараңыз

    Басты бет