АЈӘтуллаһҮЛ-Үзма беһҸӘтин һӘЈаты نام کتاب: زندگی نامه ی آیت الله بهجت

Дуам мүстәҹаб олду

“Ҝүнләрин бириндә һиҹаблы бир гадын ишләдијим дүкана ҝәлиб деди: “Ајағым бәрк ағрыјыр. Дејәсән ајаг сүмүјүм чыхыб, ону јеринә сала биләрсинизми? Амма бурада (јә`ни базарда) олмаз. Чүнки ағрыдан гышгыра биләрәм вә намәһрәмләр мәним сәсими ешитмәсин дејә евә ҝәлсәниз јахшы олар.”

Мән о гадынла разылашдыгдан сонра дүкандакы үч јүз түмән пулу да ҝөтүрүб онун далынҹа евләринә ҝетдим. Онун евинә дахил олдум вә гадын гапыны архадан бағлады. Сонра кечиб өз јатағына узанды. Мән онун топуғуна әл вуруб дедим:

–Ағрыјан јер бурадырмы?

О деди:– Јох, бир аз јухары.”

Балдырына әл вуруб сорушдум:–Бура ағрыјыр?”

“Јох, бир аз да јухары– дејә гадын дилләнди. Онун башга нијјәтдә олдуғуну баша дүшдүм. Гадын гәсдән мәни бу иш үчүн евинә чағырмышды.

О, гапыны ичәридән бағламышды вә ону разы салмасајдым мәни күчәдәки ҹаванлара дөјдүрәҹәји илә һәдәләјирди.

Һәмин гадына дедим:

–Үстүмдә үч јүз түмән вә мағазамда да ијирми түмән вар, һамысыны сәнә верирәм. Амма мәндән әл чәк. Дедикләримин һеч бир фајдасы олмады. О, һеј дедији сөзә исрар едир вә мәни һәдәләјирди.

Бир тәрәфдән дә гадын мәнә о гәдәр јахынлашмышды ки, дуа вә тәвәссүл етмәјә һалым галмамышды. Ҝуја мәнимлә дуа вә тәвәссүл арасында нәсә бир манеә вә јахуд дивар вар иди.

Өзүмү заһирдә онун истәјилә разылашмыш кими ҝөстәрмәјә чалышдым. Нәсә бир бәһанә илә ону өзүмдән узаглашдырыб бир шеј далынҹа ҝөндәрдим.

Елә бу вахт мәндә дуа етмәк һалы јаранды. Дәрһал Имам Рза (ә)-а мүтәвәссил олуб дедим ки, әҝәр мәнә бу бәладан гуртармаға көмәк етмәсән, бу ишимдән (сыныгчылыг) әл чәкәҹәјәм.

Дејәсән бу ҹаван сыныгчылығы мө`минләрә нәсә бир көмәк етмәк мәгсәдилә Имам Рзадан (ә) истәјибмиш вә һәмин иш дә Имамын хүсуси диггәтиндә имиш.

Һәмин ҹаван дејир:

–Елә бу вахт евин дамынын јарылдығыны вә бир гоҹа гарынын евә дүшдүјүнү ҝөрдүм. Баша дүшдүм ки, дуам гәбул олуб.”

Ев саһибәси олан гадын гајыдыб ҝәләндә һәмин гоҹа гарыны ҝөрүб сорушду:

–Нә истәјирсән вә нә үчүн бура ҝәлмисән?”

Гары деди:

–Сизин гоншулугда јашајан бир гадын ушаг дүнјаја ҝәтирмишди. Ҝәлдим ки, бир аз парча (әски) апарым.”

“Бәс һарадан ҝәлдин–“дејә гадын гоҹа гарыдан сорушанда, гары деди:

–Гапыдан.” Амма мән онун евин дамындан ичәри ҝирдијини ҝөрмүшдүм.

Нә исә, онларын башынын сөһбәтә гарышдыгларыны ҝөрүб фүрсәти әлдән вермәдән евин гапысына тәрәф гачмаға башладым.

Ев саһибәси мәним далымҹа ҝәлиб сорушду:

–Һара ҝедирсән?”

–Ҝедирәм гапыны бағлајым– дејә дилләндим.

О деди: “Мән гапыны бағламышам.”

–Ахы гапыны неҹә бағламысан ки, о гоҹа гары һәмин гапыдан ичәри ҝирди– дејә ҹаваб вердим. Тез гапыја тәрәф ҝедиб евдән чыхмаг, о гадынын әлиндән хилас олмаг истәдим. Гадын мәним арадан чыхдығымы баша дүшәндә, архамҹа түпүрүб, сөјүш сөјмәјә башлады.

Һәмин вахт онун сөјүшләри мәнә һалвадан да ширин ҝәлирди.¹

Проблемләримизин әсас сәбәби

Бахмајараг ки, Аллаһ, Пејғәмбәр (с) вә пак Имамлар тәрәфиндән бизә чохлу төвсијјә олунмушдур: “Һәмишә бирҝә олун.” Өз бирлијинизи горујун вә һеч вахт бир-бириниздән ајрылмајын. Еһтијатлы олун ки, јадлар сизин ичинизә нүфуз етмәсин вә кафирләрлә гарышмајын. Онларла (кафирләрлә) әһд-пејман бағламајын. Бунлар сизин дин вә дүнјанызын зәрәринә ола биләр.”

