Ацетиленнен бензол алу (тәжірибе демонстрациялау үшін берілді). Ацетиленнен синтез жолымен бензол алу үшін, 33-суреттегідей прибор құрастырылады. Тәжірибе жасалар алдында прибордың герметикалығын мұқият тексеру керек. Ацетилен алу үшін Вюрц колбасына (а) бірнеше кесек кальций карбидін салады да, ішінде (1:1) су мен этил спирті құйылған бөлгіш воронка (ә) орнатылған тығынмен аузын тығындайды. Спиртпен араласқан су кальций карбидіне тамғанда ацетилен бөлініп, ол түтін арқылы мыс нитраты ерітіндісі құйылған шөлмекке (б) келеді Онда ацетилен бөгде қоспаларынан тазарады.
Қоспасынан тазарған ацетиленді құрамындағы судан тазарту үшін, ішінде кальций хлориді бар шыны түтіктен (в) өткізеді. Толық тазарған газ түтікті реакторға (г) барады. Түтікті реактор — ішінде шыйыршықталған өткізгіш сымы бар шыны түтік. Спираль ток көзіне жалғастырылады.
Сол қыздырғыш әрі катализатор қызметін атқарады. Ацетилен реактордан өтіп, бензолға айналады. Ол түтік арқылы суық суға батырылған стақанға келеді Бензол буы суынған кезде пробиркаға сұйық күйде жиналады.
Достарыңызбен бөлісу: |
