Ад быдлаын (< роч); ад гуран скр., шс.; вакрамеш
жүктеу/скачать 1.79 Mb.
|
- Бұл бет үшін навигация:
- Н. Конаков
Н. КонаковТРОИЧА быдлаын – Трöича, Ыджыд лун бöрын сизимöд вöскресенньöыс. Рочьяслöн моз жö комияслöн Трöича да Трöича дырся öбрадъяс пасйылiсны вöр-валысь садьмöмсö. Трöича символöн вöлiны том кыдз пу росъяс. Кöлысьдырся фольклорын невестаыс оз прöста öткодяв асьсö Трöича дырся кыдзкöд. Трöича дырйи вöрысь вайлiсны том пашкыр кыдзьяс да пуктылiсны öшинь улö. Печора вылын öшинь улас пуктылiсны куим кыдз, Емва вылын кыдзьяссö кык визьö сувтöдлiсны и уличьяс пöлöн. Удора вылын, Луз бердын да Емва вылын джуджыд пашкыр кыдзсö сувтöдлiсны тшöтш и сикт шöрö да луд вылö. Кыдзсö мичмöдлiсны рöма вундасъясöн, кабала дзоридзьясöн, сюмöд кольчаясöн. Том йöз йöктылiсны кыдзяс гöгöрыс кытшöн да ворслiсны. Гырысьджык кыдзьяс вайлiсны и вичкоясö. Вежöдöм бöрын кыдз росъяссö разöдлiсны. Трöича росъяссö видзлiсны иконаяс сайын, наöн вöдитчылiсны подаöс луд вылö медводдзаысь вöтлiгöн. Удораын вежöдöм кыдз россö сюйлiсны пöдöнча нырö, кор мöслöн вайсьöм бöрын медводдзаысь сысъявлiсны йöв. Эжва катыдын Трöича корöсьöн швачöдлiсны керка пельöсъясö, медым керкаса олысьяслöн ставыс вöлi лючки. Вежöдöм кыдз росъясöн швачöдлiсны ичöт челядьöс да шуалiсны: “Быдмöй, быдмöй, кыдзи кыдз быдмö”. Емва вылын Трöича дырйи ичöт челядьöс гаровтлiсны рузумö да нулiсны пывсянö. Восьтлiсны пывсян öдзöссö да шулiсны: “Ай, Пи да Вежа лов нимöн”. Сэсся шуалiсны нимкывъяс кагалöн дзоньвидзалун вöснаыс да пывсьöдлiсны сiйöс. Печора вылын пöрысь йöз ветлiсны Трöича дырйи öта-мöд ордас, а том войтыр гажöдчисны ю дорын либö кос вывтасiнын, гудöкöн да сьылöмсорöн ветлiсны уличьяс кузя, ворсiсны да йöктiсны. Сыктывса нывъяс тайö луннас мунлiсны вöрö, бöрйöм кыдз пу улын дасьтылiсны сьöрсьыс вайöмторъясысь (кольк, йöв, вый) сёян, а сёйöм бöрас йöктылiсны кытшöн да сьывлiсны гудöк улö. Кутшöмсюрö сиктъясын Трöича лунö ветлiсны крестöн. Шуам, гамсаяс иконаясöн да вичко дöрапасъясöн гöгöртлiсны муяссö да видзьяссö, кöнi сулавлiс дас кык öбвет крест. Быд крест дiнын служитлiсны молибен. Крестöн ветлöм бöрын нывбабаяс сетлiсны вичкоö кыöм кöлуй да паськöм. Бöрыннас тайö кöлуйсö вузавлiсны, а сьöмыс мунлiс вичкоö. Трöичаöн помасьлiс православнöй календарлöн вежласян юкöнкöд йитчöм тувсов öбрад цикл. Литература: Дукарт 1975, Конаков 1993, Микушев, Рочев, Муравьева 1964, Осипов 1986. Н. КонаковТУЗ ТÖДЫСЬ вс., вэ., уэ., печ. – тунъяс вылын ыджыдыс. Комияслöн чайтöм-гöгöрвоöмъяс серти, туз тöдысь вöчö сöмын бур. Сiйö вермö имитны кöть кутшöм вына да кужысь тöдысьлы, кöть и оз век тöд налысь кужöмлунъяссö. Туз тöдысь вермö отсавны мыйкö либö кодöскö корсигöн, тшöктыны мöд тунлы бырöдны тшыкöдöмсö, бурдöдны висьысьöс. Сылы оз позь да сiйö оз и вермы тшыкöдчыны, а то воштас вынсö. Литература: Налимов Материалы, АЧМ. О. Уляшев ТУН вэ., скр., шс., уд.; тунштшик печ.; культун перым-коми; кулятун перым-коми (Кульлöн тун). Тунасян эпосса тунъяс йылысь легендаяс юксьöны кык пельö: Перымса Степанлöн тунъяскöд вермасьöмыс, кöнi сiйö петкöдчö паныд сувтысь тунъяссьыс на вынаджык тунöн, да тунъяслöн вермасьöмыс öта-мöдныскöд. Тунъяслöн аслыспöлöслунöн вöлi сiйö, мый найöс эз босьт нинöмöн торъявтöм кипель. Найö ыджыдалiсны стихияяс вылын. Шуам, Паляйка, Тунныръяк да Шыпича вермисны ветлыны ва увтi, Ошлапей да Кöрт-Айка гызьöдлiсны юяс, Мелейка да Паляйка тшöктöм серти ойдлiс, Паляйкаöс да Лупарьялысь оланiнсö эз сот би да с.в. Ошлапей вермис пöртчыны ошкö да сирö, а Лупарья – кöинö, сылöн тшöктöм серти вöтчысьяс вылö уськöдчылiсны кöинъяс да ошъяс. Лупарья да Кыска чукöртлiсны сымда чери, мый сувтлiсны пыжъяс. Тунъяс йылысь уна легенда топонимическöй характера. Литература: Доронин 1947, Плесовский 1979, Рочев 1984, Сидоров 1928. Н. КонаковТУННЫРЪЯК быдлаын; Тöвныръяк быдлаын; Тувныръяк печ.; Тундыръяк вэ., печ., изь.; Тульпыръяк уд., изь. – вына тун, Эжва катыдса комияслöн фольклорса герой. Тунныръяклöн тунасян выныс мыджсис квайт отсасьысь лов вылö. Мöд версия серти, тунасьнысö сiйö велалöма Волга вылын рöзбойничайтiгöн. Тунныръяк ыджыдалöма ва вылын, вермöма ылöдз мунны ва пыдöстiыс, но абу вöрзьöдлöма чериясöс. Сiйö и ачыс пöртчылöма чериö. Сiйö вермöма ёртъясыскöд сёйны-юны ва вылö вольсалöм мöс ку вылын. Вöрöгысь мынтöдчигöн сылы колöма сöмын карандыс тыр ва. Тунныръяк вермöма йöз син водзын дзебсьыны да сiйöс некод абу аддзöма, кытчöдз сiйö ачыс абу петлöма пельöсысь, кöнi сулалöма корöсь. Тунныръяк висьтавлöма и водзö олöм йылысь. Ёнджыкасö Тунныръяк вöчöма йöзлы лёк: нимкывъясöн сувтöдлöма кывтысь карабъяс да ёртъясыскöд лыкöдлöма найöс, куштылöма сиктъяс. Тунныръякöс дыр абу вермöмаöсь вины, сы вöсна мый нинöмöн торъявтöм кипель сылы абу мöрччöма. Сылöн кулöм йылысь эм некымын версия: вундöмаöсь вöньсö да крест-накрест кигуг кералöмаöсь сiйöс сылöн жö тшöктöм серти; мусукыс тöдмалöма сылысь мöрччытöмлун помкасö да висьталöма вöрöгъясыслы; гöтырыс юктöдöма сiйöс пожъясян ваöн, бритöма тошсö да идралöма керкасьыс став васö, и Тунныръякöс виöмаöсь; сiйöс нимкывъя нянь пуляöн лыйöма мöд тун.
Н. КонаковТУРУН ПУКТАН КАД скр., шс.; туруналöм п.-к.; турун карыг уэ.; турун карандыр уд.; туруналад кад лл.; туруналан пора лл.; турун пуктöм скр., шс.; турун пуктэм вэ., печ., изь.; туруна удж уд.; страдна уд. Турун пуктыны заводитлiсны Петыр лунö (важ ног лöддза-номъя 29. лун). Йöзкостса эскöмъяс серти, Петыр лунöдз косасö оз вöлi позь весиг киö босьтны. Колiс кö, турунсö вундылiсны чарлаöн. Турун пуктöм вöлi зэв тöдчана уджöн. Турун пуктан кöлуй дасьтылiсны Петыр видз дырйи нин. Медводдзаысьсö нывбабаяс петлiсны ытшкыны воччöмöн. Видзьяс вылö мунтöдз турун пуктан кад заводитчöмсö вежöдлiсны вичкоын. Медым эз вись мыш, медводдза луннас нывбабаяс кöртавлiсны коскас турун клöк да шулiсны нимкыв, корлiсны Енлысь эбöс. Турун пуктöмсö эштöдлiсны Илля лунöдз (важ ног сора 20. лун). Чöвтöм бöрын шулiсны косьтöм турунсö гусясьысьясысь да биысь видзан нимкывъяс. Турун пуктöм эштöдöм кузя пулiсны чомöр: сывдiсны вый, гудралiсны выяс ид пызь да пöжалiсны. Сэсся пöсь ваöн кизьöртлiсны роксö колана выйöдз. Удорасаяс тайö роксö шулiсны косаа рокöн.
жүктеу/скачать 1.79 Mb. Достарыңызбен бөлісу:
|