Ұялы байланыс қызметтеріне «Online Payment» (Онлайн төлем) жүргізу ережесі

Егер Сіз төменде көрсетілген шарттармен келіссеңіз, осы Ережемен келісетініңізді «Мен осы Ережені оқыдым және Онлайн төлем шарттарымен келісемін» мәтінінің оң жағындағы терезені белгілеу арқылы растаңыз. Ереже мен Шарттарды қабылдау туралы терезеге белгі соғу арқылы Сіз осы Ережемен танысқаныңызды және оны болашақта дауламайтыныңызды растайсыз.

*   Visa Electron карточкалары төлемге олардың келесi банктерде шығарылған жағдайында ғана қабылданады: "Казкоммерцбанк, Citibank, Сбербанк России немесе Казинвестбанк.

Бұл мүмкіндік Kcell қызметтерін «Онлайн төлемдер» жүйесі арқылы төлеудің қосымша тәсілі болып табылады. Төлем «Казкоммерцбанк» АҚ авторизациялық сервері арқылы оның қорғалған https://epay.kkb.kz WEB- порталы арқылы жүргізіледі.

Қызметтерді төлеуге бағытталған «Онлайн төлемдер» қазақстандық теңгемен жүргізіледі. Онлайн төлемнің кем дегендегі сомасы 200 теңге, күніне бір Абоненттік нөмірге жүргізілетін Онлайн төлемнің барынша көп сомасы 50 000 теңге.

Kcell Онлайн төлемдерді жүргізгені үшін комиссия немесе басқа да төлемдерді ұстамайды. Сіз таңдаған сома Сіз көрсеткен Абоненттік нөмірдің Дербес шотын толтыруға бағытталады.

! НАЗАР АУДАРЫҢЫЗ

Төлемді жүргізудің қауіпсіздігін қамтамасыз ету мақсатында Төлеушіге өзінің Төлем картасының мәліметтерін және оның идентификация кодын (CVV2/CVC2/CID) ТЕК Казкоммерцбанк АҚ сайтында https://epay.kkb.kz  ғана енгізу қажет.
Онлайн төлемдерді жүргізуге Төлеуші Банкі комиссия алуы мүмкін. Оператор Төлеуші Банкінің немесе халықаралық төлем жүйесінің алған қосымша төлеміне жауапты болмайды. Төлем жүргізбес бұрын Төлеуші өзінің төлем картасының Банк-эмитентімен байланысуы керек.

Интернеттегі төлемдердің қауіпсіздігін қамтамасыз ету үшін кейбір банктер 3D Secure кодын сұрайды. Төлем картаңыздың мәліметтерін енгізгеннен кейін Сізден 3D Secure коды сұралуы мүмкін. Егер Сізде 3D Secure коды жоқ болса, Сізге оны банкіңізден сұрау қажет.

Казкоммерцбанк төлем карточкалары бойынша 50 АҚШ долларынан астам қаржы төленген жағдайда (теңгелік баламасы) www.homebank.kz арқылы немесе Төлеушінің тікелей банкке хабарласуы арқылы реттелетін 3DSecure/SecureCode сұралады. Егер төлем сомасы 50 АҚШ долларынан аз болса (теңгелік баламасы), онда 3DSecure/SecureCode сұралмайды.

«Төлеу» пернесін басу арқылы Төлеуші оның бұл жайында ескертілгенін растайды.

1. 
   Төлеуші Дербес шотын толтырғысы келген Абонентті нөмірді енгізеді (бос орынсыз).
   

2. 
   Төлеуші көрсетілген Абоненттік нөмірдің теңгерімін толтырғысы келген соманы таңдайды (көрсетілген нұсқалардың бірі):
   

   200	500	1000	2000
   5000	10000	20000	50000

3. 
   Төлеуші электрондық почта мекенжайын енгізеді.
   

4. 
   Егер Төлеуші Kcell абоненті болып, Оператордың жаңа тарифтік жоспарлары мен науқандары туралы ақпаратты алғысы келсе, оған «Мен Оператордың жаңа тарифтік жоспарлары мен науқандары туралы ақпаратты алуға келісемін» мәтінінің оң жағындағы терезені басу арқылы белгілеу қажет.
   
5. 
   Төлеуші терезе экранында көрсетілген қорғаныс кодын (secure code) енгізіп, келесі бетке ауысу үшін «Жалғастыру» пернесін басады.
   
6. 
   Келесі «Төлемге көшу» бетінде Төлеуші Абоненттік нөмірді және оның алдыңғы бетте көрсеткен теңгерім толтырылатын төлем сомасын көреді. Төлеушіге енгізілген мәліметтердің дұрыстығын тексеріп, олармен келіскен жағдайда «Төлеу» пернесін басу қажет.
   
7. 
   «Төлеу» пернесін басқаннан кейін Төлеуші «Казкоммерцбанк» АҚ серверінде орналасқан https://epay.kkb.kz электрондық төлемнің қорғалған WEB-порталына ауыстырылады, онда Төлеуші өзінің төлем карточкаларының мәліметтерін енгізуі қажет.
   
8. 
   Онлайн төлем Төлеушінің https://epay.kkb.kz қорғалған WEB-порталында Төлем карточкасының мәліметтерін, Төлем карточкасының арнайы динамикалық идентификация кодын енгізгеннен және оның Банктің сәтті авторизациялағанынан кейін жүргізіледі.
   
9. 
   Банктің төлем карточкасын сәтті авторизациялаған және транзакция (Онлайн төлем) сәтті жүргізілген жағдайда Төлеушінің теңгерімі толтырылады. Теңгерімді толтыру туралы ақпараттық SMS хабарлама Абоненттік (Онлайн төлем жүргізілген) нөмірге жолданады.
   

Kcell Төлеушінің қате көрсеткен Абоненттік нөміріне жүргізген төлеміне немесе қате көрсеткен сомасына жауапты болмайды. Қате көрсетілген нөмірге жүргізілген төлем немесе Төлеушінің қате көрсеткен сомасы қайтарылмайды.

Төлем карточкасы жоғалған немесе ұрланған жағдайда Төлеушіге Төлем карточкасының (оны шығарған) банк-эмитентіне хабарласу қажет. Kcell Төлеушінің төлем карточкасын үшінші тараптардың заңсыз пайдалануына жауапты болмайды.

Егер Абоненттік нөмір заңды тұлға атына тіркелген болса, төлем Абоненттік нөмір тіркелген заңды тұлғаға берілген шот-фактурада көрсетіледі.