Амма биз бүтүн бу сифариш олунанлары гулаг ардына вурдуг вә сонда арзуламадығымыз һадисәләрин шаһиди олдуг.

150 мин нәфәри өлдүрмәк олар, амма оғрунун әлини кәсмәк олмаз?

Башга өлкәләри бу јолла ишғал етмәк истәјәнләр Ислам дининдәки шәр`и һөкмлә–оғрунун әлини кәсмәклә–мүхалифдирләр. Онларын нәзәринҹә оғрунун әлини кәсмәк вәһшиликдир.

Бахмајараг ки, оғруну ҹәзаландырмагла ҹәмијјәтдә асајиш вә әмин-аманлыг јараныр. Онлар буну нәзәрә алмырлар.¹

Дејирәм һеч ҝүнаһ етмәјә дә фикирләшмәјин!

“Гардашым Муса (ә) бујурур: “Ҝүнаһ етмәјин.” Амма мән сизә дејирәм ки, һәтта ҝүнаһ етмәји фикирләшмәјин.”

Муса (ә) бујурур:

“Јаландан анд ичмәјин.” Амма мән дејирәм ки, һеч доғрудан да анд ичмәјин.²

Валидејнә итаәтдә мүстәһәбби әмәлләрин тәрки

Суал: Валидејнә итаәт заманы мүстәһәбби әмәлләрин тәрки лазымдырмы?

Ҹаваб: Бәли, амма мүстәһәббиләрә әмәл етмәк истәсән, ҝәрәк валидејнинә әзијјәт вә зәһмәт вермәјәсән. Чүнки, мүстәһәбби әмәлләрдә башгасына әзијјәт етмәк һарамдыр.¹

Мәним малым батмаз.

Шејх Ибраһим Кәлбаси тиҹарәтлә мәшғул олур вә бу јолла аиләсинин хәрҹини тә`мин едирди. Ҝүнләрин бириндә она хәбәр вердиләр ки, тиҹарәт ҝәмиләри гәрг олмушдур. Чүнки, Шејх Ибраһим Кәлбасинин дә бу ҝәмиләрдән бириндә чохлу малы вар иди. Шејх бу хәбәри ҝәтирәнләрә дејир:

“Мәним малым һеч вахт батмаз (гәрг олмаз), чүнки мән онларын (малымын) хумсуну вермишәм.

Бир мүддәт кечәндән сонра хәбәр чатыр ки, ҝәмиләрдә олан маллардан анҹаг Шејхин² малы суда батмајыб. (Малларын үстүндә саһибинин ады вә үнваны гејд олундуғуна ҝөрә мал саһибини тапмаг бир о гәдәр дә чәтин дејилди.)³

Елмин әһәмијјәти

Ҝүнләрин бириндә Мәһәммәд ибн Мүслүм Имам Садигин (ә) һүзурунда оларкән јухусуну нәгл едир вә Әбу Һәнифә онун јухусуну тә`бир едир. Имам Садиг (ә) она бујурур:

Дүз дедин.¹

Амма Әбу Һәнифә ҝедәндән сонра Имам Садиг (ә) Мәһәммәд ибн Мүслүмә бујурур:

“Әслиндә сәнин ҝөрдүјүн јухунун јозуму мән дедијим кимидир.”

Мәһәммәд ибн Мүслүм чох тәәҹҹүблә Имамдан сорушур:

“Бәс нијә ҝөрә Әбу Һәнифәнин сөзләрини тәсдиг едәрәк она–дүздүр–дединиз?”

Имам Садиг (ә) бујурду: “Тәгијјә етдим вә әслиндә мәгсәдим “доғрудан да сәһв дедин” иди.”

Әҝәр инсанлар нәји билиб-билмәдикләриндән аҝаһ олуб өз нөгсанларыны дүзәлтмәјә чалышсајдылар, дин вә пејғәмбәрләрдән итаәт етмәкдә бир сәвијјәдә олардылар. Инсанлар арасындакы ихтилафларын әсас сәбәби онларын алим вә ҹаһилликләриндәдир. Амма инсанын гәдир-гијмәти онун малы илә дејил, елми илә өлчүлүр. Елм – бүтүн шејләри вә шәхсијјәтләри өзүнә тәрәф ҹәзб едир. Һәмин шәхс дејир:

Мәһәммәд ибн Әлидән (Имам Багир (ә)) елмли бир шәхс ҝөрмәдим.”

Әһли-бејтлә (ә) мүхалиф олан шәхсләр, доғрусу елм вә ағылла мүхалифдирләр. Һәзрәт Мәһәммәдин (с) Әһли-бејти (ә) алим вә Пејғәмбәрдән (с) сонра һамыдан биликли олдугларына ҝөрә ҝәрәк онларын бујурдугларына әмәл едәк. Бахмајараг ки, Әһли-бејт (ә) Пејғәмбәрин (с) вәсиләридир вә онлара итаәт етмәк бизә ваҹибдир.²

жүктеу/скачать 0.77 Mb.

Достарыңызбен бөлісу: